شوفو لي حل مع اخوات زوجي

ااه ودي اكون ام

ااه ودي اكون ام

New member
إنضم
2009/07/16
المشاركات
133
:icon28:يابنات شوفو لي حل مع اخوات زوجي
انا اول لما كنت بالمدرسه كانت معاي اخت زوجي تدرس معي هي بنفس عمري

وكنا بنفس الفصل شي طبيعي كلنا بعمر واحد
المهم انا كنت مصاحبة بنات شوي مستقويات وكانو يدخلوني بمشاكل
ولكن عمري مابديت بمدة اليد اصلا انا خوافه مو ذيك القد

بس كنت ادافع عن نفسي اذا احد مد يده علي
ههذا الكلام لما كنت عمري 16 وقتها يعني حركات جهال

وكانو مع كل مشكله يجيبون امي

بالمختصر المفيد كانو يقولو عنا مشاغبات
المهم يابنات انا لما نقلو البنات اللي انا صاحبتهم ماصار ابدا يطلع لي حس
وتركت المدرسه بعدها ماحصل لي نصيب اكمل
دراسه وجلست في البيت وانا عمري 17 وماكملتها غير الان من بعد ماتزوجت

ولما تزوجت الان لي سنه متزوجه
واخوات زوجي قبل اسبوع كنت سهرانه معاهم كانو عندي في بيتي
وقالو لي اللي يشوف شكلك ذحين مايقول انتي اللي كنتي تتضاربين اول ايام المدرسه

وتنرفزت حدي بس مابينت
قلت لهم العيب مو مني العيب من اللي كنت مصاحبتهم
هم اللي يدخلوني بمشاكل
ردت علي البنت اللي معاي تدرس اخت زوجي
وقالت والله انا شفتك مرره تتضاربين وقعدت تقول لي والسمعه والسمعه ومن هالكلام
المهم انا انقهرت لما سمعت الكلام هذا
قلت لها حدك مو سمعة شرف حركات جهال طبيعي هالشي على عمرنا وجلست تقول لنا انها كيف لو وحده غلطت عليها تخاف ترد وتتدلع بكلامها
انها حتى بسكوتها لو يناخذ منها يدها تصير حمرا وماتقدر تاخذه
وتتدلع وهي جيكررره الحمدلله والشكر

مو هنا القهر يابنات تدرون شو القهر
زوجي صحي من النوم على صلاة الفجر وكانت اختها تسالني كيف كنتي تتضاربين اول حكينا عن مضارباتك وتعيد في هالسؤال وتزيده
وقلت لها خلاص اص فلان صحي يعني زوجي


تدرون شو ردت علي اختها الكبيره اللي تدرس معاي اول
قالت لاتخافين داري عن ماضيكي الاسود وتضحك:icon28:

ويعيدون هالسؤال قدام زوجي وانا اصرفهم عشان مايسمع
والحمدلله مانتبه
بس حطوني بموقف عصيب
صحيح زوجي يدري بس مادري عن اللي في خاطره هو اخذني وهو يعرف عني كل شي



يابنات والله احس هالشي نقطه سودا بصفحة حياتي كاني مرتكبه جريمه يدقوني فيها دائما الله ياخذهم

وانا اتعامل معاهم بكل اريحيه وطيب
وسلفاتي اصلا مايعطوهم وجه الا انا
بس اوصي زوجي فيهم<مسويه ام الخير<


لكن هيييييييييين والله لاوريهم الوجه الثاني وهما ماحد يطاوعهم غير زوجي واصلا مايطاوعهم بدون رايي
زوجي يحبني من جد ومايرد لي طلب

وكنا بنسافر سفرة وناسه معاهم بعد مااخوانهم رفضو يمشونهم
حتى العزابيه مايعطونهم وجه بس انا ووجهي اسوي فيهم خير
مالت علي بس يشوفون تمر الايام ويحتاجوني
وكنت بكنسل السفره معاهم واجلس عند اهلي وزوجي قال لي لو تسيبييهم ماتسافري معاهم مافي سفرر ابدا وماني رايح
وقلت له وامك واخواتك
قال ماعلي فيهم ياتروحين معانا يابلاش من السفره كلها

شفتو ايش لون ورحت معاهم بس عشان ماكسحهم
وهذا احنا رجعنا من السفره واحس اني مو طايقتهم
ويشوفون بالعيد والله مانزل لهم السوق انا العاده انزل لهم ولرجع اللي هم يبونه
لانهم اصلا من قريه
مو من محافظه مثلنا
ويجون عندي ببيتي بعد ماطفشوهم حريم اخوانهم يجون عندي لكن والله واللله لاوريهم الوجه الثاني الان هم اللي خسرو انا الان ماخسرت شي
بالعكس خسارة هالاشكال ربح
 
يابنات شورو علي شو اسوي معاهم
وهل هالشي يسيئ للسمعه لهالدرجه
ولو بتخطبين لاخوكي تخطبين له وحده مثلي
 
حبوبه اهم كل ساع يعيدون هالشي عليج لان يدرون انج ماتحبين يتكلمون فيه

انا من رايي اذا يابوا هل موضوع جدامج سوي روحج عادي ولا مهتمه بالعكس سوي العكس

عشان مايكررون هالموضوع مره ثانيه وانتي تكلمي معاهم عادي واذا تضايقتي منهم لاتبينيلهم

هالشي عشان مايستانسون والله يعينج ويصبرج حبوبه
 
عزيزتي (ااه ودي اكون ام ) انا ما اشوف عندك مشكله يمكن لانك صغيره وتوك باديه حياتك فانت مضخمه المواقف , بعدين ايام المدارس كلنا النا مواقف فيها ( بس الحمد لله ) انها مواقف ماتمس بالشرف , بالعكس انا صديقاتي لما نجلس مع بعض نستمتع ونحن نذكر هذ المواقف ولاتنسين ان هم بعد في نفس عمرك يعني نتو فاهمين بعض وتعرفون شو لضايق بعض الاحسن اذا ذكروا هذه المواقف ابتسمين وحاولي تسردينها معاهم بطريقه تبينين انك مش متضايقه ويا بختك عندك خوات زوج في مثل سنك اكرميهم ذا جوك وحاولي وخاصه امهم ولاكن لا تعزميهم على طلعات بعدين يتعودون ويتعود زوجك على الطلعه وياهم .
 
حبيبتي الله يسخر لج ريلج دوم ياااارب,,

اشوف انهم اذا افتحوا الموضوع جدام ريلج

تكلمي واضحكي ,, على انها سوالف ايام المدرسة,,

واللعب والضحك ,, يعني شي عاااااادي ,, وبيني ان

الموضوع مو هااامج ,, وبيتمللون من نفسهم ,,


والله يوفقج يالغالية ..
 
حبيبتي لاتضايقين نفسك واذا طلبو منك السالفه قولي انها قديمه وانك ماتحبين تخوضي في الكلام الي مامنو فايده وانصحك ماتردي الاساءه بمثلها بل الحسنه تمحوها
 
عادي قصتك عاديه واغلب البنات مشاغبات في المدرسه وما فيها شي وخواتك زوجك عامليهم بالحسني لكن لا تتعمقي في العلاقه معهم واكسبي الطيبه وع العيد نزلي لهم السوق مو عشانهم عشان ربك لانك لمن تقدمي الخير راح تلاقي الخير من ربك مو منهم..ولاتنسي انهم لسه بنات واي وحده فيهم تتمني يكون عندها زوج..واذا فتحوا الموضع سيطيري ع اعصابك واضحكي واستناسي وحتي اذكري مواقف حلوه كان سببها المشاكل..
 
حياتي اولا اذا جابو السالقه طنشي وضحكي وقولي خخخخخخخخ حركات يهال كنت بيبي ..
ثانيا ليش تعطينهم ويه ؟؟؟؟ اسهل طريقه عشان تريحين راسج اقطعي العلاقه بينهم
لانهم رزيلين كل الخير اللي تسوينه واخر شي يحررونج ..يعني يعرفون انج تعصبين ليش يعيدون ويزيدزن عالسالفه .. الا اذا لهم هدف وهو انهم يحرونج ويقهرونج ويبنج تعصبين
ثالثا:ليش تشوفينها نقطه سوده في حياتج .. السالفه عااااااااادي جدا جدا ليش ترى انتي زانيه لا سمح الله
عيل البنات المسترجلات والشاذات واللي عندهم حركات الاعجاب والوصاخه شيطلعون\
من وجه نظري السالفه عاديه وحركات مراهقات ووناسه وكشخه وبس .. ويمكن هم محترين منج اصلا
اذا انتي شفتي الموضوع عادي عم بيشوفونه عادي لاتكبرين السالفه
رابعا: ماتلاحظين شي ؟؟؟ ان زوجج رغم ان هو عارف بالماضي اللي انتي تسمينه اسود لكن الظاهر ان هو معجب فيج ويشوف ماضيج ابيض ويشرف..يمكن هو يشوفج في قمه الانوثه ..يمكن هالحركات تغريه
السالفه عاديه ولا تخربين حياتج عشان ناس تافهين وسالفه تافهه

اعرف وحده كانت مسترجله ومشهوره واحين عرست واعقلت ... وانتي ولله الحمد ماسويتي شي غلط

وبالتوفيق يا قلبي
 
هههههههههه بالعكس اضحكي وحكيهم عاااادي وقولي ياحليلي والله ماحد كان يقدر يناظرني من قوة شخصيتي وكذا وقولي فوق هذا كله كنت في البيت دلوووووعه وماما وبابا كانوا مايردوولي طلب طبعا هذا الكلام كله قدام زوجك عشان يبطلوا..
 
انا اشوف السالفه عااديه وكلنا نقول سوالف ايام الدراسه ونضحك كنا نتضارب ونتخانق عادي بالعكس قولي لهم وبيني لزوجك هالشي وقولي انا ماارضى احد يدعس لي على طرف حتى ايام الدراسه ياويل اللي تغلط علي خليها انك مرره شخصيه وتعصبين عالغلط

وبعدين لاتعطينهم وجه ترا احيان خوات الزوج وخاصه البزارين ماينعطون وجه والله ترتاحين خليك رسميه والله لو تشبين اصابعك لهم مابين بعينهم
 
الله يعطيج خيرهم:clap: ويكفيج شرهم:icon28:
ياااااااارب.....كل انسان عنده ماضي اسود :msn-wink:وانا كنت من هالنوع يعني ضرابه:sly: وسوالف فالمدرسه:crazy:
بس الحين تغيرت لاني صرت ام....:blush-anim-cl:
 
انت عاطيتهم وجه. فيه اختراع اجتماعي اسمه" السفهه " والثاني " ولا كان احد يتكلم" متاكده انك سمعت عنها علاج فعااااال لهذي الحالات من دون اثار جانبيه على الاطلاق. مده العلاج ثلاث الى خمس مرات بالجلسه الواحده . والله محد مستاهل النرفزه وشد الاعصاب خليك بزوجك حبيبك وبس . لان هالاشياء مع الوقت تاثر على علاقتك به.
 
حرام عليك يااختي خليهم يروحون معك واضح ان اخوووك حبوب لو انا منك لافتحو سالفه تضايقني اطنش بس سوي خير لوجه الله مو لانهم بقريه ماتساعديهم لان هن معتمدات على اخوووهم كثير الله يصلح الجميع ولاتزعلي مجرد راي
 
نصيحتي اذا فتحو الموضوع خليه كانه نكته وسوي نفسك عاااااادي واضحكي وبكذا ماراح يفتحون الموضوع مره ثانيه

وانصحك خليك على ماانت عليه من المعامله الطيبه بيجي يوم تحمدين ربك انك معاملتهم معامله حلوة وترى الدنيا دواره

وانا اشوف ان الموضوع ما يستاهل كل هذا الزعل ولاتعطين ألأشيطان فرصه للوسوسه
 
نصيحتي اذا فتحو الموضوع خليه كانه نكته وسوي نفسك عاااااادي واضحكي وبكذا ماراح يفتحون الموضوع مره ثانيه

وانصحك خليك على ماانت عليه من المعامله الطيبه بيجي يوم تحمدين ربك انك معاملتهم معامله حلوة وترى الدنيا دواره

وانا اشوف ان الموضوع ما يستاهل كل هذا الزعل ولاتعطين ألأشيطان فرصه للوسوسه
 
لاتحرين نفسك
رايي من راي البنات الي قبلي الموضوع عادي ومايستاهل تقهرين عمرك علشانه
 
ماشوف عندك مشكله خوات الزوج ماينفع معهم الا الحقران وبس طنشييييييييييييييييييييي وبس
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل