انا مع الاخت ام الاقمار
هذي النوعيه من الرجااااااااااااال ضعيفه جدا لو تنفخينه يطير....... انتي مثل حاله اختي....مسوي نفسه رجااال وهو رخمه على قوله اهل نجد
ردي عليه بكل وقااااحه وعين قويه...اذا ماني عاجبتك رجعني بيت اهلي والله بيتروع.....ولاتخااافين لاقام يرد عليك بقوة ترا بس يبي يحسسك انه قوي ماعليك منه....بس انتي قوي قلبك
الحياة قدامك اذا ماوقفتيه الحين والله بتتعذبين بعدين والعيال بعد بيتعقدون....واذا لبستي شئ او قصيتي قولي عاجبني من زينك انت...والله اختي حلوة ويذم فيها اخر شئ قالت له لاعاد انت يالطويل ....هو قصير....الحمدلله اللي يشوفك يحسبك ولدي.انطم ولاعاد يسب بشكلها.....بس انه مازال ينكد وهي مازالت تجااااهد وخف كثير لانه جباان والحرمه ماغلطت بحقه بس يبي احد تحته يدوسه لان اكيد احد فوقه يدعسه
حلي حياتك من اولها ...
اول شي’ ..
زوجي مب رخمة ’ ..
وانا مب وقحة عشان ارد عليه بوقاحة
انا ابي اثبت لي اني محترمة وما يرضيني هالاسلوب
اروح اسوي مثله ليش؟!
بذمتج هاي اسلوب؟
بالأخلاق ترتقي الأممـ ..
وهذا زوجي .. مهما كان ’
بإمكاني اسبه واشتمة
بس انا ابا اكبر بعينه ..
خليه يقول .. لو بيفكر بينه وبين نفسه بيحس’ ..
ما اباه يستصغرني’ ..
وشو رايج على اللي صار بيني وبينه’ .
ودي اسبه في داخلي
بس ما اقدر’ ..
اقول الله يهديه ’ وبس’ .
وبخصوص ادوس’ ويدوس وينداس’ .
وين يالسين احنا بمعركة ’
ترى يوم واحد من الطرفين يشد الثاني يرخي ..
عشان ما ينقص الحبل وينتهي كل شي’ .
ويوم اني خدمت ريلي بشهر العسل’ .
لاني ابا اثبت نفسي
وابا ارفع راسة
والحمدلله تراني ما خسرت
والله ان ام زوجي
تقول لي يا فلانه انتي غير عن نسوان عيالي كلهم
انتي شايلة عمرج بروحج ’
وكل شي بيدج انتي تسوينيه
ما تترين حد ’ .
وها الشي على التربية ’ ..
والحمدلله انتي بنت ناس . ومتربية ما شاء الله عليج ’.
يعني هالشي ما ظرني الحمدلله انا كبيره بيعين اهله ’
بس هو يوم يعصب يعق علي رمسات
مب معناتها اني اتم وياه في حروب الله يهديج ’
انا ابا راحتي’
راحتي مب بالطلاق
ولا بالهواش’
ولا بالعين الحمرا ’ ...
يوم اسكت ـ انا اشتري راحتي وادور لي على اسلوب راقي
اتفاهم فيه وياه
شو افقع عينه وشو ادوسه وشو رخمة
وشو مرايل’
انا خاطري اعرف انتي وام الاقمار كيف تتعاملون مع ريايلكم الله يهديكم ’ ..
