شيرو علي يأهل الخير؟؟

[نونه المتفائله]

السلام عليكم
أخواتي العزيزات
أرجو منكم مساعدتي فأنا في حيره من أمري

بقول لكم قصتي
أنا يابنات زوجي تزوج علي والحمد لله على قضاءه وقدره
وله ألأن تاركني في بيت أهلي 8أيام
ماكلمني أبد ولكنه يرسلي
وأنا والله عتبانه عليه وشايله في نفسي
المفروض يقدر مشاعري

المشكله أني ودي أرسله رسالة عتاب وماأدري وش أقول؟

شورو علي ياأخواتي هل أتركه ألين يكلمني ,وأخاف يطول مايكلم؟
ولا أرسله وأعاتبه ؟
والله أني مهمومه وضايق صدري

أرجو منكم الدعاء لي بأن يرد لي ربي زوجي ردا جميلا
وأن يرزقني منه بالذريه الصالحه عاجلاغير أجل
فدعاء المسلم لأخيه االمسلم بظهر الغيب مستجاب

 

[احلى بسوم]

حبيبتي كان الله في عونك
من رايي لاترسلي لة ومدام هوا يرسل لك معترف وعارف انك زعلانة منه اصبري حتى مايجيك
وتفاهمي معاة ولو ارسلتي له يمكن زوجتة التانيه تشوفها وتفرح فيك اصبري واشغلي نفسك باي شي غيري من نفسك
انا مريت بظرفك وجعل ربي يوفقك ويرجعة لك ويرزفك يارب هو قادر ع كل شي

 

[أمي حبي]

الله يصبرك حبيبتي ويرده لك افضل انك ماتكلمينه خليه لين يتصل هو عليك وزين منه تذكرك بالرسايل فيه ازواج يالله بعد الشهر يتذكرون زوجاتهم عليك بالاستغفار وقراة القران وصلاة الليل كم لها مفعول عجيب في تصبيرك واعطاك القوه اهتمي بنفسك وصحتك لا ياكلك الهم ويرجع يلاقى عجوز لا خله يرجع يلقى عروسه سوي لك برنامج للبشره والرياضه واستعدي للقادم وادخلي المنافسه بقوة وليس بضعف:clap::clap::clap::clap::clap:يارب يوفقك لما يحبه ويرضاه ويرزقك الذرية الصالحة

 

[الاعتدال]

عفوا اختى على الرد اذا كان ماعندك منه اطفال ايش مصبرك عليه اتركيه افضل لكى لاننا ايش مصبرنا على الرجال غير الاطفال والمعذرة على ردى

 

[الكنز الموجود]

لاتكلمينه ولاشى اصبرى راح يرجع لك ان شاءالله يرجع

 

[روح الاسلام]

لا تكلمية ولا تراسلية ان شاء الله مرجعه لك

 

[نونه المتفائله]

كل وحده ردت علي الله يجزاها خير ويجبر بخاطرها ويوفقها

هو تزوج علي لأنه يبغى ذريه
وللمعلوميه أناوهو مافينا شيء بس ربي سبحانه ماكتب
ويقول أنه يبغى يتسبب يمكن تحمل وأحمل

قولواأمين

أسأل الله الكريم رب العرش العظيم أن يجبر بخاطري ويرزقني منه بالذريه الصالحه
عاجلاغير اجل وأن يجعل النطفه الأولى فيني أنه ولي ذلك والقادر عليه.

 

[سديم الإنتظار]

ااااااااااااااااااااميييييييييييييييييييييييييين الله يرزقك بالذرية الصالحة عاجلا غير اجل

 

[ناشب بشعري علتس]

اسئل الله العظيم رب العرش العظيم ان يرزقتس الذريه الصالحه .. ويفرح قلبتس يا اخيتي

ونصيحه يا حبيبتي من مجربه... اقسم بالله ان صلاة آخر الليل والدعاء فيها ... شي عجييييب وربي كريم

والله يحفظتس

 

[احبس الانفاس]

الله يصبرك ويرد لكي زوجك ويهديه ويرزقك بالذريه الصالحه يارب ......... امين

 

[عروسة جميلة]

لا ترسلي لة نصيحة وشغلي نفسج بأي شيء
حبييبتي الله يرزجج بالذرية الصالحة يارب