شوفوا أش صار مع زوجي اليوم الصباح قبل دقيقه واحكمواال

[ماريس2009]

يابنات ابي مشورتكم ولا أنحرم منكم ألاحظ علي زوجي كل صباح يروح علي تسريحتي ويبخبخ بعطوري وهو رايح الدوام وانا انقهرت منه لانه حول السنه ماشترالي عطور ووقتها بالصيف كنت عند اهلي وزعلانه وجا يأخذنا اشتريتله هديه وهو مامد بربع توله واللي عندي فيه اللي اشتريته وفيه اللي هديه وقمت أنا انقهرت كل صباح جبتها بمزحة قلت توني قبل مايروح اذا جأ نهاية الشهر تجيب لي احلا عطر قال يزعل أنا مااحب كذا عشان عطر قلت له ليه تزعل وانت لك سنه ماشتريتلي هديه او عطر وجئتني وانا عند اهلي ولا أعطيتني اي شي وهو يعتبر اي شي اروح اشترية انه هديه قمت قلت ليه زعلت هذا الحق بس مقهور ليه اقول ابي اخر الشهر احلا عطر وش رأيكم و يابلقيسيييييييييييات وش سياسة بلقيس في مثل هالامور وهو تافه الامربس غيض من فيض علما انه لو هو وربي يعطيني إياها بوجهي اعرفه مايحب !!وش رأيكم أمانه اللي تدخل ما تبخل علي بردها **

 

[زوجة تـــوتـــو]

انا مافمت عليك والله ياليت توضحين شوي

 

[القلب المجروووح]

الله يدلك على الصالح...

انصحك يااعمري باستخدااام أسلوب السياسة والكلمااات الرائعة ,,,

بدل من كلمااات التجديع ( اعذريني على هالكلمة ) لأن الرجل بطبيعته لايحب هذا الأسلوب بل يزيده تمسكا برأية وعنادا ...

فمثلا قولي فيه عطر حلو كلن يمدح ريحته (اذكري اسم أي عطر) وقولي له وش رأيك نروح نشوفه ...

أو قولي في المحل الفلاني فيه عرووووض على العطور ماتبي نشوفها لأن المحل معروووف بعطوراته الحلوة ..

وكذا ...............إلخ

أنتي وشطارتك بشرط تتبعين الاسلوب الي يحبه وألي أنت أعرف فيه ..

أتمنى إن أفدك يا ماريس 2009

والله يوفقك ويسهل أمرك

تقبلي تحيااتي ... وشكرا​

 

[الغرسة]

عادي ياختي بعدين من كثر ما تعطينه راح يجي يوم يعطيك (إن الله لا يضيع أجر من أحسن عملا).

 

[نغم الحياة]

بنقل للقسم المناسب​

 

[ice creeem]

اذا يعطيك مصروف اشتري منه مو لازم هو يشتري لك واذا على الهديه اطلبي منه العطر اللي تبين بدون ماتجرحينه وتقطين عليه كلام بعدين يحس انك تمنين عليه بهديتك

 

[^أختهم^]

اقول لاتطلبينه مافي رجال جاهل
اشتري عطورك ودسيها عنه عشان يحس
مالت عليهم رجال لو عشيقة صرفوا عليها مالهم ومال ابوهم
بس احنا نجري ورا عطر طاح حظهم

 

[نفوفه]

عادي قولي له ابي عطر منك بدون ماترمين الكلام رمي

 

[حافيه القدمين]

حطي فوق التسريحه كلونيا بالليمون وعطورات بخمسه رياال

وحقتك خبيهااااا,,, خلك قووويه قولي مصروفي يالله بالله يمشيني انت اناني معاااي ...

 

[ابتسامه مهجوره]

ههههههههه (اختهم)ردك جاء في محله والله ضحكتيني

 

[أم أياد]

أذا قصدك زوجك يتعطر من عطورك عاااااااادي حبيبتي مافيها شي اشري له عطرواذا خلص عطر بيعوضك أن شاء الله
فية رجال يحبون العطور النسائية لأنها أهداء وفواحه أكثر من العطور الرجالية تتميز أنها قوية

 

[حياة روحى]

دامه يستعمل عطورك ولا عمره جابلك

خبيهم عنه ولاعاد يشوفهم وقولي خلصوا

وروحي فيه السوق وخليه يشتري لك وله

لكن اصحك والمخانق طولي بالك

 

[%هند%]

والله انك صادقه يا(اختهم) مالت عليهم من رجال

 

[نضوج أنثى]

مافيها شي لو اتعطر من عطورك ومو مقصر معك يعني بالمقابل لو احتجتي شي ومابخل عليك خلاص عادي خليه يستعمل معك ومو شرط الهديه في رجال مايحبون يهدون اهم شي انه مايقصر عليك بشي من وجهة نظره ووممكن تسوين زي ماقالوا الاخوات بس مو بين يوم وليله بتخلص العطور بيفهم وياخذ منك موقف كل فتره خبي عطر لو سأل عن عطر معين قولي له خلص حبيبي وش رايك نروح نشتري ثاني لانه ريحته حلوه وخاصةً لما اشمه منك

 

[ماليزيا]

ماريس حرام عليك خليه يتعطر , بس لاتعايرينه كذا زوجك ياخذ منك موقف موحلو
وانت لاتخلي كل العطور على التسريحه خلي واحد بس منها

اختهم والله ضحكت من قلبي على ردك الله يبسطك دووووم

 

[الزوجه الاولى]

للرفع

 

[meme_99]

الرجال نفسي نفسي هههههه خبي اغرااضك عشان يفقد العطور ويروح يشتري00

 

[ماسكه ورده]

عادي انا ماعندي الا عطرين وزوجي يتعطر منها احس مافيهاشي خلي الزعل لشي يستاهل

 

[Sقلبي كبيرS]

ياليت بس تجي ع العطور ياعمري طنشي خلي الزعل ع الاشياء الثانية اللي تفقع القلب

 

[وش حيلتي]

يا قلبي عطوراتك حطيها بمكان خاص ولو جا يدور قولي نسيت وين حاطته اكيد في احد الشنط حقت الطلعات وما اتوقع انه بيطلبه اذا ما حصله رح يستحي على دمه