سمعووووووووا قصة ها البنت...................؟

عيون حورية

عيون حورية

New member
إنضم
2008/04/02
المشاركات
1,812
السلام عليكم ورحمة الله وبركاته
لكل البلقيسيااااااااااااااااات
.حبيت انقل لكم قصه هالبنت ..................​

اللهجه كويتيه..​

السلام عليكم
انا اول مره اكتب هني وحابه اقول لكم قصتي ....ادري بتقولون شعندها هذي رازه ويهها هني بس ربي الشاهد اني حابه اوصل لكم رساله لاتخلون اليأس يدش قلبكم .....​

انا تزوجت شهر 4-2007 وريلي ماكان مفكر باليهال ...على قولته تو الناس خل نستانس بالاول...وتدرون غريزة الامومه تشتغل عند الوحده من اول يوم ​

مر شهر شهرين ثلاث وقعدت احاتي بيني وبين نفسي لحد مامر على زواجي 7 اشهر وكانت كل ماتييلي الدوره ادش الحمام تكرمون وافتح الدش واقعد ابجي واصرخ عشان ريلي لايسمع ...المهم عقب 7 تشهر فيوم صار بيني وبين ريلي اللي خبركم وقمت اغتسلت ونمت ... بس حاشتني حرقه مو طبيعيه ..انا استغربت بس قلت انام ويصير خير باجر .. المهم قعدت الصبح والا اشوف الفراش كله دم وملابسي دم بدون ما ابالغ جنه ذابحين ديايه ...​

انا قمت مخترعه واذكر يومها كان السبت يعني ماكو عيادات ومادري وين اروح وامسكلكم الجريده وادقدق على كل العيادات ادور عياده فاتحه مالقيت الا عيادة دكتوره عاليه الفضلي ...وركض انا وريلي ندور عيادتها ... وصلت هناك الساعه 2 الظهر وكانت الدكتوره رانيا سليم موجوده الله يذكرها بألف خير .. وفحصتني وكانت الصدمه ... فيني الياف بالرحم .. اول مره اسمع بهالشي وانا مو مستوعبه اللي تقوله ... وريلي قاعد يمي ..جان تقول من حسن حظكم يايبين خبيره المانيه تخصصها الالياف والاورام والاسبوع الياي راح تسافر..اذا تبين تسويلج منظار تشيل لج الالياف خل نسويلج موعد ...على طول ريلي سوى خيره وطلعت زينه وحددولي يوم الاثنين عمليتي ...يعني بعد يومين...​

والله العظيم جنه حلم ...وتوكلت على الله ودشيت العمليات ...عقب العمليه يولي الدكتوره عاليه ورانيا والالمانيه بغرفة الافاقه وقالولي ماقدروا يشيلون الاورام لانهم كبار وايد واذا شالوه احتمال كبير يصير نزيف ويشيلون الرحم ....والخيار لج ..تبين نجازف ونشيل الاورام والا تبين تنطرين شوي وتييبين ياهل على الاقل اذا انشال الرحم يكون عندج ياهل واحد لانه حرام انتي توج عروس وماعندج ضنى...​

ووافقت اني احمل وهني بدت معاي مرحله يديده وهي مرحله العلاج لانهم قالولي لازم نسرع بالحمل فكان خيارنا التلقيح الصناعي ...​

وبلشت منشطات وابره تفجيريه ورحت اسوي التلقيح بعيادة الدكتوره ...سويته مرتين ويي موعد تحليل الحمل ... ومن كثر ما انا مستعيله حللت هرموني وطلعت مو حامل ...​

الشهر اللي وراه نفس الاسطوانه انعادت حبوب وابر وتلقيح ولحد النتيجه اخذ حبوب مثبته وتحاميل ونطرت النتيجه وطلعت مو حااااااامل ​

وثالث شهر نفس الشي وانا احس نفسي خلاااااص تعبت ونفسيتي صفرررر وقالتلي الدكتوره اخر الشهر راح تيي الاستشاريه الالمانيه واذا ماصار حمل هالمره لازم نسوييلج العمليه ... انا سلمت امري لله وسويت التلقيح .. وعقبها باسبوع حاشني عوار الدوره وتاكدت انها مثل اللي طافت اكيييييييييد مو حامل .. قمت صليت ركعتين وحمدت ربي على كل شي ...ودقت على الدكتوره وقلتلها ترى احتمال كبير مو حامل وقلتلها اني بسافر لانه اختي بنفس الوقت ولدت ةهي بالبحرين قالتلي خلاص لاتطولين لان الاستشاريه بتوصل الاسبوع الياي وراح تسويلج العمليه ...​

نفس اليوم حجزت وسافرت بروحي البحرين .. كنت محتاجه اغير جو واشوف خواتي ومسكين ريلي كنت وايد كاسره خاطره ... المهم رحت البحرين وناس داشه وطالعه مر الوقت ...وانا مستانسه بخواتي وابي ارد ايام العزوبيه معاهم فكنت اكامر والعب واناقز معاهم ​

ورديت الكويت ...وصلت الخميس واول مارديت دقيت غلى الدكتوره وقلت لها اني وصلت وقالتلي الالمانيه ناطرتج ...تعالي هاليومين المختبر عندنا وسوي تحليل عشان نتاكد انج مو حامل والاسبوع الياي عمليتج ..قلت لها صار..وانا تعييزت شيودريني المهبوله حق تحليل الدم؟ خل اروح المختبر يمنا بالسالميه وبس ...بس خل اريح هاليومين من السفر ..ويوم الاحد ريلي الصبح راح الدوام وحماتي طرشت لي سايقها عشان اروح المختير​

رحت وسويت التحليل وطلعت النتيجه .... حااااااااااااااااااااااااااااااااااااااامل​

انا من الصدمه طحت على الارض وحسيت روحي انشلييييييت مو مصدقه ...اللي بالمحتبر كلهم تيمعوا علي .... وانا لساني انربط ... وليلحين قاعده على الارض ويقولولي انتي حامل وطلعلي الدكتور وقال مبروك مدام انتي حامل ... قلت له شلوووون قال .. اسألي جوووزك هههههههههه​

وقمت ابجي من الفرحه .. شعووووووووور غريب ماينوصف والله ...دقيت على حماتي وكانت بالدوام اول ماشالته جان اصرررررخ انا حااااااااااااااااااامل وقامت تبجي من الفرحه واستاذنت من الدوام لانه الفرحه مو مخليتها تركز ... دقيت على ريلي وقلت له ها شنو تبيني اناديك بوعلي والا بوفاطمه ماصدقني وقال حبيبتي انا بالدوام مو وقت غشمره قلت له والله العظيم انا حامل صك التلفون بويهي وادق ادق ادق مايرد والله خفت عليه اثاريه من الفرحه طلع راح المسيد يصلي .. وامي من فرحتها ارتفع السكر عليها وطاحت عليهم ..​

المهم طلعت حامل وابتدت معاناتي والامي ..والله يابنات من كثر العوار كنت اطق راسي بالطوفه وكنت اصرررررررررررخ من قمة راسي...كنت كل يومين اروح يركبولي الدريب منه مسكن ومنه لاني ماكنت اكل شي...وكنت كل يومين اخذ ابره بالعضل مثبتات .. ولما دشيت الرابع تغيرت الابره من مثبته الى شغله ترخي عضلات الرحم ...والله يابنات من كثر الابر ماكنت اقدر اقعد من العوار ولا كنت اقدر انام الليل لان ( الشسمه ) صارت مشخال من كثر التقجج ... حتى السستر تبي تغزني تقول ماكو مكااان ​


لحد مادشيت السادس وطبعا كل ما الرحم يكبر تكبر الاورام معاه يعني اللي يشوفني بالسادس يقول انا على ولاده ..جني حامل بتوم...وصلت الاسبوع 28 يعني اخر اسبوع بالسادس وحاشني عوار وطلق وولدوني قيصريه لانه الاورام ضاغطه على البيبي وبنفس الوقت مو مخليته يطلع .. وولدت الحمدلله 16-8-2008 ويبت احلى ولد وسميته سيد محمد ​


ولدي ظل بالشيشه 3 اشهر ويينا حق علاجي مره ثانيه ...عطوني ابر وظيفتها توقف الهرمونات الانثويه اللي عندي كلها ..اهيه عباره عن ابره كل شهر .. هالابره نشفت الحليب بصدري ..وقفت الدوره يعني 5 اشهر مايتلي الدوره وجسمي كله قام يعورني .. انا حولت من الخاص للصباح لان الخاص وااااااااايد مكلف ..والابره هذي على امل انها تصغر الالياف شوي عشان يقدرون يشيلونها بالعملليه ...واستمريت 5 اشهر ويت وقت النتيجه وبين ان جسمي ما استفاد من هالابره يعني لاااااااازم عمليه باسرع وقت ...هالحجي شهر 1 اللي طاف هني اقترحت على ريلي نسافر كندا واشوف شنو يقولولي هني واستخرنا وطلعت الخيره زينه ...ويينا كندا انا وولدي وريلي وامي .. ريلي قعد معاي شهر ورد الديره عشان دوامه وهني قرروا لازم عمليه لان الاورام وايد كبار ..وحمدت ربي على عطاياه..​

طلعت شوي اتمشى بره كان ضايق خلقي شوي وريلي كان مسافر صارله يومين ..جان امر الصيدليه ومادري شاللي خلاني اخذ تحليل الحمل...وربي الشاهد علي ماكان ببالي اني حامل بس سبحان الله...رديت البيت حللت وطلعت ​
























المفاجأه خطــــــــــيـــــــــن ... حـــــــــامــــــــــل​


والله قمت اناطط بالحمام ومومصدقه​


دقيت على ريلي مو مصدق قال عيدي التحليل... عدته وهم طلعت حامل...​

سبحان الله ييت عشان اشيل الرحم وطلعت حامل​

انا بس محتاجه الدعاء انه يثبت الياهل والله يتمم لي على خير لانه هذا اخر امل لي اني احمل​

اسفه اني طولت بس صدقوني مابي اي وحده فيكم تيأس ..وداااااااااايما شكروا ربكم وحمدوه ((وان شكرتم لأزيدنكم ))صدق الله العلي العظيم

من اميلي الخاااااااااص​
 
قصتها تعور لبقلب الله يشفيها
والحمدلله على نعمة العافية
 
ربي يعطييك العافيه على هالقصه

وكل شي بكتبة الله
الحمد لله والشكر على كل حال
 
قصة غريبة
أسأل الله الشافي ان يشفيها من غير ما تعمل العملية
و يرزقها بالذرية الصالحة
انه القادر على ذلك
 
الله يشفيها ان شاءالله ويثبت حملها ويخلي لها ولدها يااااااااااارب
عيون حوريه اشكرك على نقل القصه للعظه
 
مسكينـه الله يتمم لهـا على خيـر و يشفيهـا
 
والله بكتيني
ما اكرمك يا رب
الله يثبت حملها ويهون عليها
 
ما شاء الله .. بصراحة قصة تعور القلب .. الله يشفيها ويعافيها ويخليلها ما عطاها ..

يرزق من يشاء بغير حساب
 
اتمنى لك الشفاء والله يصبرك ويكتب لك الاجر ونصيحه لك اقري سوره البقره انشالله تجدي الشفاءولا تنسي العسل شفاء للناس بتوفيق
 
الله يشفيها ويقومها بالسلامة
 
الله يشفيهااا يارب ويتمم لها على خير ويخلي لهاا ولدهاا

ومشكووورة على النقل خيتوووو
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل