صاحبات الخبره بالحياه الزوجيه ... محتاااره!!

[المحبه مقادير]

اسعد الله ايامكم ..
رجاءا ساعدوني و ربي احس اني غرقانه و مااحد قادر يساعدني
انا تزوجت بعيد الفطر الماضي و زوجي بمنطقه ثانيه .. ماسافرت معه عشان دراستي و كان اخر كورس لي بالجامعه وقال لي بنتزوج الحين و اذا خلصتي دراسه اخذك معي .. صار الزواج و خلصت دراستي و لسى ماخذاني .. انا عند اهلي و كل مره افاتحه بالموضوع يطلع لي عذر شكل .. وانا مو من النوع القوي اللي يلتزم برأيه و يصر عليه ..

الحين هو بيجي يصوم رمضان عندنا لانه بياخذ اجازه من عمله و ماادري كيف اقنعه ياخذني معااه لاني مليت من الوضع اللي انا فيه .. ومو حابه اهلي يتدخلون .. اتمنى احل الموضوع بيننا

ساعدوني كيف اقنعه .. لو خيرته بين روحتي معاه وبين الطلاق ينفع !؟! لاني طقيت من الوضع و ماباقي الا شهر و نكمل سنه ع زواجنا
احس اني ماتزوجت .. بالعكس وضعي قبل الزواج احسن من الحين


رجاءا ساعدوني و دلوني ع الصح

 

[دلوعةزوجي]

عزيزتي
وش نمط المحروص تبعك

 

[سلفرادو]

ياعزيزتي في مرات لازم الاهل يتدخلون.. هذي ماهي عيشه .. اكيد مابايقولك تعالي لان الوضع مره عاجبه..
متزوج ولا كانه متزوج .. وقت مايبغا يجيكي .. تقولين اصحاب!!!
خبري اهلك يا خذك معه ويصرف عليك ويكون مسوول عنه حاله حال اي زوج ... يا يفارق بالمعروف

 

[المحبه مقادير]

اختي (( دلوعة زوجي ))
والله مدري قبل كنت اظنه جنوبي لكن اتوقع انه شمالي

 

[المحبه مقادير]

اختي (( سلفرادو))
يعني اقول لاهلي يتدخلون .. هذا رأيك .. انا مو حابه اتطلق .. هو يرسلي مصروفي كل شهر ع الحساب .. بس انا مااهتم بالماده .. اريد الراحه النفسيه مع ان اهلي مو مقصرين معاي بشي بس حتى ولو مو مرتااحه مثل قبل مااتزوج

 

[دلوعةزوجي]

طيب كلمي امه وقوليلها ابيك تقولين لولدك يأخذني معاه قوليلها الناس بدأو يتكلمون
او قولي لزوجك الناس كلهم سألون متى بتروحين مع زوجك وليه للان مارحتي
قولي اهلي كل شوي يقولون بينك وبين زوجك شي قوليله انت تحرجني صرت مضحكه بين الحريم كل وحدة تنام وتدلع مع زوجها وانا اشوفك بس بالمناسبات
طبعاً اتكلمي معاه بنعومه ودلع وبدون صراخ وصوت عالي
اعملي ليله رومانسيه له واتكلمي معاه
ارسلي له رسايل غزليه جنسيه عتاب المهم اشغليه فيك بالشوق
لو اتصل عليك حسسيه انك مهمومه لانك تبين قربة
واذا مررررررررررررررررررة صعب عليك ومافد معاه خلي ابوك يكلمه بأسلوب حلو مو بمشاكله ويقوله زوجتك خلصت دراسة وانت ماقصرت انك خليتها اللين تخلص وهاللحين خذها وعيشوا حياتكم الله يسعدكم
​

 

[rymm]

اذا جاء قولي له امي كلمتني تقول متى تروحي مع زوجك لانها محتاجه غرفتي ت
بي تستغدمها لكذا وكذا واخترعي اي شي يقنعه مثلا ابوي يبي يحطها مكتب او اي شي
اهم شي مقنع
وانا منحرجه منها شنو رايك شنو اقول لها ..؟
ومهما كان رده قولي اوك بكره اقول لامي الاكلام هذا واسكتي
واذا جاء بكره قولي له قلت لها وعصبت علي
تقول لو محنا محتاجين الغرفه ما قلت لك افلان (اخوك او ابوك ) محرجني يبي الغرفه يابنيتي انتِ عندك زوجك ماشاء الله عليه مو مقصر معك
انا وين اودي وجهي من افلان ازعجني كل ما شافني قال ابي الغرفه ...
يعني خلي الموضوع بينه وبين امك
وان امك تمدحه ​

 

[المحبه مقادير]

اختي (( دلوعة زوجي ))
كلامك منطقي و دخل راسي .. امه قالت له اكثر من مره بس مايرد عليه الا بكلمة ان شاءالله و انا سبق وقلت له ان الناس احرجتني بكلامها و اهلي متضايقين من الوضع اللي انا فيه .. بس مانفع معاه
ابوي متوفي الله يرحمه .. و اخوي الكبير مو حابه انه يتدخل لانه ماكان راضي كل الرضا عن زواجنا يقول ماابيك تبعدين عننا و تروحين منطقه ثانيه ..

جزاك الله خير و اسعدك دنيا و اخره

 

[المحبه مقادير]

rymm .. فكرتك حلووه و ممكن تنفع معاااه .. ادخل امي بالسالفه لانه يهتم برضااها و دايم يسال عنها
مشكووره

 

[النجمه البنفسجي]

واجهيه و لا يحتاج ادخلي أحد بالموضوع و اتفاهمي معاه بكل هدوء
امدحيه و بعدين قولي إله بكل إسلوب إنك تبغي أتروحي معاه و أشتاق إلك و أتعب من افراقك وووووو قولي إله هذا الكلام في الأيام الأولن إذا رجع عندكم و إذا شفتي نتيجه إن بيأخذك معاه أوكيه
أما إذا ما شفتي جواب منه على إن بيآخذك معاه خلي أبوك بإسلوب حلو يكلمه و الكلام طبعاً خليه بينك و بين أبوك و لا أحد يسمع بشآن لا تكبر المشكله

 

[حلمي ما أكتمل]

اختي كلميه بكل صرااحه قولي له انا خلصت دراسه
ومن حقي اعيش معك وكون جنبك وانا مابي ابعد عنك
حاولي تحسسينه بمسئوليتك اتجاه ..
الله يوفقك ويسخركم لبعض
دعواتك لي بتفريج همي ​

 

[المحبه مقادير]

النجمه البنفسجيه .. مشكوره اختي و ان شاءالله افاتحه بالموضوع اول مايجي
وانا سبق وقلت له ان رمضان اخر فرصه له .. اذا ماخذاني معاه حياتنا بتاخذ شكل ثاني ... الله يستر و ييسر

 

[دلع الخليج]

ربي يفرج همج ياااقلبي نصيحتي رمسي وياه ولا تدخلي الاهل من اول شي يصير بينج وبين ريلج بالكلام الحلو المرتب واختاري وقت مب متضايق او مزاجه مب زين وان شاء الله ربي يخليه يوافق
ومابي احطم فيج انتي تقولي شمالي يعني ابووو العناد هههههه ربي يهديه لج ياااارب​

 

[تجرح وتداوي]

البنات ماقصروا الله يسخررره لك ويجمعكم ع خير

 

[مامت جود]

نصيحه لا تدخلين اهلك با الموضوع كلميه اولا واذا ما نفع كلمي امك بس

 

[المحبه مقادير]

مشكورات خوواتي .. الله لا يحرمني منكم .. احبكم ف الله
الله يسعدكم و يفرج همومكم و ينول كل وحده اللي ببالها

فعلا حسيت اني عارفه اتصرف واقول شي .. مشكورات

 

[مامت جود]

فكرت ريم مررررررررررره حلوه سويه ما شاء الله عليها شكلها ذكيه

 

[الناعمة الخجولة]

اكثري من الاستغفار وداومي ع صلاة الليل واكثري من الدعاء ان الله يسخره لك اسال الله العلي العظيم في هده الساعه الفضيله ان يفرج همك وان يختار لك الخيره الطيبه

 

[لؤلؤة الغزلان]

الله يعينك ويفرج همك

 

[عطريه]

بلا تدخلي احد بالموضوع صارحيه برغبتك وكوني قويه قولي انا مليت ابغى استقر ويكون لي بيت زي الحريم وهذا حقك