سمعته يكلم وحدة بالتلفون ويقول لها وحشتيني

[القطار السريع]

قبل فترة كان زوجي مسافر لبنان
سفرة عمل
وهو هناك ما كان يتصل فيني وايد
كنت انا اللي اتصل
وهو قمة في البرود:thumbdown:
لدرجة انه زعل مني زعلة على شي تافه
وصار وراها حتى ما يرد على تلفوناتي:fish:

المهم انتهت سفرته ورجع
اليوم سمعته يتكلم في التلفون مع وحدة من لبنان
وكانت المكالمة يمي
وكانت مكالمة شغل
وراها دخل الحجرة مرة وحدة
ولما دخلت وراه سمعته يقول: وانت وحشتيني واكثر:busted_red:

سكتت بس طالعته بنظرة غضب وطلعت من الحجرة
فجا هو وراي وقال لي : ليش زعلتي فجاة؟
هني فجر غضبي
قلت له: تعرف تغازل في التلفون
قال لي: اغازل؟
قلت له : اي
قال: المكالمة كانت مكالمة عمل
قلت له: واللي قلت لها : وانت وحشتيني واكثر
قال: هذي صديقة اللي كنت اكلمها مكالمة عمل، واللبنانيات عندهم عادي يقولون حبيبي ووحشتنا للكل، فقالت لي : وينك وحشتنا؟ قلت لها: وانت وحشتيني واكثر
قلت له: يا سلام وكل لبنانية تقول لك وحشتني بتقعد تقول لها هالحجي، مو باقي الا تنام وياها

وراها سكتنا
وحسيته يبي يتقرب لي باي شي بس انا ما عطيته مجال:schmoll:

صديقتي كانت بزيارتي ولاحظت الوضع
فشكيت لها اللي صار
قالت لي: لا تعطينه مجال انه يتمادى اكثر، عامليه بالحسنى حتى لا يلحسون مخه بنات لبنان:detective2:
قلت لها: هو مو بس اليوم، من اول ما رجع وهو مو مشتهيني يمه على السرير
يسوي مليون حركة بس حتى يزعجني
مرة يرفس برجله على فراش السرير وافز
مرة يسوي نفسه يشخر
واليوم الصبح اخذ يضرب بيده على حافة الخشبة مالت السرير ليما فزيت
وهني كلمته بكل هدوووووووء وقلت له: بطل هالحركات
هالحركات ما يسويها حتى اللي عمره 15 و20 سنة
انت من رجعت وانت حاب بس تزعجني
اذا كنت كارهني لا تسوي حركات تكرهني فيك
وسكت وعطيته ظهري ونمت
وهو قام طلع من الحجرة

ما ادري شفيه يا بنات؟؟؟؟؟؟؟
ما كان جذي
كان على قولة صديقتي يلاحق وراي
صار كلش ما فيه احساس
احس كانه يتعمد يزعجني
وصار مو بس ما يحبني الا يكرهني

نصحوني شسوي​

 

[بحر الجواهر]

الله ينتقم لنا منهم جميع والسفر هو دمار الرجال وعقولهم الصغيره الضعيفه

 

[كل الغــــلا]

حاولي تجلسي معاه جلسه حب وخليه يصفي قلبه لك وانتي كمان

مثلا اعزميه على جو رومانسي بالبيت او براء وقولي له حبيبي افتح قلبك لي

ووانا احسك متغير و و و

مهما كان خلي لسانك عسل ودلع حاولي تتمالكي اعصابك وتمتصي غضبه لو عصب

وادعي ربك يفرج همك ربك كريم ماينسى عبده

 

[لمار9994]

الله يعينك لازم توضحين لزوجك ان ذا الشي يضايقك

 

[شتات انسانه]

اكيد البنانيات لحسو مخه والله يعينك اذا كان حاببها وقاعد يقارنك فيها على العموم احسمي الوضع باسرع وقت عشان ماتزيد الفجوه بينكم

 

[ياليتـــني طفله]

الله يرد لك زووووجك

 

[الوردة اليائسة]

لا حول ولاقوة الا بالله
الله يهدي زوجك ويصرف عنه بنات السوء
قولي: فوضت امري لله والله بصير بالعباد
حسبي الله ونعم الوكيل

 

[شوكلاته ذائبه]

لا حول ولا قوة الا بالله اكثري من الإستغفار واله يرد لك زوجك ردا جميلا

 

[القطار السريع]

من شوي طلب مني نقعد ونتكلم
رفضت
قلت له ما بيني وبينك اي كلام انت خاين
اقسم بالله ما بينه وبينها اي شي
وقال انه قال الكلمة بنبرة عادية
قلت له لا نبرتك كانت غير
قال اذا كان بيني وبينها اي شي اعتبريه من هاللحظة منتهي وما راح اتصل في لبنان حتى على شغل
بس انا ما صدقته
الكلام وايد
قلت له اسكت عني دام اني ساكتة عن الموضوع
وما ابي اكلمك في شي نهائيا
لا هذا الموضوع ولا غيره

انا اللي مستغربة منه انه عمره ما سواها
فشللي صار؟؟؟؟؟

 

[ميوسه]

عزيزتي

حطي قوانين جديده

انو تسافري معاه لاي مكان


عمله ينقله للبلد وبس


وانو يكون واضح معاك بكل شي

وان شاء الله يكون صادق


ويهمه زعلك وراح يتغير

موفقه

 

[القطار السريع]

اختي ميوسة ياما ذبحت نفسي
بالطيب بالغصب اني اسافر معاه
ماااااااااااااااا يقبل
ولا سفرة من سفراته ياخذني معاه
واذا ناقشته قال لي : لا تتدخلين في شغلي
شلون احل الموضوع؟؟؟

 

[زاد التقوي]

ياحبيبتي الله يعينج بس الرجال تاسف وحلف ما يعيدها وحركات الازعاج اللي تقولين عنها كان حاب يتحرش فيكي عشان ينتهي الموضوع لان شكله ما يحب يخلي الموضوع معلق والدليل انه قعد معاج وفتح الحوار انا اقول لا تكبرينها كثير عشان ما يمل ويبطل يراضيج ارضي بشروط وبعدها انسي الموضوع ونسيه كل شي بحركاتج ولبسج وبالدلع

 

[ام حنونه جدا]

اولا فعلا اللبنانيات كلامهم ناعم جدا جدا ورده منطقي جدا ماتعصبي جامد عليه وماتتركي المجال لزوجك صالحيه وقوليله ان اعصابي كانت تعبانه بسبب غيابك عني لان انت كنت واحشني ومش تطولي اكتر وربنا يسخرلك زوجك ويجعلك قره عينه ويجعل قره عينه في الحلال

 

[توته99]

الله يكون بعونك
مافيه رجال مايجرب ويكلم ويحب كاحب تغيير او مل من روتين حياته
انصحك اختي تحسنين له كل شي بالبيت الجوا وبشكلك ونظام البيت
بس بسكوت وخليك غامضه معاه وماعاد تحكين معاه الا في المهم
والله يصير يجري وراك لان الرجل يحب التقيله والمهتمه بنفسها
والغامضه
واتمنى تردين تقرين دورات ناعمه عن الزوج الخائن
وتتغيرين بس مو تغير ملاحض
لان الرجال مايبدون يدورون غيرنا الا اذا ملوا منا
خليك متجدده
وقليله كلام وابتعدي عن المشاكل معاه ولما تحكين معاه لاتحطين عيونك بعيونه
ساعتها بيحس انك متضايقه
اتمنى يكون افددتك

 

[جروحي تنزف]

:tears::tears:\
حاسه بوضعك انك تكونين شاكه بس مافيه دليل اصعب شعور يواجه اشخص

 

[أم محمد2010]

واضح من وضعه انه كان على علاقه بوحده عشان كذا كارهك وقرفان منك

لازم تحسمي الموضوع معه بجد وتشوفي لك حل سريع قبل لايطيح الفاس بالراس

الله يكون بعونك

دمتي بود وسلام

 

[بسمه مجروحه]

اهو اكيد صادق معاك...ليه مايغير جواله...
حبيبتي عديها هالمرة بس بعد ماتقسين عليه بشي بسيييييييط...وبعدين الله يفرجها عليك

 

[هلوسات]

شكله ندم
انتي لا تشدين مرررره يطفش ويطنشك واذا نوى الغلط يسويه قدامك
ولا تتساهلين وتعدينها
قلي له انت الحين ما كنت تدق وتزعل على اتفه الاسباب
بخلت على حلالك بالكلمه الطيبه وقلتها انت لمين
رجاءا تحترمني كانسانه وكزوجه واذا كنت صدق تحبني ابي اسافر معك رجاءا
ابي تغير رقم الجوال وتعاملكيكون مع رجال


وهذي جبي رقمها بس اذا تاكدتي انه ما راح يعرف اكيد وخلي الرقم عندك وخبيه استفسري عنها من بعيد
شوفي اذا عندها ايميل خذيه وجربيه في فيس بوك بعدين اذا صار تقربي منها
يعني خليها تحت عينك طبعا بدون ما يعرف

الله يسخر لك زوجك وجنود السماوات والارض

 

[ام الآء]

الله يهديه ويهدينا ويكون بعووونك يارب

أختي خلليك حذره اكثر ..

وأشبعيه أكثر وأكثر حتى ما يكون فيه مجاااال يشتهي او يفكر بغيرك ..

وربي ييسر لك ويساعدك ..

ولا تنسين أهم شيء الاستغفار .. لأن ما يصيبنا بسبب ذنوبنا ..

والدعــــــــاء ..

والصدقــــــة ..

وقرأت سورة البقرة ..

وبالتوفيق يارب

 

[ام غيادي]

اختي انت غلطانه
لانه عمر الغضب والزعل ما يحل مشكله
ومن كلامك زوجك يبغى الحوار معك
ليش تقفلي كل طرق فيه وجه زوجك حاوريه واساليه اجلسي معه جلست تحاور ومصارحه
وحطي شروطك وقوانينك
انصتي له بس لاتصديه لانه راح يروح لها
واسمعني ايش شي يبدا بحرام راح ينتهي
اذا كان على علاقة بوحده عن طريق الحرام راح ينتهي لانها نزوه
لكن انت تضلي في نظره اطهر منها لكن مصونه ولستي لعبة للكل
الحوار هو سبب نجاح الحياة الزوجيه
ربنا يفرج همك ويسرلك امورك