شربات الحلويات الثقيل والخفيف و استخداماتهما

[راجيه الرضا]

ان شاءالله ننزل بطريقة عمله والفرق بين الشربات التقيل والشربات الخفيف
وانواع الحلويات
مقادير الشربات الثقيل

2كوب سكر.
كوب ماء.
2 م ص عصير ليمون.
طريقة عمل شربات الحلويات الثقيل

نضع السكر مع الماء ويرفع على النار حتى يغلي ويذوب السكر تماماً.
نضيف عصير الليمون ونخفض الحرارة مع رفع الريم عند ظهورة، ويترك يغلي تقريباً 10 دقائق على نار هادئة تماماً

يستخدم للقطايف، بلح الشام، البقلاوة، الوربات.

مقادير الشربات الخفيف
كوب سكر.
كوب ماء.
م ص عصير ليمون.
طريقة عمل الشربات الخفيف:

نفس طريقة الشربات الثقيل ولكن يترك على النار 5 دقائق فقط بعد الغليان على نار هادئة جداً.
أفكار لتنكيه الشربات

يمكنك وضع منكهات أثناء عمل السيرب وغليانه على النار ليضفي طعم إضافي للوصفة مثل

القرفة العيدان
حبات القرنفل
الحبهان
المستكة
ريحان
ماء الزهر أو ماء الورد

الشربات التقيل ...

بيكون للحلويات المقرمشة وده لأن نسبة المية فيه قليله
مناسب جداً لكل من ...

- الكنافة
- القطايف
- بلح الشام
- صوابع زينب
- الجلاش
- البقلاوة
- رموش الست
- الزلابية (لقمة القاضي)

الشربات الخفيف ...

مناسب جدا للحلويات الطرية مثل ...

- البسبوسة
- كيك الروانى
- كيك الزبادي
-

شربات الكنافة بينضاف ساخن والكنافة ساخنة فى حالة عاوزينها تبقى طريه وماتتقطعش غير لما تبرد
وبيكون بار والكنافة ساخنة لما بنحبها مقرمشة

شربات البسبوسة بينضاف دافئ مائل للبرودة والبسبوسة سخنة ((مش ساخن على ساخن البسبوسة تسيح والسميد ياخد صدمة ومسامه تقفل ومايشربش كويس))

القطايف ورموش الست بلح الشام الزلابية البقلاوة الجلاش "مكسرات وكريمة" شربات تقيل بارد وكل حاجة منهم تكون سخنه

- عشان نخفظه لفترة طويلة لازم نسيبه يبرد تماماً قبل الحفظ لأن حفظه ساخن بيكون سبب فى إنه يفسد ويتعفن

- بيحفظ فى برطمان زجاجي جاف ونظيف ومحكم الغلق
بشرط عدم تعرضه للهواء

ماتقلبيش الشربات لانه هيسكر منك


منقول