شاركوني صح ولا خطأ.........؟؟؟؟؟

[هواها شرقي]

بسم الله الرحمن الرحيم
حبيباتي .أنا ودي اخذ رايكم بالتصرف اللي سويته مع بنتي صح أم خطأ
بنتي وهي عمرها ثمان سنوات كانت ماسكه اللاب توب وطلبت انها تدخل موقع الالعاب وتلعب انا رفضت وقلتلها لاتمسكينه ورجعيه مكانه.. بعدها خرجت من الغرفه ..لمن رجعت لقيتها تلعب فيه .رحت صرخت فيها (هذا انا عالطول صراخ ما في تفاهم... يااااااربي ما اتوب )واخذت منها اللاب توب وعطيتها لاخوها اللي عمره ست سنوات وقلتله خذ العب انت فيه. .ولفيت على بنتي وانا اقولها علشان ثاني مره تسمعي كلامي..طلعت اهي من الغرفه ونظراتها اللي شفتها بعيونها تحزن والله كسرت خاطري.
ما ادري انا اللي سويته صح ولا كان من الافضل اني بس اخذه منها وما اعطيه لاخوها مو كأني كرهتها فيه...؟؟؟؟

 

[على الله]

أنا أشوف إن هذا الأسلوب يشدد الغيرة بين الأبناء ، وبعدين إذا كان من المسموح لأخوها اللعب يعني أنها بإمكانها هي أيضا أن تلعب، فلو حددتي لها وقتا آخر وذكرتي سبب منعك لها في هذا الوقت لتقبلت الموضوع بشكل أفضل

 

[شـــــوشـــــو]

اهلين يا اختي المفروض مو با الطريقه هذي لانك كسرتي خاطرها واللي زاد انك عطيتيه اخوها كذا راح تكرهك اوشي زي كذا بس انتي تعاملي معها با اللين عشان ما تطيحي انتي من عينها وراح يسوي اشياء ثانيه من دون علمك انتي عامليها بحنان وطيب ولا تكسرين خاطرها وخصوصا عن احد لانها كذا راح تزيد ولا تبالي بعدين .. والله يوفقك

 

[lenh]

اختي العزيزة هواها شرقي ....

توبيخك لابنتك اعطاها الاحساس بالدونية وانها عديمة القيمة كلنا نغضب من تصرفات اطفالنا

لكن الصراخ لايجدي نفعا عزيزتي ..

وايضآ تفضيلك لاخوها الاصغر منها كان من الممكن معاتبتها بدون ان تعطي الجهاز لاخيها لانك

تزرعي الغيرة بينهم وهذا يجعل اخيها الاصغر يشعر انك تفضلينة عليها فيتولد لدية الاحساس بانة

الافضل, بينما اختة هي التي لا تحسن التصرف ,انصحك بالتروي ورؤية الموقف من جميع جوانبه،
وعلى الآباء أن يعاقبوا الأبناء على قدر الخطأ،
وعليهم ألا يبالغوا في تعنيف أبنائهم، وهذا لا يعني بالضرورة أن المهادنة هي البديل التربوي

 

[هواها شرقي]

الى الاخوات العزيزات شكرا عالمرور ...انا فعلا اخطأت لمن عطيت الجهاز لاخوها بس حبيت ابينلها ان اللي سوته شي غلط ولازم انها تعاقب على اي غلط تعمله ..

 

[سحر عوده]

انا أقول انه إلي سويته غلط لازم ما كنتي تاخذي الاب توب وتعطيه لأخوها لازم كنتي تقولي لها انه الحين ما في لعب في الاب توب وتخبيه في مكان بعيد عنها مش تنازعيها وتكبري السالفه وكمان تعطي الاب توب لأخوها إلي الحين بتكون في علاقة كره بينه وبينها وبتقول في خاطرها امي اخذت مني الاب توب وعطته لأخوي يعني هي تحب اخوي اكثر مني

 

[هواها شرقي]

الى الاخت سحر...انا فعلا غلط ..بس الواحده منا في لحظة غضب ما تضبط اعصابها وتخطأ في التصرف الصحيح ...
احنا نعالج الخطأ بالخطأ ...الله يسهل علينا تربية اطفالنا ويهديهم لنا يااااارب..