(شــــهر عســل فــي الريـــف)

كاتبه حره

كاتبه حره

New member
إنضم
2010/01/11
المشاركات
76
بسم الله الرحمن الرحيم...

كم من مرة ومرات ادخلتكم في اجواء الحزن والدراماتيكيه من القصص اللتي رويتها في السابق..,
نعم..كانت للعضه والعبره..واتمنى ان تكون افادت الكثير..,

القصه اللتي سارويها ليست واقعيه لكن ستكون بلسما لمن حزنت على احداث قصصي السابقه...,,,


جلست فتون على الاريكه واضعة راسها عليها جاعلة شعرها الكستنائي الطويل متناثر حولها..ممسكة بهاتفها ال(بلاك بيري) وتقلب فيه تارة وتتحدث الى صديقاتها تارة اخرى..

دخلت عليها والدتها فجاه واكتسى وجهها بالدهشه...

فتووووون....

هاااااااه..

وش هاااه..؟ قولي سمي.قولي نعم...وش فيك انتي؟؟

نعم..سمي..وش عندك..

كانت ترد على والدتها وعيناها على البلاك بيري اللذي اسرها بالفترة الاخيره...,

زياد اخذ رقمك من ابوك...يمكن يتصل عليك اليوم..

واخيرا تحركت عينيها الواسعه الكحيله من البلاك بيري حتى صارت تتطلع بوالدتها رافعة حاجبيها استنكارا...,,

مامي انا قلت لك....ملكتي من هالشخص كان غلطه..وخلي بابا يصلح الموضوع..

يصلح الموضوع؟؟؟سياره هي تخرب وتتصلح؟؟؟انهبلتي انتي

وقفت فتون من جلستها وتوجهت ناحية والدتها قائله بكل برود..

مايحتاج اعيد الكلام مامي.....هالانسان ماينفع لي ولا انفع له..خلاص...هونت..خلوه يفسخ العقد...

لعبه هي...؟؟؟

نو مش لعبه مامي....بس الزواج كمان مش لعبه..يلا تشاو مامي انا رايحه لغرفتي...

فتوووون....لاترفعين ضغطي....وش اقول لابوك الحين.؟

تشااااااو مامي....

مشت فتون لغرفتها بخطوات هادئه وهي ممسكه بهاتفها وتتحدث مع صديقاتها ضاحكه مسروره...
دخلت غرفتها الواسعه اللتي كانت ذات طابع انثوي ناعم ..فاللون الوردي كان غالبا عليها..والابيض..ودمى مبعثرة هنا وهناك..فهذه دمية مدهش قد اشترتها من دبي في رحلة قضتها مع اسرتها..وهذه دمية دب كبيرر قد اخذتها من صديقتها بيوم ميلادها..ودمى كثيره مرميه بزاوية الغرفه...

استلقت فتون على فراشها وصارت تتحدث بلهفه مع صديقتها اروى بالبلاك بيري...

اااااخ يااروى هالزياد ماادري من وين طاح علي..

هههههههههههااي..سمعت انه مزيوووون....

والله من ناحية مزيوون ايه هو مزيوون بس يختي ماهمني الزين

اجل وش همك...؟؟هاتيه روحيه لي ههههه

وش اروحه..؟لسى هو زوجي على سنة الله ورسوله..

غريبه...وش اللي غير رايك..؟كنتي راضيه ومقتنعه فيه

ماادري..خفت من الزواج..حسيت اني استعجلت..توني صغيره عمري 23 ابي اعيش عومري خخخخ

ايه مرررا بزر انتي دادا...23 المفروض عندك بزر وراك يقول ماما:shiny:

يمممممه بسم الله علي توني صغيراا بدري بدري :no:

طيب ايش بتسوين به ذا..؟؟

ماادري يختي وش الصرفه....لا ويبغى يكلمني اليوم :sly:

الله يعينك..متى زواجك بيكون..؟

المفروض بعد 4 شهور ..يمه اروى وش الحل...؟

لااااااااااا اعلم...

جلست فتون تتكلم مع اروى لساعات تقريبا حتى غفت ونامت على فراشها.....نائمه بقرب حبيب قلبها ال (بلاك بيري) اللذي لايفارقها دقيقة واحده..
رن هاتفها بنغمة اغنيه اجنبيه...وفتحت عيناها وهي غير مدركه مايحدث.....امسكت هاتفها واجابت عليه ووضعته قرب اذنها اللتي تحمل 3 اقراط (بيرسينج) متوزعه..

الووووو....(ردت بصوت خافت)

هلا وغلاااا....

مين..؟

لايكون نايمه..؟

مين معي..

ماعرفتيني..؟

..........لا

اكيد..؟ فكري

زياد..؟

ايوووااا..زوجك زياد

امممم هلا هلا

كيفك.؟ لايكون ازعجتك وانتي نايمه

لاعاتي...

احد ينام هالوقت الله يهديك..ههههه...اصحي ياعمري اصحي نفسي اسولف معاك

طيب طيب....عطني 10 دقايق بس اصحصح فيها وارجع اكلمك

اووووك...لك ربع ساعه..

زيين ..يلا برب

برب بعد بالجوال؟؟ههههه انتي مصيبه

اقصد باي ماعليش

اووك اووك باي ربع ساعه وبتصل

اقفلت فتون الاتصال ووضعت يديها على راسها مغمضه عينيها لاتعلم ماذا ستفعل..القت بنظراتها الى هاتفها مرة اخرى....وجلست تتامل فيه حتى عادت الى النوم مرة اخرى...

رن الهاتف ..........

الووو..اووه..سوري سوري

وش فيك..؟ ماصحيتي...؟

ياا الله ماعليش ماعليش بس دااايخه..

بسم الله عليك وش فيك.؟؟

اممم زياد كلمني بعد ساعه ممكن..؟

خلاص مو مشكله بعد ساعتين راح اتصل عليك...

فيه موضوع راح اكلمك فيه...

موضوع عن ايش..

عن علاقتنا...

عطيني رؤس اقلام..

امممم لا ماينفع افضل اقوله لك بعد ساعتين..

اووك..اووك..اللي تشوفينه...

اقفلت فتون الخط ورمته بقربها ودفنت وجهها بمخدتها لتعود الى النوم مرة اخرى ....

افاقت الساعه العاشره ليلا...توجهت الى الحمام..وتحممت بمجموعة البودي شوب برائحة الورد الرائعه..بعدها توجهت لحبيبها البلاك بيري لتتصل على مطعمها المفضل ماكدونالدز لتطلب لها وجبة عشاء...

ارتدت بجامتها القطنيه المريحه...وجلست تنتظر عشائها على اريكتها مقابله التلفاز.,,,حتى رن هاتفها وشتت عليها هدوئها..

الوو...

هلا وغلا...

هلا زياد...ماعليش على اللي صار

لا عادي جدا خذي راحتك عيوني..

الله يسلمك كلك ذوق..

بس والله اني مرررره متحمس..يالله قولي لي وش تبغين تقولين لي

اهاا...الموضوع حساس شوي يازياد

ان شاءالله خير...

خير ان شاءالله...انت بصراحه رجال والنعم فيك..مافيك عيب بصراحه والحق ينقال...بس زياد انا فكرت بالموضوع شوي وحسيت اني استعجلت بهالزواج وابغى انسحب منه بشكل ودي وبهدوؤ....

جاده..؟

يب..

وش يب هذي ردي علي زين...

لاتنفخ..

ماانفخ بس ردي زين وبعدين كلامك نرفزني

اللي هو..انا اعطيك اياها من المختصر يازياد

لاقيه علي عيب..؟شئ اقتنع فيه..؟

لا

طيب..؟؟؟

قلتلك....انا مو مستعده نفسيا للزواج بسسس..

مو عذررر..خلي عنك الدلع يافتون..هذي اول مكالمه بيننا وخربتيها بهالشكل..؟

واخر مكالمه يازياد

فتووون...

هلا

كلميني كلام وحده عاقله ناضجه..خلي عنك كلام الاطفال هذا

ماابغى الزواج هذا يازياد....

كلامي بيكون مع الوالد يافتون مو معاك....




 
متابعيييييييييييييييييييييييين​

:19:
 
وااو قصة جديدة لكاتبة حرة :31:
وبداية مشوقة جدا ..
سجل حضوري ومتابعتي ..
دمتي
 
يلله وش التكمله تـــــــــحممست أأوي
 
مشكله يوم اتحمس ما احصل التكمله .. نحـــن فى الانتظار
 


ايش الكلام السخيف هذا اللي سمعته..؟؟ انهبلتي انتي ولا كيف؟

ماعليش يابابا بس تراجعت عن هالزواج..

ليش وش السبب؟.ابي افهم..؟؟؟كذا من الباب للطاقه مابيه؟لعب بزران هو..؟

كلمك هو ولا كيف..؟

اكيد كلمني الرجال..يشتكي منك ..هذي حاله هذي؟يوم موافقه ابي اتزوج ويوم مابي..؟ هي طلعة مشوار يافتوون..؟

خلاص يابابا لاتضغط علي اكثر من كذا..اتركوني في حالي ابي ارتاح..

هو انا لو لقيت عليه حاجه وربي فسخت العقد من الساعه هذي..بس انا جالس اشوف بنت تتدلع علي وماخذه الامور بهباله..

مشت فتون خارجه من غرفتها متجهه لغرفتها مهروله متضايقه منما تسمعه..

لما اتكلم معاكي ماتعطيني ظهرك..

ايش تبغاني اقول لك.؟خلاص سمعت اللي عندك..زواج لازم اتزوج..فهمناا..

البنت هذي بتجنني..يوم ايه ويوم لا....ايش الحل معاها..؟؟

ماعليك هي كذا تتدلع بس بالنهايه اكيد هي موافقه..

انا طالعه لغرفتي...

جلست فتون على فراشها...تفكر...بل تعمقت بالتفكير..ماذا تفعل.؟؟ فعلا هي لم تجد سببا يدعوها لفسخ العقد...فقط خافت من الدخول في قفص الزوجيه.....هل ستوافق...؟
لكنها وافقت من البدايه.......لكنها لم تتحمل نتيجة قرارها...وهاهي الان تحاول ان تتحمل النتيجه...

هل الزواج مر..؟ ام ماذا..؟ اني خائفه فساودع العزوبيه وادخل قفص الزوجيه ولااعلم ماتخبيه لي الايام...
جلست تفكر بعمق وعمق اكثر....خائفه من ما يخبئه لها المستقبل..




طمنيني ايش صار عليكي يابنت..

ولا اي شئ...بابا ومامي زعلانين علي مرررا بصراحه معاهم حق يارورو...اللي سويته ماله اي داعي :shutup:

من جد كويس عرفتي واقتنعتي....ماكلمتي زياد..؟

لا ولاهو اتصل حتى....واضح انه مو مستوعب السالفه يختي

وااااااو زعلااان ههههههههه

بسلامته..ايش اسوي له يعني..

ايش اخر التطورات..؟

استاجر شقه واثثها بنفسه يارورو ولاحتى اخذ شوري :tears:

يوووووه ايش فيه هذا شايل عليك كذاا

بديت اتقضى للزواج خلاص رضيت بالامر الواقع

ياقلبي انتي صدقيني واقعك عسل مثلك...بس تفائلي خير لاتتشائمي

الله يسمع منك ياقمر..مشكلتي بالحياة اني اخاف من اللي اي اووف مني

الله يعينك...

دقيقه دقيقه هذي رازان تكلمني..

اووك وسلميلي عليها..

يوصل ياقلبي..برب

تيت........


هلا رزون...

هاااااااااااااي ياعسل انتي..هااه ايش اخبار التجهيزات ياحلوو:shiny:

تمام توني بديت اتقضى واجهز عمري..

كويسسسسسسسس يلا يلا شدي حيلك يابطله نبغى نسوي حفلة توديع عزوبيه لاصارت ولا راح تصير ياقمووره :shiny:

اااااااخ بطلع حرتي بالحفله هذي يارزوني..ايش المخططات؟

شوفي ياستي...راح نسويها ببيت اروى لانو كبير وفخم كذا وراح نسوي اضائات تبع الدي جي هذيك عرفتيها؟اللي سوتها مها في حفلتها هذيك المره...وراح نحط دي جي..وقاتوهات وحركات كذا بناخذها من النت :nosweat: عندك حاجات ثانيه.؟

امممم..لا لحد هنا اووك..:msn-wink:

اووووك راح اخبر البنات واحدد لهم اليوم طبعا راح يكون قبل زواجك باسبوعين حلوو.؟؟

لااا لاا ايش اسبوعين يامامي خلوه قبل الزواج ب 3 اسابيع حلوه

ولاا يهمك....ونسوي بطاقات دعوه حلووه نبتكرها احنا ايش رايك؟

حلوو..يلاا تحمست...

ههههههههههههااي ياقلبي انتي الله يوفقك ويسعدك ياقموره وعقبال العزابيه يااارب...



مر اسبوعان على محادثة رزان وفتون..وعلى تخطيطهم وزادت تخطيطاتهم اكثر...جلست فتون على اريكة غرفتها تفكر بما ستفعله بحفلتها...واخذها التفكير لبعيد.....
حتى قطع رنين الهاتف حبل افكارها....امسكت الهاتف..لترى من المتصل...زياد.....!

الوو...

هلا وغلاا

هلا فيك زياد...

كيفك فتون..

الحمدلله بخير انت كيفك

الحمدلله...

زياد.....

هلا

سامحني على اللي صار الفتره اللي راحت بس كنت متشوشره شوي وخايفه......ماادري وش كنت افكر فيه.....

عاادي عاادي ياقلبي طبيعي بتمرين بالمرحله هذي والخوف هذا

اعتبرك سامحتني الحين؟؟

طبعااا...

كلك ذووق..

طيب ممكن ندردش الحين ولا مو فاضيه نفسي اكلمك..

لاعاتي خذ راحتك.........

جلست فتون تتحدث مع زياد لاكثر من ساعتين...وتعطيه نموذجا مختصرا عن حياتها وشخصيتها اللتي وصفتها بالفتاة الدلوعه...وتاكد زياد من ذلك والدليل حركتها الاخيره اللتي فعلتها.....,
 
واااااااااااااااااااو انتضرك انتضررررك وبقوووووووووووووووه
لااتتاخرين علييينا
 
اقترب موعد حفلة فتون..حفلة توديع العزوبيه كما اسمتها رزان..واتفقوا البنات على ارتداء اللبس الموحد بالحفله..الا فتون اللتي سترتدي فستان مميزا من بينهم...

جهزت اروى كل مايلزم بالبيت...واعدت غرفة خاصه للحلويات والمشروبات ومشتقاتها...وغرفة خاصه لل(دي جي).,
واخيرا وزعوا بطاقات الدعوه اللتي ابهرت المدعوات بشده لروعتها وتميزها.....

قبل الحفلة بليله.....جلست فتون بغرفتها المضيئه باناره خافته تقلب في جوالها وتتناقش مع صديقاتها عن موضوع الحفل...وتستمع لاغنيه قد اختارتها من اليوتيوب...
حتى رن هاتفها فجاه وهو بيدها حتى ارتجفت من الخوف.....

الوو..

هلا وغلاا بالحلووه

هلا وغلا فيك...

ليش مانام القمر...

مو جايني نوم..

ليش..؟

ماادري..كذا..جالسه اخطط انا وصديقاتي على الحفله اللي بنسويها بكرا

حفلة ايش...؟

حفلة توديع عزوبيه..

وشلون حفلة توديع عزوبيه..؟

يعني حفلة توديع عزوبيه.....واضحه

هههههههههههههههههههههههه

وش فيك؟؟

لا بس مااستوعبت....حتى العزوبيه صرتوا تسوون لها حفلات

ايه عاتي ايش فيها

انا مو مدعو مع الحضور؟

هههههههه لا ياقلبي...بس بنات..وبعدين بنسويها ببيت صاحبتي..

صاحبتك.؟؟؟!!

يب

كم مره قلتلك لاتقولي يب...وبعدين مين صاحبتك هذي

سؤالك غريب...هو انت تعرف صحباتي كلهم ولا كيف..؟!

طيب ليش مو ببيت اهلك...؟!

بيت اروى كبير..وياخذ المعازيم كلهم

يعني بتعزمون اهل الرياض كلهم قصدك..

تتريق...؟!

خليها ببيت اهلك.....

نعم....؟!

الحفله خليها ببيت اهلك....

نو

ايش نو..؟؟!! تكلمي زين

يعني نوو..بخليها ببيت اروى وخلااص من جد طفشتني لعلمك اوووووف...

طووووووووط......

واقفلت الخط بوجهه....ورمت الهاتف بعيدا عنها...حتى صار يتصل مرة تلو الاخرى وتلو الاخرى....وتلو الاخرى........,

وضعت السماعات على جهاز الاب توب واشغلت نفسها بمتابعة مسلسلها الاسيوي المفضل....غير مباليه باتصالات زياد...

..................................................................

في يوم الحفل..ارتدت فتون فستانها المميز القصير..العاري..فلقد كان يصل الى فوق ركبتيها تقريبا.....
وضعت المكياج الجرئ وودعت والدتها واتجهت الى بيت اروى استعدادا للحفله ولاستقبال المدعوات والاحتفال معهم......,,

كانت فتون مرتديه عبائة الكتف المميزه فلقد كانت مخصره ولامعه وملفته للغايه....
اتجهت للحفل مع السائق مع اختها الصغيره رنا ذات ال18 ربيعا..

واخيرا جن جنونها بعد ان رأت تجهيزات الحفل اللذي قاموا به صديقاتها...فلم تكن تتوقع كل ذلك بتاتا....

واااااااااااااااي يارورو حياااتووو انتي ايش هذاا كلوووووو

هههههه ياقلبي انتي هذا ولاشئ يابعدي...

اسمعي رورو اخوك عماد بثررر اقلقنا رايح جاي فكينا منه

يوووووه تكفين توه بزر

كم عمره عماد؟؟نسيت..؟

17 يختي بزر

ياحياتووو نونو ههههههااااي

يلاا يافوفووو الف مبروووووك وعقبالنا احنا يارب

يااااااااااااارب

هههههههههههههههه رورو من قلبك طالعه

تقدرين تقولين....

رورو مو هذي شغالتكم .؟؟وش عندها...؟؟

الا الا دقيقه بروح اشوف وش عندها......

طيب الله معك......وااو رزان وش هالمعازيم نصهم ماعرفتهم

معجبينك كثاااارههههههه

مو كأن صوت الدي جي عالي..؟مااسمعك زين...

بالعكس فلللللللللله......وسعي صدرك طلعي كل حرتك اليوم

يلاااااااا

وصارت فتون ترقص وتتمايل على انغام الموسيقى مع رزان ضاحكة مسروره بهذا الحفل المقام لاجلها حتى قاطعتها اروى فجاه

فتوووون.....فتوووووون...يابنت تعااالي...اسمعينيي

هلااااا مو رايقة لك ابغى ارقص

تعااالي مو وقته صدقيني....روحي شوفي من عند الباب...

من...؟

روووحي وشووفي...

اتجهت فتون وهي ترقص على انغام الموسيقى ضاحكه وموزعه ابتسامتها لمن تصادف من البنات...حتى خرجت من الصاله الكبيره لتتوقف عند البوابه الخاريه مذهوله....

زياااد.....؟؟؟

ايه زياد.......تعالي هنا...

تسمرت فتوون في مكانها مصدومه .......كيف اتى الى هنا..؟

قلتلك تعاالي هنا....

اقتربت فتون منه ونظراتها باتجاه الارض...حتى توقفت عنده وهي تنظر الى حذاءه الاسود الامع....

طالعني...

طيب..

وش هاللبس...؟

وش فيه..؟

هذا لبس تلبسينه...؟؟؟ وش غطيتي من جسمك...؟؟؟؟؟

عاتي ....الموضه

فتوووون......لاتجننيني...لاتخليني اجبرك على شئ ممكن يزعلك

كيف عرفت بيت اروى؟؟

لحقتك بالسياره....وبعدين وش هالعبايه الفاضحه هذي..؟

جاي تحقق معي يازياد..؟؟

نعم..؟؟

تحقق معي.؟هذي حفلتي وانا حره...اسوي اللي ابي فيها

فتووون...

واللبس اللي ابي واذا مو عاجبك امش اطلع برى....

روحي جيبي عبايتك وامشي قدامي

نو

مايحتاج اعيد الكلام فتون....تراها قفلت معي..

بسلاامتك......انا بروح ارقص..يلا تشااو...

فتووووون....

تشاااااو زوزو ههههههه

دخلت فتون للبيت تاركة زياد خلفها ولم تسمع سوى ضربة الباب الشديده حتى ضحكت عليهاا...مسروره لانتصارها عليه..
 
معقول فيه احد بهالبجاحه وقله الادب
ومااتوقع يستمر معاها بعد هالتصرف
متابعتك يالغلا
 
بالانتظاااااااااااااااااااااااااار يا قمر
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل