شوروا علي وشلون ارقعها؟؟؟!!!...

[فنكوشه]

بنات انا اخذت موعد مع الدكتوره ناعمه وانا من السعوديه
قلت لزوجي عندي موعد مع دكتوره نفسيه خلنا نروح دبي
قال لي ماتحتاجين ومن هالحكي
قلت له انا ابخص بعمري
تعال معي محمول مكفول
ووافق
الحين ودي ارقعها الموعد بعد يومين
وماودي يدري اني رايحه لأستشاريه
وش أسوي؟؟؟
تدروووون الدكتوره دائما تقول لمريضاتها لا يدري زوجك انك تتعالجين عند استشاريه
حلووووووووووووووني؟

 

[نسائيات]

حبل الكذب دومه قصير
بس ليش تيين بوظبي ؟؟؟
ليش ما تاخذين بس استشارات هاتفيه

 

[مثل الورد]

طيب اذا هو موافق.. ليش الحين متردده؟؟؟

وبعدين انتي من خارج الامارت يعني اكيد زوجج بيصر على انه يعرف

شو سبب اهتمامج بالدكتوره وانك راح تتعنين لها من دون شي مايصير..!!

بس عندي استفسار.....؟؟؟؟؟

ليه الوحده ماتقول لرزوجها انها رايحه للاستشاره؟؟؟؟؟

حتى في حالة ان حياتهم طبيعيه والحمدلله .؟؟ بس ودها الاحسن؟؟؟

نرجوا الافادة يااخواتي..؟؟

وبارك الله فيكم

 

[طيب الروائح]

فنكوشه

تري عادي يا اختي خليه يوصلك المركز وقولي له يمرك بعد ساعه وخبريه هذا المركز حق الحريم

وفيه استشاره نفسيه وخلاص وكوني واثقه من نفسك ، لانه الرجال ما يدققوا وايد مثل الحريم ، وتوكلي على

الله ، موفقه اختي .

 

[فنكوشه]

بنات انا زوجي يخوني بس مايدري اني كاشفته عشان كذا انا رايحه للدكتوره ابيها تشوف لي حل بطق من القهر فهمتوا؟؟

 

[النورس الأبيض]

ايش المشكله ما دام انك جايه ....
ان كان هو الي لازم يوصلك وخايفه يشوف اليافطه فقوليله هو مركز كبير شامل كامل
لنساء فيه كل شىء حتى رياضه ودورات مكياج وتعليم كمبيوتر وتعليم كيف لبس ....هو اسمه التأهيل الأسري يعني كل مايعنى بالمراه المتزوجه وهو خاص بالمتزوجات......ويعتني بهم نفسيناً وجسدياً واهم شىء تكونين واثقه فأرجال لايدققون
ان شاء الله تزبط معاك

 

[شـغـف]

فنكوشة والله كنت على بالي البارحة.. أقول ما يندرى شو أخبارها هالبنت..

حبيبتي أنا مع النورس الأبيض.. رايها حلو.. الله يوفقج يا رب أختي

 

[Fairy Tale]

والله أنا لما قررت أروح للدكتورة قلت له بحضر كورس في أبو ظبي ..

صحيح حسيت انه ما صدقني بس خشيت في عينه :blow: وبينت له انه عادي كورس كم يوم وراجعة وقال اوكي .. تبين أوصلك .. قلت لا شكرا أقدر أدبر أموري :harhar1:

 

[فنكوشه]

حشا اقول رايحه سفر ومصاريف ومشوار مدري كم ؟؟
الا كم الوقت بالسياره من دبي الى ابوضبي؟؟؟
عشان كورس قويه شوي
اقول له انها دكتوره نسا~يه شاطره واني احتاج لفحص وشرايكم... مع اني حامل يابنات ...
مكتوب على المركز استشارات نسائيه
وشرايكم تمشي ولا لا؟؟؟؟؟؟؟؟؟؟

 

[Fairy Tale]

والله رأي النورس الأبيض ممتاز بالنسبة لحالتك .. اذا زوجك ما تمشي عليه هالشغلات انت أدرى فيه .. أنا زوجي قولي له دراسة أو كورس يصدق :smoke1:

بالنسبة لموضوع انها دكتورة أحسها ما تمشي بقوة يعني قلوا الدكاترة في السعودية :crazy:

المسافة من دبي لأبوظبي بالسيارة ساعة ونصف إلى ساعتين حسب اللي يسوق :smoke1:

 

[فنكوشه]

المركز يضيع ولا واضح مكانه ترا اول مره اجي ماودي اضيع

 

[همـ الجراح ـس]

ايش المشكله ما دام انك جايه ....
ان كان هو الي لازم يوصلك وخايفه يشوف اليافطه فقوليله هو مركز كبير شامل كامل
لنساء فيه كل شىء حتى رياضه ودورات مكياج وتعليم كمبيوتر وتعليم كيف لبس ....هو اسمه التأهيل الأسري يعني كل مايعنى بالمراه المتزوجه وهو خاص بالمتزوجات......ويعتني بهم نفسيناً وجسدياً واهم شىء تكونين واثقه فأرجال لايدققون
ان شاء الله تزبط معاك

[grade="800080 FF1493 FFA500 FF1493 800080"]راي النورس الابيض ممتاز 100% انتي قوليله نفس الكلام وانشالله خيير
تحياتي [/grade] :bye1:

 

[فرحات]

الله يعينج...