شوفوا خدامة خالتي شسوت جدام زوجي

[* حلاوه *]

مرحبااا حبوباات
شلونكم .......
انا اليوم بكتب لكم مواقف صارت معاي كان زوجي معا ي وشوفوا شرايكم بتصرفي ......
من جم يوم زرت ام زوجي وكنت جايبه بنتي وقعدنا باستقبالهم (يعني بالمجلس)بس شلون طريقه
المجلس ....شلون اشرحه يعني حاطين الاثاث ومخلين وراء ركن حق اللي بمر ويطلع
نرد حق القصه.....واحنا قاعدين خالتي شايله بنتي وانا وزوجي قاعدين قبالها بحيث مانشوف اللي وانا معطينهم ظهورنا
عاد مرت خدامة خالتي اللي ماتستحي وتطيحلج تبوس بصوت عالي حيل وتنادي باسم بنتي واقفه وراي انا وزوجي حبيبتي تنادي باسم بنتي وشغاله تبوس وتفر وخالتي تكلم وانا ماني قادره اسم من صوت الخايسه والمصيبه,,,,,,,,,ان خالتي عجبها الوضع وماقالتلها شيء:busted_red:

وتجي الخدامه تحط القهوه والجاي لنا وماتستحي اشكره جدامي وجدام زوجي يعني ذابحها غلا بنتي وتكرر السالفه
المصيبه انا اماسويت شيء ساكته جني هبله

ماعرفتكم على بيت خالتي
كل شي عندها عادي الخدامه مالتها تلبس دراريع تفصال ومن عند الصدر يبي ينفجرمن كثر الضيييق
واللي قبلها تلبس تنانير شفافه بماتحمل الكلمه وكانت اندنوسيه ...
وكلش ومشيتها جنه احد قاعد يسحبها بس الوجه موحلوه مافي عيون
وهذا كل اشكال خداماتها تخليهم يخمون جدام الرياجيل
اما رياجيل بناتها مستحييييل ترضى بالوضع هذا لهم
صج قهر:tears:
قلت ان علقت تقول غيرانه من الخدامه ,,,,,,,,,, وهذا اللي ناقص

وثاني موقف
كنت موديه بنتي المستشفى احنا بالانتظار زوجي شايل بنتي بحظنه تمر وحده كاشفه وجها وماركزت بوجها ماتلبس عبايه هي مرت علينا وانا وزوجي نلعب مع بنتي ...... مدري اللي ماخذه غري وراده وتضحك مع بنتي بس من بعيد بس زوجي كان قاعد قبلي وهي جايه صوبه


والطامه الكبرى
لما جت اقرب وانزلت وباست بنتي بحضن زوجي اانا وقتها اطالع زوجي وزوجي يطالع فيني انا القط اكل لساني بعدها راحت انا وقتها تنحت بعدها زووجيي قول شفيج وضحك على شكلي
لما رديت البيت قلت ليش مازفيت الوقحه هذي قال ليش انتي مازفيتيها وسألت اخوي شلون راح تكون ردت فعلك قال نفسه فشله اتهاوش معاها ,,,,, انتي جان خذيتها منه يقصد بنتي

والحرمه ماكانت حلوه بس وصخه ,,,,,,

هذي مواقفي بعرف شرايكم بردت فعلي ,,,,
ولو انتي مكاني شكنتي سويتي

 

[نوريتا]

الله يعينك

 

[بدويه ستايل]

لازم توقفينها عند حدها يعني .... اذا صادفتج هالمواقف مافي داعي للسكوت ... بس بإسلوب ... يعني ما تصهرين لها انج منغاضه منها او معصبه.... والله يعينج...

 

[شوشز]

حلاوه عجبيني موضوع
تعرفين ليش لان مو انتي اللي تعانين في وااايد متزوجات تصير معاهم
وانا وحده منهم:busted_red:
في مره كنت بالمستشفى مع بنتي وزوجي
بنتي كان في حضن زوجي الا جات وحده وتقول حق زوجي الا اشيل بنتك وبنتي مو راضيه تروح عندها والا اشوف طلعت الجوال وتحطلها موسيقى بعد ما رضت تروح
اللي رفع ضغطي اكثر بدلع تتكلم حسبي الله ونعم الوكيل في كل وحده تبي تخرب بيوت الناس

بنات الحين يدورون على واحد متزوج مدري ليش

 

[* حلاوه *]

شفتي حسب الله عليهم حريم ما تخاف الله
تصدقين خواتي ينقهرون لما يشوفون ردة فعلي

 

[* حلاوه *]

يله بنات خلونا نشوف ردود افعالكم ونضحك ؟؟؟؟؟

 

[غدير الكويت]

الخادمه لازم اتوقفينها عند حدها ليش تدخل المجلس وفبه ريال؟ ؟ ؟
انت قدمي القهوه لمن زوجك بالمجلس ونبهيها لاتدخل إذا فيه ريال والله يعينج

 

[أم ميثا]

يمكن بنوتج الله يحفظها قمر ما يقدر اللي يشوفها ما يلاطفها

ارقي نفسج وزوجج وبنتج والله يسعدكم يا رب

 

[نواره99]

اقري ع نفسج وبنتج وريلج
وبنات هاليومين استغفر الله هم الي يغازلون طبعا مو الكل
المهم عرفي شخصيه زوجج وكيفيه التعامل معاه وبسج غيره ^_^

 

[ربيع الخير]

صراحه حريم اخرزمن صارالرجل هو الي يخجل وهم عيني عينك والله انهم صارووقحين المصيبه اذاكان الرجل يعطيهم وجه يعني قال ايه يجاملهم يعنيي قال اتيكيت حسبي الله عليهم

 

[جراده شياكه]

راح انقهر ولا ابين

 

[@@عيون الحب@@]

يمكن معجبه ههههههههه
اكره شي اسمه خدم بس اختي خذي حذرك منها حاولي تبتعدين انتي وزوجك عنها لا تهاوشينها
انتبهي خلي اي احد غيرك يهاوشها والله يعينك

 

[بعيون زوجي]

موقف الشغاله هاذي بيلها كف على وجها علشان تصحى!
المفروض تنادينها وتنبهينها وتخبرينها ان صوتك مزعج ومايخليك تسمعين!

اما المزاقف الثانية الي بالمستشفى مثلا زوجك ماينلام انتي المفروض تدافعين عنه وباسلوب راقي لو سمحتي مناك عن بنتي!

وصدقيني لو مادافعتي انتي عنه بيحس انه رخيص عندك وعادي كل المواقف وممكن هو بعد مع الايام يجاريهم علشان بس يقيضك!

 

[النآعسـه]

استغفرالله بس ‘ شالحركات ذي من بنات هاليومين
وبعدين حبيبتي الشغاله وقفيها عند حدها مو تجلسين ساكته من هب ودب على زوجك
خليه يحس بغيرتك بس مب ذيك العصبيه ..
يعني هزئيهم وذا جيتي يمه لاتكلمي عن اللي صار عشان لايقول مكبره الموضوع
‘
ودي اقولج على موقف صار لي البارحه بالليل
رايحه مجمع وكنا نتمشى انا وزوجي الا وحده لابسه كتافي وحاطه شال السعوديه << تخيلي عباية سوده وشال اخضر
وعبايتها مخصره ولابسه هالنقاب هالوسيع ولا مكحله
( لو افتش وجهها تلوع الكبد منها )
عاد زوجي من النوع اللي يحب يحرج ‘ ويعطي الكلام في الوجه ابد مايستحي منهم

قال وقتها بصوت عالي يالسعوديه << هنا ناظرته واستحقرته قلت له شالقلة الادب تقولها بعد قدامي
قال عادي ماقلت شي هي اللي لابسه قلت انت اشعليك قال مب قصدي شي
قلت خلاص انا من احترامي الزايد لك ونت ماعتبرت احترامي بسوي نفس اللي تسويه
قال شنو ‘ قلت اذا شفت رجال بقرب من عنده وبرفع صوتي عشان اشوفردة فعله هالرجال ‘ قام وعصب قال لا انتي حرمه
ونا قلت انت متزوج ولازم تحترمني ‘ المهم نزلنا عالمطاعم وشفتنها اهناك
وسويت نفسي ماهتميت ماشيه مع زوجي وطلبت من المطعم ومشيت عالبيت طبعا ماكلمته بالسياره خليته وتعشينا ونام يوم ثاني جلسني عشان افطر معاه
فطرت وخلصت فطوري ‘ قلت له واشوي بين الدلع والغنج والحزن وكني ماخذه على خاطري شف انا اشوي متكدره قال ليش
قلت انت حركتك البارحه ماعجبتني ونا بكره بجيب مولود
مو حلو يشوف ابوووه ويش يتصرف ونت تبي تربيه عدله

احس وقتها اتندم وربي حيا مب طبيعي ‘ قال اسف مب قصدي
واللي تبيه راح يصير ‘ قلت له مو قصدي احرجك ويمكن
انت تسويه من قبل هالشي بس انا مسامحتك بس انت متزوج يعني ماحسابك ولا اقولك هل انت اتسوي كذا ‘ سكت

ونحرج بقوووه قال والله اسف ونزل عيونه زي اللي استحا مني
قلت له ابمكاني اكلمك البارحه بس ماحبيت اضيق خلقك
خليته لبكره ‘ واحب اقولك كثر من قراية القران لاتصير
مشغول بالعمل واجد ‘ قالي انشالله

وه بس ادري موقف طويل وعطلتك خخخخخ سامحيني

ولو انا بمكانج وتسوي لوزوجي كذا اهاوشها قدامه بعد
عشان يعرف اني مو هينه اي حرمه اتكلمه

هذا زوج ملك اسس حياه زوجيه مو اي وحده داشه عليه
بعدين يساهل بالموضوع ويكلم اي احد ويضحك معاها ..

الله يعينج ونتبهي على نفسك
​

 

[عيون عزيز]

شوفي ياقلبي .. انتي سلبية فالمواقف الي صارتلج.. شله ساكتة؟؟؟؟؟؟
في خدامة في بيت أهل ريلي متيمة بزوجي حتى قبل لا ياخذني.. ولوعت جبدي بحركاتها الزفت الي تسويها اذا زرت عمتي((أم زوجي))..لدرجة مرة انقطعت علينا الكهربا ونزلت يومين في بيت عمتي والعلة هذيج رفعت ضغطي تتدلع وتسبل عيونها,,لدرجة انه زوجي مرة غفا بالصالة وحس انه في حد قريييب من ويهه ولما بطل عيونه لقاها لاصقه في ويهه وتتمحلق فيه؟؟
واذا شافته قاعد في مكان راحت تنظف المكان وتفرفر........... افهميها عاد..
بغيت أموووت لأن هالأشيا تسويها من وراي وزوجي علمني..علمت أم ريلي قالت لي مالج خص في فالخدامة.. خايفة على ريلج اخذيه وتوكلي..مسكت أعصابي ورحت للحيوانة ذيج وأزفها زف وقلت لها ان عاد شفتج توطوطين جدام بابا والله لا أسفرج يالوصخة لأن فيزتج عند بابا((أقص عليها))..ماتت من الخوف وصرت ما أفارق ريلي وأنا في بيت عمتي..وتسنعت .. ثاني مرة أي وحدة تتعرض لريلج شرشحيها في حزتها ..لا تنطرين لي بعدين

 

[hot pepper]

هههههههههههه

ضحكتيني شكلك شآآآيله بخآآطرك مرره

 

[مشتاقه لريلي]

المفروض الخدامه ماتدخل مكان فيه رياجيل لسد باب البلاوي لانها ممكن تكون قاصده وممكن لا لان مفهوم العيب عندنا غير عندهم ولا تزفين الخدامه إلا بشي واضح ومافيه كلام أما الموقف في المستشفى حتى لو بنتج قمر هذا موعذر تبوسها وهي بحضن ابوها ةالله وقاحه أبسط شي قوليلها بصوت عالي وباستنكار إنتي ماتستحييييييين ؟بتاكل تبن ولاتقدر تتكلم (إقري قصة هبه في قصص وحكايات )لان هالموقف صج خالي من حسن النيه وزوجج معاه حق إذا مارد!واذا انتقد تصرفج قوليله أغير عليك ياقلبي 0 كلميه بهدوء من غير صراخ0

 

[حبي هاني]

والله ماااا اسكت لو مو بكلمة بنظره لكن مرررررررررررررررره ماااا اسيبها تتمااااده

 

[المحاميه]

الله يعينج يا اختي اغلب مواقفج تذكرني بمواقف مريت فيها المهم بنتعلم نطنش ونثق بنفسنا اكثر ولا بيملون من غيرتنا الزايده وبيشردووووووووووووووووون :harhar1: ولا شو رايج؟؟؟؟​

 

[تجرح وتداوي]

من ناحية الخدامه تكلمي عليها ولا تتركين لها فرصه تستعرض قدام زوجك لان مالهم امان ونواياهم خبيثه حتى لو مو واضح عليهم
نفس الشئ صارلي مع خدامة ام زوجي بالصدفه زوجي دخل المطبخ يبي كاسة ماي واستوقفته وقالت انا افكر فيك وانت ولاحااااس فيني ومن هالكلام اللي زوجي رافض للحين يقوللي هي وش قالت له عاد انا دخلت عليهم فجاءه وهي هربت لغرفتها ولما لحقتها قامت تصارخ بوجهي وتقول انا ماقلت له شئ وانا سكت لها عشان خاطر ام زوجي ولاننا بنسافر ومومستقرين بمنطقتهم
اما البنت اللي بالمستشفى ودي انك وقفتيها عند حدها من جد قلة حياء انا رحت مره للمستشفى ولما كنا عند الرسيبشن وقفت بنت قبال زوجي وقالت رجا لاتوقف جنبي روح من جهة الثانيه لان هذا المكان خاص لنا يانساء طبعا كلنا نعرف نظام المكاتب في الحجزوالمواعيد اللي يجي يقدم اوراقه وحتى لوكان فيه نظام المفروض تتكلم معاي انا
المهم انا قمت هاوشتها قلت هيه انا موجوده يعني اذا النظام مايسمح بالرجال انا حرمه ووقافه قبالك وزوجي قام يضحك بصوت مرتفع ويقولي برااااافو
اسفه طولت عليك بس حبيت اذكر اللي عندي