شكواي ربي يعلمها فأسألك ان ترزقني من يدلني طريق الصواب

[وفا منثور]

تاريخ الميلاد ؟
1408

مكان الميلاد ؟

جدة - المملكة العربية السعودية

الحاله " مخطوبه – مطلقه – عازبه " ؟

عازبة

الدرجه العلميه ؟

طالبة جامعيه


درجة الإلتزام بالدين ؟

الحمدلله


هل انتي مداومه على الصلاة في وقتها ؟

نعم


المستوى المادي للأسره ؟

متوسط

الترتيب بين افراد الأسره ؟
8
عدد الأخوه والأخوات ؟
الإخوه3
الأخوات 8


علاقة الوالدين ببعضهم ؟
الوالد متوفي
الوالده على قيد الحياة

علاقة صاحبة المشكله ببقية الأسره ؟
​

ممتازة

هل يوجد زوج ام و زوجة اب ؟

لا

علاقتك مع زملاء المدرسه / العمل ؟
ضعيفة
هل تعاني من امراض عضويه او نفسيه ؟

لا والحمدلله

الحاله النفسيـه حاليا ً عند كتابة الإستشاره ؟
​

قلقة ..

مدة المشكله منذ بدايتها حتى الآن ؟

سنه كامله

نقاط ضعفك ؟

أخواني

​

نقاط قــوتك ؟

الله من اقوى نقاط قوتي وصلتي به وبعدها
مستقبلي العلمي والمهني


بسم الله الرحمن الرحيم

انا أبلغ من العمر 23سنه وطالبة جامعية وكلنا نتكون من 2اخواني و2اخواتي وامي والباقين تزوجوا..مشكلتى مع امي واختي اللي اصغر مني وعمرها 14سنه امي دائماً تميزها علي وتميز اخوي الكبير كنت اعترض واجيب المواقف واضطرب بشده بصراحه انا ماعندي الا امي اللي اشحذها حنان وحب وعطف ولاكن للأسف هذا كله ماتعطيني منه ولا ذره رغم اني اتقرب منها واطيعها واسوي اللي تبي لاكن تميز اختي واخوي الكبير عنا كلنا اختي مرره تعصاها وتطول لسانها واخوي وين وين يجيها لاهي بعياله..

بصراحه احتاج حب احتاج حنان احتاج احد يسألني عني يضمني هذا كله احتاااجه وللأسف لدرحة إني اجي عندها واصارحها واقول لها يمه انا محتاجتك تجلس تضحك ولا تستهر بكلامي ولاتقول وش انا مقصره فيه؟؟
امي مو متعلمه .. لاكن حاولت اتأقلم والله اني امسك نفسي لا أنحرف زي البنات الباقيات
واحاول اهذب من نفسي احاول اصنع هذا كله لنفسي مو شرط القى الحنان والحب منها اقدر اخذه من خواتي .. وصرت مابي اختي اللي اصغر مني تحس باللي حسيته صرت ادلعها واجيب لها اللي تبي والله اني ابخل عى نفسي عشانها وابيها تطلع احسن شي .. مرت الايام والسنين بس احس امي مو عاجبها علاقة اختي فيني كانت صغيره تجي تعلمني وتقول امي ماتبيني اكون معك!!!

لاتستغربون كانت امي تسوي لي نفس اللي تسويه لأختي مع اختي اللي اكبر مني كانت ماتبيتي اجلس معها تبيني لها لوحدها واسوي مشاكل واتهاوش مع اختي عشانها واسوي اللي تبيه امي

احيان تههددني ياويلك تروحين لها

وصارت تسوي كل هذا مع اختي الصغيره وضدي!!!

ماعليه تحملت وكأن شي ماصارر مااكذب في البدايه كنت انفجر اعصب وازعل ليه تسوين كذا يمه ليه تخربين بيني وبين اختي؟؟

يعني احيان يصير بيننا مواقف انا واختي ونكون مستانسين تجي بكره اختي مقلوووبه واسألها تقول امي تقول كذا وكذا يعني امي فهمتها شي غلط عني....

ليه؟؟؟

ليه هالشي يصير؟؟

جلست مع امي كذا مره جلست مصارحه وتستمر اسبوع وترجع زي ماكانت..

خلاص انا تأقلمت على هالحال وصرت اطننننش وارضي ربي وبس.. واطيع امي يعني تصحى الصبح تلقى فطورها وكل شي جاهز

اسوي اللي يرضيها

السنه هذي صارت اختي اكبر يعني تحط دوبها ودوبي اللي اخذه تاخذ نففففسه

اللي اقوله تعيده كلامي تعيده نفسسسه يعني بالعربي تقلدني

تقلدني فتصرفات تلقائيه تطلع مني مثلا كلمة دائماً اكررها تسير تكررها هي

يعني عاجبها هالشي

مثلا حركه اسويها انا تسوي نفسها فوجودي في غيابي

مثلا طلبت شي تطلب نفسه

خلالالالاص انا هنا احس بضيق

يعني في تصرفات اسويها ممكن تكون غلط القاها تسويها

ومااحس انه غلط الا اذا سوته اهي

كيف اقول لكم يعني تقلدني تقتبس مني حاجات كثيره

دايم اقول لها لازم يكون لك شخصيه انا فيني السئ وفيني الحلو

بس

العام وقبل العام كانت علاقتنا مره حلوه تحترمني وتقدرني ونحب بعض اذا مرضت اتعب نفسيا عشانها بس والله كله تغير والسبب هي امي

وصارت تقويها علي كثير

يعني اذا مثلا طلبت اغراض للجامعه طبعا اهي تكون اشترت اغراضها للمدرسه ترجع مره ثانيه تشري وينقص المصروف علي...

وامي توقف معها

في اخر موقف صار ان امي دايم طبعا ماترفض لها طلب وهالمره صحيت من النوم مالقيت اختي سألت قالت امي راحت للنادي انا عصبت ليه تسمحين لها

بصراحه النادي سمعته زفت والبنات اللي فيه كلهم خربانات

وقلت لاختي المتزوجه وجات واتفاهمت مع امي المهم رجعت اختي الصغيره وكلموها خواتي نادي ماتروحين طبعا ماقالوا انه انا اللي جبتهم وقلت هالشي عشان ماتضن فيني سوء

مر يوم الا اختي جتني تقول ليه تخلين اخواتي يمنعوني من النادي ترى امي قالت انه انتي السبب وانتي ماتبيني انبسط امي قالت كذا

خذيتها وفهمتها زين وفهمت ومشي الموضوع

الموقف اللي بعده دايم امي تقول لاتحملين لها في جهاز البي اس بي اغاني والعاب لانها تضرها وسويت فورمات للجهاز ولا عاد حطيت لها
جتني مره تطلبني وتحايلني رفضت
وفهمتها

بعد اسبوع رجعت تحايلني

مارضيت

تدرون وش صار عصببت وقللت من قيمتي ورفعت صوتها علي وراحت لامي تصيح مارضت تحمل لي وتشتكي مني قالت امي ولايهمك انا اوديكي محل واحمل لك اللي تبين...!!

وش رايكم بالله



انا مااقول تعبت ولاشي يمكن تضايقت وقتها بس كل شي بأجره

ومتحمله وصابره لوجه الله لااخفيكم ان شخصيتي قوية ولاكن ليس الشديد بالصرعه

بس افيدوني كيف اتعامل مع اختي

طبعا هي مراهقه

كيف مااخليها تقلدني؟؟

كيف اخلي امي تعدل بيننا؟؟

كيف اخلي اختي تحترمني ولاترفع صوتها؟؟

كيف افهم امي طبعا هي اميه مادرست انها تحن علي وتحبني؟؟

كيف انصح اختي بحيث امي تكون متوافقه معي ماتعارضني؟؟



أسأل الله ان يوفقكم ويصلح لكم شأنكم ويسير عليكم كل صعب يارب العالمين

دمتم بكل حب






​

 

[}وردة{]

حبيبتي...معليش..
أحس أنك ماخذة الأمور بحساسية شوي
كلنا تصيرلنا مع أخوانا وخواتنا هذي الأشياء
بس خلاص...الواحد يطنش
حاولي تختلطي ببنات مثل عمرك وتتواصلي معاهم
وعوضي الحنان المفقود بحنانهم :32:
واقري ردودي على اسئلتك :39:​

​

بس افيدوني كيف اتعامل مع اختي ​

طبعا هي مراهقه ​

كيف مااخليها تقلدني؟؟
يمكن هي معجبة فيكي...خذيها من هذا المنظور!! بالعكس لازم تكوني مستانسة أنها تقلدك :22:​

كيف اخلي امي تعدل بيننا؟؟​

هذي المشكلة!!
إنت طنشي الموضوع واصبري..اتذكري أنه أمك مش متعلمة
ويكن ما تعرف الطريقة الصحيحة في التعامل
إنت سويتي اللي عليك وكلمتيها
وإن شاء الله الله يؤجرك على صبرك وبرك لها

كيف اخلي اختي تحترمني ولاترفع صوتها؟؟​

خليها تصرخ و ردي عليها برد هادئ وقصيير..."لو سمحتي لا ترفعين صوتك علي" واتركيها
وممكن تكلمينها على الموضوع لما تهدئ

كيف افهم امي طبعا هي اميه مادرست انها تحن علي وتحبني؟؟​

إن ممكن تبادري...قولي لها كل شوي أحبك يا أمي مووووت
جبيلها هدية
واحضنيها
وإن شاء الله تحن عليك يا رب...لأنه إذا شفتي إنسان يحبك وهتم فيكي بحب غصباً عنك بتحبينه...صح ولا لا؟؟

كيف انصح اختي بحيث امي تكون متوافقه معي ماتعارضني؟​

اعتقد إذا سويتي الخطوات اللي قبل وحافظتي على هدوئك بتسمع لك إن شاء الله

اتمنى اكون أفدتك
والله يوفقك حبيبتي :34:

 

[مسك المدينه]

ان شاء الله يااختي انك تتوهمين عمر الام الا ماتحب اولادها ولاتفرق بينهم ابدا بس يمكن من عبء المسئوليه موداريه بترضي مين فيكم لك انها تكرهك اوتحرض اختك عليك هذا موطبع الام ومهمن سوت فهي امك واحترامها واجب واختك مصيرها ان شاء الله مع الايام بتتعلم وبتفهم لكن لابد من توجيهها توجيه صحيح..وتكونين لها الاخت والصديقه في نفس الوقت ودعواتك في رمضان فاءنه مستجاب الدعوه تحياتي...

 

[المهاجره]

غاليتي
من الطبيعي ان يقوم المراهقين بتقليد الآخرين وخاصة الشخص الذي يعجب به الآخرون ويلفت انتباههم
فالمراهق في هذه المرحلة الحرجة يريد ان يصبح كالكبار ولا يشبه الصغار
ويرفض النصائح الموجهة اليه مباشرة لكنه يحب ان يستمع اليها او يقرأها اي ان تكون غير مباشرة
ومثال لحالتكما
الافضل ان تتحدثي عن نفسك وعن حياتك وعن طموحاتك في المستقبل
وانت تتحدثي لإختك بسعادة وكأنك تكلمي صديقتك المقربة لانك لا تحسسيها بأنها لا تفهمك
عندها ستتقمص دورك تماما وهذا سيكون نافعا لها ولك
لانك ستعجنينها كما تريدي
مثلا نقل الكلام و الحكمة و السر و معنى الاخوة و الحب وبر الوالدين و زرع الدين ووو
انت تسقينها معاني مهمه واساسية في الحياة وهي تتقمص وتتشرب كالاسفنجة بلا شعور
\
لا تبال بما تفعله امك ولا تدققي بحساسية
فقط احسني لها و قدمي لها اشياء تحبها كهديه واخدميها ولا تذكري لها ذلك لانه واجبك
لانك بعد ان تفهمي سبب معاملتها لاختك ستلتمسي لها العذر
الام تريد ان تحتفظ بآخر العنقود الى جانبها قدر الامكان
فترضيه على حساب اخوته
وخاصة من فقدت زوجها ببعده لأي سبب
انها تعوض من فقده بآخر العنقود فتغمره بحنانها و حبها
وهي في الحقيقة تحس انها ذات فائدة
اي انها تبني لنفسها الثقة
الضعيف يرى حاجة من هو اضعف منه له
انها طريقة صحية
دمت بحب​

 

[ميس الريم]

اول شي اتقبلي مروري .... لاني والله انا لحالي لا اخت ولا يحزنون .:19:..... بس من الي

اشوفو بين اقاربي المقربين جدا ......... البنت الاصغر تقلد اي تصرف يصدر من اختها الكبيره

فالي اقدر انصحك بي خليكي قدوه حسنه :32:........ حتى لو صدر منها تصرف سئ:33: ...... انتي اتصرفي بحكمه :22:

لانه هي حتقلدك :10:..... ودايما اشوف العلاقه بين الاخوات دايما تكون كذا ..... لانه مهما كان الاصغر مدلعه :7:

وخصوصا لو كانت اصغر وحده في البيت :13:....... وكمان اشوف انه البنت الكبيره تفضل تستغرب من حركات

الصغيره.... زي مثلا ليش تطلع جوال بي ذا السن ليش انا طلعته لما دخلت الجامعه .:8:... ليش هي تروح

لصاحبتها وانا ماكنت ..... لانه كل جيل حتى لو مش بعيد مره تختلف تصرفاتو :2:...... وتستغربي بينك وبين نفسك

ليش تحط مكياج كذا هي لسه صغيره :33:....... يعني اسأله من دا النوع ...... دا جيلهم .:30:

 

[اعلامية طموحة]

كيف مااخليها تقلدني؟؟

خليها تقلدك يا شيخة عيل تبيها تقلد من بنات النادي!!!
هذي مراهقة يعني لسه مالها ستايل خاص ولا لها فكر مستقل خاص لذلك تتلصق في الشي اللي يعجبها.. وهذا مؤشر جيد انك انتي عاجبتها


كيف اخلي امي تعدل بيننا؟؟

ليش ماطلبتي تعدل بينكم لما كانت تشيشك على اختك ^_^ .. خلي الوالده تعمل اللي يريحها ... مايمنع انك تنصحيها على اساس انه يمكن ربي يحاسبها على التفرقة بس لا أكثر لاتزعلي وتاخذي موقف .. تراج انتي خذتي نصيبج على فكرة


كيف اخلي اختي تحترمني ولاترفع صوتها؟؟

بالهدوء والسياسة والنصيحة المباشرة .. وهي مراهقة لاتوصميها بتصرفاتها هي مرحلة وبتعدي .. كبريها تكبر صغريها تصغر


كيف افهم امي طبعا هي اميه مادرست انها تحن علي وتحبني؟؟

الحب من الله أطلبي من الله ان يحنن قلبها عليج ... ولاتضغطي عليها امك هذي في النهاية.. انا ممكن اقولك اعملي واعملي واعملي .. لكن ترا النار ماتحرق الا رجل واطيها .. بس اقولج تعاملي بالصبر وتأكدي ان ربك يرفع من درجك عنده ببرك لوالدتك
كيف انصح اختي بحيث امي تكون متوافقه معي ماتعارضني؟؟

بالهدوء والحكمة في التصرف مع المواقف .. كثرة الصراخ والزعل مايجيب فايده اهدئي وحكمي عقلك
انا لو منك امي تغير كلامها في موقف تحميل الالعاب بقولها بهدوووووووء امايه انتي قلتي لي وانا نفذت تبيني احمل لها الحين بحمل لها تبي توديها السوق وديها السوق انا ماعندي مشكله ابدا
طبعا بمزيد من الهدوء والتوقير لوالدتك امك مصيرها بتنتبه
ثانيا انا امي بعد كبيره في السن والاحظ ان في كثير من المواقف ماتركز يحليها بعد السن له احكامه
الانسان اذا كبر تضعف الكثير من قدراته منها قدرته على التركيز والتحليل وغيرها
لذلك ارحمي والدتك ولاتحمليها فوق طاقتها

 

[وفا منثور]

أسأل الله أن يرزق كل وحده ردت ونصحتني واٍسأله في ليالي رمضان وفي صلاة القيام لكل من أفادتني ونصحتني

على فكره نسخت كل ردودكم فملف وورد وراح احتفظ فيها بحيث كل ماحسيت بإختلال فيني ارجع لها..


اشكركم من كل قلبي


أستودعتكم الله ودائعه اللي ماتضيع