شووورووا علي

[همبا]

الغاليات أبي شوركم عندي مشكله مع أخو زوجي وأمه انه الاثنين يتكلمووون عني بكل سو جداام الناس أخو زوجي إسوي جيه لانه غيران من سعادتي مع زوجي في الوقت إلي فيه زوجته (عافانا الله)تطلب من الطلاق
اما أمه لانه زوجي عرف عنها هي ولدها انهم إسيؤؤن لي جدام الناس ويتكلمون عني بكل سو وعرف هالشي من خواتها(خالاته)
ومن يومها انا ما اتكلم معاها بس أسلم عليها يوم اتكون لبرووحها بس هي ما اترووم لازم تحفر لي فكل يوم والثاني تشكي لزوجي مرتك ما تحترمني مرتك لما اخوانك قاعدين اتمر وما اتسلم قالها انا الي امافق لها على هالشي بس لما يدخل عندي العفاريت اتناقز على راسه واعصب علي ويطلب مني ايلس مع امه بس انا مب رايمه مووول....فشو تنصحوووني

 

[شمالية شرقية]

الله يستر عليك >>>>>>>>>>>>> اطلعي في بيت بروحك حاولي بكل قوتك انك تطلعين ولو بالحيله
ومشكلتك تمر على كل الناس
بس هي تاليتها كل الناس بتعرف منو اللي يستاهل السب
وانتي ماعليك منهم ولا تهتز فيك شعره قدام زوجك
خلك واثقه حيل من نفسك وابتسمي وقولي الله يهداهم
حاولي تسعدين زوجك حيل حيل حيل
وتسوين ليالي رومنسية مع الاهتمام باناقتك وانوثتك وكثري معيار الدلع والغنج وعطيه حقه بالفراش
اشبعيه من كل الجوانب


وقدامه بيني انك تحبي امه وانها حرمه كبيره وتحترمينها
وقولي له بكل هدوء وحب وعقل


يا حبيبي >>>>>>>>>>>>هي تغلط علي من وراي وانا من حقي اخلي اي انسان يحترمني
لانه وببساطه احترم الجميع
ومن احترمه يتوجب عليه احترامي
ان لن اوذيها فهي ام اغلى انسان بالوجود
ولكن دعني اعبر لها عن ما بداخلي من خلال تصرفاتي

 

[@بنت أبوها@]

عزيزتي
حاولي تكسبين عمتج بأي طريقه (هدايا,يوم بتطلعين قوليلها شورايج تطلعين ويان تغيرين جو*ما أقولج كل يوم*...:a200:....الخ)
صدقيني الحريم الكبار تقدرين تكسبينه بسرع (بس يعتمد على اسلوبج)
وإذا كسبتي عمتج محد بيقدر يغلط عليج (لا أخو زوجج ولا غيره )لامن وراج ولا من جدامج لانها بتكون بصفج انتي
والحمد لله حياتج الزوجيه مستقرة(حسب ما تقولين)فلا تخلين هذي الأشياء البسيطه تسبب لج مشاكل ويا زوجج وانت في غنى عنها.
***وعشان ما تعطينها مجال تشتكى منج أيلسي وسولفي وياها(لو ماعندج سوالف تخبري عن ربيعاتها) لين ما يدخل زوجج ويوم بيوصل أيلسي شوي وأستأذني وقولي بدخل الغرفه عمتي تامريني بشئ وبس***
وحبيبتي وبقولج شئ مهم ليش ما تيلسين ويا عمتج وتتخبرينها قوليلها أنت شاله بخاطرج مني لانج بمثابت أمي فيهمني رضاج وانا إذا مقصره وياج خبريني (بتكبرين بعينها وبتعزج لانج مهتمه فيهاوما بتفكر تسيألج إذا شافت منج المعامله الحلوه)
والله يحنن قلب عمتج عليج
ويسعدج دنيا وآخره​

 

[الورده النديه]

منتدلاى

 

[ام محمود]

البنات ما قصرت معاكى وانا اوافق رأى الاخت شماليه شرقيه​

 

[ظبيانيه وافتخر]

انا مع خواتي شماليه شرقيه وبنت ابوها كفن ووفن وان شاء الله ترضى عنج وتكون في صفج دوووم

 

[همبا]

مشكوريين حبايبي على ردودكم الطيبه بس المشكله عمتي من طبايعها اتحرف الكلام واتغيره ’جدامي اتكووون كوول ومن وراي اتغير كل شي قلته لها واتقولني شي ما قلته ولا طريته..... فصرت اخاف اقعد معاها عسب ما اتقول عني اكثر ما قالت وبعدين اهي مب مواطنه واعزووون عليها بني جنسيتها من البنات واتم اتمدح فيهم جدام ريلي وجدامي من جذه صرت اتجنب قعدتها عسب ما اكرها اكثر

 

[بنت الطيب]

السلام عليكم ورحمة الله
حبيبتي انا سويت الي محد سواه هدايا وطلعات وناسة كانت تحبني وباقل كلمة من وحدة ناقصة صارت تكرهني وتحقرني ولا تتكلم معي يوم اروحلها بعد كذي صارحتها قالت انتي وانتي ...... وفلانة قالت ......... حسبي الله ونعم الزكيل مايثمر فيها الله يجازيها بعملها وشكرا

 

[صوره حلوه]

بصراحه ... سوي مثل ما قلت لج بنت ابوها .. كلامها صحيح حاولي تكسبينها ...
والله يهديها ياارب