شوروا عليها

[نضوج أنثى]

يسعد صباحكم يابلقيسيات
صديقتي عندها مشكله وحابه استشيركم فيها
هي مخطوبه وباقي على زواجها شهر وكان الاتفاق بينهم وبين اهل خطيبها إنه الزواج النص بالنص لكن ابوها الله يهديه عليه حركات مش ولا بد فقالها انا ماادفع فلوس المغنية ولا المصورة ماادفع فلوسي في الحرام المشكله ماقال هالكلام من بداية الاتفاق فالبنت ماتبي مشاكل وفضايح مع اهل خطيبها وقالت خلاص انا اتسلف فلوس المغنية والمصورة ومن مصروفي اللي زوجي بيعطيني اسدد لين اوفي الدين لأنها ماهي موظفه ولا المشاكل لو عرفوا اهل خطيبها انه بوها ماكان عند كلمته واصلا تقول خايفه حتى الكوشه يقول مالها داعي ومايدفع الحين المشكله دقت عليها اخت زوجها قالت لها من بتجيبين مصورة وهم ناس ماشاءالله مقتدرين ويحبون الفخامه بكل شي واخت زوجهاماشاءالله موظفه فقالت لها بجيب حقت ملكتي قالت لها مو قد كذا ادلك على مصوره حلوه وبروفيشينال لما دقت على المصورة لقت سعرها 8 الاف يعني عليها 4 الاف تقول وراي غير فلوس المغنية 2500 وتشوف اصلا المبلغ مره كبير على المصورة فهي ماتبي تصارحهم عشان منظر ابوها وماتبي احد يعرف بمشاكلها وبنفس الوقت ماعندها قدره على المبلغ وتخاف لو قالت لهم الوالد محدد لي بس 2500 مثلا للمصورة تقوم اخت زوجها تقول خلاص انا اتكفل بالباقي وهي ماتبي لأحد يكون فضل عليها خصوصا اهل الزوج ومابعد صار الزواج يعني مو معقوله تدفع لها المبلغ وهم توهم مخطوبين وماتبي تآخذ فكره عنهم إنهم مايدفعون بعدين زوجها يستخسر فيها ويقول اهلها كانوامقصرين معها ومو معودينها على الغالي لأنه ابوها ماشاءالله فعلا مقتدر ماديا بس هو يابنات حكاية إنه يشوف هالأمور مالها داعي واسراف شلون تتفق معهم على شي يناسبها ومايعرفون مشكلتها مع ابوها مهما كان يبقون اهل زوجهاوتحب يكون منظر اهلها حلو قدامهم ونسيت اقولكم بعد ماتبي بعد بعدين يقولون عودناها على الغالي وماكانت تعرفه هي يابنات ذوق وتعرف تختار وتلبس بس ابوها الله يهديه مقصر معها بالمصروف فما كانت تقدر تشتري ماركات وخطيبها ينتقدها على هالشي يحب الغالي وخصوصا انه عارف انه حالتهم الماديه ممتازه ويادوب مهرها كفاها وحتى تقول مايكفي إنها ماراح تقدر تشتري لأم زوجها هديه يوم زواجها ابوها مو راضي يعطيها ولا ريال حتى لما كان يزورها خطيبها كانت تدفع العشا والضيافه من المهر تقول شكلي مره بايخ قدامهم ولما اهدت خطيبهافي العيد هديه ماعجبته ولا مره لبس الساعه اللي اهدته اياها لأنها مو غاليه الله يسعدكم شوروا عليها وش تقول لأخت زوجها بخصوص المصورة وماتتفشل عندها ​

 

[دانة الشام]

لا أدري ولكن حقيقة أنا لاأحبّ أن يفرض أي شخص رأيه على شخص آخر خاااااصة فيما يتعلق بالمظاهر الاجتماعية .. يعني التصوير والمصورة كلها أراها مظاهر .. طبعا هي مهمة ولكن لاتصل لأن يضع الانسان المبلغ المرقووووم لقاء ذلك!! لايحق لأخت زوجها التدخل حتى لو أن نصف المبلغ منهم!!! هذا زفافها وهي حرة .. لو كنت مكانها لقلت لها :أرى أن المبلغ مبالغ به .. المصورة التي اخترتها في ملكتي أرتاح للتعامل معها .. انصحي صديقتك ألا تضغط نفسها بالمصاريف وتكبل نفسها بديون من أجل رضا الناس .. فرضاهم غاية لاتدرك.. غدا يطلعون لها بمية قصة وقصة .. ووقتها ماذا ستفعل كي تسدد المصاريف .. يجب أن تكون وااااثقة من نفسها أكثر من ذلك .. بالنسبة لوالدها لماذا لاتطلب من أمها أن تتفاهم معه أن عليه أن يلتزم بالشرط الذي كان بينه وبين أهل العريس ..!! كان الله بعونها ولكن آخر نصيحة : قولي لها أن تصرف مهرها بمكانه .. لا داعي للمبالغات من أجل ليلة واحدة .. طبعا هي مهمة ولكن كل شيئ بحدوووود .. ربي يختار لها الخير ويتمم فرحها على خير وسلامة.

 

[**شيخه**]

انا مع دانه الشام
والله يوفقها ويسعدها

 

[ممنوع من الصرف]

فعلا ماله داعي المبالغه هذي وهي من اللحين شخصيتها وثقتها بنفسها مهزوزه وشلون بتعيش معهم لازم تفرض حالها كما هي بثقه تلبس اللي تبي وتختار اللي تبي وتعارضهم مو لازم الطاعه العمياء كأنها امعه انا احب اخالف اهل زوجي هههه ولو معهم الحق المهم اكون مقتنعه اني كيفما اكون لايشبهني الاخرون

 

[نضوج أنثى]

مشكورات على نصايحكم .. بالنسبه لوالدها منفصل عن والدتها وهي فتحت معاه الموضوع ورفض هي تقول تقدر تصارحهاوتقولها المبلغ كبير لكن ماتبيها تقولها خلاص انا ادفع الناقص يعني احتمال كبير تقولها هالشي لأنهم يهتمون بالمظاهر وهي خايفه يآخذونها من باب إنه اهلها يبخلوا على بنتهم او هي تبخل على نفسها لأنه اكيد الموضوع بيوصل لخطيبها وبعدين في المستقبل مايصرف عليها زين بحجة إنه اهلها مادفعوا لها المبلغ المطلوب خصوصا إنه اخته قالت لها هذي صور مره مهمه وتبقى ذكرى ولازم تكون على مستوى هي ماهي شايله هم هالأموركثر ماهي شايله هم إنه بعدين اهل زوجها يقولون هذي مو متعوده على الغالي وحنا فتحنا عيونها وعلمناها وزوجها يبدأ يتأثر بهالشي ويقصر معاها .

 

[خلود بكر]

كلام دانه صح والقصه يانضوج مو قصه ان اهل زوجها يقولوا مو متعوده على الغالي لا يابنت الحلال يعني في اشياء ماتستحق كل هذا المبلغ يعني ادفع 8 الاف في تصوير والله اسراف تقولها حقيقه انا مرتاحه مع نفس المصوره وكلها كماليات مو ضروريات ويارب يسعدها

 

[ملكة ملكة]

الحين هي مهتمة لكلام أهل الزوج وما اهتمت لرأي أبوها، والأدهى والأمر إنها مهتمة بأمر المغنية وهي أصلا حرام في حرام
قولي لها لا طاعة لمخلوق في معصية الخالق، وأبوها يحثها على الطاعة وهي خايفة من كلام الناس!!!
إرضاء الناس غاية لا تدرك
المفروض هي نفسها ما ترضى المغنية، المفروض تبدأ حياتها بطاعة مو بمعصية من أجل فلان وعلان يلي ما رح ينفعونها لا في الدنيا ولا في الآخرة

 

[رازيا]

مع البنات نفس الراي

 

[اقوى من الايام]

انا اللي شاغلني الحين كيف يعني كل شي بالنص
المفروض حق الطقاقه مع انها حرام مو هم يدفعونه
ليش شايليلن المسؤوليه مع اهل العريس
والله هذا اللي بيرخص بنتهم
العريس واهله يتحملون كل حاجه المفروض

 

[للحياة معنى]

اصلا انا مااحب نضره الشح اللي عند الناس ؟؟يعني لما اصير غنيه ابعزق فلوسي؟؟؟؟وبعدين هو اخذها على طمع ؟؟خير انشا الله مااعجبته الهديه لانه مب غاليه؟؟؟وبعدين تقدر تقول ان المصوره بعشره الاف مو 2500؟؟مب هم حياتهم مظاهر ؟؟خلاص لاصارو اغنيا ليش هم مايجيبون ؟؟خليها تكون واثقه وتقول ابوي رفض او تجيب مصوره ومغنيه رخيصه ؟؟وخليها تنتبه وتعرف زوجها وشلون يفكر من الان

 

[نورالعرب]

مع الصبايا بالكلام