شمالي شرقي جنني يا ناس

[غايتي جنته]

صباح الخير حبوووبات



حبيت اسال الفتره اللي فاتت كانت علاقتي فوق الزينه مع زوجي اللي بس متملكته


بينا مكالمات بس

طبعا مرينا بمشاكل عرضتها لكم سابقا

الحين

طلب مني طلب

وقال لي

اسدد لي فاتورة جواله !

انا حز بخاطري حيل شلون فكر ويطلب مني

لكن هو يمر الحين بظرف طارئ في عمله لخبط رابته

هو يقول انه ما يستغنى عني ويبي يسمع صوتي !

طبعا انا ما عندي الا مهري

واهلي يصرفون علي

قلت له

قال يبي محد يدري .. اهلي لازم يدرون لان باخذ منهم

شرايكم ...؟

 

[فديتني خجووله]

برأيي لاتسددي له هو الرجال مو انتِ . .

 

[وتين حبيبي]

اصحك تدفعين له ولا ارياااااااااااااااااااال نصيحه لوجه الله واصحك تقولين له مابي اسددد ولا تحسسسينه انك ماتبين ؟؟؟
قولي له الفلوس مع اهلك وانك بتحااااااولين وانك بتبيعين جوالك ولا اي شي عشان تدبرين المبلغ ويوم ورا يوم بينسى


موفقه

 

[أعتزاز]

أستغفر الله العظيم هذا اوله كذا الله يعينك على اخره
حبيبتي انتبهي لاتسددين فاتورته
معليش هذا رجال ويقدر يدبرها من اي احد من صديق او اخ او اي احد
وبعدين اذا بغى يعتمد عليكي من الحين بعدين وش رايح يسوي
لا ترخين ترا الشمالي الشرقي اذا تعود علي شي صعب انك تغيرينه ومايحب الضعيفه الي دائما توافق على اشياء لو مو من صالحها

 

[طيبه وقلبي ابيض]

لالالالاتسددين ولا بكره يستغلك فى اشياء اكثر من كداا اااه بس من الملكه وبلويها انا نفس حالتك كل شوي يطلع بشغله الا لما قالت جدتي اشغلي فيكي كل شوي اطلبي منه شغله يعني تخيلي المفروض يعطيني كسوه للعيد لو مجامله والا لحين مااعطاني بس جدتي وامي قالت قولي له وطلبته قلت له الكل اعطاني عيديه الا انت
لازم تعوديه انه يصرف عليكي ويعطيكي مو انت تعطيه واذا جبتي له هديه ولا شي هذه من نفسك مو هو يطلب منك
مره قال خطيبي ابغى منك نظاره عصبت منه وقلت له والله المفروض ماتطلب مني وانا اكبر هديه عندك عصب ومدري ايش وطنشته وهو نسي لحين انا جبت له هديه العيد بس طلبت من هديه يعني وحده بوحده ترى الرجال وربي نمااااااااااااااارده وف البنت تسكت وطيبه يبخل عليها <كلام جدتها
الله يوفقنا ونخلص الملكه هذه ع خير

 

[mariouma]

مهو برضه ادا ما سددت رح يحطها براسه وما ينسالها هالموقف

 

[طيبه وقلبي ابيض]

اقولك ع شغله اكثر من مره خطيبي يتصل عليه ويقوووولي انا فقران وماعندي مصاريف الشهر وبتسلف من مدري مين وهو عارف ان المهر عندي اقولو الله يعينك ياقلبي
وبعد فتره ضحكت عليه وقلت له ترى المهر خلص خلالاص واشتريت فيه كلوو واهلي لحين يصرفون عليا
وانا قلت بجربه كم شهر بعد الزواج ويصير خير وقتها

 

[اولادي كل حياتي]

حبيبتي ليه وين ابوه اخوانه اهله اصدقائه مو معقولة ماعنده احد يتسلف منه
يقوم يتسلف منك وانتوا لسه مخطوبين وماانتي موظفة !!!
حبيبتي قولي له بذوق حبيبي اعتذر منك ماقدرت اتسلف المبلغ من احد ولا ممكن اقدر اقول لاهلي انه لك اولا لاني باطلب فلوس وماتعودت اكذب على اهلي وتاني شي علشان مو حلوة بحقك اصغرك قدامهم واقول انك تبي تتسلف مني
حبيبي اعذرني انا مابيدي شي واذا سالك عن المهر قولي له يااما انصرف او عند امي مخبيته ومااقدر اطلبه لان هي المسئولة عن الصرف
وانتبهي حبيبتي لاتعوديه يطلب منك وتعطيه مهما كان الا بعد العشرة وتشوفيه كريم معاكي ومايقصر ولو حصله موقف ممكن تعطيه بس ابدا مو الان

 

[دلع قلبه]

اسمعي كلام الاخت حياتي اولادي
ماشاء الله عليها كفت ووفت

انتبهي لايستغلك زوجك عاطفيا ممكن يحاول يضغط عليك بالحرمان من المكالمات
ويزعل ويقاطعك بس لاتلينين لانك قاعده تبنين حياة شوفي مشاكل قسم الاستشارات
كلها من تضحيات الزوجه وصرفها على زوجها والنهاية خيانات وعشيقات وبلاوي زرقاء.

انصحك بهذا الموضوع
تزوج من امرأه لكن اكتشف انها بنك متحرك ,,غاده والاستغلال المادي ,, جديدي في بلقيس

 

[غايتي جنته]

مشكووورين


انا بصراحه متضايقه شلون يفكر يطلب مني

حيل انصدمت منه

بس انا استحي منه .. اذا هو ما استحى مني

توني ما جيت في بيته ويطلب مني هالطلب ؟

يقول لو مو مرتاح معاك ما طلبته !

كل فتره يردد علي حلالنا وااااحد

اذا انتي احتجتي تاخذين مني واذا احتجت اخذ منك

طبعا هالجمله ضايقتني

هو مسؤول يصرف علي

انا قلت اذا بدبر لك اهلي لازم يدرون

وهو مستحي من اهلي

قلت ودي اسوي شي بس ما اقدر

شرايكم ؟

 

[غايتي جنته]

بخصوص نقطه ابوه متوفي

وهو اكبر الاولاد

الاعتماد عليه الكلي

ويقول نفسي عزيزه مابي اتسلف من ربعي

 

[دلع قلبه]

استغرب من اللي تشاور وهي مخططه اصلا وش بتسوي!!
هذي ارائنا وانتي ادرى بحياتك ومصلحتك
الله يكتب لك الخير حيث كان ويرضيك فيه..

 

[غايتي جنته]

انا اللي مشتغربه ردك ؟


انا متى كاتبه موضوعي ؟

بعد ما اقنعت بان ما اعطيه واعتذر منه بطريقه ذربه

وهذا رد اغلب البنات انا سويته !

قلت له ما اقدر

على العموم جزاك الله خير يا حياتي

 

[خوفي من باكر]

ربي يسخرلك زوجك

 

[قلب هلو]

غريبة ؟لوانتي موظفة يمكن عادي بس شي غريب

 

[اولادي كل حياتي]

[SIZE="ـ ياسبحان الله نفسه عزيزة يطلب من ربعه الرجال
ـ وموعزيزة لما يطلب من حرمة وخاصة زوجته!!!!
ـ ايش التناقض بكلامه هذا انا اللي اعرفه انه الرجال اغلبهم يطلبون السلف من اصدقائهم الرجال مو يطلب الحرمة!!!!
ـ وانتي فعلاً غريبة كاتبة استشارة واعطيناكي الحلول وترجعي تسالي
ـ والمستشارة دلع قلبه معاها حق
7"][/SIZE]وبالنسبة لحكاية حلالنا واحد قولي له حبيبي انا ماني موظفة وماعندي مورد مادي ولااملك اي حلال انت ان شاالله ماراح تقصر معاي واكيد ساعتها حلالنا واحد
ـ ونصيحة لو الوالد يعطيكي مصروف بعد الزواج لاتخبريه خبي فلوسك للزمن ماتضمني الرجال ابدا تحزني عليه وتعطيه وتسلفيه واخرتها اغلبهم يتزوجوا على حريمهم ولايخونها بفلوسهاواللي توفرله هي ويصرفها على بنات الحرام
ـ وابغى اسالك ايش ضمنك انه يسدد فاتورته ??
ـ ويمكن يبغى يختبرك انتي في كل الحالات بيني له موقفك من الاول علشان يتفهم بعد الزواج مايطلبك
ـ

 

[احب امي وبس]

معليه اسمحيلي بس ذا نفسه رخيصه ماعنده عزة نفس انا مو مستوعبه يامسويلك مقلب ولا متحسف عللا المهر الي دفعه الله لايبتلينا
لكن اسمعي نصيحة الاخت اولادي كل حياتي طبقيها والله يهديه

 

[غايتي جنته]

جزاكم الله خير حبيباتي

انا سويت اللي شرتوا علي ..


أولادي كل حياتي / انا طلبت شوركم وبعدها سويته

لكن قاعده اسولف مع خواتي

واستغربت ردت الفعل ..

على العموم ما قصرتوا بلقيسات