شاركوني بليز ابي نصيحتكم تعبت من التفكير

[متفائله دوم]

أسأل الله تعالى أن يسعدكم و أن تكون أوقاتكم عامرة بالخيرات و المسرات
حبايبي بدخل بــ الموضوع ابي نصيحتكم الي بليزز
انا الله يسلمكم مطلقه وعندي اطفال ودايم يجوني خطاطيب وارفض عشان كتاكيتي فديتهم وماخبي عليكم انا ابي اتزوج بس خايفه من الفشل وانا انفصلت بسبب لانه عمتي اخت ابوي فديتها هي زوجه ابو طليقي ويوم توفى ابوه طلقني الله يسامحه خلفات عائليه وطاحت في راسي والله اني مابيني وبينه اي خلاف جاتني صدمه بس الحمد لله الخير بما اختاره الله و امي وابوي واخواني يتمنون اني اتزوج لاني انا الوحيده من ست اولاد الله يحفظهم وابوي يبي يفرح بي يعور قلبي فديته المهم ابي منكم النصيحه وايد اطير الخطاطيب بحجة اعيالي والحين الي جايني مصرين عليه هلي هو متزوج ويبني الزوجه الثانيه فا ماعرف هل اوافق ام راح اتعب والله محتاره ابي اتزوج وخايفه ​

فأبي منكم
يا بنات
و يا زوجات المعددين و خصوصـــــاً % الزوجة الثانية %​

تحكون لي عن تجاربكم الإيجابية و توعطوني نصايح وهل اوافق ام ارفض ​

 

[روامس]

الله يسخر لك مافيه الخير حبيبتي​

 

[دانة الشام]

الله يختار لك الخير أليس هناك مجال للاصلاح بينك وبين زوجك؟؟ بما أن سبب الانفصال من أجل خلافات عائلية!!! ..جربي واطلبي من أطراف أخرى أن تتدخل وتحاول فض الخلاف في العائلة وبالتالي عودتك لأبو أولادك..حتى لو كان تزوج فلأفضل أن تكوني زوجة ثانية لأبو أولادك على أن تكوني زوجة ثانية لرجل جديد لاتعرفي خيره من شره وقد تضطري لترك أولادك وهم بحاجة لك.. على كل حال ربي يكتبلك الخير ويلهمك القرار السليم ..استخيري.

 

[جرررروح]

لا ادري ماذا اكتب ولكن استخيري الله ويجعل لك الفرج ان شاء الله

 

[وهم79]

نصيحه مني لك لا
لانك تبي تتعبي بين غيره ومشاكل والله اليوم صديقتي زوجه ثانيه تطلقت بسبب زوجه الاولى

 

[غاية المنى]

الله يختار لك الطيب

 

[عشقي ابو محمد]

استخيــــــــــــــــــــــــــــــــــــــري الله وحده العاااااااااااالم بكل شي سبحااانه
الله يكتبلك اللي فيه الخير

 

[النوووفي]

طيب بتقدرين تعيشين سعيده ومرتاحه بعيد عن اولادك ؟؟

والله زوجه ثانيه مااشوف انها فرصه ماتتعوض وتفرطين بعيالك عشانها لو عقيم لو مطلق لو ماقد تزوج يكون افضل على الاقل لك لحالك


لكن بتعيشين بين نار الغيره من زوجته ونار الوحده عن زوجك بغيابه ونار شوقك لعيالك وحرمانك منهم


والله وحده هو العالم وين الخيره لك .. الله يكتب لك الخير يارب ويرزقك باللي تتمنينه

 

[زوبا55]

الله ينور لك طريقك الخير فيما اختاره الله

 

[سهم العشق]

استخيري يا اختي وربي يسخر لك الشخص الصالح اللي يعتبر اطفالك مثل اطفاله ان شاء الله 00 ​

 

[لـــورين]

أولا،استخيري
ثانيا،استشيري
ثالثا,اهم شي قولي لاحد اخوانك او والدك يسأل الخاطب
هل الزوجة الاولى راضيه؟وهل الخاطب بيعدل بينكم؟
لان احيانا تصير مشاكل بسبب عدم العدل بين الزوجتين
اسألوا عن الرجل بمقر عمله واقاربه,,
ولا تنسي الدعاء والاستغفار
والله يختار لك اللي فيه الخير,,

 

[متزوجه ولكن]

استخيري
وفكري بعقل الحين البنات الي ماتزوجن يكونن ثانيه وثالثه
وانتي معك اولاد يعني انتي من باب اولى تكوني ثانيه
لاتضيعين عمرك عشان اطفال اذا كبروا نسوك و لهوا بازواجهم

 

[انا رائعه]

ارمل او مطلق ممكن
لكن متزوج وانتي عندك عيال صعبه

 

[catriona]

استخيري والله يكتب لك الي فيه الخير

 

[متفائله دوم]

تسلمون صبايا على دعواتكم ونصايحكم وربي يجزيكم كل اللي تتمنونه يارب
كنت اتمني تكون عندي اخت والله عوضني فيكم حبايبي وخواتي
(روامس - دانة الشام - جرررروح - وهم 79 - غاية المنى - عشقي ابو محمد - النوووفي - زوبا 55 - سهم العشق - لورين - متزوجه ولكن - انا رائعه - catriona - )
والله يكتب لكم والي ولكل الغالين عليكم كل خير حبايبي
وبستخير وعلى الله الخيره من عده سبحانه

 

[متفائله دوم]

اختي دانة الشام حبيبتي صارت محاولات بس الخيره بما اختاره الله ..وهو تزوج مرتيني خلال ثلاث سنوات الي انفصلت منه بس بعد طلقهم وحده جلست شهر وهي الي ماتبيه والثانيه بعد اربع شهور وبعد هي الي طلبت الطلاق وللامانه وحده منهم تقولي ابي اعرف كيف استحملتيه ست سنوات ..والحمد لله على كل حال
وهو مهمه يكون ابو اعيالي فا دايم اطلب له الهدايه

 

[متفائله دوم]

اختي النوووفي حياتي
اكيد ما اقدر اعيش من غيرهم و هو يبيني على اعيالي وهذي نعمه من الله يقول اعيالها قبلها ولو بحرمها الله بيحرمني" ارحم ترحم " بس ابوي يقول لا اعيالج عندي ووو بس انا اهم شي نفسيتهم فديتهم وتسلمين حبيبتي على دعواتج ونصايحج والله يكتب الي به الخير

 

[متفائله دوم]

ختي لورين تسلمين حبيبتي وهذا الي صار
وبخصوص زوجته الله اعلم يقون راضيه لانه هو يبي اعيال والله يكتب الخير لي ولها وللكل

 

[متفائله دوم]

اختي متزوجه ولكن
تسلمين ياقلبي على نصيحتج والله كل هلي يقلون لي نفس كلامج وربي يجزاج كل خير ويريح قلبج ويوفقج حبيبتي

 

[قطـــــريه]

شوفي اختي انا زوجه ثانيه .. ومن البداية شرطت ان مرته تكون عارفه انا مب لعبة ياخذني شوي ويطلق .. وتاكدت ان سبب زوجه الثاني سبب قوي .. لان الريال لو تزوج الثانيه لسبب مو مهم احتمال الطلاق وارد .. او يكون مرتاح ماديا او يبي يعدد هاي اسباب ضعيفه تحملي .. ثاني شي وضع عيالج شلون .. انا شرطت ولدي عندي ولو رفض كنت بقوله مع الف سلامه .. غير كذا شرطت عليه لا يقولي تعرفي عليها ولا زوروا بعض ولا يجيب لي طاريها ولا نسكن سوا .. والحمد لله مرتاحه لابعد الحدود بفضل من الله .. **