صدمة عمري

  • بادئ الموضوع بادئ الموضوع العطا
  • تاريخ البدء تاريخ البدء
العطا

العطا

New member
إنضم
2007/05/25
المشاركات
65
اكتب لكم وقلبي ينزف حزن والم من قرار زوجي القاسي بالزواج الثاني وحجتة انة ميسور..ولكني من الصدمة طلبت الطلاق وتفاجأ من ردة فعلي ورحت بيت ابوي وجاني وترجاني اعدل عن موقفي واني الغالية وام العيال واني الكل بكل وتصدقووووووون عمري ماحسيت انة يحبني كثير الامن زواجة الثاني المهم انة تزوج وسافر معاها وانا رديت بيتي عشان اعيالي الست وابي نصيحتكم ومشورتكم كيف اتهأ لللايام الجاية معها وكيف استقبلة مع انة يرسلي مسجات حب وغرام وهو معها...مرة اقول استقبلة زوجة جديدة ومرة اقول اخذ موقف منة...حلوني اللة يخليكم::icon1366:
 
والله مادري اختي بس ان شاء الله البنات يفيدونك ..

وما عندي الا الدعااااااااء لكي ..بان الله يسخره لكي ويديم في قلبه الحب والموده

ما دام حيا ..

ودمتي بحفظ الله ورعااااااااااااايته .
 
الله يعينج ويصبرج بس مدام هو يحبج ويقدر يعدل بينكم استقبليها لان هي مالها ذنب لان زوجج اذا ماتزوجها كان بيتزوج غيرها يعني هو ناوي يتزوج وحطي في بالج ان الله كاتب له ان يتزوج غيرج بس مشكلتنا احنا يا الحريم مانقتنع ولا نأيد ان الزوج يتزوج الثانيه مع ان عارفين ان كل شي مكتوب في هالدنيا .
 
اختي العطا

أتمنى من الله ان يلهمج الصبر .

أختي في لله تذكري زواج الرسول صل الله عليه وسلم .

وتذكري ان الله لا يضيع حقك في طاعه زوجك واصبري عليه .

وحاولي تكوني باحسن صوره امامه وابتسمي وربي اولادك بحسن وعيشي حياتك

ورتبي لكي جدول لوقت الفراغ من تسجيل بقسم رياضه او برنامج لمساج الوجه والجسم .

وحاولي اختي الكريم عدم اظاهر غضبك واحتجاجك عليه ولا تضعفي امامه وكوني قويه الشخصيه والاراده .

ولا تتركي بيتكي مهما حدث .

الزواج حدث ولا رجعه فيه الا بيده هو . ويمكن يوم من الايام يتراجع ويعرف انج الاحسن منها .

والله يهديكم ويسر امورك وييفرج عنك لنه مهما كان صعب موقف هذا .

نشوفك ع خير ​
 
اختى هل ارضاك اعطاكى رضوة وهى هدية مقابل زواجة عليكى وبالاغلب يعطيكى زى مهر الزوجة الثانية ويعطيكى مصروف عيالك ويصرف على بيتة ان وفرلك هالاشياء تعاملى معاه طبيعى وهو تزوجها بالحلال فما بايدك حل الا انج تجذبينة لج لازم تستغلى فرصة انه يرسلك وبدا يعبر عن حبة اجذبية لا تخلينة لها ارسليلة حب وشوق خل يرجعلك ملهوووف ترى اكثر الرجال لما يتزوجون ثانى يرجع حب لاولى لقلبة لازم تستفيدى من هالشي وما تبعديه عنج والله يصبرج ويقوى قلبج
 
استقبليه زوجة جديدة .

واثقة من نفسها ..

أنانية لصالحها ...

وفي نفس الوقت خذي موقف منه ..

واشويه على نار هادية ..

على اساس انه بترجع المياه لمجاريها مع الوقت على حسب مزاجك انتي ...

خليك سوبر موديل طول الوقت ...

لنفسك طبعا

لما يدخل ..

يلاقيك على الكنبة اما تقرأية مجلة او تشتغلي على الكمبيوتر او تبردي اظافرك او تطليها بالمناكير ..

تسوي حاجات لنفسك ولا توقفيها اذا دخل ...

بالعكس خليك بطيئة وانتي تسويها ..

واذا خلصتي ..

قومي ...

روحي من هنا وهنا وخليه مشغول فيك ..

سوي لك كوب كابتشينو ولا كاسة عصير ...

ولما ترجعي للصالة اسأليه بعد ما تجلسي عالكنبة ...

تبي ؟

اذا قال ايوة قومي سوي له ..

كانه صديقة فري معك قاعدة تزورك ..

بدون تحقير طبعا ...
 
لا تنسي ..

إذا رضيتي من الداخل بأمر الله هذا ..

الا وهو حقه في الزواج ...

طاعة لامر الله ..

راح يعوضك اشيااااء كثيرة رب العالمين ..

وما الزواج باخرى الا ابتلاء من ربك لك ليعرف ان كان ايمانك به قويا ..

ربي معاك ..
 
اختي ....كان الله بعونك

واولا واهم شي انه لم يتزوج بسبب عيب او نقص فيك ... اذا لا تدعي ثقتك في نفسك تهتز

ثانيا ...ضعي شروط حتى تسير حياتك باقل خساير و اقل مشاكل

اهم شي العدل بينكم ...

ان يجعل لها سكنها الخاص بها ... وبعيد عنك نوعا ما ..

اطلبي منه ان لا يجبرك ان تريها او تقابليها

اطلبي منه اذا كان عندك ان لا يأتبي بسيرتها ..وهذا من حقك

اهتمي بزوجك ... ولكن اهتمي بنفسك اولا واكثر

اختي لا تحاولي ان تكتمي مشاعرك وتكبتيها ...فرغيها ...ليس امامة حتى لا ينفر منك ... ولكن على الاقل بينك وبين نفسك ...

فضفضي لنا هنا ...في بيتنا الثاني

لان الفضفضة تريح النفس ... و تشحن همتك من جديد

توقعي ان يكون هنا ك الم ووجع ... حتى تستطيعي ان تتجازوية ..لا تتوقعي ان الامر سهل ومن ثم تنصدمي اذا شعرتي بالالم

وربي يربط على قلبك ويسهل امرك
 
كلام عطر الليل صحيح
وانا ازيد عليهإنك لازم تحسسي زوجك إنك الوحيده بحياته
وتشيلي من راسك إنه تزوج وخذي حقك ثالث ومثلث لاتقولي حرام بخف عليه عنده بيت ثاني
إنتي مالك خص بهذا الشي هو يدبر عمره وبعدين لوتأخرعندها لاتحاسبيه كثيرترى يمل
وتدلعي أكثر وإهتمي بنفسك وخلي علاقتك بضرتك سطحيه جدا لاتعطيها أي تفاصيل عن حياتك
لاتعرف عنك أي شي خليك ذكيه في التعامل سواءمع زوجك أومع ضرتك وأحرصي تكوني مميزه في كل شي قدامها
ولاتبينين قدام زوجك إنك تغارين منها خليها آخر إهتمامتك
والله يكتبلك إلي فيه الخير
 
اذا اعصابك تعبانه من الموضوع خذي لك راحه شهر عند اهلك وخلي العيال عنده هو والمدام

وبعد شهر اذا انتي مقتنعه بالرجعه ارجعي وحدة ثانيه
واعتبري نفسك الثالثه
طبعا بعد ما يرضيك بهديه تعادل مهر العروس

وانتي وقناعتك
 
الله يعينك يا أختي ويصبرك على الوضع اللي انتي فيه
هو يرسلك وهي معه لانه يعرف انك تتعذبي وطبيعي هو يحبك
بس طبع الرياييل كذيه
حاولي تجذبيه لك مع شوية ثقل
الله يكون بعونك
 
لا تتركي بيتك لكن غيري من نفسك وشخصيتك وكوني الزوجة الجديدة باسلوبك وملابسك وتعاملك لا تحسسي نفسك اقل من الثانيه او انك ناقصة بل كوني اقوى من قبل لكن اشترطي تكوني بيتك وملك يعني يأخذ لها بيت ثاني والله يوفقك
 
اختي العطا

عورتي قلبي

الله يعينك

شعوووووووووووووووووووووووووووووور يقتل

والحين لازم تتجهزين للتنافس مع الاخرى

والله ما اعرف شو اقولج وشو انصحج

غير يا حبيتي حاولي انج تبتعدين عن الامور اللي تيب صدعة الراس

ومثل ما قالو خواتي كوني انتي بعد الزوجة الجديدة

والله يسعدج وويفقج

وطمنينا عليج حبيبتي
 
ما أدري شو أقولج .. لأن إلي ايده في النار مب مثل إلي ايده الماي ..!!!
أنا و بعيد الشر أحس إني ما راح أتم وياه ولا يوم .. لأني و الحمدلله ما علي قاصر في شي .. وإلي باعني أبيعه ...
ما أدري شو أقولج .. لأن إلي ايده في النار مب مثل إلي ايده الماي ..!!!


بس إلي أقدر أقوله لج لا تهملينه و تمسكي فيه أكثر و كوني له العشيقة إلي ما يقدر يصبر عنها واستغلي حبه لج و تدللي و تغلي بس من دون مبالغة طبعا :) ربنا العالم مب يمكن يمل زوجته الثانية أو تكون نزوة و يندم عليها و يطلقها !! فلا تخسرينه عسب عيالج على الأقل .. و إن شاء الله نسمع عنج كل خير .
​
 
الله يعينك حبيبتي الأخوات كفوا ووفوا وأهم شيء ترضي بقضاء الله وبقدره وتنشغلي بنفسك خليه هوا ينشغل بيك ..واحتسب في ذلك الأجرمن الله تعالى...
.
 
اشكركم اخووووووووووووووواتي على المشاركة ودودكم اللي تثلج الصدر
 
اهم مافي الموضوع

انه ماتسكن معك بالبيت بما انه ميسور

ولاتبيني انج حزينةوكئيبة ممكن تبيني اانج مجروحة

بس لاتعطيه سبب انه يطفش منج

وحاولي تكوني افطن

والله يفرج همج ويخفف عليج
 
حبيبتي يمكن صدق نزوه ويمكن حس انه استعجل ويمكن ماارتاح معها وحس بيقمتك بس تكفين لاتطلعين وخلك بالبيت عشان عيالك وتحملي كل اللي يصير عشان نفسك وعشان عيالك وترى الرجل يتمسك بالمراه اللي متمسكه بعياله لان لو فيها خير اولى انها ماتخلي عياله وانتي اهتمي بنفسك على قد ماتقدرين ولا تزعلين احذري الزعل تراه اكثر شي يكره الرجل بمرته الزعل والله ييسر امرك وطمنينا عليك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل