شوفوا وش سويت مع زوجي ....

[عجايب]

الدكتورة نبضه قلب ..

مشكوره على مرورك وعلى ردك ... هو الوالد ان شاءلله راح يكلمه ولا راح يسكت عن الموضوع ..


بحر الحزن ... ليلى .. الغاليه ..جروح الروح .. الله يعطيكم الف عافيه على ردكم .. ماقصرتوا يالغاليات ..

vip-mshora
مشكوره ياقلبي على مرورك انا معك بهالسالفه المفروض اني قلتله ... بس ماحبيته يعلق علي ويحط بباله اني ميته عالعرس ... ترا اغلب الرجال كذا طبعهم يحبون التعليق وهو من هالنوع .. فحبيته يفهمها هو على راحته ..

 

[عجايب]

بنات وينكم والله ياكلامكم لي يشجعني وكل يووووم يقويني ... خلكم معي علشان ما اضعف :flex:

الحين صار لي ثلاث ايام لاحس ولا خبر عنه ولا ادري عنه اي شي :crazy:


ووووينكم والله اشتقتلكم :cupidarrow:

 

[سونيتا]

الله يوفقك حبيبتي ...وماشالله اللي عملتيه هو الصح ولاتشغلي بالك اتوقع يتمسك فيك اكثر وهو يحصل مثل هالدانه ويتركهااااا ...

 

[ليليان433]

اختي تصرفك سليم وعين العقل واذا هو شاريك بيركض وراك وبيجهز كل شي
بس ليه مو متحمس ومايتحرك يسوي شي!!!
صراحه الله يعينك انا اما كنت مملكه حتى الوان الاثاث يرسلها لي ويقول لي ايش رايك
وكان ماهو فاضي لي ومره ارسل لي قماش غرفه الجلوس مع اخوي الصغير علشان اختار اللي حبيته
يعني كان همه الوحيد البيت!!!
الله يصبرك وان شاء الله يحس ان تصرفه يدل على اللامباله!!!
ولاتشكين في يوم في تصرفك لانه هذا سمعتك وماسويتي شي خطاء!!
بالتوفيقّّّّّّّّ

 

[عجايب]

بنات مشكورين يالغاليات على دعواتكم لي ... وردودكم اللي بردت قلبي ..

ياجعل رب العباد يسهل لكم أموركم وييسر لكم حياتكم قولوا آآمين :cupidarrow:

انا عرفت السبب اللي خلى زوجي ماحدد الزواج ولا يتكلم عن العرس ...:smoke1:

طبعا" كلمه ابوي عن الموضوع ... وقال لأبوي وهو محرج ان ظروف ماديه هي اللي عطلته عن العرس .. مقدم على قرض وللحين ماعطوه .. ومتى ما استلم القرض راح يحدد الزواج ,,,

لأن هو يابنات ابوه متوفي وهو أكبر أخوانه وهو اللي مزوج نفسه محد مساعده ...

تكفوون يابنات طالبتكم انكم تدعون لي ان الله ييسر أمور زواجي ويسهلها علي ويباركلي فيها ويسعدني بحياتي الزوجيه ويبعد عني شر الاعداء والحساد ... ولكم بالمثل أن الله يوفقكم ويسعدكم بحياتكم مع أزواجكم ويفرج لكم كل همومكم ويبعدكم عن كل حاسد وعدو آآللهم آآمين

 

[سمر قند]

الله يوفقك ويسعدك ويسخر لك زوجك يارب

 

[الراجية من الله]

طيعى كلام ابوك واخوانك ولا تكلمينة ...

لانة هو الظاهر مال تسلية ...حسسية انك ماتبين هاالنوعية وان ابوك واخوانك بالدنيا كلها لان الوحدة لعزت اهلها يعزها ولو هنتهم هانها ...
انتبهى لاتضعفين وخليك قوية...
وبعد هو قالها لك اسمعى كلام ابوك واخوانك... يعنى خلاص مستحيل تكلمينة اللى لكان جدى ...

عزى نفسك تلقينها ...
وحسبنا الله ونعم الوكيل ...في التصرفات الصبيانية ...على بالة مثل اللى يدردش معهن ,,,ما اخوفك بس مافي شاب على وجهة الارض اللا ولة علاقة تلفونية وانتى اثبتيله العكس انك منتى منهن ابدا وإلا روح الله يستر عليك

واذا تاخر زيادة ...خلى ابوك يكلمة ويكلم اهلة عشان تكونى على وضوح...ويعزونكم ويهابون منكم...

واللة يسير لك الخير...

 

[ميوسه]

ربي يوفقكم ويكون زواجكم باقرب فرصه

 

[جوري قطر]

الله يوفقج ويسعدك ويسرع امور زواجك

 

[haven]

زين سويتي اختي بس لو خبرتيه بالحقيقه بانه لازم يهتم في موضوع
العرس وياخذ الموضوع بجديه مو بس يتمتع بسماع صوتج؛؛طبعن ابوك واخوانك يبونلج الخير حبيبتي؛؛

 

[أحلى برنسيسه]

اصبري وخليكي على مشورة الوالد
أنا جلست مملكة سنة كاملة كنت اسمع كلام من الكل لمتى مطولين
ماقررتوا الزواج مع أنه كان أخوه السبب لأنه منتظره ليعملوا الفرح مع بعض
ولمن حدد اليوم ماصدقت كلام الناس كثير وما يرحم فأصبري حبيبتي وأن شاء الله الفرج يكون عن قريب
ونسمع عن زواجك

 

[البحر غدار]

خلى الاهل يتكلمون بهالموضوع وامك تحديدا تسال امه عن التحضيرات والترتيبات اكيد راح تتوضح الامور

 

[حميدة]

ربي يعينك

 

[مرافئ الامل]

انامع الاميرات وكلامهم صحيح وانتي واهلك سويتو عين العقل من المفترض ان البنت او حتى الولد فترة الملكة يكونون على اتم صراحة وتوضيح الامور بحزم ومصداقية ويتركون عنهم المجاملات والكلام الفاضي والغزل الي ماله داعي الا في حدود التقرب المعقول وكثري من الاستخارة والله يكتب لك الخير ويمكن يبغى الرجال يسوي لك مفاجات بس على العموم تصرفك اللي سويتيه صحيييييح