شو ري

ذ

ذهب الامارات

New member
إنضم
2009/07/26
المشاركات
33
السلام عليكم حبيباتي............

ما اعرف كيف ابدا لكم ....بدخل في الموضوع على طول ..
انا متضاربه مع زوجي امس :a049:...بسبب انه كل ما يدخل على الغرفه ولا كاني موجوده ..هه اذا فيه شي او يبي مني شي يتكلم معاي ..او جدام اهله او اهلى يسير ملااااااااااااااااااااااااااااك ..او وقت ((الج.....س)) اما اذا كنا بروحنا كانه حاطينه ع السايلنت (صامت) ..المهم على صوتنا ودخلت علينا امه ....طبعا انا سكت وهو ولا كانه في شي ....نزل وتغدا مع اهله عادي...طبعا انا مت من القهر ...المهم يتني امه وتمت اتهديني و...الخ
العصر طلعت ورحت بيت اهلي قلت أنام عندهم شوي اريح طبعا بدون ما احسسهم بشي...وهو الحبيب يا وقعد مع ابوي ولا كانه صار شي ....المهم انا كنت بنام عندهم دقت لي امه كسرت خاطري لانها قالت ما بتنام لين ما ارد انا وعيالي....رحت البيت وهو ولا كاني ييت قعد عند عياله ولعب معاهم ورقد بغرفتهم....المهم ...انا اليوم في بيت اهلي وناويه اقعد يومين اشوف ردة فعله ..

شو نصيحتكم لي اقعد هاليومين ...ولا ارد وقصر الشر؟؟؟؟؟؟
 
لاحبيبتي ردي وقصري الشر ترى كثير رجال مثل زوجك كلامهم قليل
لكن خليك انت دائما المبادرة بالكلام
واعتقد ان زوجك شرقي
 
روحي بيتج او خلج عادي يعني لاتبين انج ميته تبينه ايسولف خليه على راحته اشغلي نفسج اباي شي لاتخلينه اهو شغلج الشاغل واذا كنتو قاعدين مع بعض خلج ساكته حتى لو كشختي لاتبينين انج كاشخه عشان ايصير بينكم شي لا لبسي تو قعدي جنه مو موجود شوفي التلفزيون شوفي اعيالج شنو يحتاجون بس لاتقصرين في حقه يعني خليه كل شي جاهز له واذا احتجتي حنان منه روحي احضنيه وبوسيه قوليله مشتاقه لك يعني لاتصيرين قاسيه وله اتصيرين ميته عليه كلش لاتقولين له كل اشوي ليش ماتسولف ليش او ليش هاي الشي ابروحه ايملل الواحد خلج ساكته حاولي ماتحنين على راسه اصلا اهو اذا شافج ساكته كم مره اهو ابروحه بيتغير
 
أعتقد انه غلط انج نخلييييييييينه
بكره بتحجج انج خليتيه ورحتي
خلج معاه قومي بواجبتج بس مثل ماقالوا الاخوات لاتبين انج ميته تبينه يسولف ولاتبينين انه مو هامج بعد
يعني خلج وسط حاولي تسألينه عن أي شئ يحبه
والله يوفقكم يارب ويبعد عنكم كل ضارة ..
 
يااقلبي
كل الرجال صامتين
انا زوجي كذا صامت تعبت معه في البدايه بعدها خليته على راحته
مع العلم قبل ماكان صامت
صرت اجيب سوالف هو يحبها واتكلم معه فيها من غير ماقاطعه
واذا شي موعاجبني ماسكته او ازعل عليه ليش وليش
لان ماراح يتكلم بعدها
بس للحين اعااني من صمته مو كل مره يسولف هذي طبيعه فيهم
وخلي الامورطبيعيه وعيشي حياتك
 
ردي بيتك
ولا تعطين الشيطان مجال يخرب حياتك
 
ردي بيتك ازينلك <<<< بتعلم منكم اللهجه السعوديه
وربي يهديكم
 
بس انتي اختلفتي معه على لا شي


الصمت طبع في بعض الرجال .. تبينه يتغير بالهواش ؟؟ ما يصير..


زوجك حليم ساكت للحين وما سواها لك سالفه..


هدي اعصابك اكثر واعرفي زوجك زين وافهمي طبوعه وافهمي هو ليش كذا وليش صامت..


وربي يعينك..
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل