شاركوني جميعا حل مشكلتي الخطيييييييييييرة

[ام احمر اصفر]

السلام عليكم عندي مشكلة بعد الولادة :sadwalk:اللى هي خروج الهوا من الرحم وكشفت عند الدكتورة قالت هبوط خفييف في الرحم وسوي تمارين كيجل ولي 3اشهر وباقي اعااااني اتمني اي وحدة تفيدني اذا صار لها كذا او احد قريباتها واستخدمت اي شى ونفعها ولكم مني اصدق الدعواااات

 

[ام احمر اصفر]

ليش تدخلون ماتردون لو بدعوة ان الله يشفيني و يمكن كثييير بيستفيدوا لان بعد الولادة تكثر الحركة هذي للحريم ولكم تحياتي

 

[بنوته هش هش]

حبيبتي اني ما جربت الحالة الي اتقولين عنها لكن وحدة من صديقاتي صار لها مثلك نصحتها الدكتورة انها ترتاح واتسوي تمارين كيجل كذا مرة في اليوم فنصيحتي لك انك تحاولي ترتاحين زين خلي احد يساعدك في شغل البيت وعلى الاولاد بعد بس فترة مؤقته لين اتحسين انك صرتي احسن واما بنسبة للهوى إللي يخرج من الرحم فهذا شي عادي كثير من النساء يمرون بهالمرحلة فلا تخافين يصير بسبب توسع الرحم لما يرجع لطبيعته تخف عنك الحالة انشا الله اكون فدتك بشي والله يعطيك العافية:bigsmile::bigsmile:

 

[ام احمر اصفر]

مرحبا فيك اختي بنوتة هش هش ومشكووووورة على مرورك والله لايوريك اللي شفته من احراج من الهوا الخارج ولا يوريك مكروة ابدا بس ودي اسال بعد عن التمريخ اذا ينفع او احد جربة ويفيدني والله يعطيها اللي تتمناه

 

[حـــلم أنثـــى]

الله يعافيك ويشافيك يافلبي
بصراحه ماعندي خلفيه عن موضوعك
وانشالله البنات يفيدونج

 

[ام نوره ونوار]

هلا اختي والله مشكلتك ليست سهله الله يكون بعونك وهي تفشل اكثر من انها تؤلم
بس عندي لك علاج بس الله يعافيك ادعيلي 000000000000000000000
ادخلي قوقل واكتبي نظام فيافي واقرائ فيه عن دواء الهواء تراه طبيبه شعبيه مشهوره
انا ببنتي الثالثه استخدمت ادويتها بالنفاس ورجت احسن من بعد الولاده الاولى مع ان الولاده
كانت عمليه وتعبت كل الحمل من النزيف بس الحمد لله اللحين تمام كله من الله ثم فيافي000
بس ردي لي بعد ماتطيبين00000000000000000000000000000000000

 

[أم جنىونورة]

اهلين حبيبتي والله حاسه بمعناتك الله يشفيك دايم تصير لنا بسبب اهمالنا في الأإربعين ودوره الشهريه..شوفي حبيبتي اذا جاتك الدوره اهتمي بنفسك وتكبي ورحي لأحد يمرخك وإن شاء الله ماتشوفين إلا العافية..

 

[nowf-99]

مرحبا اختي استعملي هذه الوصفة وقت الدوره الصبح مع قهوة طبعا على الريق والوقت الي تحسين فيه انك جوعانه زي بعد المغرب اوقبل العشاءوكثري منها وانت تاكلينها ترااااها خطيرة جدامن ناحية الهواء لان ارحامك خفيفة وهذه تثقلها ومن ناحية تنظيف الارحام واستمري عليها بعد الدوره يومين بعد احسن ولافيها مضره حتى يوم كنا بنات نستعملها والله ينفع فيها ان شاء الله ويشفيك " تمر بدون نوى- سمن غنم- رشاد حب- فلفل مطحون جديد" حمي السمنه على النار وحطي عليها التمر وحركيه الين يلين وبعدين حطي الرشاد والفلفل وحركيهم خمس دقايق وسكري عليهم وحاولي تاكلينهم وهو دافي

 

[طمطوجه طرباخ]

اللــه يعينــك حبيبتي ..

 

[ام جاد**]

السلام عليكم

انا قريت موضوعك وضاق صدري عليك00بس ما اعرف اي علاج لهشيء وطلعت

بس قبل شوي كنت اشوف برنامج زين الاتات-كان تعرفيه هو خبير بالاعشاب-
واتصلت وحده تسال00تقول عندها هواء وغازات بالرحم00

قال فيه عشبه القريص والانفورا على ما اعتقد00بس ما ادري تاخذينه من مركزهم والا من العطار

ويقول مع تجنب الماء البارد والغازيات وقت الدوره000ست الشهور وانشاء الله تطيبين

اتمني اني اكون ساعدتك00والله يشفيك بقرب وقت ويفرج كربتي​

 

[كافيه لاتيه]

الله يكون في عونك انا سمعت وحده تقول تتبخر الوحده بقشر البصل الاحمر وتروح او روحي لوحده طب شعبي هم الي يفهمون في هاذي الاشياء

 

[ام احمر اصفر]

حـــلم أنثـــى ,ام نوره ونوار , nowf-99, أم جنىونورة , طمطوجه طرباخ , ام جاد** , كافيه لاتيه, :icon30: الله يعطيكم العافيه ويسعدكم ولايوريكم مكروة في احبابكم , المشكلة انا الدورة ماتجيني مع الرضاعه ونضام فيافي سويتة بنفاستي بس الحمد لله على كل حال :sad_1: بس ابغى اعرف اكثر عن التمريخ اذا ينفع والله يسعدكم يارب​

 

[ربيع القلب]

عزيزتي الله يكون ف عونك
أنا مثلك بعد الولادة ثانية زاد هذا هواء من الرحم
بس أعمل تنظيف من الداخل بعد الحمام الله يعزكم
وتقليل من الغازات والبهارات ويحتاج تجلسين ع الماء الساخن مع الملح والزعتر مفيد
ولا تخلي معدتك فاضية بعد هذا يؤثر
مع الاهتمام إن شاءالله يخف

 

[مياسات]

عزيزتي يوجد دايات تمرخك بعد الولادة وترجع الرحم زي أول

 

[دلوعة زووجي]

هلاااا اختي مشكلتك يبيلهاااا صبر
شووفي اختي معناه مااهتميتي بنفسك فترة النفااس
وطبعا ماترجع المراه تمام الا بولاده ثانية واهتمام اكثر
لكن من تجارب الحريم ان ثلاث دورات متتالية تعادل نفاس
لذلك يبيلك تهتمين بدورتك من ناحية الاكل وترا موشرط لازم مرقوق
ومدري ايش لا
اهم شي انك ماتحسين بالجوع وتبتعدين عن البارد والغازيات
وعليك بتمرة الرشاد وترا يسمونها الاولين ربيبة الارحام ..
وشي ثاني غافلات عنها البنات وهي المقروونه مع خلوطه
واكيد تعرفين الخلوط حقها المهم
حطي شوي بفنجال القهوه واقعدي تقهوي منه طول فتره الدوره وصدقيني راااح ترجعين وكانك بنت
وشي ثاني بعد لاتنسين الحلب المطحون مع شوي كمون وحبة حلوة وشوي ونونخه وشوي مااش
اطحنيهم وحطيهم برطمان واستخدمي ملعقة كبيرة الصباح وملعقة المساء مع كوب حليب او شاي
لمدة ثلاث ايام من بداية الدوره .
اما الايام الاخيرة استخدمي كوب رشاد ويخلط مع نص كوب حبة سمرا وشوي محلب وشوي فلفل اسود مطحون وشوووي زنجبيل اخلطيهم واستخدمي ملعقة الصباح وملعقة المساء الين تخلصين من الدوره وشوفي كيف تبين النتيجه من اول دوره وصدقيني راح تدعين لي ..
وووووش بعد مممممممممم
ايه وعندي طريقة خطيييييييييييره
صراحه كل مااسمع وحده والده اذكرها لها
واهي انك تجيبين قطعة بلاط مربعه صغيرة
حق الارضيات فهمتي علي وتدخلينها الفرن وتشغلين عليها
الين تحتمي او تحطينها فوق دافية المهم اذا حسيتي انها ساااخنة
خوذيها ولفي عليها فوطه واجلسي عليها الين تحسين انها بدت تبرد
وكرريها على حسب فضاوتك بس تراها عجيبة بخروخ الهواء والغازات ..
وانا شخصيا مجربتها جدا جدا ممتازة حتى اللي ارحامها مو تعبانه ولاتعاني من شي
تستخدمها قبل تنام اضن فهمتي قصدي ..
وعليك اختي بالكبو اللي هو كبو الهواء وخليه اخر شي تستخدمينة قبل تنامين
ومن ناحية شرب الماء جيبي علبة صحه وحطي فيها شوي مره وعنزروت
وحطيها بالثلاجه واستخدميها على طول ..
وكذلك التحاميل ( مره +وشوي ملح ويستحسن ملحه القصيم وشوي قشر رماان مطحون )
انتي سويها اضمن لك وانظف من الحريم اللي يسونها
لان المنطقه حساسه وماتدرين مدى نظافتهم .
ومن ناحية شاي الاعشاب بعض الحريم تعمل ابريق شاي ولازم تقطره
ترا مو بلازم ومهم تشربين كل الابريق اهم شي كوب واحد باليوم من الاعشاب
واظن ان الكل عارف ايش الاعشاب أنتي اجمعيهم بحافظه
واعمليلك حساب كوب العصر واشربية
بس وانتي تطبخين الاعشاب اللي على النار اول ماتفور
خوذي ملعقة صغيرة محلب مو حلب مطحون وحطية فوق الشاي
واول فوره طفية واسكبية بكوب وبالهناء والعااافية
كلامي كثير وطويل لكن لما تكتبينه عندك تحسين انه سهل وبسيط
وكرري ثلاث دورات وراء بعض وباذن واحد احد انك ترجعين وكانك بنت وعلى ظمانتي اذا مشيتي على اللي ذكرت لك ..
واماااااااانه اذا استفدتي من المكتوب
وان شاء الله راح تستفيدين انتي والقارئات
انكم تدعون لي بصلاح بناااتي ويحفظلي زوجي ..
وا ي استفسار انا بالخدمه اختي
وطمنينا عن صحتك ......

 

[ام جاد**]

انتبهوا يا اخوات من التحاميل00المره والملح والله خطيييييييييره وعن تجربه

اختى مدحتها لها صديقتها وقامت سوتها وحطتها وتبهذلت الى الحين

حتى مره كتبت عنها الدكتوره اللي ترد على الاستشارات في مملكه بلقيس000قالت انها خطيره

وكنت محتفظه بالرابط بس للاسف ما لقيته

وعلى ما اظن انه تكمن الخطوره انها تحاميل​

 

[nowf-99]

اختي دلوعة زوجي وشي المقرونه وخلوطه الله يجزاك خير

 

[ام احمر اصفر]

ربيع القلب , مياسات , ام جاد ,nowf-99 , اشكركم على الردود والله لايوريكم مكروة اختي دلوعة زوجي الله يسعدك دنيا واخرة ويصلح زوجك وبناتك يارب ابغى اسال عن المقرونة وخلوطه وهل ينفع اسوي اللي قلتية بدون الدورة لاني ارضع والله يعافيكم يارب .