بسكويت القمح
New member
- إنضم
- 2008/10/14
- المشاركات
- 12
شكوى
السلام عليكم ورحمة الله وبركاته
في يوم من الأيام فكرت أني أحضر أحد الدورات للأستاذة ناعمة في مقر المركز في أبوظبي
بصراااااحة الدورة كانت أكثر من رائعة ولا غبار عليها
ولكن للأسف الشديد ..المكان ضييييق وما يناسب مركز له سمعته يكون في هذا المكان الضيييق (أنا إنصدمت يوم شفت المكان )
ثانيا و هذا الذي آلمني كثيييييرا أن المنظمات فيهم نوع من الدفاشة (إسمحولي ) بس والله من القهر ..يعاملونا كأننا أطفال مشاغبين ونحتاج إلى التنبيه بقوة وشدة..نحن يايين مركز راقي وله مكانته ورقيه أمام العالم ..مب يايين مدرسة ..والله حسيت إني يايه مدرسة مب مركز إستشارة .. بقولكم الموقف وانتوا احكموا
مرة إضطريت إني أحضر مع أختي اللي أصغر مني ( 20سنه) ..ومب مقبله على الزواج..وهي بصراحة قالت ما تبي تسمع شي عن الزواج..بس شو أسوي إضطريت أييبها وياي لأن مافي أحد في البيت .. ويوم وصلنا المركز ..أولا مسكتها المنظمة وقالت مايصير تتريين أختج هني داخل المركز، ماعندنا غرفة إنتظار!!.. قلت لأختي سيري انزلي الخياط اللي تحت في المبنى اللي جنب المركز.(انتو ترضون عليها تنزل في هالوقت بالليل تحت بروحها ).وسارت المسكينه لكن ماقدرت تتم لأن شافت كله هنود ورياييل وخافت على عمرها وردت عندي ..قالت لي أخاف،، كله رياييل..قلت لها خلاص تمي هني في الغرفة الثانية وسكري على عمرج .. بس يت المنظمة مرة ثانية وقالت : ما يصييير تتمين داخل المركز وممنوع ..أستاذة ناعمة مانعة هالشي.وإذا درت (أشارت بيدها على رقبتعتها وقالت بتذبحنا)..(معقولة!!!).. وانتي ليش يايه إذا مابتحضرين الدورة ..رديت عليها ..هي مضطرة لأن ماعندنا حد في البيت تتم وياه ... (ومن هذي الكلمة أنا بصرااحة حز في خاطري ) قالت بذمتكم والله يسامحكم على اللي سويتوه ..أنا حسيت إني مسويه جريمة ولا السالفة ما تسوى أبداااااااااا
ودخلت أختي الغرفة وسكرت عليها الباب ..كأنها مجرمة ...أنا انقهرت من هالحركة وقلت يللا أهم شي أحضر الدورة ..
النقطة الثالثة : ليش ما يوزعون على الأقل أوراق ولا ملازم عن الدورة ..مب الكل يقدر يكتب ويسمع ؟؟ وعلى سعر الدورة بصراااحة لازم يوزعون ملازم
وشكرا ..أرجو النظر إلى هذي النقاط المهمة لكي لا ننفر من الدورات الحللووة
