شو مشكلتي ...؟؟؟؟

ل

لا لا الحلوه

New member
إنضم
2007/03/04
المشاركات
13
السلام عليكم ورحمة الله وبركاته ...

اتمنى كل من لهم الخبره يردووون على مشكلتي ...







انا بنت عمري 19 سنه ..من سنتين تقريبا وثقتي بنفسي اتقل ..احس فيني نقص ..ومب مثل قبل اجتماعيه ومرحه اواجه الناس وجريئه ...مثلا اذا دخلت اي مكان في عزيمه او زواج جسمي يرتجف في البدايه بعدين عادي ...دايماااا احس فيييييني نقص معني ولله الحمد حلوه ..بس شوي فيني قصر ...معنه هاشي ماكان مأثر علي اما الحين مأثر علي شويه ...اتمنى ارد مثل قبل ..احب الحياه وناس ...والاجتماعات والسوالف ...بس مادري شو لي خلاني جذي..؟؟؟؟؟؟!!!!!!!!!!

على فكره انا تعرضت للاغتصاب من ولد خالتي هل هاشي له اثر فيني ....؟؟؟؟
 
التعديل الأخير:
حبيبتي لا لا انتى عندج مشكلتين او اكثر من وجهة نظري الاغتصاب ؟ويمكن ما تبين تتكلمين عنه ؟او حاسبه مشكلتج الاساسيه انج مو اجتماعيه ؟لا انتى اتفكرين في الي صار وهو الي يخليج مو اجتماعيه وخجوله ومرتبكه
حبيبتي اول شي لازم تطمنين على نفسج علشان ترتاحين وتحسين بثقه
واذا اتاكدتى انج ان شاء الله سليمه راح ترتاحين اكيد
واذا لا سمح الله فقدتى العذريه وما اظن لان الشي صار اكيد وانتى طفله وان شاء الله كل شي التام
لا تحاتين لان الشي مو غلطتج صار غصب عنج
انت بنت عاديه مثلج مثل غيرج عيشي حياتج بسعاده وراحة بال ولا تعبين نفسج في اوهام بكره بتقولين ليش ضيعت وقتى فيها
اهتمي في دراستج وابني نفسج وكل ما نجحتى في اي امر من امور الحياه راح تزداد ثقتج في نفسج
موفقه حياتي ويارب فدتج في شي لو بسيط
 
حبيبتي لالا

اتوقع شي طبيعي اللي تمرين فيه ان شاء الله اذا زرتي احد وبالجمعات الكبيره لابد من الارتباك اول الامر شي طبيعي بعدين يختفي


قوي ثقتك بنفسك


والاغتصاب ياما بنات كثير اللي مامرت بالاغتصاب مرت بتحرش وعايشين وناسين الموضوع ويحاولون يتاقلمون مع الناس والعالم

اكيد بياثر بعض الشي ء عليك بس خلاص انتي بطريق النضج ان شاء الله


موفقه يارب
 
حبيبية قلبي والله

الله يوفقج ويسعدج

وأن شاء الله ما فيج الا العافيه

شي طبيعي الواحد في بداية أي أمر يكون خايف ومرتبك

ولما يتأقلم على اللي حوله يصير الأمر طبيعي

مثلا انا اول ما اشتغلت حسيت بالخوف وان المكان غريب علي وحسيت بارتباك لكن بعدين صار مكان عملي بيتي الثاني ولله الحمد

اما قصة الاغتصاب
انتي مب أول وحده يا قلبي تعرضت لهالشي
في اللي ابوها أو اخوها اغتصبها
تخيلي يعني اصعب من اللي تعرضتي له

فاول شي اتسوينه لا تربطين اي قصور أو خوف تمرين فيه بحياتج بشي صار وانتهى غصبا عليج

ارفقي بحالج ونفسج وخليج قويه
واستمدي قوتج وثقتج من الله جل في علاه

تقربي الى الله وتعلقي به فهو القادر على زرع طمأنينته وسكينته في نفسج وحياتج

ومن ناحية قصرج
فاحمدي الله عليه وتقبلي نفسج وارضي بما قسم الله لك
فانتي في نعمه وصحه يفتقدها الكثيرين
فهذه ليست مشكله أبدا أبدا

وما لي غير ادعيج بالتوفيق والسعاده دنيا وآخره

وطمنينا عليج
 
حبيبة قلبي

انتي ما فيج الا العافيه ان شاء الله

شي طبيعي تحسين ببداية اي اجتماع او زياره بخوف او ارتباك

انا بالنسبه لي اول ما اتوظفت حسيت اني غريبه ومرتبكه لكن بعدين صار مكان عملي بيتي الثاني

يعني شي طبيعي اللي قاعده تمرين فيه

بالنسبه للاغتصاب
خلاص هذا شي صار وانتهى
لا تربطين اللي تعرضتي له باي خوف او قلق وتوقفين حياتج عنده

انتي افضل من غيرج بوايد
في اللي اغتصبها ابوها او اخوها او احد محارمها

فاحمدي ربك دائما وابدا اللي صار صار وانتهى

مشكلت قصرج من طولج
هذي مو مشكله ابدا ابدا
انتي بصحه وعافيه وسليمه ما فيك تشوه او عاه ولله الحمد
وجميله ايضا

فلا تجعلي هالشي البسيط يؤثر عليك سلبا

انتي انسانه واثقه والدليل اسم معرفك
صادقه مع نفسك ومع اللي حوالينك والدليل كتابتك لنا


واللي انصحك فيه
انك تتقربين اكثر لله عزوجل
وتكثرين من الاستغفار والصدقه
وأسأل المولى أن ينزل عليك من طمأنينته وسكينته عليكي عاجلا غير آجل

تحياتي يا حياتي وربي يسعدج
 
الغاليه

من كلامج مبين انج ماخذه موضوع الاغتصاب كماضي وراح

وهذا افضل شي

خليه ماضي راح واندثر

اما الثقه

قهذي تبنى بناءا

اقري في كتب قوة الشخصيه

او تعالي معانا في دورة الجاذبيه والجمال

الاستاذه ناعمه تعلمنا كيف نحظى بقوة الشخصيه
 
يزاكم الله خير ريحتوووني والله ...​


هاي مشكلتي اني اقارن نفسي بغيري ...واحس هم الاحسن مني دوووم...؟؟؟!!!​
 
لاطنشين موضوع الإغتصاب
إكتبي في موضوع (وهل ينفطر القلب إلا لهدا للإستاده موزة
 
فكري دايما بأنك .. أميره وداخله على الناس .. وادخلي بثقة وتكلمي بثقة ..

سوي شي إنتي تحبيه وتكلمي بفخر عن إنجازك فيه .. حبي نفسك وثقي فيها
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل