معلومات Noufshamri
- إنضم
- 4 مايو 2020
- المشاركات
- 1,036
- مستوى التفاعل
- 1,141
- النقاط
- 113
قام من مكانه...
- تعالي...
- عفوا؟! ما فهمت...
أشرلي على المقعد...
- اقعدي..بلشي شغل.....
انصدمت...
- يللا بلشي...رح اخليهم يحسبولك اليوم من أوله....و بالمناسبة أنا جبران...اسمي جبران خليل...
اتطلعت فيه للحظة....أنا اكتر وحدة بحياتي قرأت لجبران خليل جبران...و شكل جبران اللي قدامي مختلف تمام.....
ابتسمت و قاومت إني أبين هالشي...
هو كان يتطلع فيني و عارف إنه أي حدا بالعالم بيسمع اسمه لازم إلا يعلق عليه...
- شو هههههه ما بدك تسأليني؟! جبران و خليل!....صدقيني كلها كانت صدفة....الله يسامحه أبوي....
قعدت على الكمبيوتر...قرب مني جبران...كان مبسوط إنه خلص من شغل صعب..صعب كتير..بده تركيز كبير....و مع هيك أنا كنت مستعدة أضيع فيه أكتر و أغرق حالي بالبيانات حتى ما يكون عندي وقت أفكر....
- إمسكي هاد الفايل، شوفي، التقرير المالي من هون أنا مدخله كامل ما عدا آخر صفحتين لإني بستنى الموازنة...
التفتت عليه، ريحة عطره لابقتله لدرجة إنه متناغم مع شكله حتى...
- و بآخر الصفحة من هون في ملاحظات إنه في ديون على طلاب سنة رابعة رح يتخرجوا، هاي في منها منح أوعك تدخليها لإنها....
قاطعته...
- لإنها بتتعارض مع ملفات الضريبة و قانون المكرمة...
رفع إطار نضارته باعجاب...
-اوووه..كمان فاهمة الشغل.....
رفع ايديه زي اللاعب لما يسجل هدف...
- يسسس...يسس..أنا أسعد موظف اليوم على وجه الأرض....اسمعي شو حكيتيلي إسمك؟! اااااه منال .....منال...هيني رايح انادي مدير قسم شؤون الموظفين و نعمللك كتاب تعيين انتي ما تقومي من مكانك و رح اجيبلك كمان معجنة جبنة بيضة و كاسة شاي...بس خلصي الشغل......
ما أجمل شعور، إنك تتحمل مسؤولية و يكون في ناس معتمدين عليك....
زبطت الكرسي، و اتطلعت بالشاشة....
كان عندي أمل كبير بالحياة الجاي....
مرت ربع ساعة و أنا بتأكد من المعلومات اللي مدخلة بهداك اليوم...
رجع جبران.....
- إنتي كاين إلك مستحقات من المرة الماضية على فكرة....بس تخلصي مري على المحاسبة و خديهم....
رنيت على مس سهام....كنت شبه فرحانة..
- ألو..ماما...رجعوني على الشغل....و عطوني مستحقاتي القديمة......
- ييييي يا حبيبتي الله يوفقك يا رب...يا ربي دخيلك شو كريم....الحمدلله....
سألت عن أسيل...كانت معطلة...ما عندها دوام بهداك اليوم...
--
دقيت باب بيت مس سهام....
فتحلي ولد صغير...استغربت....
سمعت صوت من جوا...
- يُكسّر الزّلال زجاج المنازل...
نادت المس سهام...
- يللا يا علام...ارجع اكتب الواجب....
لقيت المس قاعدة بين مجموعة ولاد و بنات....
هزتلي براسها بابتسامة...رجعت كشرت و هي بتطلع على ايدي....
قامت لعندي...
- اكتبوا الجملة تلت مرات و مع الحركات... و إلا....
قربت مني...اتطلعت فيني بنظرة غريبة....
- شو هاي الأغراض اللي جايبتيها؟!
تلعثمت...
- شششوية خضرة و لحمة...و....لو قليل برجع اجيب كمان...
- لااا هاي آخر مرة بحياتك بتجيبي اشي....طول ما أنا عايشة مصروفك علي...ممنوع تشتري إشي للبيت..راتبك إلك..بتجيبي اللي بدك ياه فيه....
لفت وجهها بدها ترجع لعند الطلاب....
مسكت ايديها....
صرت أبوسهم بقوة...