شاسوي يا ناس عقب الولادة بالعملية القيصرية؟

ط

طموح الروح

New member
إنضم
2008/08/07
المشاركات
83
قوه بنات.. باقولكم سالفتي مباشرة..

باولد الله يسلمكم شهر 12 إن شاء الله..وبتكون الولادة بعملية قيصرية..لأن كل ولاداتي السابقة جذي..

فالمشكلة هالمره تكمن في:

إن بنتي الكبيرة في دخلت المدرسة اول سنة..وبيكون شهر 12 طبعا أيام دراسة مابيكون إجازة..

وانا باترقد عقب العملية مالا يقل عن 5 ايام في المستشفى لأني عملية مايرخصوني بسرعة..

فبهذي ال5 أيام اشبتسوي هي وابوها بروحهم ؟ شلون بيجهزها للمدرسة؟ وفطور..ولبس..وواجبات؟
مايندره بعد بتكون أيام إمتحانات او لا..الله يستر وييسر هالأمر..

مع العلم ماعندي شغالة ولا باييب..لأني مو مجنونة أخلي النار جنب الغاز..لمدة 5 ايام..مع هالأزواج الخونه..اللي حتى لو شافوا بقرة (مكرمة البقرة عنهم )لابسه عبايه خانوا زوجاتهم معاها..خخخخخخخ

وأمي طبعا منطقة غير والمدرسة قريبة من بيتي فما يصلح تروح بنتي بيت جدتها,...


أرجوا أن ألاقي حلول عندكم يا حلوات قبل لا أولد...

تحياتي لكم
 

بنتك هين أمرها جدا لأنها توها أول سنه ... يعني اخذي لها إجازة فترة غيابك عن البيت
وخليها عند أمك ... وزوجك يدبر راسه ... والأسبوع اللي بتغيبه بإذن الله مايأثر عليها إذا تابعتيها
بعدين ... بس مافكرتي في نفسك عقب الولادة من بيعتني فيك .... ؟؟؟

الله يهون عليك وتقومين بالسلامة يارب ...
 
هلا..عيوني مشكورة على الأهتمام والرد..

بالنسبة لي عقب الولادة إن شاء الله..باييب شغالة ام ساعات ..حتى لو 4 ساعات باليوم ..وحتى لو وصل راتبها أكثر من 70 دينار..أهم شي راحتي..

وأمي بعد بتمر علي كل يوم إن شاء الله..جم ساعة..

بس انا كنت أحاتي الأيام اللي بانام فيها في المستشفى..
 
لاتشيلي هم بنتك توها صغيره وممكن تشرحي ظروفك لمعلمتها وتطلبي منها انها تقيمها قبل موعد ولادتك حتى مايأثر على البنت واكيد راح تتفهم الوضع ..والله يسهل ولادتك ويقومك بالسلامة...
 
حبيبتي بنتك صغيرة وسنه اولى يعني ما بيأثر اذا غيبتيها هال 5 ايام و بعدين تعوضينها معاها

وفهالفترة خليها عند امك والله يسهل ولادتك يارب
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل