شو رايكن في هالموقف..؟؟

[مشاعر أنثى]

السلام عليكم ورحمة الله وبركاته..~

بقولكن يالغاليات موقف وابغي منكن تفسير

لي قريبه تعبت من ريلها ومن اسلوبه الزفت,,, لي مخلنها حالها حال اثاث البيت مب مهتم فيها ولا في مشاعرها,,, رحمتها والله,, اقولها كشخي لنفسج وفنفس الوقت كوني واثقه انه بيلفت انتباه وفعلا سوت
وماشي فايده وكانه لم يرا شيئا ,, ولو تسويله لي تسويه مايدز ويه الها,,, الحين يتها فتره احسها خلاااااص منتهيه,, بس حاولت اشجعها وقلتلها انتي الحين شو بتسوين قالت انا فبيت هلي برد وبلعب رياضه شوي وبنااام قلتلها حلوو لبسي لبس رياضه فبيت هلج
وفعلا لبست لبس عباره عن جينز ازرق مع قميص وردي كيوت وقلوس وردي واكسسوار بنوتي صغيروون لونه كمان وردي ولبست العبايه والغطا والغشوه وتقولي انها خايفه لو درا انها لابسه كذا وظاهره للسياره بيحرج عليها قلتلها حاولي ماتبيننين انج لابسه كذا لين توصلي البيت ,,

المهم بعدها سالتها وش صار معك,,
قالت ليتني مالبست ولاعملت شي قلتلها وش لي صار معك قالت استهزاء فيني وقالي بعصبيه لو اعرف انك لابسه هاللبس ماجبتك من بيت اهلك كانك فلبينيه..!!!!!!!!!!! انصدمت من الرد وتقولي خلااص تعبت ارظيه اصلا كرهته خلاااص ,,,!!!!

بصراحه ماعرف وش اسوي والا ويش اقولها..؟؟؟

:tears:

 

[e-style]

حبيبتي في اجزاء ناقصة في القصةيعني هل هو يعاملها جذيه من قبل و الا ماخذ منها موقف بسبب خلاف معين؟ هل هو مغصوب عليها و تزوجها بسبب ضغوطات؟ او هو اختارها بنفسه؟ هل في فرق بينهم في العمر او المستوى المادي او الفكري؟لأن فيه عوامل وايد تخليه يعاملها جذيه و مانقدر نحكم او هي ما تقدر تحل مشكلتها قبل ما تكتشفها.انصحها تقرأ قصة برود و مطر و تتجنب اي تصرف يحس ان يضايقه مثل اللي سوته و خلاه يعصبو ترى الحياة الزوجية مو كلها جنس و اغراء و المشاكل اللي جذورها عميقة الجنس و الدلع و الاغراء ما يحلها بالعكس قد تكون نتيجته عكسية و يولد الاحتقار بين الزوجين و الكره و اكبر دليل ردة فعل زوجها

 

[مشاعر أنثى]

بالعكس هو لي اختارها من بين بنات واجده,,, ويحبها ويعترفلها بهالشي واما من ناحية الاغراء صدقيني هي تعرف الوقت زين مازيين ,, بس هووو تحاول تعذره تقول ظغوط الاهل والشغل مخلتنه يتصرف بهالتصرف ,, بس احيانا يكون رايق بس خلااص هوو يحب يستفزها يحب يتعبها,, مع انه ماكان ابدن كذا..!!!

كل ماتحاول ترضيه تكون ردة فعله زفته
وامبينهم الهدايا والامور طيبه بس خلااص الحين من فتره ماهي بالبعيده يحب يستفزها يحب كل ماتلبس شي حلو يحب يظيع عليها مزاجها ,,, احسه جنوبي... والله ماعرف بس هو شو سالفته محد يعرف وهي كم مره فجت معه حوار هادئ ورايق وتطلع بنتيجه كويسه مابنقول حلووه مررره بس كويسه وبعدها ترد الحاله مثل ماهيي ,,

وتحاول اتجدد فحياتها ,,, حت وهي تلعب رياضه يقولها مب لازم تعدلين جسمج انا عاجبني خلك كذاا..!!!
هي صح عليها قوام جميل وجمال وكم مره انخطبت مع انها متزوجه وعبالهم مو متزوجه وهي تقول ليت هالجمال يشوفه ريلي ..!!!
هي تعمل رياضه لانه ظهرت لها كرشه من بعد الولاده وحابته تخوزها وهو يقولها عادي تمي مب لازم رياضه بس هي تقولها لا ابغي اخوزها وراح وخذلها الجهاز وعادي بس ليش يتصرف معاها بهالطريقه محد يعرفف..؟؟؟

 

[شجن2008]

يمكن نفسيته تعبانه000يعني شي خاص فيه 00هيه مالها دخل 000لو تقدر ما تدقق على تغيره00وتتركه الين اللي في نفسه يروح00او هو يحكيلها سبب تغيره عليها مع الاستمرار في الاهتمام بنفسها وعمل الرياضه000ولا تاخذ في خاطرها منه000وتبين انه كل شي عادي 000ربنا يفرج همها0000

 

[اميره بطبعي]

يمكن هو ماحبها اساسا عشان كذا مهما سوت مايعجبه...
خليها تبعد عنه شوي يمكن يحس فيها اويحس بفقدها...

 

[e-style]

اها .. يعني المشكلة مو انه هي مقصرة المشكلة انها ذابحة عمرها بزيادة و لكنها مو فاهمة شخصيته مو عارفة شنو يحب و شنو يكره في اللبس و في التصرفات واضح انه في سمات الشرقي يحب اللبس التقليدي و يكره السبورات و الجينزات خل تجرب تغير نمط لبسها وتصرفاتها شوي و تشوف و الله يكون في عونها

 

[مشاعر أنثى]

انا راح اقولها ,, مع العلم انها غيرت من نمط حياتها.. وطنشته فتره تعرفون شو سوا..؟؟ طنشها هي كمااان.!!!

وللعم غيرت من ثيابها وقامت تلبس التقليدي حت قمصان النوم غيرت وسالته وقالها هو شو يبا..

بس كمااان يوم تلبس لي هو يبغيه يطنشهااااا..
انا حاسه وكانه يبغيها تعانده وش السالفه معاه والله ماعرف بس انا مو قادره اعطيها اي حل لاني اخاف ادمر حياتها مو اعدلها..

 

[يمي كوكيز]

لاحوول مشكله مافيه احترام للزوجه ليش كذا

 

[مشاعر أنثى]

ماكان كذا ,, بس الحين بدا يتعمد تجريحها وتعكير مزاجها باي طريقه..!!!

 

[اسراراليل]

اكيد هو انسان مريض مرض نفسي اوشكي اناني يحب نفسه

 

[مشاعر أنثى]

خخخخخخخخخ والله انا بعد قمت اشك انه فيه مرض نفسي... الله يعينها

لانووو اصلا لاهو عارف وش يبغي ولا عارف هي وش تبغي... مره يقول اييه ابيييه ومره يقول لااا ما ابييه وانتي ليه كذا لابسه كانك فلبينيه وكانك وكانك ومناك اهوو اصلا يحب هالاشياا,,,