شرخ في الحنايا

[شرخ في الحنايا]

آسف حبيبي جرحتك و انت الغــــــــالي
ما كان قصدي و لا ادري تزعل بسرعه
خذ ما تبي من حياتي عمري و حــــــالي
أموت لــــي شفت عينك تذرف الدمـــــعه

أهيم في بحر عينك و ابني آمــــــــــالي
و اسهر على نور خدك و اطفـــي الشمعه
يا ما أكثر الناس حولي و انت في بالي
يا مشغلني و شــــــــــاغل أهــــله و ربعه​

شوفك يشافي جروحي بأول و تــــــالي
والقلب كل مــــــــا لقيتك يختــــــلف وضعه
خلك على قلب حســــــــــادي و عذالي
أحــــــرق بك قلــــــــــوبهم في حزة الطلعه​

مهما تمر الليالي انته الغـــــــــــــــالي
ما زلــــــت أحبك و روحـــــي فيك متولــعه
آسف حبيبي جرحتك و انت الغــــــــالي
ما كان قصدي و لا ادري تزعل بسرعه
.
​

 

[دخون العود]

 

[نـ هـ ـى]

يعطيك ربي الصحة والعافية
ماقصرتي ربي يسلمك على روعة الأبيات​

 

[قتلني الفراق]

كلمات شفافه ورائعه

لكِ بوح يلامس القلب

لاتحرمينا جديدك فمكانك هنا

سلمتي وسلم لك كل غالي

​