صديقتي ال!!!!...يمكن تستفيدون من قصتها!...

[الحُرّه]

السلام عليكم اخواتي...

انا راح اقول لكم قصة وحده من صديقاتي...وإن شاء الله تستفيدون منها!...

وهالقصه تتكلم عن بنت للاسف ...طاحت من عيني...

وأثرت في حياتي وغيرت نظرتي للحياه..!...

كونوا وسيعين البال...واقرأوا اجزاء القصه....​

 

[الحُرّه]

بدايتاً انا لاحظت في اكثر من موضوع شكوى الزوجات من ازواجهم...اللي لاحظوا عليهم انهم يتكلمون مع بنات ويغازلون...

وهنا بوضح لكم افكار وقصة حياة بنت (مغازلجيه):thumbdown:


طبعاً هالبنت كانت زميله لي بالعمل...واشتغلت معاها سنوات...فتره طويله...فهذي القصه !...

ماعرفتها بيوم وليله ...المسكينه كانت تشتكي لي...وتفضفض لي!...


قصة حياتها...

طبعاً بطلق على البنت اسم خيالي...حتى لمن اسرد القصه ....تفهمون اني اقصدها...اسم البنت رحمه!



تقول رحمه...انها عاشت في جو عائلي مفكك...الاب كان ضعيف الشخصيه...والام...كانت بنظر رحمه طبعاً...الشيطان الرجيم اللي يعكر صفو حياتها...

واللي تمنت في اكثر من لحظات الضعف...اللي تجيها بعد مانالت منامها اهانات وضرب...

تمنت ان والدها يتزوج عليها وحده ثانيه...ام ثانيه تلقى منها الحنان والعطف والحظن اللي انحرمت منه ...وماعرفته من وهي صغيره!...

تقول رحمه:..تخيلي يالحره...اذكر يوم كنت صغيره كانت امنا تحبسنا بالغرفه اذا جو ضيوف لامي...!

واحنا صغار مانفهم ليش امنا تحبسنا؟...ونبكي خايفين في غرفه زهيدة الاثاث...نسمع فيها صدى لصوت بكانا ...وصرخاتنا لامي.


تقول رحمه...امي كانت تعاملنا كإن احنا شغالات..عمرها ماطلبت منا شي باسلوب حلو...او تعاملنا باحترام

 

[روعة روح]

يالله كملي اختي

 

[الحُرّه]

طبعاً انا لاحظت كثير من النساء يشتكون من ان ازواجهم يتكلمون مع بنات ويغازلونهم
وهنا راح اقص لكم قصة وحده كانت صديقتي بيوم من الايام او بالاحرى زميلتي بالعمل..
والحين انقطعت اخبارها عني واسأل الله ان يستر عليها ...ويهديها انها تترك هالاشياء
راح اقص لكم قصة وحده مغازلجيه وظربت الرقم القياسي بهالاشياء...
انا متأكده ان فيها حاله نفسيه ...ولا ماكان وصلت لهالمواصيل...​

طبعا هذي القصه...ماعرفتها من صاحبتها الا بعد مرور سنين وهي تشتغل معاي في دوامي...
وماقالتها لي مره وحده...لانها كل فتره تشتكي لي شوي وتنقطع عني...وترجع تشتكي لي...​

طبعاً بدأت شكوكي فيها يوم لاحظت كثره مكالماتها...بالجوال!
صحيح اهي كانت تتكلم باسلوب كانها تكلم بنت...لكن مو معقوله ؟...من هالبنت اللي كل شوي تدق عليها
وتطوّل معاها بالمكالمه حتى توصل لنص ساعه بالقليل؟...
وهنا بدأ الفضول يتملكني...انا حسيت من نظرة عيونها ان في شي غلط...وانها ماتتكلم مع بنت.!
لان نظرة عيونها تتغير لمن ترد على المكالمات!!!
انا حاولت اكثر من مره...اني اطلب منها جوالها ...لكنها كانت تتعذر باي شي...وكل مره تضيع الموضوع !...
او اذا اضطرت تعطيني اياه لاحظت انها تقول لحظه بس بسوي شي...وتقعد تغير وتسوي اشياء بالجوال؟؟!!!
ولاحظت انها تمسح السجل بالجوال!!!...وهذا اللي زود شكوكي!...
وفي يوم من الايام...كان جوالها بطاريته ضعيفه...وهي اضطرت لدخول الحمام(وانتم بكرامه)...
وماطلعت من الغرفه...الا يوم تأكدت من تشغيل قفل الهاتف ...(يعني مااقدر افتح الجوال واتفرج على محتوياته الا برقم سري)..
وطلعت من الغرفه وفي عيونها نظرات خوف...
لسوء حظ رحمة ولحسن حظي...ان بعد ثواني من طلعتها...دق الجوال...رغم انها كانت مخليته على الصامت
لكني لاحظت الاضواء اللي تتولع وتنطفي ...

فقمت بسرعه ورديت على الجوال...(طبعاً)انا قلت ماابي المتصل ينتبه ان الصوت يختلف...قلت خل ارد بصوت خافت...
كاني خايفه ان احد يسمعني قلت الو هلا ...
واللي كنت خايفه منه ...طلع صحيح...:سمعت صوت رجال...يقول هلا!...
قال انا استغربت من رسالتك اللي رسلتيها ليه تقولين لاتدق اليوم؟....>الظاهر ان الغبي مافهم قصد رحمه بالرساله!
او انه كان نذل ويبغى يفضحها...!!!
عموماً انا حاولت اسرع ومابغيت اطول معاه...وقلت جت صاحبتي جت جت وقفلت...الخط

وانتظرت رحمه تجي...وكان الجوال بيدي!
ودخلت وحسيت في عيونها نظرات مرتبكه...وانا كنت ساكته واطالع في عيونها...
وهي اكيد حست وش كنت بقول لها من نظرات عيوني!...
قلت لها...مى يعني كنتي تبين تقولين لي؟...مو انا صديقتك بالعمل ولنا فتره مع بعض.!!!
وهي ساكته!...
قلت لها وانا اعصابي ثارت...قلت لها ليه تكلمينه ...فهميني اهو يقرب لك...تعرفينه.؟
وهي ساكته وتطالعني ببرود...
وقالت:انتي ايش دخلك؟...
ورحت هزيت كتفها وقلت...انتي ماتفهمين ان هالشي غلط...؟...انتي شلون تسوين كذا؟...
شلون تكلمين واحد ماتعرفينه ...ماتخافين يفضحك؟...ماتخافين يسوي فيك شي؟
انا بس ابي اسالك يارحمه تخيلي لو ابوك ولا امك يدرون ...وين تودين وجهك منهم؟...هذي اخر تربيتهم لك؟
هذا بدال ماتقولين ربي ارحمهما كما ربياني صغيرا...تجازينهم بهالشي وبهالصدمه...!
مااشوفها الا صارت تضحك ...وتبكي بنفس الوقت...
تقول امي؟....
تدرين يالحره كم واحد انا كلمت؟...من بدات أكلم حتى الحين؟
قلت لها كم؟!!....قالت : والله ماااذكر...يمكن 400 او اكثر!...
ظربت على صدري...وقلت مجنونه!...وقلت لها وانا ميته من الخوف...قلت لها وكنتي تطلعين معاهم؟!!
ناظرت الارض...وطالعتني بنظره...حسيت معاها بشعور والله مااقدر اوصفه!...
حسيت ان حزن الدنيا كله نزل مع هالدمعه اللي نزلت بخدها...تقول لا...ماطلعت معاهم
ارتحت...وشفتها تبكي ...والله مثل الطفل الصغير...انا انصدمت وحسيت اني قسيت عليها
رحت ظميتها وقلت لها انا صديقتك...وماراح احاسبك بهالشي...منو انا حتى احاسبك على اخطائك!
ولا راح الومك على اللي سويتيه بالماضي...لكن انا لازم اعرف انتي ليه سويتي كذا؟...​

يتبع​

 

[روعة روح]

متابعه

 

[النورس الأبيض]

عزيزتي الحره الرجاء كتابة بعض النقاط ...ما الذي نستفيده من القصه او الهدف الذي لأجله كتبتي القصه ...... لكي لا يفهم الموضوع وكأنه تشجيع لدخول العلاقات وتسهيل وقعها في النفس فقط.......

 

[الحُرّه]

النقاط هي كالتالي:

1)راح نفهم لماذا يلجأ الرجال الى الحديث مع (البنات الصايعات بالتلفون)...يعني وش المميز فيهم!...

وبكذا كل وحده تعاني من زوجها المغازلجي تلقى الجواب في هالموضوع

2)راح يفهمون البنات...ان هالشي غلط...ومتعب نفسياً وان البنت الي تدخل هالعالم تضيع فيه !...

يعني اللي بتفكر انها تسلى بهالشي...راح تفهم ان هذا مجرد وهم وتراب متحرك...اذا ابتلعت البنت الرمال ...ماتقدر تنقذ روحها منه الا بصعوبه!...

3)للامهات...حتى يفهمون اي ام اذا اكتشفت ان ولدها او بنتها لجأو للمكالمات ان نعرف ان السبب الرأيسي لهالشي...هو الاهل والمعامله السيئه!...

4)راح نشوف الوحل اللي لطخت فيه البنت نفسها...ونعرف جميعا ان هالدرب مامنه الا الاهانه ...والتحقير للذات!...


عزيزتي المشرفه اذا ترين ان هالموضوع ...ليس جيد كفايه لهذا الملتقى الرائع لكِ كل الحريه في اتخاذ مايلزم!

 

[حبيبة زوجها]

متابعين اختي الحره وان شاء الله البنات يستفيدوا وياخذوا العظه منها

 

[النورس الأبيض]

عزيزتي المشرفه اذا ترين ان هالموضوع ...ليس جيد كفايه لهذا الملتقى الرائع لكِ كل الحريه في اتخاذ مايلزم!

عزيزتي حره لماذا الغضب !!!!!! لم اجد فيما كتبت مايغضب!!!!
هل اشرت او حتى قلت انه ليس جيداً ......
بالعكس اختي انا من المشجعين لمثل هذه المواضيع وأراها جيده جداً....ولكن قلت ماقلت لأيضاح اي لبس حتى لا تدخل احد العضوات وتبدأ بتهجم او الأعتراض كما حدث سابقاً في مواضيع مشابه اضطررنا في الأخير لأغلاقها رغم جودتها......
لأنهاء كل هذا حتى قبل ان يبدأ..... طلبت منك ماطلبت .....
وفي الأخير عزيزتي .... ان اردت اكمالها فأهلاً بك .... وان لم تريدي فهو اختيارك انتي ...

 

[غاليه]

متابعين اختي حره

وان شاء الله نستفيد

 

[المحبة لربي الله]

حرة اكملي بارك الله فيك لعلنا نجد حلولا واسباب نعي بها بعض الامور التي تحدث في عالم الرجال

 

[الورد الجوري]

متابعه معاكِ الحره اكملي........

 

[sahar1982]

نحن معك اختي حرة

اكملي

 

[ريمانوفا]

متـــــــــــــــــــــــــــــابعه وشاكره غيرتك على بنات المؤمنين

 

[البرائة]

متاااااابعة معك اختي....

 

[{..شموخ أنثى]

متابعه

 

[أم الوردتين]

متابعين وبقوة
يعطيك العافية

 

[مرهفة الاحساس]

متاااااابعين وبقوه بارك الله فيك