صار لي اسبوعين متزوجة .. افيدوني يا بلقيسيات

آ

آلماسهـ

New member
إنضم
2008/07/13
المشاركات
39
بسم الله الرحمن الرحيم
السلام عليكم و رحمة الله وبركاته

اشحالكم يا حلوات ؟

خلوني ادخل بالموضوع على طول ..
عمري 23 سنة .. صار لي اسبوعين بالضبط من تزوجت ..
قبل لا اخبركم عن حالتي بعد الزواج بقولكم عن حالتي قبل ..

الله يسلمكم انخطبت من خمس سنين ( خطوبة فقط مو ملكة ) ..
و بهالخمس سنين ما شفته ولا شافني ولا حتى نظرة شرعية ..و لا كلمته ولا شي
كنت اسمع عنه من الأهل انه محترم و خلوق و عنده علم ..

المهم .. ما ادري ليش بس كنت رافضة الزواج .. طول هالخمس سنين ما كنت ابي اتزوج ..
و تكلمت و حاولت بس محد سمع لي و قالوا تتدلعين و من هالكلام ..

المهم .. تزوجت .. و صدق كرهت عمري و كرهت شي اسمه زواج ..

ليلة الدخله ما كلمني و لا قال لي شي .. يمكن كلمة كلمتين .. و بعدين قال يلا .. ( افهموها )
بصراحة عشت برعب مو طبيعي لأني ما كنت متوقعه الأمر من اول ليلة .. و ما قدرت اتجاوب معاه لأنه الخوف كان مسيطر علي .. و هو الله يهديه ما انتبه لمشاعري و أني بنت و احتاج استعد نفسيا .. و فوق هذا كان يتأفف كل شوي من ترددي و خجلي .. لين تعقدت بصراحة .. صرت ما احب اتذكر هالليلة ..

المهم ..اليوم الي بعده نفس الشي .. بس اجبرت نفسي اتجاول معاه .. و صدق حسيت نفسي آله للجنس فقط .. يعني بدون مداعبات ولا شي ابدا .. المنطقة نااشفة عندي يدخلها ..و ما يلمسني ابد بهالفتره ولا حتى يقبلني .. من يخلص يقوم عني ياخذ شور و يطالع تلفزيون ..

كرهت شي اسمه جنس .. ثقتي بنفسي راحت و الله .. بس ما اقدر ارده ..
المهم .. عقبه باسبوعشد علي وايد و انفض الغشاء .. حسيت بألم مو طبيعي و قعد الدم ينزل و جذي .. هالكلام صار له ثلاثة او اربعة ايام الحين .. و مع اني متألمه الا انه ما يبي يفهم .. و يبي يمارس معاي و انا متحمله ..
المشكله الحين الدم ما يبي يوقف .. حتى خفت انه دم دورة .. مع اني آخذ حبوب منع الدورة للعلاج .. بس الدم نظيف و مو غزير .. يعني يوم امسح على المنطقة احصل فيه دم ..

الحين صار لي يومين تعبانه وايد و جسمي يعورني ..و نفسيتي تعبانه ..
مع اني للحين عروس .. ولا مرة مسك ايدي .. ولا حضني .. و حتى وقت النوم كل واحد بصوب ..

و غير هذا الطامة الكبرى انه ما يصلي .. هالشي متعب نفسيتي وايد .. ما يصلي ابد .. مع انه عنده ثقافة دينية .. و اهلى يعتبرونه ملتزم و حالة .. و مدمن تبغ .. التبغ 24 ساعه بفمه ما يطلعه ..

الحين ابي اعرف كيف اكمل حياتي بهالطريقة .. لأني صدق تعبانه ..
انا مو مقصرة معاه بشي ابدا الحمدلله .. مخليته على راحته .. تراه ما يقعد بالبيت ابد .. اشوفه بالظهر مرات .. ومرات لا .. و بالليل يرجع و يطلع الصبح مرة ثانية

افيدوني بنات شسوي ؟ على الأقل ادعولي .. و اللي تنصحني بدعي لها بالخير ان شاء الله
 
اسمحيلي أنا موب معرسه،فما عندي خبره بهل الأمور،بس الله يفرج همج و يسخر ريلج لج
 
الله يكون في عونك جد انه تئيل دم تزعليش
بس بعتقد لانكم ما كنتوا تعرفوا بعض
عامليه كما يعاملك بلكي حس على نفسه
 
لا حول ولا قوة الا بالله ..

لا حول ولا قوة الا بالله

ماعرف شو بكتب والله أنقهرت

ليش جذي يصير في الحريم ؟؟

يعني ولدهم ما يصلي يقولوا عنه ملتزم عيييييييييل وش خلوا للملتزم أعتقد بيكون شيخ معهم

هذا إنسان جاهل ..
أستعظمي الصلاة وأن هالشخص مايأدي صلاته ولا يأدي الصلة اللي بينه وبين الله
وش ينرجى منه

طووواااااالي بلغي أحد أهلك يشوف معاه صرفه ..

وللعلم ترى إذا كلمتيه يمكن يهينك .. لانه إنسان ناقص
 
لاياقلبي لاتعاملينه مثل مايعامك اجلسي قول بسالك سؤال ليش انت كذا وكذا عادي اذا ماتقدرين ارسلي مسج اما عن الصلاه لاتسكتين قولي قوم صل من البدايه اذاماصلى والله ليسوي بلاوي اصلا تحرم عليك العيشه معه اذا تارك الصلاه عمد بعدين يطلع ماتسالينه وينك وين رايح لا اسئليه لاتخلينه ياخذ راحته ليش تاركك وانتي عروس علمي امك لازم
 
مجرد رآي ..!
احم انا عروس لي شهر .. ذا الحييين
الحمد لله متفاهمين ونفسس نمط الشخصيييه .. ومتشابهين في اغلب التصرفات
بس لابد من الاختلاف ابعطيك تجربتي
كذا اول ايام الزواج ليله الدخله تعذبت فيها لان ذاك الشي صار اكثر من اربع مرآآت ..!
فحسيت المنطقه التهبت معي لاتهمليها حبيبتي خاصه انو دم روحي المستشفى ولاتسمحي له يلمس المنطقه وايدو مو نظيفه صحتك حبيبتي هي اللي تهمك استفسري حتى لو وقف الدم .. وبذآك الشي فآزلين اي شي :30:
لاني وربي تعذبت وانحرم مني اسبوع ..!
صحيح الرجال ماتهمهم مداعبة المرأه مثل الآله اهم شي يشبعون نفسهم .!
انتي اعرفي نمطه ايش .. وتعاملي معه
اسئلي نفسك انتي تقدري تبني حب بينك وبينه وتخلييه يتعلق فييك ..!
حبيبتي لاتخافيين ترى الرجال مثل اللوحه لم تمتلكيها انتي ترسمي عليها ابداعاتك ..!
احتضنيه باسلوبك وبكلامك خلي عندك روح المررح بما انك عروس استفسري عن اشياء
بالمكان لانه جديد عليك واسئليه بطرريقه مسليه تحسسه ان فيه روح يحترمها بالمكآآن ..!
ولاتخليه يهينك من البدايه .. حبيبتي اتعبي ع نفسسسك تلاقي الخير ان شاء الله وتحبي زوجك .. وربي يسسسآآعدك​
 
الله يعينك ياقلبي ويفرج همك
تدرين أيش أكثر شي معور قلبي؟؟؟
هوتركه للصلاه هذي بروحها مصيبه وكاااااااارثه نسأل الله العافيه وحسن الخاتمه
والله لو زوجي حبيب،،،ويداعب،،،ويدلع ،،،،وخاتم بأصبعي
ومااااااااااايصلي
لأشطب عليه ،،،،وأعطيه طاف ولاحتى أتحسف عليه
بس أنتي جربي النصيحه ودخلي حد من أهل الخير وأدعي له يمكن ربي يكتب له الهدايه ع أيدك وتنقذيه من النار
بس نصيحه ياليت تأجلي فكرة الحمل والأنجاب حتى تستقر أمورك
 
اولآ الف الف مبروك على زواجك
حبيبتي كل شئ يجي بس موبسهوله بالصبر حبه حبه وإنشاء الله تنالين الي تريدين
اول حاجه الصلاه قوليله بأسلوبك حبيبي ليش حنا مخلوقين ليش عشان الزواج والترفيه والتسليه والعيال والفلوس
الله جلاله يوم خلقنا لعبادته لطاعته
وأجب على الإنسان طاعة الله تعالى وشكر الله وأهم شئ الصلاه لإنه عماد الدين قوليله والله ياحبيبي ماتاخذ دقايق من وقتنا طول اليوم
وإنتي كل ماقمتي تصلين قولي وش رايك تصليبنا صدقيني بإذن الله راح يصلي بس بالعزيمه والأصرار وحنا يابغينا حاجه يالحريم صارت بس إدعيله وإعزمي تراها جهاد بس بإذن الله الله تعالى معك والله بصير عليم يبصر ويعلم وإنتي إبذلي كل وسععععععععععك
ثانيا الحضن إنتي إحضنيه لاتنحرجين والله عادي زوجك بالحلالا وراح يتعود أكثر الرجال مهم رومنسين بس من المرأه يقولون المرأه وشاطرتها الي تبينه سويه به راح يستانس الرجال يستانسون على الجريئه والرومنسيه منك منك منك إبدئي وهو راح يتعود والمرأه مو كل يوم لها زوج بس إبذلي كل جهدك
والله يوفقك ويهدي زوجك يارب يجعله من أئمة المساجد
 
فيه احد قريب منك علميه بالي يضايقك وخليه يحتك به ويلمح له من بعيد شكل زوجك جاااااااااااااهل ويمكن حتى بيئته مومنفتحه اصبري

اواذا امه طيبهكلميها بهدوء وقليلها انك تنزفي وتعبانه حاولي ماتستسلمي
 
السلام عليكم ورحمة الله وبركاته


حبيتبي انا بتكلم عن تجربتي الشخصيه

تقريبا عشت نفس معاناتج بخصوص ليلة الدخله حبيبي انا يلست مع زوجي اسبوعين مالمسني طبعا بشرط مني لين تهدى نفسيتي لااني كنت اعاني وامر بظروف

ويوم اليوم الي حددنا فيه الدخله نفس الشي على طول قام ودخله وكان جفاااااااااف فضيع وتألمت بس ماقدر يدخله ولا انا قدرت بس ثاني يوم ضغط ع نفسي ونفس الشي ظغط ع نفسي بس مافي فايده



مالقيت غير اني اكسر الحيا والحاجز واكلمه


قعدت عنده وقلتله اباك تفهمني وتحس فيها انا احبك ومابا اخسرك اباك وقت الفراش تساعدني انا عروس وكل اللي يشوفني يقولي ها اكيد مداعبات مالها اول من اخر انا انا انصدمت ان كل اللي قالولي اياه موب صح

00 ملاحظه هذي كانت حركه مني بس عشان افهمه انا شو ابا 00

وبعدها صار يفهم هالشي ومايقربني الا بعد مايقولي ها وصلتي اسوي جيه شو رايج جيه الحين صار ياخذ ويعطي معاي


اما عن الصلاه


كان يصلي فرض وياخر فرض وينسى فرض

بس كنت اصلي قدامه وقوله يلا بتصلي كان يستحي ويقوم يصلي لين صار الحين هو احسن عني


حبيبيتي انتي ادرا بزوجك كل وحده تعرف بذكائها كيف تضبط زوجها وانتي خلي عنج الكدر وحاولي تجذبينه عندج باي طريقه

وبتشوفيه عندج مايطلع من عندج
 
انا اقولك خبري اهلك عن تركه للصلاواسالي امك عن الفراش اوخواتك
 
الله يهديه ويسخره لك الصلاة لاتسكتين عليها كلميه بالين
 
حبيبتي الله يسعدك ويفرح قلبك

اول شئ اتكلمي معاه باسلوب حلوو وطيب عن الصلاه وانها اهم شئ في الحياه
ولو كان مايصلي نهائيا قولي له انا مستحيل اعيش مع شخص مايصلي
وبالنسبه للامور الثانيه ماعليش تراه غشيم انتي اصبري وباسلوبك حسسيه انك تبي المداعبه قبل .. عشان تستعدي وتتجاوبي معاه
مافيها شئ فهميه باسلوب حلو قولي لازم تساعدني نفسيا عشان اسعدك

الله يسعدك ويفرج همك يالغاليه
 
معليش اختي انصحك الابتعاد عن هذا الرجل مايصلي وووومدمن ماهي حياة الا الصلاة
 
من اوله كده من جد ما يحس على دمه الواحد على الاقل يجامل في ايام الزواج الاولى 00 ما حاولت انك تتكلمي معاه وكمان ما يصلي كلميه يا اختي بهدوء يمكن يحس 00 ​
 
معليش مخطوبين من 5 سنوات ولا عرفتو انه مايصلي ابد

لا ويدخن كمان!!
الافضل انك تتطلقين منه لانه ببساطه كافر

طبعا اذا تاكدتي انه مايصلي
وخبري اهلك كي ماتنشبين بالعيال بعدين
 
مبروؤؤؤوؤؤؤؤوؤؤؤؤؤوؤؤؤؤؤوؤؤؤؤؤكــ
شوفي الزواج مافيه شي اسمه استحي منه اجلسي معه وفهميه الزوج مو فراش وبس وقولي له كل شي بخاطرك نصيحه مني لاتسكتين من اول تفهمي معه قبل لايصير عندك بيبي وتظلمينه معكم والله يسعدك ياااارب
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل