شر البلية ما يضحك،اخيرا صحيت

[ضد التيار]

اذا تعرفون قصتي بس اذكركم ما عليه ؟انا الزوجة الثانيه اللي عمل زوجي امور كثيره عشان يطفشني بعدين هدا بعد ما حملت،لكن هدوء مؤقت او مثل ما يقولون الهدوء اللي يسبق العاصفة،الجنتل مان المثقف كان يعاملني برقة الى ان زعلت زوجته الاولى وردت صار يقذفني باقسى الكلمات لاتفه خلاف قالي انتي لزقه و متخلفه ،تدرون جزاه الله خير صراحه صحاني وعرفت انو اي مجهود معه ضايع،وعلى حساب صحتي، وقتها انا كنت بالثامن وصبرت ومشيت الامور الى ان ولدت هو كان واقف معي وطلعت من المستشفى وخلال نفاسي صار خلاف هددني على اثره بالطلاق، وعلى قولة القايل اتبع الكذاب لباب بيته سكت ولا رديت اخذت اولادي اللي من زواج سابق 2 وطفلي الجديد واستقريت ببيتي بعد ما كنت اتردد عليهتلوكلمته وقلتله اليوم انا جيت من اهلي عشان يبات عندي وقالي ارتاحي هاليومين وبعدين اجي ، طبعا بيني وبينكم انا ما كنت عامله اي استعدادات لاني متوقعه حدوث اي شي ، على موعده اتصل وقال انا جاي الليله وقلت تبي تجي حياك الله من جاي حافظك الله هذا بيتك مو بيتي ،مع اني انا ادفع الاجار لان اولادي معي وهو ما يجي الا بليلتي، المهم جا وواجهته بتهديداته وتدويرته الزله علي قالي انت غلطانه انا مابي طلاقك بس شكلك عايفه كيفك؟ذكي بسلامته (من عاش بالحيله مات بالفقر)قلتله بكل وداعه انا مابي الطلاق وماني عايفتك انت عايف،وانا زعلانه نفسيا بسبب ردات فعلك القويه مؤخرا على ولا شي، اخونا اخذا نفسه وطلع بعد ما سمني بكم كلمه لكن خلاص انات صار عندي حصن واقي، تعودت عالصدمات ، نمت بعدها نوم عميق وعهدت على نفسي ما اكلمه واتركه ولا اطلب حتى الطلاق اللي يبيه من فمي ، ابي وقفتكم معي معاي واسوني ارفعوا ثقتي بنفسي احس اني اكلت مقلب بحياتي اشعر بالحزن وبنفس الوقت احس اني سويت اللي علي شنو تتوقعون راح يرجع هو اتصل وانا ما رديت ، لانو كذاب يبي يبين انو هو المطرود قدام اهلي ،واذا رجع اشلون اتصرف معو اشيروا علي الله يجزاكم الجنه ويصلح ازواجكم واولادكم

 

[*..الحلوة..*]

حبيبتي الف حمد الله على سلامتج اولا واخيرا ما في حد اهم من نفسج عيشي لنفسج ولعيالج ودللي نفسج وعيالك وهو اذا جا حياه الله واذا راح الله يحفظة ولا تهتمين ابدا وانشا الله يفيدج هالموضوع http://www.niswh.com/vb/showthread.php?t=269781

 

[زوجة تـــوتـــو]

نقطه مهمه انتي ليش تدفعين الايجار وهو حضرته وش يسوي من شان كذا طايل لسانه

خليه هو يدفع الايجار ..... وخليك كذا لاتطلبين الطلاق ابدا يمكن يبيها منك

 

[تشكرات]

اعتقد والله اعلم ان نفسيته فيها شئ ..ترى الرجال اذا حرمته صرفت فلوس عليه يحس بكسره. والدليل انه يقولك انتي عفتيني...شوفي عيوني طالما عندك عيال من غيره انا اقترح عليكي تتقاسموا الايجار بينك وبينه ....وان شاء الله تصلح الامور..

 

[الشتاء الدافئ]

باين عليك امراه حكيمه وعاقله ماشاءالله...
لكن تعلمي من اين تؤكل الكتف وفكري بعقل بعيدا عن العاطفه
اذا كان زوجك بشكل عام رجل جيد فلا تدققين في اخطائه خاصة انه متزوج من اخرى ومستغنيي
فكري في مصلحتك ومصلحة اطفالك وركزي على تربيتهم واستقرارهم النفسي
واحمدي الله انك مستقله ماديا وهذي نقطه مهمه لصالحك...
اجعلي زوجك وسيله لسعادتك ..
خذي حقوقك منه بالدهاء وكيد النساء ولاتعامليه بجفاء وعناد
او تكثري معه النقاش والزن فيهرب منك والبديل موجود ...
غيري اسلوب تعاملك معه ...
احتويه ودلليه واكسبيه بدون ان تبني على ذلك امال كبيره او تنتظري نتيجه سريعه
ستظهر النتائج بعد حين المهم لاتجعليه في غيابه اكبر اهتمامك
فقط تلفتي حولك واحمدي الله على لمة اطفالك في حضنك
وبالدعاء والاستغفار واللين في التعامل تصبح حياتك احلى وستذوقين راحة البال باذن الله ...

 

[اصغرزوجة]

لا تفتحي معاه الموضوع مره ثانيه اتركيه مثل ما زعل لوحده يرضى لوحده والحمدلله انك منت بحاجة له ​

 

[الجده الصغيره]

مو انت ببيتك ومرتاحه؟.........خليها على ربك واتركيه لله وشوفي وش يصير..........لاتستعجلين على اي شي الين تتوضح لك الامور صح.........

 

[basnet]

بصراحة انا مستغربة ازاى استحملتى كل ده وليه راضية بكل ده منه وانتى عارفة انه مش بيحبك ومش عايزك حتى ربنا يكون فى عونك ويصبرك على انتى فيه

 

[نور القمرررر]

الله يقويك حبيبتي

والله يرفع قدرك وشانك يارب

اتركيه اصلا رجال هالوقت استغفر الله ...

انتي اهتمي باولادك وبنفسك والله يرزقك برهم يارب​

 

[لمسه انوثه]

خليه يدفع الايجار هو ولا تطلبين الطلاق

 

[الزوجه الاولى]

باين عليك امراه حكيمه وعاقله ماشاءالله...
لكن تعلمي من اين تؤكل الكتف وفكري بعقل بعيدا عن العاطفه
اذا كان زوجك بشكل عام رجل جيد فلا تدققين في اخطائه خاصة انه متزوج من اخرى ومستغنيي
فكري في مصلحتك ومصلحة اطفالك وركزي على تربيتهم واستقرارهم النفسي
واحمدي الله انك مستقله ماديا وهذي نقطه مهمه لصالحك...
اجعلي زوجك وسيله لسعادتك ..
خذي حقوقك منه بالدهاء وكيد النساء ولاتعامليه بجفاء وعناد
او تكثري معه النقاش والزن فيهرب منك والبديل موجود ...
غيري اسلوب تعاملك معه ...
احتويه ودلليه واكسبيه بدون ان تبني على ذلك امال كبيره او تنتظري نتيجه سريعه
ستظهر النتائج بعد حين المهم لاتجعليه في غيابه اكبر اهتمامك
فقط تلفتي حولك واحمدي الله على لمة اطفالك في حضنك
وبالدعاء والاستغفار واللين في التعامل تصبح حياتك احلى وستذوقين راحة البال باذن الله ...

انا مع الاخت كلامها عين العقل

 

[برائة]

ربي يكون فعونك والحمد الله على سلامتك ياحلوة

الحياة موكلها رجال حبيبتي بعدين ليش تقولين اكلت مقلب عاادي انت متزوجه على سنة الله ورسوله ولاتكونين ضعيفة بس لانك زوجه ثانية

لا خذي حقوقك ولاتطلبي الطلاق وارد اقولك حتى لو ربي قدر لك الطلاق مونهاية العالم بس تصدقين احسه زوجك لو يبا يطلقك كان سواها بس فعلا مايريد حاولي تصلحين الامور وتستعينين بالله

 

[عشق بدويه]

لا تعاندينه اكسبيه وعيشي بدوان قال وقيل وانت قلت وانا قلت خلاص اللي راح انسيه وابدي كل يوم يوم جديد

 

[^أختهم^]

مابيدي الا ادعي لك
الله يحقق لك مبتغاك ويسعدك ويرده لك ردا جميلا
الصبر والاستغفار هو علاجهم لابارك الله فيهم

 

[كسرني زماني]

لاتزعلين يالغاليه بس تراك انت الغلطانه تدفعين الاجار ليه وهووش يسوي ساعديه ممكن اما تدفعين ذاشي قوي وارفعي من قدر نفسك عنده الله يهديه لك اما الطلاق انسي لاتطلبينه ابد والله يصلح حاله