شهر واحد .. حسيت اني عايشة بجحيم سنين’ ..

احصائياتى
الردود
64
المشاهدات
6K
معلومات ريم الغزلان
إنضم
21 يونيو 2008
المشاركات
539
مستوى التفاعل
0
النقاط
0
شهر واحد .. حسيت اني عايشة بجحيم سنين’ ..
السلام عليكم والرحمة’ ..
توني متزوجة من شهر وزود’..
عمري 20 سنة ’
لكن احس ان عمري بعد شهر بيكون 40 سنة ’
والله اني ما حسيت بطعم شهر االعسل اللي يتكلمون عنه
طبعا انا متغربة’
وادور بغربتي على الرجل الي قال لي بعوضج عن اهلج
وبعوضج وبعوضج وما بتحسين بالغربة ’..!
وينه هالريال؟
والله ان الاهل مايتعوضون ’.!!! :tears:
بعد ما تزوجنا ’
قام زوجي يتذمر مني’ ..
ويهزأني جدام اللي يسوى واللي ما يسوى ..
بأي مكان’
جدام اهله
جدام اهلي
حتى امه كم مرة تقول له ليش انت جذي ..
ليش تعاملها بهالاسلوب’ ؟

والله الكل يشهد بجمالي وبأخلاقي..
بس من تزوجنا وهو يمدح ببنات الشوارع ..
ولا يقول بتزوج .. تخيلو موقفي انا عروس جدام اهلي ولا اهله يقول هالكلام
والله انه هز ثقتي بنفسي’
غير جي .. الكلام اللي يسمعني اياه
انتي [ بقرة .. تيسه انتي تيسة .. غبية / ما تفهمين ..!!
شو هاي’ ..
انا عشت عمري كله في بيت اهلي’
ماحد تلفظ علي بهالاسلوب’ ..
انا احيان اسكت واحيان اتفاهم معاه وافهمه ان هالاسلوب ما يعجبني’
ولا يرضيني
وانا زوجتك حسسني بهالشي’


طيب اول ما رحنا بيت اهله .. قال لي ابيج تغسلين ثيابي’
قلت ما عليه ابي غساله بحمامي [ الله يعزكم قال لي لآآ ..
ليش؟ لا يكون انتي عند ناس غرب’ ..

طلعي الحوش بتشوفين الغسالات
قلت له اوتوماتك ولا عاديين قال اوتوماتك
طلعت اشوف الغسالات .. [ عاديين مش اتوماتك .
وياتني حالة اكتئاب
طيب انا حرمة والبيت متروس شباب ملابسي الداخلية و قمصان نومي وين بحطهم ’ .. !
شلون بغسل وانا لابسة جلابية وشيلة ..
قلت له ماشي فايدة ’

بشهر العسل [ قمت اغسل وانشر’
وارتب غرفته
وملابسة
واكوي له كل شي من الكنادير لين الملابس الداخلية’


وهو يعاملني معاملة ’ ...
والله العظيم وبدون ما ابالغ الخدامات [ البشكارات عندهم ما يتعاملون فيها
ولا يرضون عليهم’ ..


ليش انزين’
هاي جزاي تاركة اهلي ودراستي وكل شي عشانك
واسوي لك الي تبيه ..!!!
وانت ولا يهمك ..


ولا شو قال لي انتي ما تعرفين تطبخين يعني حريم اخواني احسن منج ..
وهو يدري بداومي بالجامعة كيف كان’ .
قلت له انا كنت اداوم من الصبح لين المغرب’
وبعدين ارد تعبانة وانام واقوم من الرقاد ادرس وجي’ .
ما كان عندي وقت ’
قال لي شوو / كنتي تقدرين تتعلمين ايام الثانوية ’!!! :thumbdown:
اوكي ..
مرة من المرات قال لي والله الشرهه مب عليج
الشرهه على اهلج اللي مخلينج على راحتج بالبيت’ .
ويا ويلي لو مديت بوزي’
ولا عصبت .. يقوم يقلب الدنيا على راسي
لا احترام ولا تقدير’
ولا مراعات مشاعر

والله على كثر ما كنت متلهفة على الحمل’
الحين اقول يا ربي اذا هالريال بيضرني اكثر ..
وما بيتعدل لاترزقني منه بعيال ’ ..


يعني عروس..
اكنس وارتب واشيل واحط
واداريه واغسل واكوي واسوي كل شي
ومب عاجبة


والله ان كل شخص شافه قال له ليش جي’
ليش تعصب
لان احيان يكون الموضوع تافه وما يحتاي يعصب


صرت اكرة اقعد معاه ..
ومعانا احد
اخاف يحرجني يفشلني ويجرحني’
هز ثقتي بنفسي’
زلزل كياني’ ..


تخيلو مرة ’ ..
قصيت شعري’
ورجعت فرحانة ’ ..!!
وقام هزأني ..
وهاوشني وقلب فرحتي [ صياح
وقال لي على بالج صرتي احلى من قبل
والله صرتي تلوعين الجبد
شوفي شكلج ..
شفتي شكلج
تعالي وسجبني عند المنظرة
وقال لي شوفي شكلج عدل حلو شكلج جذي؟؟؟
مع اني رحت اقص شعري بشورة ورضاه ..

وما اكتفى بهالشي’ ..
مرة امي قالت فلانه وفلانه وفلانه قصو شعورهم مثلج // يقولون قصينا مثل .....
لكن ولا وحده طلعت عليها حلوة ’


واخواني وخواتي قاعدين شو قال.. :
قال : كلهم عجبهم بس انا ما عجبني كلش
كلهم طلعت عيونهم على بالهم بيستحي وبيبدل كلامه!!
قال والله ما عجبني’ ..
كلش مب حلو ..:tears:


دايم جي ’ ..
ولما نطلع مكان ’ ايام الخطوبة كان يمسك يدي
الحين يقول لي ليش ماسكتني على بالج بشرد منج ’!!

قمت ما امسك يده شو يسوي ..!!!
يمشي بسرعه ويصير يمشي جدامي وانا وراه ’!!

حتى قلت له انا مب خدامتك لاتمسك يدي بس لما بتشمي خلك يمي’
مب انت جدام وانا وراك

ولا في فايدة’ ..



يعني والله اليوم امي بعد كلمتني’
قالت ماله داعي يعاملج بهالاسلوب’
هو طيب وحبوب بس هالخصلة مب حلوة .. ابد
لازم يبدل من طباعه


لكن والله انا عيزت واحس ان ما في امل’



هذا جزء بسيط من معاناتي .
وكله بهالشهر
والله يستر من اللي بيني بعدين
 
معلومات محرومه من زوجي
إنضم
31 أكتوبر 2008
المشاركات
6,649
مستوى التفاعل
1
النقاط
0
الإقامة
جــزيرة الحــــــــــــرمــان
ياقلبي انتي انا مقدره شعورك......
طيب اجلسي مع امه ويبدو انها عاقله واشرحي له اللي قاعد يصير وقولي يام فلان ابي منك تحلين المشكله ربي كرمني من فوق سبع سموات(ولقد كرمنا بني آءدم)وانا ابغى يكرمني مثل ماكرمني ربي..........وخلي امه تكون سبب علاج لهالمشكله لانك مهما حاولتي ماراح يتنازل عشانك.....ممكن يتنازل عشان امه........
لكن انتي احترمي امه وامدحي زوجك عنده ثم قولي عندي شي ومضايقني وابيك تحلينه وقولي اللي بخاطرك....
 
معلومات ريم الغزلان
إنضم
21 يونيو 2008
المشاركات
539
مستوى التفاعل
0
النقاط
0
يا اختي امه كل مرة تشوفه يتلفظ او يقول لي كلام
او يعصب
تكلمة بس هو يقول انا امزح معاها
ولا هي غلطانة
ولا عصبت فيني’


امي قالت لي كلمي امه وقولي لها
امه متفهمه وعارفه له وعارفة لي
ان شاء الله يوم ارد بيتهم راح اقول لها

..
يزاج
 
معلومات ريم الغزلان
إنضم
21 يونيو 2008
المشاركات
539
مستوى التفاعل
0
النقاط
0
يزاج الله خير اختي
وترى امه عادتني بنتها
ويقول لي لاتخلينها تتعلق فيج
لانها لو تعلقت فيج
ما بترضى عليج .. حتى لو انتي غلطانه بتقول لي الغلط منك
قلت له انا اباها تكون بصفي لاني ما اقدر عليك’ ...
 
معلومات هبوب النسيم
إنضم
20 نوفمبر 2007
المشاركات
265
مستوى التفاعل
0
النقاط
0
العمر
40
الإقامة
الامارات
الله يصبرج عليه

يمكن هو يريد يثبت رجولته بس مب عارف كيف وعلشان جيه صاير اسلوبه دفش
انتي حاولي تسوين الي يريده بس في نفس الوقت لاتخلينه يستفز كرامتج ويجرحج والله كل شي بالصبر بينحل

نهايته بيمل وبيغير اسلوبه ..يلسي وياه وصارحيه قوليله انت ريلي وتاج راسي واحترمك واقدرج بس انتي تحرجني وتجرحني عدال اهلك واهلي قوليله انا اريد ارضيك باي شي بس انت غير اسلوبك


والله ييسر امرج وياه
 

Angelic Wings

New member
معلومات Angelic Wings
إنضم
26 مايو 2008
المشاركات
118
مستوى التفاعل
0
النقاط
0
كسرتي خاطري
الله يعينج ويصبرج
انا رأي مثل الاخت كلمي امه احسن او حد من خواته
 
معلومات ريم الغزلان
إنضم
21 يونيو 2008
المشاركات
539
مستوى التفاعل
0
النقاط
0
هبوب النسيم ..
ملجتنا كانت فترتها 7 شهور’
ما كان جي موول’ ..
تغير 180 درجة’
امي اول شي قالت لي يمكن شايفج دلوعة ويبا يشد عليج الحين’ ..
بس ما اتوقع هاي اسلوب عشان اثبات الشخصية .. او الذات ’ .. !!!!

يعني والله ما اعرف شو الحل وياه ’

يزاج الله خير غناتي. .

انجليك’ سلمتي الغالية
الله يجازيج خير
 
معلومات محرومه من زوجي
إنضم
31 أكتوبر 2008
المشاركات
6,649
مستوى التفاعل
1
النقاط
0
الإقامة
جــزيرة الحــــــــــــرمــان
ريم حبيبتي اذا كلمتي امه وقالت انه يقول امزح معها
قولي ياخالتي العزيزه المزح بحدود وباشياء حلوه مو يهينني ويتهزأ ويتشمت فيني ويقول امزح
بس انتي اكسبي امه وقولي ياخاله ولدك على عيني وراسي بس رجاء يحترمني
 
معلومات أم الأقمـــــار
إنضم
12 مايو 2008
المشاركات
1,256
مستوى التفاعل
0
النقاط
0
الإقامة
السعوديه
الموقع الالكتروني
www.blqees.com
امحق رجوله اللي بيثبتها

المرجله مو كذا

انتي [ بقرة .. تيسه انتي تيسة .. غبية / ما تفهمين ..!!


انا مستغربه يقول لك هالكلام وتسكتين !!!!!

لا وبعد يفشلك ويقول شعرك مو بحلو .. على الاقل يجامل حتى لو ماعجبه

اسمحي لي زوجك ينرفز وصراحه مادمتي على البر اذا مافيه طب اتركيه

او انك تحطين اصابعك بعيونه لافشلك علشان يعرف انك ماتسكتين

هدديه انك خلاص مو متحمله وقررتي انك تتركينه مادام انكم في البدايه

خليه يتخرع

ولمي شنطتك وقولي ودني خليه يخاف

هالنوعيه يتصروع


.
.

اختي لازم تكون شخصيتك اقوى والا بتموتين ضيم

الدنيا توها قدامك وماجاك عيال فما بالك بكرى ؟؟!!

لازم توقفيه عند حده لازم يحترمك ابوالمراجل هذا




.
.

اعذريني

بس ينرفز بطريقته وانتي تنرفزي لما رحتي تغسلين وتطبخين في شهر العسل لواحد مايستاهل

حتى لو هو حنون عليك ويحترمك يستاهل اي شي
 
معلومات وردة الحنون
إنضم
18 مايو 2008
المشاركات
12,186
مستوى التفاعل
1
النقاط
0
الإقامة
سنــا الحــــــــب
الله يكون بعوننك
شكله متسلط والفاظه بذيئه
لكن لاتسمحين انه يهينك
اذا قالك كلام مو حلو قولي له يرضك اني أقوله لك
كوني قويه وواثقه من نفسك
اهم شي لايستصغرك لا بالكلام ولا بالافعال
 

باسنت

New member
معلومات باسنت
إنضم
5 أكتوبر 2008
المشاركات
139
مستوى التفاعل
0
النقاط
0
اللي هذا اوله ينعاف تاليه............انا لو مكانك .....والله مااقعد عنده.......على باله مافيه غيره؟؟؟؟؟؟؟؟؟اشيل اغراضي واروح لاهلي قبل ما يجيني عيال وابتلش فيهم ........وقولي له انا عند اهلي معززه مكرمه.........وتجي انت تهيني ؟؟؟؟؟؟؟؟؟واطلعي وخليه.......من زينه عاد....معد بقى الا يضربني بعد..........اللي جابه يجيب غيره..........وصدقيني بيجي يراضيك.......لان هالنوع مايجي الا بالعين الحمرا......والله يفرج لك..........................زاللهم انصرني على من ظلمني........
 

نهر الحياه

New member
معلومات نهر الحياه
إنضم
4 مارس 2008
المشاركات
578
مستوى التفاعل
0
النقاط
0
الإقامة
ّّUّّAّّE
حبوبه

كوني هادئة وياه وبأسلوب حلو وذكي حاولي انج تكوني قويه

وياه يعني لما يسبج كله انت كلك ذوق وحلجك بعيد عن هالألفاظ

وأنا زوجتك يعني انته متزوج بقرة ...ولا تيسه

خليج واثقة من نفسج اكثر

يعني سوي نفسج انج تعرفين تطبيخين وتكنسين

وربة بيت ممتازة ...بس اذا نقد قولي له شو الهدف من النقد

إذا تريد شي بسوي لج

بس نصييييييييييحة لا لتنازلات أبدا

يعني حاولي انج ترفعين مكانتج جدامه وحاولي انج تبيني له انج قويه

بس مب متسلطه ...وحاولي اي شي سلبي يسويه وياج قلبي

بشكل ايجابي مثل الغسيل ....

حاولي تكسبيين اهله اكثر ...احتمال حد مكلم ريلج عشان شي تغير


فهميه انج زوجته وام عياله ف المستقبل ...فلو يريد انج تكوني زوجه مثاليه

بتكون بطيبة مب بالسيطرة والسب ...حاولي انج تكوني ذكيه جدامه عشان

يخاف منج وع الأقل يحترمج ويقدرج ...شوفي موقفه جدام هلج يوم عيباه قص الشعر

خلي الموقف يكون معاج ..يعني اتفقي مع واحد من خوانج انه يفهمه يكون معاج محترم ويحترمج

ويحترم ذوقج ولو مب عايبنه شي يكون بأسلوب راقي ...وخلي اخوج يفهمه انه هو سمع هالموقف من هله مو منج

ع أساس مايعصب ريلج ويقول انج دخلتي حد من هلج ف حياتنا

المهم وباختصار خلي ريلج يعرف انه عندج اهل واخوان وظهر وناس يحبونج ويخافون عليج

لما يشوف الكل من هلج واخوانج يحبونج بيحترمج حللي شخصية ريلج وشوفي كيف تتعاملي معاه

الله وياج ..شان تبين طرق ثانية خبريني ع الخاص
 

سمر الحلوه

New member
معلومات سمر الحلوه
إنضم
11 يناير 2009
المشاركات
680
مستوى التفاعل
0
النقاط
0
الإقامة
الامارات الحبيبه
حبيبتى ابغض الحلال الطلاق ولازم تقفينه عند حده الا كرامتج واحترامج لنسفج لالاتخلينه يهزك
لازم تاخذى موقف قوى منه يا يتعدل يا كل واحد من طريق صدقينى اذا شافك حازمه معه بيتعدل
لكن اذا ضعيفه وساكته بيتمادى
 

مدام بلقيس

New member
معلومات مدام بلقيس
إنضم
24 يوليو 2007
المشاركات
334
مستوى التفاعل
0
النقاط
0
حبوبه

كوني هادئة وياه وبأسلوب حلو وذكي حاولي انج تكوني قويه

وياه يعني لما يسبج كله انت كلك ذوق وحلجك بعيد عن هالألفاظ

وأنا زوجتك يعني انته متزوج بقرة ...ولا تيسه

خليج واثقة من نفسج اكثر

يعني سوي نفسج انج تعرفين تطبيخين وتكنسين

وربة بيت ممتازة ...بس اذا نقد قولي له شو الهدف من النقد

إذا تريد شي بسوي لج

بس نصييييييييييحة لا لتنازلات أبدا

يعني حاولي انج ترفعين مكانتج جدامه وحاولي انج تبيني له انج قويه

بس مب متسلطه ...وحاولي اي شي سلبي يسويه وياج قلبي

بشكل ايجابي مثل الغسيل ....

حاولي تكسبيين اهله اكثر ...احتمال حد مكلم ريلج عشان شي تغير


فهميه انج زوجته وام عياله ف المستقبل ...فلو يريد انج تكوني زوجه مثاليه

بتكون بطيبة مب بالسيطرة والسب ...حاولي انج تكوني ذكيه جدامه عشان

يخاف منج وع الأقل يحترمج ويقدرج ...شوفي موقفه جدام هلج يوم عيباه قص الشعر

خلي الموقف يكون معاج ..يعني اتفقي مع واحد من خوانج انه يفهمه يكون معاج محترم ويحترمج

ويحترم ذوقج ولو مب عايبنه شي يكون بأسلوب راقي ...وخلي اخوج يفهمه انه هو سمع هالموقف من هله مو منج

ع أساس مايعصب ريلج ويقول انج دخلتي حد من هلج ف حياتنا

المهم وباختصار خلي ريلج يعرف انه عندج اهل واخوان وظهر وناس يحبونج ويخافون عليج

لما يشوف الكل من هلج واخوانج يحبونج بيحترمج حللي شخصية ريلج وشوفي كيف تتعاملي معاه

الله وياج ..شان تبين طرق ثانية خبريني ع الخاص

الله يحرم نار جهنم عالايادي اللي كتبت هالرد
اهم شئ تكوني واثقة و قوية عجبه ما عجبه خليك قوية ترى الاشهر الاولى من الزواج اصعب فترة تحتاج قوة
 

*الصمت*

New member
معلومات *الصمت*
إنضم
8 يناير 2008
المشاركات
1,757
مستوى التفاعل
0
النقاط
0
العمر
36
انا مع الاخت ام الاقمار
هذي النوعيه من الرجااااااااااااال ضعيفه جدا لو تنفخينه يطير....... انتي مثل حاله اختي....مسوي نفسه رجااال وهو رخمه على قوله اهل نجد
ردي عليه بكل وقااااحه وعين قويه...اذا ماني عاجبتك رجعني بيت اهلي والله بيتروع.....ولاتخااافين لاقام يرد عليك بقوة ترا بس يبي يحسسك انه قوي ماعليك منه....بس انتي قوي قلبك
الحياة قدامك اذا ماوقفتيه الحين والله بتتعذبين بعدين والعيال بعد بيتعقدون....واذا لبستي شئ او قصيتي قولي عاجبني من زينك انت...والله اختي حلوة ويذم فيها اخر شئ قالت له لاعاد انت يالطويل ....هو قصير....الحمدلله اللي يشوفك يحسبك ولدي.انطم ولاعاد يسب بشكلها.....بس انه مازال ينكد وهي مازالت تجااااهد وخف كثير لانه جباان والحرمه ماغلطت بحقه بس يبي احد تحته يدوسه لان اكيد احد فوقه يدعسه
حلي حياتك من اولها ...
 
معلومات الـ غ ـلا كلـه
إنضم
6 فبراير 2009
المشاركات
252
مستوى التفاعل
0
النقاط
0
الله يفرج عليك
بس نصيحتي اذا توك متزوجة من الحين لا تسكتين على اهانته وخذي حقك
ترى بكره بتعود على شخصيته وبعد بيزيد في اسلوبه
الله يعينك
 

من نحن ؟؟

موقع نسوة : هي شبكه عربيه تهتم بكل ما يخص المرآه وحياتها اليوميه يعمل منذ سنوات لمساعدة والمساهمه في انجاح كافة الامور الحياتيه للمرآه العربيه