مرحبآ !

من خلال التسجيل في صفحات نسوة يمكنك ذلك من المشاركه وتبادل الآفكار الأيحابيه مع زميلاتك

آشتركي معنا الآن !

شعـورك حينما حملتِ للمرة الأولى...شـاركوونا

غربـيـة

New member
إنضم
27 نوفمبر 2011
المشاركات
10
السلام عليكم ورحمة الله وبركـاته..

طبعا هذي اول مشاركة لي بمملكة بلقيس بس متابعة من زماااااان..ويسعدني تكون اول مشاركة لي عن حملي :21:
تزوجت من فترة مو طويلة والحين تأكدت اني الحمدلله حملت..الصراحة يا بنات شعور غريييييب مرة , يعني طول عمري اتمنى اني اصير ام بس الحين مو مستوعبة الوضع ابدااا وما ادري انا فرحانة او متوترة او ايش بالضبط..

المهم ادعولي ربي يثبت حملي ويتمم لي على خير..وان شالله عقبال كل بنت تقرا موضوعي وتتمنى الحمل وربي يحفظ عيالكم يا امهات بلقيس ويتمم للحوامل على خير يارب

الحين اتمنى من كل ام او حامل تشاركنا بشعورها يوم درت انها حامل للمرة الاولى :22:
 

روج احمرر

New member
إنضم
27 يونيو 2010
المشاركات
1,557
الله يثبت لك حملك ويتمم لك ع خيير

صحيح شعور حلووو اتذكر اني كنت تعبانه حييل بس من الوناسه نسيت التعب وتخيلت شكلي اصير ام احساس حلووو
 
إنضم
23 ديسمبر 2010
المشاركات
549
ماشاء الله مدري اليوم قلت نشوف عالم النسوان شوي نتثقف
انا باقي متزوجت واتمنى تجي هالساعه واجيب ولد وعقبها بنت وارتاح ونفسي ماحمل على طول مو احسن
سنه شوي شوي المسوليات مودفعه وحده علي
 

شمس الضحا

New member
إنضم
2 سبتمبر 2011
المشاركات
293
اه يا رب لا تحرمني من هذي النعمه ..
وربي يا اختي انا بس تتأخر علي الدورة يوم و أحس بأي ألم على طول أتخيل شكلي حامل و اطير من الفرح
بسس ترجع الدورة و تجي ..

يا رب يرزقني و اجي اعلمكم شنو شعوري ..
 

عمة غلاوي

New member
إنضم
2 مارس 2011
المشاركات
135
اول يوم دريت اني حامل طرت من الفرحة كان ودي الناس كلها تدري اني بصير

ام وفعلا الكل درى تقريبا بس للاسف شهرين واجهضتوالحمدلله اسال ربي ان

يعوضني خييير والحمدلله رب العالمين
 

روج احمرر

New member
إنضم
27 يونيو 2010
المشاركات
1,557
اه يا رب لا تحرمني من هذي النعمه ..
وربي يا اختي انا بس تتأخر علي الدورة يوم و أحس بأي ألم على طول أتخيل شكلي حامل و اطير من الفرح
بسس ترجع الدورة و تجي ..

يا رب يرزقني و اجي اعلمكم شنو شعوري ..

الله يرزقك الذريه الصالحه وعقبال ماتجي تبشرينا
 
إنضم
8 أغسطس 2011
المشاركات
258
شعور يجنن بصرآحه أنا هذآ أول حمل لي
ومن يوم حللت وتأكدت إني حآمل تلخبطت وخفت شوي بس فرحه لآ توصف
الله يرزق كل محرومه هذآ الشعور يآرب يآ قآدر يآقدير
 

شمس الضحا

New member
إنضم
2 سبتمبر 2011
المشاركات
293
روج احمر .. مشكورة يالغلا على دعائك لي ربي يفرح قلبك
وربي يتمم على الخوات الباقين حملهم و يفرحون فيه يا رب
 

حزن عميق

New member
إنضم
3 يونيو 2008
المشاركات
4,076
فعلا مجموعة من الاحاسيس المختلطة ما بين فرح وخوف وقلق
الله يرزق الجميع الذرية الصالحة
 

نظرة دفا

New member
إنضم
2 أكتوبر 2010
المشاركات
500
تصدقين لو قلت لك أني ما فرحت ..يمكن لأني كنت أدرس وما أفكر بالحمل بس بعدين حبيته وفرحت ..........
 

سماء حائل

New member
إنضم
27 أغسطس 2010
المشاركات
663
الله يتمم حملك على خير وتفرحين به وتحضنينه على سدرك كامل الخلق متعافي بارا صالح آآآمين

انا اول حمل لي ماكنت مصدقه من الفرحه
وتم الحمل وجبت بنت مثل القمر وتعلقت به انا وابوها
لكن قدرالله وخذاها وهي صغيره
الله يشفعبه
 
إنضم
16 يونيو 2009
المشاركات
780
اول حمل لي طرت من الوناسه وكان ودي انطط من الوناسه بس ربي ماكتب انه يتم اجهضت
وثاني حمل خفت اول ماعرفت اني حامل خفت اني اجهض مثل المره الاولى
بس الحمدلله تم حملي وولدت والحين بنتي عمرها شهرين ونص الله يحفظها
الله يرزق كل محرمه وكل من تتمنى الذريه الصالحه
ومبرووك حملك خيتوو
 
إنضم
10 يونيو 2011
المشاركات
31
يارب ياأكرم الاكرمين ارز ق شمس الضحا الذرية الصالحة يااااارب وكل محروم اعطه هذه الهدية يامجيب الدعوات
اول فرحة كانت هي لحظة مدريت اني حامل واااااااااااااااااااااااااااااااااو
 

ايفوريا

New member
إنضم
9 يناير 2011
المشاركات
829
انا حملت بعد انتظار 5سنوات
حللت بعد ماتاخرت علي الدوره 10 ايام ووقتها كنت متزاعله مع زوجي ولما حللت بالبيت في الصباح تجننت شفت خطين ومو عارفه اش اسوي واروح صاروخ لزوجي اصحيه اقوله فلان انا حامل صحي وقال تمزحين
وبعده جلست ابكي زي المجنونه وهويحضني ويسمي علي
فرحت وانصدمت في نفس الوقت
الحمدلله حملي هذا حملته بدون علاج مع اني 5سنوات اتعالج وماحملت الا مره واجهضت مامداني افرح
بس الحمدلله ربي عوضني
الله يثبته ويحفظه لي واولد بالسلامه يارب
 
إنضم
3 مارس 2009
المشاركات
110
الله يرزق كل محرومه بالذريه الصالحه يااااا رب

صراحه كان شعوري بين الخوف والفرح والزعل

لأني كنت أدرس في هذيك الفتره وكنت خايفه يتعبني الوحام والحمل في الكليه

بس الحمدلله الله سهلها علي
 
إنضم
6 مارس 2010
المشاركات
426
انا كان حملي بعد سنه زواج وكنت اتمنى اني احمل لان كل الي معايه حملو والنظرات بغت تاكلني في كل مجلس
ولما حملت تاخرت علي الدوره 10ايام ورحت المستشفى واكدولي وزوجي ماصدق وجاء سال الدكتوره بنفسه وتجنن ومسرع بالسياره اقولو فين رايح يقولي باطير من العالم وعمتي ام زوجي لما قلنالها تقول احس نفسي في بير ودي اصرخ باعلى صوتي لان زوجي اول ولد عندها ياحليلها وربي يصلح نياتنا ودرياتنا ويرزق كل محرومه
 

غربـيـة

New member
إنضم
27 نوفمبر 2011
المشاركات
10
روج احمر

آميييييييين ..تسلمي حبيبتي وربي يحفظلك عيالك يارب


اكسير الحياة

ربي يعطيكي الزوج الصالح والذرية الصالحة يارب...ذكرتيني بنفسي كنت مثلك ما اتمنى احمل الا بعد ست شهور من زواجي مع اني مررررة اتمنى يكون عندي بيبي... بس سبحان الله بعد شهر من زواجي تغير الحال وتمنيت الحمل والحمدلله صار :)


شمس الضحا

ربي يرزقك الذرية الصالحة عاجلا غير آجل يارب وان شالله قبل لا تخلص هالسنة تصيرين أحلى أم


حزن عميق

مشكووورة على المرور عزيزتي ويخليلك عيالك يارب
 
أعلى