شهر العسل

[قيثارة الصمت]

كنلنا نعرف اهمية شهر العسل للبنت وكيف تحلم فيه بشكل رومنسي مع حبيب المستقبل..
فعندي سؤال على الطاير ويهمني جوابكم فيه بكل صراحة..

لو خطبك واحد(او لو زوجك -للمتزوجات)وقالك ترى مافيه شهر عسل عشان انا ظروفي المادية ماتسمح -او لأي سبب- لأني دفعت مهر وذهب وغيره وأثثت لك شقة و,,و,,و,,

هل ممكن تتنازلين عن شهر العسل ؟او تطلبين منه يتدين(يقترض) فلوس عشان تسافروا او ترفضين الزواج منه ؟ او ايش ممكن تسوين في هالحالة؟
:icon1366:

 

[محرومه من زوجي]

يسعدني حبيبتي ان اكون اول من ترد عليك..........أنا ياحبيبتي تنازلت عن شهر العسل ....مو شهر العسل بس.......لا كل الشهور............لا ومو تنازلت وبس........لا .....زواجي كله بكبره خلف القضبان..........
مو مهم شهر العسل...اهم شي تكون الوحده مرتاحه........وش بيفيدها لسافرت دوله اول مره تروح لها بشهر العسل..ولا رجعت بدت المشاكل ورا المشاكل.......

 

[الأسطـــــورة]

اتنازل عن شهر العسل ومستحيل اخليه يتسلف علشان شهر

 

[قيثارة الصمت]

محرومة..

الله يفك حرمانك يارب ويرجع لك زوجك..
وردك والله خوفني ..اقدر اعرف وش السالفة؟

الله يرد لك زوجك ويجعل حياتك كلها سعادة
ويبعد عنك الحرمان
ويفك الظلم عن زوجك يارب

 

[قيثارة الصمت]

الأسطورة ..
ماشاء الله عليك والله ..
بس انت لسى ماعرفتيه ولا حبيتيه عشان تضحين عشانه..

امزح ترى

 

[برده]

قيثارة الصمت
تسلمين ع الموضوووووووع الحلو زيك
حبيبتي انا متزوجه وترى شهر العسل هو أجمل وأحلى ذكرى مريت فيها يااااااااه يوم اتذكراتمنى نرجع ورى شوي
قضيناه انا والغالي مابين ابها ومكه وجده يعني سياحه داخليه

وكل وحده بإيدها تخلي أيامها كلها عسل جعل ايامكم أحلى وأحلى

حبيبتي محرومه من زوجها
أسأل الله الكريم رب العرش العظيم ان يرجع لكم زوجك وتقر عينك به ولابحرمك منه ابدا..... مابعدالصبر إلا الفرج (إن مع العسر يسرا)

 

[قيثارة الصمت]

بردة..
شكرا على مرورك العسل ..
والله يجعل ايامك كلها عسل..
وانا متزوجة كمان
لكن حذث فيه نقاش على هالموضوع وقلت بنزل موضوع وبشوف ردة فعل البلقيسات عليه

وشكرا لك مرة ثانية