شاكة في زوجي

[baby -angel]

السلام عليكم بنات

زوجي أخلاقه سيئةجدا وأنا شاكة وشبه متأكدة إنه يحادث بنات ،




وأريدكم أن تساعدوني في كيف أسجل مكالماته عشان أسمعها بعدين ويكون عندي دليل عشان أقدر أطلب الطلاق



والله يوفق اللي بتساعدني دنيا وآخرة و الله يسخرلها زوجها


أرجوووووكم بنات ساعدوني :icon1366:

 

[baby -angel]

بنات موبايله نوكيا

شاسوي ساعدوني

 

[حبيبي دقايق من وقتك سلف]

أختي كثير من الزوجات يعانن من هالمشكلة
لو كل وحده اتطلقت جان اختربت البيوت واتشتتوا العيال
هالزمن عم الفساد وانتشر
واستوى عند بعض الريايل شي عادي اتكون عنده صحيبه يتونس ويتسلى وياها
أنتي تعاملي بدهاء ولاتهدمين بيتج!!!
خلج داهيه !!! حطي تحتها تصعطعشر مليونين ألف خط
يعني لو تجسستي على مكالماته
شو بتستفيدين هم عايشين حياتهم وشوعليهم
انتي بتدمرين عمرج وبتعيشين في عذاب وحزن وهم وغم !!!!
العبيها صح وسوي عمرج واثقة فيه وانه هو المخلص الوفي
رديه لج بدون لاتطلبين الطلاق
حرام تخسرينه عشان علاقة عابرة
واحذري تواجهييييييييييييينه ....
الله ايفرج همج وهم كل زوجه اتعاني من خيانات زوجها اللهم آميييين

 

[~BUTTER~FLY~]

حبيبتي
بسم الله نطري شوي
عندج عيال ؟؟
من متى متزوجة ؟؟
اشلونه معاج ؟؟

 

[نسيت اسمي]

أختي الفاضلة لاتهدمين بيتك بسبب ظنون قد يكون مصدرها من الشيطان لان التفرقة بين الزوجين من أحب الأعمال اليه ويقرب من أعوانه من يفعل ذلك . غاليتي الأكيد هو عدم الخيانة والشك أم طارئ حتى وان كان يخفى أمورا ويخفي جواله كثير من الأزواج يفعل ذلك ولا يدل هذا الأمر على خيانه أسأل الله أن يريك الحق ويرزقك اتباعه وينور بصيرتك لكل خير آمين

 

[عنقود عنب]

اختي لا تبحثين وراه

يمكن راح تلاقين اشياء ما راح تسرك وراح تصدمك

اذا جا الدليل الى عندك كان بها ..ام البحث والتفتيش الى هذه الدرجة راح تأذيك

الله يعينك

 

[~BUTTER~FLY~]

اختي لا تبحثين وراه

يمكن راح تلاقين اشياء ما راح تسرك وراح تصدمك

اذا جا الدليل الى عندك كان بها ..ام البحث والتفتيش الى هذه الدرجة راح تأذيك

الله يعينك

:icon30:
نصيحة والله من ذهب
كل اللي فتشت ورا زوجها ندمت وقالت يليت اللي جرا ماكان
احمدي ربج خاش عنج ما يجاهر
ويمكن كله ظنون

 

[serene]

حبيباتي سؤال شلون الوحده ماتدور ورا ريلها يعني اهيا ما دورت الا لانها حاسه بشي لازم تعرف الشخص الي جدامها وفي لها ولا لأ مخلص لها يحترم غيبتها تارسه عينه ؟عاجبته؟ وعلى هالاساس اتعرف اتعامل معاه واذا يستاهل اتضحي علشانه ولا تراعي ظروفه مثلا ما تطلب فلوس بس اذا ايعرف غيرها ويشريلهم هدايا وبخلان عليها وعلى عيالها مو شي ايحر؟ مو لازم الوحده تعرف الارض الي اهيا واقفه عليها علشان ما تنصدم بعد عمر وعشرة على الاقل تقدر تصرف وتنقذ ما يمكن انقاذه ، ولا شرايكم يا بنات؟؟

 

[شـغـف]

ماذا تريدين في المكالمات؟

أن تفهميه وثم تسترجعيه.. وتقومين بتخريب مخططاته مع عشيقاته؟

أم طلب الطلاق؟

اطرحي هذا السؤال على قلبك..

 

[((شوق القصيم))]

حبيبتي

اذا انت متاكده مافيه داعي تنبشين من وراه

وعلى قولة البنات راح تلقين شيء ينكد عليك

الا اذا كنت شاكة وتبين تتاكدين

نزلي شريحة جواله وحطي شريحتك بجهازه وسوي نسخ من ذاكرة الجهاز الى البطاقه وهنا راح تنتقل جميع الرسايل والارقام الى بطاقتك

وتاكدي........
ولا تتسرعين بالحكم عليه

ولا تفكرين بالطلاق ...

فكري كيف تكسبين زوجك وتلفتين انتباهه لك

وشوفي وش ناقصك والي يدوره في غيرك

 

[’’عزف’’]

سمعي كلام البناات

لا تتهورين وتخربين بيتك بنفسك تروي شوي وكل مشكله لها حل بأذن الله

 

[وله المشااااعر]

انا مع البنااااااااااااات والله اغلب الرجال عينهم زايغه
الحل اما انك تراقبينه بدون مشاكل اذا قدرتي تواجهينه
أو طنش تعش تنتعش
كثير حريم يدرون برجالهم ويطنشون علشان اولادها وبعضهم تقول يمل ويرجع ولاتنسين اليوم الرجال مايهمهم
شوفي اللي فيه مصلحتك وطلب الطلاق والله صعب واللي اصعب منه انك ترجعين عند اهلك وحريم الاخوان
اقول ناااااااااااار الرجل ولاجنه الاهل
فكري بعقلك قبل قلبك
الرجل مايعيبه الطلاق ومن بكره لقى اللي تاخذه
وانا اتمنى من كل قلبي يسعدك ويهنيكي ياقلبي انتي ونسمع عنك الاخبار الطيبه حبيبتي



و

 

[واثقة]

انسيه وريحي قلبك

 

[احلى بطه]

يقولون الشك دليل اليقين

 

[~مدمنة قهوه ~]

انتي الحين متضايقه وشاكه اهدي واستخيري عسى الله يهديكم

ويصلح بالكم ويهديه ترى كل الريايل جي اغلب اللي فالمنتدى

حاسين فيج ومارين بتجربتج وصدقيني حاسه بعذابج

خلج ساكته عنه اهدي وحاولي تضبطين اعصابج واقري

المواضيع اللي فالمنتدى بتستفيدين اولها القصص في ملف

الاستشارات من شاف بلاوي الناس هانت عليه بلوته

وبعدين غيري من نفسج عشانج مب عشانه واشغلي نفسج

دوم

 

[leenas]

السلام عليكم ورحوه الله وبركاته

أهديك أحلى واروع الحلول في حل مشكلتك :

اتوضي وصلي وادعي في السجود في كل فرض وقولي (ياجبار ياجبار ياجبار....ياجابر الضعفاء والمساكين أجبر ضعفي وكسري ) وكرريها وافتحي قلبك لله وأشتكيه وقوليه كل الي انت حاسة فيه وشاكه فيه.

حبيبتي والله العظيم علاجنا وعلاج مشاكلنا الزوجية كلها عند الله بس نعرف كيف نلتجأاليه وأكيد ناخذ بالاسباب

قبل لاتتسرعي في حكمك على زوجك اتأكدي واطلبي ربي يكشفه قدامك بس حكاية التسجيل للمكالمات يمكن راح تدمرك وتزعلك خلي الطابق مستور انت فيه حوار بينك وبين زوجك ولا لاء؟؟؟
الحوار بصدق وحب يحل كثير من المشاكل الله يفرج همك وهم جميع الاخوات.

دعاء أعجبني ودايما أردده (اللهم سخر زوجي لي اللهم سخر قلبه لي وفكره لي وجسده لي)امين