شمالي شرقي واطباعه الي متعبتني

[بزه المرتزه]

السلام عليكم
انا يا بنات زوجي شمالي شرقي
ووايد قمت اتعب من طبعه وعدم اهتمامه !
مو مهم عنده اذا زعلت او رضيت! ماتفرق وياه
والله كثير من الاوقات انام وانا جدا محتره وغضبانه منه
وامس صار هالموقف
كنت متضايقه وحتى ماسالني شفيج!!!
ووقتله انت ليش ما تسال قالي لان ماكو شي مهم!!
انت حتى ما سالت عشان تعرف الي بقوله مهم او لا!
فعلى اي اساس حكمت ان مو مهم!
الا اذا انا مو مهمه عنده
وفعلا رحت الغرفه ولا حتى جاني !!
و وايد ملاحظه قلة اهتمامه وبخله لي بالكلام الحلو يضايقني بعد!
ووايد اقوله المراة تحب تسمع الكلام الحلو! المراه بكلمه وحده ترضى
يقول انا ما احب اتكلم
واذا انقال هالشي وايد بيفقد حلاوته!!
والله لو اسمع كلام حلو من الحين لي شهر قدام ما راح امل بالعكس!
الحين شلون اتصرف معاه ؟؟
ابي اغير طبعه ابي يزيد اهتمامه؟
لا تقولون شمالي شرقي واطباعه كذا!
لا انا راح اتعب جذي ما راح اقدر اعيش طول عمري مع واحد انا مو هامته!

واخر شي ادعولي ان الله يسخره لي ويالف ما في بينا ويبعد عنا المشاكل وبنات الحرام ويرزقني بالذريه الصالحه منه.

 

[مقاطع فرح]

الشمالي الشرقي وماادراك مالشمالي الشرقي
هههههههه كله حرف الشين تكفين اضحكي ونسي عمرك
ترى العيشه مع حرف الشين قصدي مع ذا النمط تنسيك الضحكه
طووووووول وقته معصب ومكشر ياساتر استر
المهم يالغلا انتي خليك بحاااااااالك وسوي نفسك عندك شي يعني كأن عندك موضوع
وبنفس الوقت طنشييييييييييييه واذا سالك ايش باسطك اليوم وكاشخه تدلعي واضحكي وقولي سررررررر
وخليه يقعد يفكر وانتي لو انك مهمومه لاتبيني له
ونصيحه يامعشر حريم الشمالي لاتفضفضيله والله ماينساها ويمسكها عليك
واذا اضطريتي ومالقيتي من يسمعك ادخلي بغرفه وكلمي نفسك والله مامزح طريقه وجربتها لانك اصلا ماراح تستفيدي اذا قلتيله شي
موفقه

 

[رندا كووول]

الشمالي الشرقي مايعرف يعبر ولا يقول كلام حلو
ولكن انتي بادري بالكلام وهو يتعلم منك
وهو من داخله طيب لكن هاذي طبيعته
ربي يسخره لك ويرزقك الذريه الصالحه

 

[يالوردي]

اقري عن نمطه وكيفية التعامل معه والله يسخره لك ويهديه يارب