صح اللي سويته؟؟ احس اني انانيــــــــــه!!مهم جداااا

[متيمة نجد]

السلام عليكم ورحمة الله وبركاته

كيفكم يااا حلوااات ؟؟


حبيت استشيييررركم بوضعي الي انا فيه الان!!

وابي ردووود حكيمه ولها خبره في الحياه...

انا كنت ساكنه فوق اهل زوجي في غرفتين ودورة مياه واختي ماخذه اخو زوجي وساكنه زيي بالضبط اهل زوجي
كانو زي العسل واكل معهم ودايم تحت عندهم خوات زوجي يعاملوني باحترام..هم ثنتين..


المهم..تزوجو هالثنتين وبعد فتره توفي ابو زوجي ...ام زوجي عسل جدا تقوم بنفاسي وتحترمني جدا..

لما توفي ابو زوجي اقترحت ام زوجي يكون البيت اللي تحت كله لي انا وزوجي واولادي تبي توسع علينا .. واللي فووق كله لاختي..

عملنا ترميم وبنينا ملاحق وصار لي البيت اللي تحت كله لي +الملاحق وام زوجي صارت عندنا طبعا لان زوجي الكبير...طبعا لها غرفه ...ودورة مياه..

المهم اللي صاار اني لحد الان ما اخذت استقلاليتي!! ام زوجي عندي ولا اقدر البس زي اختي اللي فوق!!

واللي قااهرني اكثر اخت زوجي كل خميس وهي مسنتره عندنا!! ماسوت لي شي بس وش هاللزقه؟؟ ابي اطلع انا وزوجي الخميس... ابي اعزم احد مقدر... اذا جت كل شي الغيه!!

الحمدلله ان اخته الثانيه في ديره ثانيه والا كان ابلش ... والله انها بلشه بعد لانها تجي وتقعد اسبوع احيانا وكأنها على قلبي!!

صح البيت بيت ابوهم ولهم حق فيه بس انا ودي اكون زي اختي اللي فوووق لها استقلاليه ...


مع ان عندي شغاله وما احس بالحوسه اذا جاني احد منهم بس ما اطيقهم ... مدري متى احس بالحرييييه!!

اكرر ام زوجي طيبه بس قعدت المح لها اني مو مرتاحه واني مقدر البس زي الناس ومقدر اطلع الخميس بسبب بنتها ...فهمت قصدي وصارت تقول لبنتها ما تجي عندي كل خميس اشوا صاارت تجي لاختي اللي فوق...


المهم استمريت على التبويييز في وجيههم وصرت ما اعطيهم وجه ابد ..وقررت ام زوجي ان تبني في السطح كم غرفه عشان بناتها اذا جو ...الحمدلله ارتحت بس احس بتأنيب ضمير ... لكن وش اسويّ!!لازم اسوي كذا

ما ادري هل صح اللي سويته؟؟ وهل لي حق؟؟

احيانا تكسر خاطري ام زوجي وانا اشوفها تطلع 3 ادوار عشان ما تضايقني هي وبناتها..خصوصا هي كبيره شوي بالسن...

والله انها ما تقصر معي اذا ولدت او مرضت انواع الاهتمااام ... بس نفسي لازم امتعها بعد...ارجوكم,, صح اللي صااار؟؟؟


بالانتظااااار

 

[دلع قلبه]

لاحول ولاقوة الا بالله
ليش كذا!!
حرااام والله حرام حطي امك مكان ام زوجك
ترضين احد من اخوانك يطلعها ثلاث ادوار وهي كبيره
ترضين زوجة اخوك تتضايق من جيتكم لاامكم!!
يااختي الدنيا دوارة الحرمه اكرمتك واعطتك حلالها اللي المفروض ورث لها ولبناتها
عجيب امركم ايها النساء مع كل هذا الكرم تريدين حريه!!
مع كل ماقمت به اقسم لك بااغلظ الايمان انك لن تجدي في هذا الزمن ام زوج مثلها
بدل ماتحطينها وبناتها بعيونك وتكرمينهم مثل مااكرموك هذي النهايه يكفي انهم يشعرون انك ماعاد ترغبينهم هذا بالحاله جرح كبيييير للام!!
لاحول ولاقوة الابالله..

 

[قطـــــريه]

سبحان الله .. زين حسيتي بتأنيب الضمير .. لا حول ولا قوة الا بالله .. يعني عمتج اللي مب مخليتج تلبسين على راحتج ؟؟ طيب والخدامه والعيال !! الله فوقج .. حرقتي دمي على انانيتج .. بس الجزاء من جنس العمل .. والله يمهل ولا يهمل ..

 

[همسة حزينة]

لاحول ولاقوة الا بالله
ليش كذا!!
حرااام والله حرام حطي امك مكان ام زوجك
ترضين احد من اخوانك يطلعها ثلاث ادوار وهي كبيره
ترضين زوجة اخوك تتضايق من جيتكم لاامكم!!
يااختي الدنيا دوارة الحرمه اكرمتك واعطتك حلالها اللي المفروض ورث لها ولبناتها
عجيب امركم ايها النساء مع كل هذا الكرم تريدين حريه!!
مع كل ماقمت به اقسم لك بااغلظ الايمان انك لن تجدي في هذا الزمن ام زوج مثلها
بدل ماتحطينها وبناتها بعيونك وتكرمينهم مثل مااكرموك هذي النهايه يكفي انهم يشعرون انك ماعاد ترغبينهم هذا بالحاله جرح كبيييير للام!!
لاحول ولاقوة الابالله..

انااؤيــــــــــــــــــــد رأيك وبقوووووووووووووه .. هداااك الله يأختي الحبيبه تخيلي انها امك وان زوجة اخوك صلحت فيها نفس ماصلحتي وش موقفك وانتي تشوفين معانأة امك !!!!!!!!!!!!!!

 

[Markit_7oob]

هذا كله من وساوس الشيطان اعوذ بالله منه ياختي البسي ع راحتج فغرفه نومج

و على قوله الاخت اللي قالت و الخدامه و العيال مب سبب يعني

و بعدين انتي ما تزورين امج يوم بالاسبوع هذا حقها لازم تزور امها

تخيلي انج تسيرين بيتكم و حريم اخوانج يضايقون منج و البيت بيت ابوهم شو بتكون ردت فعلج؟

عطيني جواب؟

هذي ام و محتاجه عيالها كل يوم عندها بعد هالعمر ​

 

[ام فيصل@]

بصــــــــــــــــــــــــراح ــــه حرقتي دمي من القهــــــــــــــــر انا ما ايدج اتمنى ان تراجعي حساباتج

 

[جيانة]

لاعزيزتي...
حسب مايبدو لي من كلامك عن أم زوجك إنها انسانة صالحة وتقدرك وتراعيك...فصعبة يجي منك هالموقف تجاهها...
أنا أشوف إنه بإمكانك تلبسين براحتك بس في غرفة نومك..
وبإمكانك تخرجين من البيت في وجود أم زوجك وبنتها بعد ماتكلمينهم بأسلوب حلو..مثلاً(ياجماعة ودي تاخذون راحتكم بالبيت وأنا بأروح مشوار ماأبغى أثقِل عليكم وأنا قاعدة معاكم)مثلاً يعني...
لكن بطريقتك اللي انتي تصرفتي فيها يمكن يجي في بالهم إنك ماتبغينهم ويكرهونك مع الوقت..
لازم تراجعين نفسك عزيزتي...وحطي نفسك مكانها بكرة إن كبروا عيالك وتزوجوا وصاروا زوجاتهم يتحكمون في بيتك..مابتتضايقين؟؟؟
كلي ثقة بأنك انسانة واعية وراح تفهمين كلامي
والله يوفقك يارب

 

[رقة المشاعر]

لاحول ولاقوة الا بالله ,,,
ايش تفكرين فيه يااختي احمدي ربك ان اعطاك اهل زوج يحترمونك ويقدرونك وطيبين معاك
وبعدين اذا عذرك اللبس اكشخي والبسي اللبس المعقول في البيت وفي غرفتك سوي اللي تبين
واذا على اخت زوجك مااظن راح تزعل اذا قلتي لها بطريقه حلوووه ان ودك تطلعين انتي وزوجك
والحل الاخير اعزمي اللي تبين لان مااظن اهل زوجك بيغثون ضيوفك بالعكس وبعدين ارحمي هالحرمه الكبيره احنا بعز شبابنا نتعب من طلعة الدرج فما بالك بحرمه كبيره
استغفري ربك واحمديه على النعمه اللي عندك وانتبهي لبيتك واهل زوجك ترى بهالزمان نادر تلقين الطيب
ولاتجنين على نفسك من تصرفاتك
هم اكرموك وحطوك في بيت ابوهم وماابخلوا عليك بشي الله يهديك ويصلح بالك

 

[صبا روحي]

الخوات كفو ووفو ماعندي شي ازيده فكري اختي الدنيا دواره وربي بيعينك اذا كنتي متقبلتهم احمدي ربك انهم ناس محترمه ولا كان والله ماعليهم منك ولا فكرو فيك بيقولون البيت بيتنا وبيت امنا اذذا عاجبك ولا
بس طلعو احسن منك وحاولو يبعدون المشاكل وماسببون لك مضايقه
الله يسامحك احتي بس على الي سويتيه تراها حرمه كبيره حرام عليك ماتبي تزعلك ومتحمله وانتي ماتحملتي
فكري زين

 

[شعلة نشاط]

الله يهديك ....اختي

انا عارفه انه من حقك الاستقلال وعلشان تاخذين راحتك .....

بس مو من حقك انك تبهذلين ام زوجك .....انت الي اقعدي في السطح

وخليها هي تحت معززه مكرمه .....ولاتبهذلينها ....والله حرام .....

اذا صار صاحبك عسل لاتلحسه كله ....

وترى يجي يوم ويسوون لك عيالك مثل ماسويتي لها .....

اختاري ......

اما انك تطلعين من البيت وتخلينها مرتاحه فيه ....

او انك تروحين في السطح ...حتى لوكان ضيق ....

الضيق في الانفس ......

او تطلبين من زوجك يطلعك ويريح امه المسكينه ....

المبتلشه بينك وبين بناتها اذا جو....

 

[اه يازمن قاسي]

لاحووول الله يااارب ليه انا اختك ليه وربي اني زعلت عليها ولابعد غابطتك على هالحماه ماشاء الله
لو تشوفين حال الحموات الثانيات وش يسووون كان بوستي راس ام زوجك ماتخافين بكره تكبرين وحريم اخوانك يسووون فيك كذه ليه؟؟ كيف يجيلك قلب انها تطلع من بيتها بيتها اللي هي فتحته لك انتي وعيالك
وربي مامعاك حق باللي سويتيه تعوذي من ابليس مادام انك حسيتي انك انانيه وانك اذنبتي في حقها
روحي بوسي راسها وقوليلها لايخاله مايرضيني انك تطلعين الدرج وانتي بها العمر وبناتك البيت بيتهم الله يحيهم في اي وقت

 

[نور1199]

حرام علييك البيت بيت ابوهم والغرب يطردوهم والله حراااااااااااااام
هذا مو بيتك عشان تتحكمي فيه وطردي الناس ثلاث ادوار
حطي حالك مكانهم
منتهى الانانيه
هذا كله بس عشان الام سااااااااااااااكتة ومحترمه

 

[عطر الليالي]

كلام الاخوات صحيح تصرفك اناني ومو من حقك بعدين يوم في الاسبوع صراحه مو كثير انا اقل شي احب ازور اهلي ثلاث مرات في الاسبوع موبس الخميس
يااختي انا فاهمه انك تبغي تاخذي راحتك في بيتك ليش تلغي ارتباطاتك الخميس يعني خميس اجلسي معاهم وخميس اطلعي مع زوجك واولادك ليش رابطه نفسك فيهم وحتى لوفي احد بيزورك عادي ليش ماتستقبلين اش المشكله
بصراحه ام زوجك الله يحفظها مافي منها لاتكرهينها فيك تراك انتي الخسرانه
الله يهديك ويصلحك ترى الدنيا دواره اولادك بكره يكبروا ويتزوجوا وزي ماعاملتي ام زوجك حريم اولادك بيعاملوك انتي اعترفتي بطيبة اهل زوجك امه واخته احمدي ربك على النعمه وحطيهم على راسك وهل جزاء الاحسان الا الاحسان هذا وهم قايمين فيك سويتي كذا اجل لو مأذينك اش بتسوين0

 

[فجرا جديد]

كل اللي اقدر اقوله اعتبريها امك وانتي مرت ولدها وسار اللي سار اش رايح يكون رد فعلك بعد الطيب نكران للجميل

او تخيلي انو انتي وهذي زوجة ولدك

لو انا مكانك اروحلها واحب راسها ويدها واحلف انها ماتطلع من بيتي واتعذر بالدرج واقول ياعمه مايهون علي تطلعين ثالث دور والبيت انتي الداخله وانا الخارجه والله يحيي بناتك في اي وقت

وبالنسبه للبس ما اظن انك بتلبسين قدام اولادك او الشغاله يعني مو ام زوجك اللي تردك

وكمان الطلعه عادي زي ما قالوا الاخوات تعتذرين منهم وتطلعين براحتك واذا زوجك رفض يطلعه بحجة اخته ما دام امه طيبه معاك اكيد بتخليه يطلعك غصبا عنه وتقوله اختك جايه لي مو لك

حبيبتي الحقي عمرك وصلحي غلطتك ام زوجك ما قصرت معاك وانتي بنت ناس واصل وطيب ما اظن انك لئمه وتردين الطيب بالشر والدليل انك زعلانه وضميرك يانبه لسه الوقت ما فات

وهي حرمه كبيره يعني ماباقي من العمر قد اللي راح الله يطول في عمرها اكرميها يمكن بسبب كرمك لها ربي يصلحلك زوجك واولادك

 

[فراشة بس منحاشة]

الله يهديك تصرفك غلط
ياليت عمتك عمتي والله اشيلها فعيوني ومااعز عليها شي​

 

[ورودي]

حرام عليك والله كسرت خاطري امه المسكينه من جد خيرا تعمل شرا تقى حاولي تعزمينهم يصيرو مره عندك ومره عند اختك واليوم اللي يكونو فيه عند اختك سوي صحن وطلعيه حرام بكره بتسرين ام زوج لاتنسين

 

[بنت جده 1]

سبحان الله هذا لانهم اعطوك وجه ولا كان ما سويت كل ذا يعنى خيرا تعمل شرا تلقى الله يهديك بس​

 

[يارب ارزقني طفل]

لا اختي دامها طيبه لهالدرجه وعسل على حسب كلامك استشفيت انه مستحيل بتلاقين مثلها الا بالنادر احمدي ربك ورجعيها صدقيني مابتعيش كثر ماعاشت خليها بكبرها تتونس مع عيالها ومعليك من اختك صدقيني الله بيوفق عيالك وبيرزقهم
خالتي كانت كذا الله يرحم عمتها لا وماكانت طيبه عنتها كانت الله يرحمها بس
وسبحان الله ثقلت وطاحت ولا شالها اتلا خالتي 8 سنين وخالتي اللي تغير حفاظتها تخيلي الله يكرمكم اجمعين وخو زوج خالتي ولاسأل في امه ولاهم يحزنون يجي زياره ويفقع وسبحان الله ماتت الله يرحمها وكبر عيال خالتي والله وفقهم بوظايف تجنن ولااحد يحلم بها ونقلت خالتي لعماره جديده كله من توفيق الله ورعايتها بعمتها الله يرحمها واموات المسلمين فانتي احمدي ربك ان عندك هالعجوز الطيبه اللي ماتضايق واكرميها والله سبحانه بيكرمك

 

[متيمة نجد]

اف اف اف وش كل ذا الهجوووم الله يهديييكم؟؟؟؟


عشان كل وحده منكم ف بيت لحالها وتسرح وتمرررح ما حسيتو فيييني!!

انا عشت سنيين في غرفتين وصدق اللي قال صام صااام وافطر على بصله!!

يعني بعد هالغرفتين صرت في بيت مشترك!!


كان لازم اسوي كذا صدقووووني اللي يده في الميه مو زي اللي يده في النااااار ....


عموما الله يجزاكم خييير... وما زلت انتظر احد يوقف بصفي مو معقول كلكم هاجمتوووني!!!

 

[مناوووي]

ياختي حرام عليك كل هاللي سوته ام زوجك ولابين بعينك ليش التبيوييز وكيف جالك قلب وتخليها تطلع 3 ادوار وواضح ان اخت زوجك طكيبه لانه لو وحده ثانيه ماخلت هالشي يصير بس من طيبتها سكتت ولاقدرت تدافع عن امها اللي ترقى للدور الثالث خافي الله وترى كما تدين تدان مافيها شي بالعكس انتي تقدري تاخدي راحتك والبسي على كيفك ادا زوجك موجود وبغرفتك الله اكبر ماحسيتي باالاستقلاليه بسبب ام زوجك والخدامه عادي يعني وبالنسبه للطلعه مع زوجك عادي خليها الاربعاء او الخميس ونفس الشي اعزمي اللي تبينه بهاليومين احس مشكلتك عاديه بالعكس احمدي ربك انتي احسن من غيرك اللي واقفتلها ام زوجها او خوات زوجها مو مثلك يعني فقابلي الحسنه بالحسنه والله يهديك بس