سفر وزوجه اخرى؟!!!!

[نبض حياة]

شحاااااااااااالكم بنااااات
انا زوجي تزوج من فترة من زوجه ثانيه من بلد وهيي مطلقه وعليها خمسه انزين وقال شهر بشهر
اوكيه الاخ الكريم ماعدل سواا الشهر بخمس شهووور تخيلووو وهو جنوبي غربي
ولا اااا بعد لايتصل ولا يرسل مصروووف الا بشحت وياريت يكفيني
والحين حضرته شرف قبل يومين حاول يراضيني بس انا مجرووحه وزعلانه وانا ماكلمه ولا عطيته ويه
والحين مايكلمني ولا مسوي سالفه ولا ا تاسف ولا واعتذر شو اسوي معاه شو الحل ؟؟؟؟:icon1366:

 

[salma_ahmed]

طيريه بعصبيتج وتطفيشج له .. ترا ها اللي إنتي تسوينه .. تنفير وتتطفيش ..

إستعيني بالله قبل كل شيء .. وإقري قصة الأستاذه ناعمة برود ومطر .. وخفي شوي العيار الثقيل من الزعل والنكد ..

تراها بتبلع باقي السنة لو تميتي على منوالج ..



الله يهدينا وإياج للخير .. آمين

 

[قلب من الالماس]

شحاااااااااااالكم بنااااات
انا زوجي تزوج من فترة من زوجه ثانيه من بلد وهيي مطلقه وعليها خمسه انزين وقال شهر بشهر
اوكيه الاخ الكريم ماعدل سواا الشهر بخمس شهووور تخيلووو وهو جنوبي غربي
ولا اااا بعد لايتصل ولا يرسل مصروووف الا بشحت وياريت يكفيني
والحين حضرته شرف قبل يومين حاول يراضيني بس انا مجرووحه وزعلانه وانا ماكلمه ولا عطيته ويه
والحين مايكلمني ولا مسوي سالفه ولا ا تاسف ولا واعتذر شو اسوي معاه شو الحل ؟؟؟؟:icon1366:

حبوبة غلط اللي تسويه هو شااااااايف الحين انك الناار وهي الجنة :sly::sly::sly:

اكييد هي جالسة تدلعه وتلبي مطالبه وماتحسسه الا بالهناء ...ومو زايدة عنك بشيء عندها خمسة عيال يعني مو بنت غنوجة وفاضية ...اهتمي بنفسك اكثر وغيري ستايلك ودلعيه وهنيه وخليه مايشووووووووف غيرك وبعدها عاقبيه لما يصير مايستغنى عنك ...اقرأي قصة ام بسمة وبتعرفي كيف الطرق اللي ترجعيه لاحضانك وتخليه يطلقها ...:smoke1::smoke1:

لك كل الود والله يفرج كربك قريب

ولاتنسي اكظمي غضبك وحسسيه انك فرحاااانة بشوفته وبرجعته ساااااااالم وابكي باحضانه متالمة من اللي سواه فيكي لان الجنوبيين حنونيين واكييد ماراح يطاوعه قلبه ...بس انتبهي لاتناقشيه بحدة وحقد :nosweat:
كلميه بغنج ودلعع:msn-wink::msn-wink:

 

[نبض حياة]

جزاكم الله خير
اختي سلمى بس مو هالمره مايعدل هذي المرة الثانيه ولا حاسبته ولا زعلته وانا زعلي بهدوووء مانكد انفذ كل طلباته من اكل وشرب ولا اصرخ ولا شي يعني اتنرفز شويه بس ومو كل مرة اتنرفز هذا غير انه سفرها ودلعها دلع وانا المجروحه ا ليش على الاقل ماسفرني راضني على زواجه علي لاااااولا يعدل والحين بيكمل سنه معاها
وغيرت استايلي وسويت كل شي اشياء ماكنت اسويها صرت اسويه جان يرد لي ولعياله يعني ليش خمسه شهور هذا عمممممررر؟!!!

 

[نبض حياة]

بس فييييييييييييييييه برووووود الله يعلم شو بسوي معاه ولااامبااااله ولف ودوراااااان

 

[يمانيه]

...اقرأي قصة ام بسمة وبتعرفي كيف الطرق اللي ترجعيه لاحضانك وتخليه يطلقها ...:smoke1::smoke1:

حبيت اعلق هالرد
اختي العزيزه قلب من الماس واختي صاحبة المشكله
ارجوا ان لا تضعي ذلك في نيتك وهو تطليق الثانيه لان هذا شرعا لا يجوز ( والله أعلم )
وعلى نياتكم ترزقون يا اختي
فرج الله همك
حاولي ان تكسبي زوجك باسلوبك ومعاملتك له
والا كيف يفضل صاحبة ال5 عيال عليك
ومثل ما قتي مو ان توهم متزوجين الحين ما شاء الله بيكملون سنه
انتي الجأي لله تعالى
وتقربي الى زوجك بالطيب واللين والحسنى
راجعي حياتك معه
وطالبيه بالعدل بينكم
وانك لن ترضي بهذا الوضع
ولكن بعد ان تغيري من نفسك تجاهه
واسأل المولى ان يفرج عليك ويرد لك زوجك ردا جميلا

 

[نبض حياة]

والله في نيتي مايطلقها الحمدالله
بس ابى العدل منه يعدل بينا
واتم على زعلي ولا شو اسوي معاه اخاف يرد يسافر ؟

 

[البسمة العذبة]

لالاتزعلين

اسأليني زوجي شارب ومجرب كل النكهات هههههههههه قصدي كل الجنسيات

اكسبيه انتي وخلي الامر عااادي لو كان ماتزوج ممكن تستخدمين اساليب الزعل وكذا

هو خلاص تزوج الآن حاولي تكسبينه بصفك مهما سوى فيك اغفري له حتى تكسبينيه وبعدين سوي اللي تبين

 

[عزيزة.نفس]

شحاااااااااااالكم بنااااات
انا زوجي تزوج من فترة من زوجه ثانيه من بلد وهيي مطلقه وعليها خمسه انزين وقال شهر بشهر
اوكيه الاخ الكريم ماعدل سواا الشهر بخمس شهووور تخيلووو وهو جنوبي غربي
ولا اااا بعد لايتصل ولا يرسل مصروووف الا بشحت وياريت يكفيني
والحين حضرته شرف قبل يومين حاول يراضيني بس انا مجرووحه وزعلانه وانا ماكلمه ولا عطيته ويه
والحينشو اسوي معاه شو الحل ؟؟؟؟:icon1366:

عزيزتي نبض حياة
مهم جداً انكي تعرفين هو ليش مخليها في بلدها !
ومهم ايضاً انكي تعرفين هو ليش ما بيعدل !
الزعل وعدم الكلام معه وتطنيشه ماهو في صالحكي ابداً (( اعتقد شفتي النتيجة بعينكي

مايكلمني ولا مسوي سالفه ولا ا تاسف ولا واعتذر

كلميه بكل هدوء واحترام واليني له في الكلام { وجادلهم بالتي هي احسن } واختاري الوقت المناسب والمكان المناسب (( مب بغرفة النوم ))
(( معلومة مهمة )) التطنيش ما ينفع مع الرجل المعدد !
إن الزوجة المثالية لها دور كبير في حل مشاكلها الزوجية
وإطفاء نارها لا إشعالها ...
وإدارة الخلافات الزوجية فن ينبغي على كل زوجة
أن تتقنه وتتعلمه ...
وأنتِ أيتها الزوجة لديكِ القدرة و الكفاءة التي تمكنك من حل
مشاكلك الزوجية بنفسك و من أبسطها ...
كلمة إعتذار ولحظة تسامح و عفو وتغاضي عن صغائر الأمور ...
فذلك أفضل بكثير من العناد و الخصام و المكابرة و النكد
وترك المجال للشيطان ليوقع العداوة بينكم ...
فحاولي و إبدئي أنتِ و بادري بالصلح و أؤكد لكِ أن زوجك مهما
كان سلوكه ومهما كانت عواطفه باردة تجاهك فحتماً سوف يتغير ...
فقلوب العباد قد جبلت على حب من أحسن إليها وكراهيته
من أساء إليها ...
فأحسني التعامل مع زوجك أثناء الخلافات الزوجية ...
لتفوزي بقلبه ولتسكني عقله ولتنالي حبة وعطفه

 

[اموونه]

أنا اليوم كنت افكر في نفس الموضوع ............
صراحه موضوع مهم...اهمال الزوجه وكثرت السفر....
وللحديث بقيه؟؟؟
امووونه

 

[DARK ANGEL]

مع اعتذاري الشديد لكل الأخوات اللي
قالوا اكسبيه ودلعيه..... يا جماعة الخير
الموضوع أكبر من اكسبيه ودلعيه.... الموضوع
فيه ظلم كبير للزوجه الأولى لأنه ما يعدل وما
يعطيها مصروفها ..... انا من رأييي في هالحالة لازم
دخل القضاء في الموضوع لأن مهما صار مب من
حقه يظلمها في المبيت والمصروف..........