شوفو رد زوجي عليه

ف

^فديت امي^

New member
إنضم
2009/10/31
المشاركات
28
السلام عليكم اخواتي

اول مره اكتب لكم والله ماادري وش اكتب لكم
اليوم صار لي موقف مع زوجي بقلكم السالفه وابي ردكم وايش اسوي معه
المهم طلعنا نتمشى احنا واهله دايم نطلع بسياره وحدة مافيه خصوصيه واذا رفضت يطلع معهم وانا اقعد مافرقت معه المهم دق جواله وكان صاحبه وسائله ابوه بعد ماوقف وش يبي فيك قال متزاعل هوه ولد عمه ويبغاني اصالحهم وسائله عمي وش شكلمهم قال واحد قحطاني واحد عتيبي قام ضحك عمي وضحكت انا وقلت تصريفه حلوه لاكن وصلت طريق مسدود قصدي تبغى تصرف ابوك بس ماعرفت قلتها مزح واحنا بالعاده نمزح ف السياره وعادي الوضع تخيلو وش رد عليه
قالي كلي ...... وانتو بكرامه قدام الجميع وقام لعني وسبني وابوه هاوشه وقاله ماتستحي هي ماقالت شي عادي
المهم سكت طول الطريق مااكلم احد منهم ودمعتي ع خدي مااستحى مني ولاقدرني ام عياله
دايم هوه لسانه وسخ وهمجي ورجعنا البيت ولاتكلمت ولا قلت شي مااكلمه طبعا
مقهوره احس اني ولا شي
مدري وش اسوي اسشيركم اخواتي ردو عليه باي كلمه
 
حبيبتي اول شي تعوذي من الشيطان واجلسي استغفري
ومشكلتك نفس مشكلتي الفاظ ولعن وكل شي بس ما يلعني ويتلفظ علي عند اهله تصدقين اتمنى يسويها تدرين ليش علشان دايم يقلون ولدنا مايقول كذا من الالفاظ
اختي كل شي سويته زعل صراخ تدخل ابوي هدوء اخر شي شرطت عليه مايتلفظ علي او اروح بيت اهلي
ونفس الشي رجع يتلفظ ويسب ويلعن
قلت شكله مافي حل مالنا الا الدعااء
 
الله يهديك اختي دامك عارفه زوجك لسانه كذا انتي احرجتيه مع ابوه عشان كذا عصب عادي فهميه انه ماله حق يتلفض بلالفاض ذي يعني ممكن تقول رايك وعادي تهاوش يس الالفاض ذي ماسمح فيها ابد
 
المفروض انت عارفة زوجك كان ماناقشتيه
عليك بالدعاء والاستغفار
الله يعينك فيه احد بهالالفاظ النائيه
 
غلطان وماله حق يتكلم معاك بهالالفاظ
لكن انتي حطيتي نفسك بهالموقف
احرجتيه عند ابوه وكأنك تقولين بااسلوبك انت كذاب!!
اولا لازم تكونين صارمه في قضية الالفاظ معاه
والزمي الصمت وابعدي عن المزح معاه عشان يحس بخطاه
وحاولي لما تكونون في اجتماع ماتقولين له شي
عشان لاتحطين نفسك في موقف محرج..
الله يعينك ويسخره لك..
 
كلامك في محله اللي قاهرني قدامهم كلهم حتى الشغاله كيف احط له حد لالفاظه كل شي استخدمته زعل هجر مابقى شي صرت اكره نتقابل انا وياه بمكان واحد
 
مالك الا انك تتحاشيه نهائى
خاصه عندالناس
وعليك بالدعاء له
 
قسم بالله قليل ادب (إسمحي لي)
وش هالالفاظ ؟هذا عشانك ساكتة له من البدايه ,لو انك من البدايه وقفتيه عند حده كان ماتجرا عليك ,إلا عشانك من اول وانتي ساكته لك صار الحين يتجرأ حتى قدام اهلك ,عالعموم الله يعينك
 
اقسم باالله لو اني مكانك اجلس سنه مااكلمه لين مايحب رررررررررررررررجولي ليش ياعمررررري يتلفظ قدام اهله والله والله اني مااسكتله اقل شي اتجنبها شهوررررررررررررر عمى والله ماباقي ل هي
 
انت جربي مرة وحدة اذا سبك قولي وانت كمان وشوفي كيف بيعصب وينفجر قولي حط نفسك محلي لما تسب قدام اهلك او اي احد زي ماانا محترمتك احترمني

ممكن يعصب ويجيك كف بس انه بيعرف انه غلطان​
 
ماعليش ياأختي بس انتي اللي بديتي لما قلتي تصريفه كأنك تقولين له قدام اهله(كذاب ماقلت الصدق) وانتي احرجتيه عشان كذا ولأن لسانه متعود على هذي الألفاظ السيئه قالك كذا المفروض من زمان حطيتي حد لألفاظه السيئه مو بعد ماتعود عليها ثاني شيء لاتحولين تحتكين معاه قدام الناس ابدا بالعكس احترميه عشان ينحرج من نفسه..... بس لاتعدين له هذي الحركه حاولي تكون بداية الإصلاح خليه يندم مليون مره عليها.............
 
اختي في رجال كذا طبعهم مايحشموا احد ولايحترموه لمن يعصبوا يعني لمن يكون هادي ساكت مايسب بس لو قلتي كلمه حتى لو مزح سترك يارب ولو كان معصب من احد ممكن ينزل حرته فيك وبكل برود يقول طيب انتي زوجتي وتتحمليني من غيرك يتحملني >>>>>>>>>>>>>>> رد يفقع القلب بزياده بس نصيحتي دائم ادعي يارب حسن خلق زوجي كما حسنت خلقه وللتوضيح الفرق بين الخلق الاولى والخلق الثانيه اختي ترى الاولى بالضم يعني مثل مااحسنت الخلقه احسن والثانيه المقصوه فيها اخلاقه ومالك الا الدعاء ولاتناقشيه ابداااااااااااااااااااااااا وانتم مع احد او في مكان عام او حتى امام اطفالك عشان تسلمي من لسانه وترى كل ماكبر الشخص كل ماهدي سبحان الله والله يهديهم ويهدينا ويصبر الجميع
 
الله يسعدكم على ردودكم ويجزكم خير
حاليا انا مااكلمه ابدا وهوه طبعا برا سهران لادق ولاشي ولاني مكلمته الين مايتادب بس اعرفه ماراح يتاسف لو اموت يقعد طول اليوم عند اهله وقت النوم يجي ينام عنده عزت نفس الاخ لكن مااقول الاحسبي الله
 
اول شي اقوله لك الله يعينك ويصبرك ويعيني انا معاك

هذولا الرجال طبعهم واحد الله يهديهم

عموما لاتكبرين السالفه ياقلبي لان ماينقهر الا انت

واهم ماعليك صحتك

انا من رأيي ولو انه هو اللي غلطان روحي له وكلميه جيبي له قهوه او شاهي او عصير
وقولي له من هالكلام الزين صدقيني راح يتندم ويتحسف

انا مثلك بعض الاحيان تاخذني العزه بالاثم ع قولتهم يعني يقالك عزة نفس
بس والله الدنيا ماتسوى
لولا سمح الله وجاه شي بتتندمين طول عمرك
الدنيا زايله وانا اختك
ماتسوى كل هذا

انا ماالومك في اللي سواه معاك والله ماالومك
بس صدقيني هذا ابو عيالك اللي مالك غيره بعد الله
الله يهديكم لبعض ويسخركم لبعض يارب ​
 
مدري وش اقول لك

بس دامك جربتي معاه كل الأساليب ومانفع , مافيه إلا طريقة وحدة إنه إذا تلفظ عليك وتكونون لحالكم طبعا قولي : ترى اقدر ارد عليك بنفس الكلمة بس أنا متربية ومحترمة نفسي قبل لاأحترمك ولاتحدني أرد عليك بنفس الكلمة..

أنا لو مكانك اسويها وربي

مرة كان بيسافر شغل وقال: إيش رايك تجين معي؟؟ (قد سافرنا قبل كذا مرة وبعدها قال: ماعاد راح آخذك معي لأني انشغلت بتفكيري فيك وخليت شغلي)
وأنا عارفة إنه كذاب بس يبغى يسحب فيني فسويت نفسي ثقيلة وقلت: لا لا أنا وش يوديني هذيك المدينة مرة ثانية؟
قام سوى نفسه إنه أخذ بخاطره وجلسنا نتكلم شوي قلت وش فيك زعلان أنتي زعلتيني قلت ماسويت شئ يزعل قال : من جد إنك وقحة (تراه مسوي نفسه يمزح )
المهم قلت :لاتقول هالكلمة مرة ثانية قال :مافيها شئ قلت :ترضاها على نفسك قال: عادي قلت: وأنا مو عادي تقول هالكلمة قام قفل السماعة بوجهي (وقتها كنت زيارة عند أهلي وهو جاته السفرة مفاجئة فكلمني يبلغني إنه راح يسافر)
انا مو زعلت وبس إلا طنننننقرت

وخليته يسافر ويرجع ويوم جا أخذني سوى نفسه ماقال شئ ويسولف وينكت ورجعنا البيت وكان فيه مباراة قعد يتابعها ولا كأن فيه خبلة زعلانة قاعدة جنبه ولما خلصت المباراة اخذت الريموت وقفلت التلفزيون وقلت : أنا زعلانة قال : ليه مين زعلك؟ قلت : منت عارف إنك زعلتني؟ قال : قلت : من جد إنك وقح (خخخخخ مدري كيف قلتها وربي) ووجهه انقلب ولاعلق بكلمة وكملت أنا كلامي وطلعت كل اللي بقلبي وبعدها ارتحت ههههههههه
 
بسراااااااحه إنقهرت ..معليش بس زوجك
قليل ادب ووقح..معليش امزح معك بإمكانه يقول لاعاد تمزحين
ولاإنثبر ولاقال هالكلمه عند أهله خيرررررر والله لويقولها زوجي لي
والله ماأسكت حتى لو ابوه هاااوشه والله ماأبين قدامهم إني ضعيفه
لاأرد عليه وأسكته بعد هاذا اللي ناقص
 

يمكن عشان احرجتيه قدام ابوه
كانك تقوليله انت كذاب
بس برضوا هو الغلطان ولازم يعتذر
قاطعيه شويتين الين يحس بغلطه
الله يعينك​
 
الله المستعان
المؤمن مبتلى
اصبري ياأختي واحتسبي وقولي اللهم اجعل ماقاله لي في ميزان حسناتي وتكفيرا لذنوبي
وثقي ثقه تامه أنه مايضيع عند الله شي
والله يعييننا وياك على هالدنيا بخير
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل