شاركوني آرائكم وخبراتكم ..

[مهاتويا]

مرحبا بلقيسيات ..

كنت في رحلة الأسبوع الماضي أنا وزوجي وأختي من أمي ( مطلقة ) وبنت أخت زوجي وأخته ومعانا ولد عمي ( خطيب أختي الصغيرة ) وزوجي يصير خاله ..

المهم رحنا كلنا رحلة للبحرين عشان نتفرج على فيلم بالسينما .. انا ما كانت عاجبتني فكرة اني آخذ اي احد معاي .. بس زوجي الله يهديه يقول خليهم يجون معانا عشان تقل الصرفية علينا وانا مااحب طريقة التفكير هاذي ..

المهم اختي الله يهديها لها سوالف من قبل مع ازواج اخواتي واخاف يجي الدور على زوجي وانا كثير متمسكة في بيتي وزوجي واخاف على حياتي لا احد يخربها علي .. ولمحت لي مرة انها تكشف وجهها عن كل ازواج خواتي وتسلم عليهم باليد وقالت ايش معنى زوجك اللي لا .. بصراحة انا كلامها مرة ماعجبني بس ماعرفت كيف ارد عليها لانها اختي واحبها ومابي اجرحها وبنفس الوقت بصراحة اخاف على بيتي وزوجي ومالي ثقة فيها .. :33:

المهم لما وصلنا كلنا للمجمع حجزنا تذاكر للسينما وتقسمنا على احزاب بنت عمي واخوها واخت زوجي مع بعض راحوا يتعشون من مطعم وانا وزوجي واختي رحنا لمطعم ثاني .. المهم جلسنا كلنا على طاولة وحدة وجلست انا جنب زوجي وهي قبالنا ..

بعد ماجلسنا فجأة الا اشوف اختي تفتح الغطا عن وجهها .. انا هنا ماعرفت ايش اسوي ولا ايش اقول ولا كيف اتصرف .. انا ماعمري ضريتها حتى لما كانت متزوجة كنت يادوب اقول السلام لزوجها ومستحيل يشوف مني شعرة .. ماني عارفة هي ليه تسوي معاي كذا .. ؟؟ :30:

المهم جلست تسولف وتتكلم بطريقة غير اللي انا اعرفها فيها:24: وزوجي مسكين مرتبك مو عارف وين يودي عينه وجلس من الاحراج يسولف ويتكلم حتى انا استغربت منه وقلت له ياسبحان الله لما اكون معاك بمطعم او مكان مااشوف هالسوالف ذي تطلع منك .. وهو ساكت وزعل من كلامي ..

بصراحة انا عصبت وظليت طول الوقت متوترة وماتهنيت بطلعتي حتى في قاعة السينما ماتهنيت بالفيلم وظل مزاجي معكر ..

انا واثقة من نفسي ومهتمة بحالي واجمل بكثير من اختي واتميز بشكل طفولي وناعمة حيل بشهادة الكل ..:2:

حلفت بعدها بيني وبين نفسي اني مااخذها لأي مشوار ولا لأي مكان .. واذا حبيت ازورها اروح لها للبيت ومش ضروري تطلع معاي ..

شوروا علي بلقيسيات .. انتوا ايش رايكم ..؟؟
معاي حق ولا لا .. اهل الخبرة لا يبخلون علي انا كثير ضايعة ومتشتتة ..

​

 

[كل من حولي يغار]

اختي انتي غلطتي كان يوم كشفت اختك الغطاء عن وجهها كان تكلمتي عليهاااا وادبيتها واحرجتيها بنفس الوقت

والمفروض غاليتي زوجك يتكلم عليها ويقولها تستري ياحرمه ... بس شكل زوجك عاجبه الوضع وخصوصا انه جلس يسولف معهااا

وبعدين خوذي الحذر منهااا

والله يعينك على اختك ذي

 

[مهاتويا]

ماقدرت وربي ارد عليها او اقول لها اي كلمة حسيت الموقف خلاني انخرس لاني تفاجأت ..

 

[أم حسن الحلوه]

ههههههههههههههههههههههه

تضحك اختك هاذي تووحفه

يعني اهي عادي عندنا تكشف؟؟م

اذا عادي ليش ماتكشف على طول

المهم لاانتي معاك حق تغارين بعدين زوجك مفروض يقوم ولايقعد دام تصرفها كذا

عاد انتي كان يوم رجعتو خبرتي امك او قلتي لها لوسمحتي مابيك تكشفين جنب زوجي لاني ماثق لافيك ولافيه

استحي على وجهك واحترميني ع الاقل

تقبلي مروري بس احس عصبت من حركتها​

 

[الجده الصغيره]

بعذرك تنقهرين وتعصبين...

بس هذا درس لك ....

تنتبهيييين زيييين لزوجك ولا يصير فيه أي التقاء بينه وبين اختك الله يهديها.........

 

[سحآبة صيف]

وقفيها عند حدها وانتبهي تاخذينها معك مره ثانيه

 

[مهاتويا]

الله يعطيكم العافية احس ردودكم شفت غليلي شوي ..
حبيبتي ام حسن الحلوة انا امي متوفية من 10 سنوات وماعندي احد اشكي له ويسمعني ويرشدني ..
غير كذا انا لو صارحتها احتمال تزيد من حركاتها او حتى تفكر تضرني بصراحة انا مااستبعد شي ..
ومن ناحية اني مااخذها معاي خلاص انا تبت بصراحة .. انا لسه جديدة خبرة في الزواج لي ثلاث سنين بس و احس اني كثير خايفة على حياتي منها .. الله يهديها
​