صار لي شهر متزوجه .. بس والله كانه دهر .. تعبانه حدي ..!!!

[ليال 12]

السلام عليكم

الله يعلم اني ساكته وصابره .. وانتظر الاجر من رب العالمين ..
ماقدر اقول شي ولا اشتكي الى احد .. انا يتمه الام ... وابوي طبعا تزوج بعد وفاه امي ..
من زمااااااااااااان طبعا .. وعشت مع زوجه ابوي حياه عاديه جافه ماعمري حسيت انها امي .. الى حد ماجاء ليي نصيبي ..

المهم هذا النصيب .. من ايام الخطوبه وهو منكد عليي حياتي .. والله انسان ماعنده اسلوب ماعنده اصحاب ماعنده اهتمام في الحياه ... كل شي حرام وعيب ومايصير

خطوبتنا سنه.. والله الشاهد طول هالسنه مو مرتاحه ..
تكلمت مع خواتي قال لي تزوجي انستري احسن من زوجه ابوش ..
الشهر اللي طاف كان زواجي ..

تخيلو في زوج ليله زواجه يترك زوجته وينام في الصاله ..
سكت وصحت ودمعتي على خدي ..
ولما جلست الصباح سالته .. يقول متوتر وماتعود ينام مع وحده في السرير
سكت ومشيت الوضع عادي ...

تخيلو في هالشهر هذا .. وقسم بالله ضربني ثلاث مرات ... يقوم من النوم ويضربني .. ويرجع ينام
واذا قعد يقول مايدري عن نفسه ..
قلت له روح تعالج .. وصحيح راح .. وطلع ماعنده شي .. طيب شلون يضربني ومايدري عن نفسه ..


انسان يضايقني ويحطمني .. ويجرحني .. ويجي يقول اسف ومو قصدي

ويرجع مثل ماكان ...
والله تعبت وياه ... الى درجه والله اني مطنشتنه .. من يوم الخميس .. مااكلمه ولاشي ..
تعبت منه ...

وش رايكم .. وش الحل وياه
هذا صار لي شهر وياه وهو كذا ... وش اسوي وياه ..

اذا قلت له اقرا وتقف نفسك وطور من نفسك .. وساعات اقرا معاه مواضيع .. ويقول ايه صح والمفروض يصير كذا
ويعرف .. بس مايطبق ...

والله مليت وطفشت من هالحياه
والله ماعمري كرهت انسان كثر مااكره .. ماطيقه لايعه شبدي منه

مامنعه من نفسي عشان ماغضب رب العالمين .. بس والله بعدين اقتل نفسي من الصياح ..
ساعدوني .. والله ماعندي احد بعد الله اشكي له ..

خواتي يقولون ليي انتي عدليه انتي علميه .. حاولت طول فتره الخطوبه وماتغير شي
والله تعبت .. والله اكتب وانا دموعي على خدي .. ساعدوني

نسالكم الدعاء

 

[سعوديه مغتربه]

ياحبيبتي والله ودي اساعدك واعطيك حل بس يمكن الاخوات يساعدونك
انا زيك عروس موجوعه ومطعونه كله بسبت انه خروف ويموووت ع الحريم وانواع الخيانات
الله يكتبلك وين الخيره
ودي..
​

 

[~ريما~]

الله يكتب لك الي في خير ياقلبي

انا ماعندي خبرة والله

بس عليكي بالإستغفار استغفري وخلي ثقتك بالله كبيرة

وكرري

لا إله إلا انت ربي سبحانك اني كنت من الظالمين

والله ييسر امرك ويسخر لك زوجك واهله

 

[صمتي بحر]

الله يفرج عليك اللي هذا اوله ينعاف تاليه بس ان شاء الله الاخوات يفيدونا بردودهن

 

[احبةb]

ادعيلة وقفية عند حدة لا يضربك كلمي ابوك يتفاهم معة انتي بنت ناس مانتي لعبة

 

[karamel]

هلا اختي

قطعتي قلبي والله
ادري فيك متضااايقة لكن مافي شي يجي بالساهل
لازم الصبر والا جتهاد والكفاح ..
زوجك يمكن من جواااه رااافض مرآة تشاركه الحياة
بدليل انو سابك ليلة الدخلة ونام في الصاله وعلى قولته
ماتعود انو في احد ينام جنبه ..
عطيه فرصه انو شوي شوي يستوعب عقله الباطني فكرة وجودك
وخاصه عالسرير ونومك جنبه .. وادعييييييله واطلبي الدعاء من الله
غير كده اقرأي على المويه البقرة او اية الكرسي والمعوذات والتحصينات
وخليه يشربها .. ولا تقوليلو مقريه .. كأنها مويه عاادية ..

وماعليك الا انك توسعين صدرك وتطولين باللك الين مايتعدل
لآن باين انو ما يضربك باردااته .. والدليل انو لا غلط عليك يعتذر ويحس ..

والاخوات معاكي كمان ما بيقصروون

الله يوفقك ويفرج همك

 

[سـمـاء]

حاولي تتقبلينه
شلي فكرة انك تكرهينه
يعني معقووله مافي شيء إجابي
مافي شي يستاهل انك تمدحينه وتحمدين ربك انه نصيبك مافي انسان كله سلبيات
ومافي انسان كامل الكمال لله سبحآنه
فكري من كل الجهات
وبنسبه انه ترك ونام في الصاله
اكيد يبغاك تاخذين راحتك دوري له عذر
الرسول يقول اللهم صلي عليه فيما معنا الحديث
جد لأخيك سبعين عذراً فإن لم تجد فقل لعل له عذر لم أعرفه



اسالي استشاريين بيفيدوونك اكثر

ومابعد العسر إلى اليســـر
موفقه أختى

 

[جسدبلاروح]

اسال الله العلي العظيم ان يسخر لك زوجك ويسعدك مدى الحياه انه قادر على ذلك
اصبري وابشري بفرج ربك فهو قريب من احبه الله ابتلاه اصبري والله ان فرجه قريب
وعليك بالدعاء والاستغفار والله انه شئ عجيب وثقي بالله ولا خاب من رجاء ربه
توكلي عليه وادعي لااله الاانت سبحانك اني كنت من الظالمين
الاستغفار وقيام الليل وراح تبشرينا ان الامور تمام
ربي يجعله يعشقك بكل خليه في جسمه يارب والله حاسه فيك ربي يفرج همك

 

[بنت رجاال]

الله يكتب لك مافيه الخير00

 

[مصاصه بالفراوله]

الله يعينك

الا الضرب و انتي عروسه كيف لو لك سنه

لا تسكتي على الضرب و الاهانه​

 

[مملكه الدنيا]

انا مني دقي على استشارات ناس مخصصين لهشي دقي عليه وستشيريه بمشكلتك
الله يفرج عليك كربتك​

 

[مسك الغلا]

كل اللي أقدر أقوله الله يصبرك ويفرج كربتك ياقلبي