معلومات راجيه الرضا
- إنضم
- 18 فبراير 2017
- المشاركات
- 14,542
- مستوى التفاعل
- 9,665
- النقاط
- 113
سلسله الأمهات والمرح ...وقت النوم "١'
- ماما .. هي ليه الأرض مكورة؟!
- ماما .. هو ليه القمر بينور؟!
- هو ليه النهارده مازن بص لي جامد كده وراح مشي وأنا معملتلوش حاجة والله؟!
- هو ليه تخنتِ؟! ?
- هو ليه الدودة بتتحول في الشرنقة لفراشة مش ديناصور؟!
- ماما .. أنتِ ليه زعلانة؟!
- ماما .. أنت ليه بتستغفري ربنا؟! ?
- ماما .. أنت ليه احمريتي كده؟!
- ماما
ماما
ماماااااااااااا
____________________________________________
موال كل يوم اللي مبيخلصش ?
ماما في وضع الطيران .. وابني في وضع الصحيان ?
ييجي وقت النوم من هنا .. وتبدأ الخناقة
ماما عاوزة تنام .. وابني على استعداد يتناقش في الوضع الاقتصادي لبلاد الواك الواك ..?
قبل ما نتكلم عن حلول .. لازم نرسخ بعض المفاهيم والكلام المهم اللي هيفيد جدا في تقليل الصراع اليومي لوقت النوم ..
?الهدف?
إيه الهدف من وقت النوم؟!
كتير طبعا قرينا إن قبل النوم دا وقت من أهم الأوقات اللي بتتخزن فيه المعلومات في دماغنا
عشان كده كانوا بينصحونا نذاكر ليلة الامتحان أهم المعلومات بالليل قبل النوم
وكمان لو عندك ورد قرآن اقريه قبل النوم
أكيد أغلبنا وصلت له المعلومات دي قبل كده
وبما إننا بنتكلم عن المرح ..?
يبقى لازم نحاول قدر استطاعتنا ترسيخ ذكريات حلوة لأولادنا في الوقت المهم جدا دا ..
يبقى الزعيق .. الضرب .. التهديد ..?
دي كلها حاجات هتجيب نتيجة عكسية وعكس اللي عاوزينه كوقت مرح مع أولادنا ..
?المشكلة?
طب إيه المشكلة بقى؟!
المشكلة ببساطة شديدة .. وحزن عميق ?
إن ماما طول النهار بتلف وتدور حوالين نفسها ..
ما بين بيت له طلبات ..
أسرة زوج وأولاد لهم طلبات ..
حياتها هي سواء بتشتغل أو بتدرس أو حياتها الاجتماعية ..
لف لف لف ?
الليل دا ملاذك الأخير ..
عاوزة تنامي من غير ولا تنتوفة صوت جنبك
هدوووووء?
على الجانب الآخر
طفل مش مبطل زن ..
ولا أسئلة وجودية ..
وعاوز بدل القصة اتنين ..?
وعاوز يجري ويتنطط ..
ممكن يطلب أصلا إنه عاوز يلعب ?
يا بني أفصل دي الثلاجة بتفصل?
كده المشكلة من ناحيتين ..
أم مرهقة ..وطفل نشيط
والساعة عشرة بالليل ارحمووووني أنا صاحية من الفجر?
?الوقاية?
قبل ما نتكلم عن الحلول ..
لازم نشوف أصل المشكلة ونجد لها ما يسمى بالوقاية
نحاول أصلا المشكلة متحصلش قدر إمكاننا أو أغلب الوقت
?بخصوص ماما المرهقة?
لازم مما تقي نفسها من الإرهاق المستمر
ودا بيحصل ب ٤ حاجات
أولا .. القيلولة
ودي للأسف معظم الأمهات بينسوا نفسهم فيها خالص
حقك تاخدي ولو نصف ساعة في وضع النوم الظهرية حتى لو مش هتنامي
لو أولادك فوق ٤ سنوات تقدري تتفقي معاهم على الوقت دا
وتضبطي المنبه واطلبي منهم يصحوكِ
ولو أقل من سنتين تقدري تنامي معاهم الظهر في قيلولتهم
من سنتين لأربعة سن صعب شوية يمكن يعطلك في الوقت دا لكن افتكري دائما إنه وقت وهيعدي مش هيفضلوا صغار حبيبتي?
ثانيا .. وقتك الخاص
من كتر الكلام عن الوقت الخاص بقينا حاسين إنه صعب قوي
إزاي يعني أقعد كده مع نفسي أشرب حاجة دافئة وأقرأ رواية
دا ضرب من الخيال ?
لكن الحقيقة الوضع أبسط من كده
كل اللي محتاجاه انتهاز وقت يكون الأولاد فيه مش موجودين
في المدرسة
عند جدتهم
بالليل بعد ما يناموا
الصبح قبل ما يصحوا
المشكلة إننا بنستغل الوقت دا بطريقة سيئة?
بنوضب .. نغسل .. نخلص شغل البيت اللي ورانا
للأسف بنحطه في وضع غلط له
التوضيب يبقى والولاد صاحيين
مش وهما نايمين
ويمكن نتكلم في الموضوع دا في وقت لاحق بإذن الله وعن فوائده وعن المرح اللي ممكن يكون فيه
لكن وقت ما البيت هادي .. دا وقتك أنت . مش وقت البيت?
?البيت هادي بالفعل، أنت اللي محتاجة هدوء?
ثالثا .. النوم الكافي
ماما محتاجة ٨ ساعات نوم يوميا
مينفعش بأي حال من الأحوال يقلوا عن كده
هيفضل مودك وحش ومش متقبلة مرح من أي نوع
والعصبية تزيد ?
يمكن بسبب طبيعتنا كأمهات إن ربنا خلانا حساسين في نومنا
مش بننام بعمق زي زمان?
ودا رحمة بأولادنا عشان نصحى نشقر عليهم ونطمن عليهم
لكن لازم نرجع تاني للنوم
عودي نفسك على القراءة للنوم هتقلل من توترك وخاصة قراءة شيء ممل?
رابعا.. الكافيين
يمكن ناس كتير بتحاول تبعد عن الكافيين لإنها بتخاف من إدمانه
زي الشاي والقهوة
نبعد عن النسكافيه لأنه مالوش لازمة?
لكن الأطباء بيقولوا لحد ٣ كوبايات شاي في اليوم غير مضر
كوب قهوة واحد في اليوم غير مضر بل بالعكس لها فوائدها للجسم
دخلي الكافيين بنسب محدودة يكون عامل لفوقانك طول اليوم، مش للإدمان
?ابني النشيط?
ابني نشيط في وقت الليل لأسباب كتيرة
لازم نعرف السبب عشان نقي نفسنا منه
أولا .. عدم تخريج طاقتهم في الصباح
لو الطفل قاعد كتير قدام الشاشات أومبيتحركش كتير لأي سبب أو مخرجش طاقته الصبح في لعب وتنطيط
غالبا بيفضل مصهلل بالليل شوية حلوين ومش عاوز ينام
ثانيا .. أكل السكريات
أكل السكريات بكثرة
وخاصة بعد ٦ مساء
بيخليهم يهيبروا جامد ومش عاوزين يناموا
ثالثا .. الطفل المرهق لأسباب خاطئة
طفل متعود على السهر
أو مشاهدة التليفزيون كتييير طول النهار
كل دي أسباب ممكن تخليه مينامش بالليل في ميعاده
رابعا .. أكل المواد الصناعية
الأكل الصناعي والمعلب والألوان الصناعية والدهون الغير صحية
كل الأكل الغير صحي اللي بيجيبوه من بره
شيبسي بيبسي شيتوس دوريتوس بلاأزرقيكوس?
كل دا بيأثر في رغبة ولادنا في نوم طبيعي بالليل
خامسا .. الضغط العصبي على الطفل
المسابقات. ..
اللوم الشديد ..
دائما الطلب من الطفل إنه يبقى رقم واحد في كل حاجة
كل دا بيأثر علينا إحنا الكبار
ما بالكم بطفل صغير .. كل اللي محتاجة يحس إنه مقبول زي ما هو
فاكرة لما صاحبتك انتقدتك جامد ومعرفتيش تنامي ساعتها?
فاكرة لما مامتك لامتك لوم شديد والنوم طار من عينك يوميها?
بيحس نفس الإحساس وبيعبر عن دا بعدم النوم?
سادسا .. أسباب فسيولوجية
زي الأطفال ال hyber active
ودي محتاجة طبيب يتابع معاك نظام غذائي للأولاد مش هقدر نتكلم فيه هنا
الوقاية من كل دا ب ٤ كبسولات مهمة
?أولا .. الطفل لازم يخرج?
لازم يروح جنينة ويلعب ويتنطط
مش كل يوم
لكن مرتين في الأسبوع
أو حتى مرة
زمان كانوا أهالينا بياخدونا كل جمعة الجنينة ونفرش ونأكل سوا ونقوم نلعب بالكورة
ولادنا محتاجين نفس الإحساس الجميل اللي عشناه
?ثانيا .. قللي السكر?
السكر الأبيض والنشويات المفرطة زي المكرونة والعيش الأبيض
مبنقولش الغي . بس قللي على الأقل
السكر بحساب والنشويات بحساب
?ثالثا .. الأكل الصناعي?
ممنوع ..
يوم واحد في الأسبوع يختاروا حاجة حلوة من بره لهم ودا بالاتفاق
وكلميهم عن الأكل الضار وإزاي بيأثر على صحتنا
شوفي اليوتيوب والفيديوهات اللي بتتكلم عن هذا الأمر
وإياك تيأسي
صحة ولادك أهم
ولو هما بالفعل بياكلوها كتير .. يبقى حدي منها وافرحي بأي إنجاز ولو صغير وصلتيله معاهم ..
يعني مثلا كانوا بياكلوا كل يوم .. يبقى بياكلوا ٣ أيام بس في الأسبوع
افرحي وفرحيهم ..
بس مش تحتفلوا فتجيبوا حلويات بقى ?
?رابعا .. الغي نظام نامبر وان?
ابني مش في سباق
ومش محتاج يتنافس مع حد عشان يحس إنه كويس
ابني كويس زي ما هو
مش محتاج تعديل
ارضي به زي ما هو عشان نفسيته تتحسن
ويقدر ينام مرتاح البال مش مهموم
ليه يشيل هموم في سنه دا؟! ?
ما الهموم جاية جاية?
خليه يعيش طفولته بكل ما فيها
لعب وتنطيط واهتمام ورعاية وحنية??
وصدقيني .. دا اللي هيخليه شخص مسؤول وعارف مصلحته .. مش بالضغط أبدا
المرة الجاية هنتكلم عن روتين النوم لأولادنا ..
نحطه إزاي ؟!
ونمنع إيه؟!
ونعودهم على إيه؟!
منقول عن صفحه كوكبنا ...ع الفيسبوك
- ماما .. هو ليه القمر بينور؟!
- هو ليه النهارده مازن بص لي جامد كده وراح مشي وأنا معملتلوش حاجة والله؟!
- هو ليه تخنتِ؟! ?
- هو ليه الدودة بتتحول في الشرنقة لفراشة مش ديناصور؟!
- ماما .. أنتِ ليه زعلانة؟!
- ماما .. أنت ليه بتستغفري ربنا؟! ?
- ماما .. أنت ليه احمريتي كده؟!
- ماما
ماما
ماماااااااااااا
____________________________________________
موال كل يوم اللي مبيخلصش ?
ماما في وضع الطيران .. وابني في وضع الصحيان ?
ييجي وقت النوم من هنا .. وتبدأ الخناقة
ماما عاوزة تنام .. وابني على استعداد يتناقش في الوضع الاقتصادي لبلاد الواك الواك ..?
قبل ما نتكلم عن حلول .. لازم نرسخ بعض المفاهيم والكلام المهم اللي هيفيد جدا في تقليل الصراع اليومي لوقت النوم ..
?الهدف?
إيه الهدف من وقت النوم؟!
كتير طبعا قرينا إن قبل النوم دا وقت من أهم الأوقات اللي بتتخزن فيه المعلومات في دماغنا
عشان كده كانوا بينصحونا نذاكر ليلة الامتحان أهم المعلومات بالليل قبل النوم
وكمان لو عندك ورد قرآن اقريه قبل النوم
أكيد أغلبنا وصلت له المعلومات دي قبل كده
وبما إننا بنتكلم عن المرح ..?
يبقى لازم نحاول قدر استطاعتنا ترسيخ ذكريات حلوة لأولادنا في الوقت المهم جدا دا ..
يبقى الزعيق .. الضرب .. التهديد ..?
دي كلها حاجات هتجيب نتيجة عكسية وعكس اللي عاوزينه كوقت مرح مع أولادنا ..
?المشكلة?
طب إيه المشكلة بقى؟!
المشكلة ببساطة شديدة .. وحزن عميق ?
إن ماما طول النهار بتلف وتدور حوالين نفسها ..
ما بين بيت له طلبات ..
أسرة زوج وأولاد لهم طلبات ..
حياتها هي سواء بتشتغل أو بتدرس أو حياتها الاجتماعية ..
لف لف لف ?
الليل دا ملاذك الأخير ..
عاوزة تنامي من غير ولا تنتوفة صوت جنبك
هدوووووء?
على الجانب الآخر
طفل مش مبطل زن ..
ولا أسئلة وجودية ..
وعاوز بدل القصة اتنين ..?
وعاوز يجري ويتنطط ..
ممكن يطلب أصلا إنه عاوز يلعب ?
يا بني أفصل دي الثلاجة بتفصل?
كده المشكلة من ناحيتين ..
أم مرهقة ..وطفل نشيط
والساعة عشرة بالليل ارحمووووني أنا صاحية من الفجر?
?الوقاية?
قبل ما نتكلم عن الحلول ..
لازم نشوف أصل المشكلة ونجد لها ما يسمى بالوقاية
نحاول أصلا المشكلة متحصلش قدر إمكاننا أو أغلب الوقت
?بخصوص ماما المرهقة?
لازم مما تقي نفسها من الإرهاق المستمر
ودا بيحصل ب ٤ حاجات
أولا .. القيلولة
ودي للأسف معظم الأمهات بينسوا نفسهم فيها خالص
حقك تاخدي ولو نصف ساعة في وضع النوم الظهرية حتى لو مش هتنامي
لو أولادك فوق ٤ سنوات تقدري تتفقي معاهم على الوقت دا
وتضبطي المنبه واطلبي منهم يصحوكِ
ولو أقل من سنتين تقدري تنامي معاهم الظهر في قيلولتهم
من سنتين لأربعة سن صعب شوية يمكن يعطلك في الوقت دا لكن افتكري دائما إنه وقت وهيعدي مش هيفضلوا صغار حبيبتي?
ثانيا .. وقتك الخاص
من كتر الكلام عن الوقت الخاص بقينا حاسين إنه صعب قوي
إزاي يعني أقعد كده مع نفسي أشرب حاجة دافئة وأقرأ رواية
دا ضرب من الخيال ?
لكن الحقيقة الوضع أبسط من كده
كل اللي محتاجاه انتهاز وقت يكون الأولاد فيه مش موجودين
في المدرسة
عند جدتهم
بالليل بعد ما يناموا
الصبح قبل ما يصحوا
المشكلة إننا بنستغل الوقت دا بطريقة سيئة?
بنوضب .. نغسل .. نخلص شغل البيت اللي ورانا
للأسف بنحطه في وضع غلط له
التوضيب يبقى والولاد صاحيين
مش وهما نايمين
ويمكن نتكلم في الموضوع دا في وقت لاحق بإذن الله وعن فوائده وعن المرح اللي ممكن يكون فيه
لكن وقت ما البيت هادي .. دا وقتك أنت . مش وقت البيت?
?البيت هادي بالفعل، أنت اللي محتاجة هدوء?
ثالثا .. النوم الكافي
ماما محتاجة ٨ ساعات نوم يوميا
مينفعش بأي حال من الأحوال يقلوا عن كده
هيفضل مودك وحش ومش متقبلة مرح من أي نوع
والعصبية تزيد ?
يمكن بسبب طبيعتنا كأمهات إن ربنا خلانا حساسين في نومنا
مش بننام بعمق زي زمان?
ودا رحمة بأولادنا عشان نصحى نشقر عليهم ونطمن عليهم
لكن لازم نرجع تاني للنوم
عودي نفسك على القراءة للنوم هتقلل من توترك وخاصة قراءة شيء ممل?
رابعا.. الكافيين
يمكن ناس كتير بتحاول تبعد عن الكافيين لإنها بتخاف من إدمانه
زي الشاي والقهوة
نبعد عن النسكافيه لأنه مالوش لازمة?
لكن الأطباء بيقولوا لحد ٣ كوبايات شاي في اليوم غير مضر
كوب قهوة واحد في اليوم غير مضر بل بالعكس لها فوائدها للجسم
دخلي الكافيين بنسب محدودة يكون عامل لفوقانك طول اليوم، مش للإدمان
?ابني النشيط?
ابني نشيط في وقت الليل لأسباب كتيرة
لازم نعرف السبب عشان نقي نفسنا منه
أولا .. عدم تخريج طاقتهم في الصباح
لو الطفل قاعد كتير قدام الشاشات أومبيتحركش كتير لأي سبب أو مخرجش طاقته الصبح في لعب وتنطيط
غالبا بيفضل مصهلل بالليل شوية حلوين ومش عاوز ينام
ثانيا .. أكل السكريات
أكل السكريات بكثرة
وخاصة بعد ٦ مساء
بيخليهم يهيبروا جامد ومش عاوزين يناموا
ثالثا .. الطفل المرهق لأسباب خاطئة
طفل متعود على السهر
أو مشاهدة التليفزيون كتييير طول النهار
كل دي أسباب ممكن تخليه مينامش بالليل في ميعاده
رابعا .. أكل المواد الصناعية
الأكل الصناعي والمعلب والألوان الصناعية والدهون الغير صحية
كل الأكل الغير صحي اللي بيجيبوه من بره
شيبسي بيبسي شيتوس دوريتوس بلاأزرقيكوس?
كل دا بيأثر في رغبة ولادنا في نوم طبيعي بالليل
خامسا .. الضغط العصبي على الطفل
المسابقات. ..
اللوم الشديد ..
دائما الطلب من الطفل إنه يبقى رقم واحد في كل حاجة
كل دا بيأثر علينا إحنا الكبار
ما بالكم بطفل صغير .. كل اللي محتاجة يحس إنه مقبول زي ما هو
فاكرة لما صاحبتك انتقدتك جامد ومعرفتيش تنامي ساعتها?
فاكرة لما مامتك لامتك لوم شديد والنوم طار من عينك يوميها?
بيحس نفس الإحساس وبيعبر عن دا بعدم النوم?
سادسا .. أسباب فسيولوجية
زي الأطفال ال hyber active
ودي محتاجة طبيب يتابع معاك نظام غذائي للأولاد مش هقدر نتكلم فيه هنا
الوقاية من كل دا ب ٤ كبسولات مهمة
?أولا .. الطفل لازم يخرج?
لازم يروح جنينة ويلعب ويتنطط
مش كل يوم
لكن مرتين في الأسبوع
أو حتى مرة
زمان كانوا أهالينا بياخدونا كل جمعة الجنينة ونفرش ونأكل سوا ونقوم نلعب بالكورة
ولادنا محتاجين نفس الإحساس الجميل اللي عشناه
?ثانيا .. قللي السكر?
السكر الأبيض والنشويات المفرطة زي المكرونة والعيش الأبيض
مبنقولش الغي . بس قللي على الأقل
السكر بحساب والنشويات بحساب
?ثالثا .. الأكل الصناعي?
ممنوع ..
يوم واحد في الأسبوع يختاروا حاجة حلوة من بره لهم ودا بالاتفاق
وكلميهم عن الأكل الضار وإزاي بيأثر على صحتنا
شوفي اليوتيوب والفيديوهات اللي بتتكلم عن هذا الأمر
وإياك تيأسي
صحة ولادك أهم
ولو هما بالفعل بياكلوها كتير .. يبقى حدي منها وافرحي بأي إنجاز ولو صغير وصلتيله معاهم ..
يعني مثلا كانوا بياكلوا كل يوم .. يبقى بياكلوا ٣ أيام بس في الأسبوع
افرحي وفرحيهم ..
بس مش تحتفلوا فتجيبوا حلويات بقى ?
?رابعا .. الغي نظام نامبر وان?
ابني مش في سباق
ومش محتاج يتنافس مع حد عشان يحس إنه كويس
ابني كويس زي ما هو
مش محتاج تعديل
ارضي به زي ما هو عشان نفسيته تتحسن
ويقدر ينام مرتاح البال مش مهموم
ليه يشيل هموم في سنه دا؟! ?
ما الهموم جاية جاية?
خليه يعيش طفولته بكل ما فيها
لعب وتنطيط واهتمام ورعاية وحنية??
وصدقيني .. دا اللي هيخليه شخص مسؤول وعارف مصلحته .. مش بالضغط أبدا
المرة الجاية هنتكلم عن روتين النوم لأولادنا ..
نحطه إزاي ؟!
ونمنع إيه؟!
ونعودهم على إيه؟!
منقول عن صفحه كوكبنا ...ع الفيسبوك
اسم الموضوع : سلسله الأمهات والمرح ...وقت النوم "١'
|
المصدر : الأمومة والتربية
