سفر الازواج وردات فعل الزوجات

[شمالية شرقية]

مفروض علي ان كل سنه زوجي يسافر مع اصحابه لأحد الدول العربيه او الاجنبيه


ولما يرد من السفر سنه يمشينا وسنه لا
طبعا داخليا

واللي يعور قلبي
اني مابيه يروح مع ربعه لانهم مو من الرفقه الطيبه

شنو مفروض اتصرف
مع العلم انه مسافر اللحين
ولما قلت ما ارضى انك تسافر
قال انا مو داق استأذن انا داق ابلغك
وسكر بوجهي وراح


بموووووت من الحره
وفوق هذا مايدق علينا
مع انه خلوق بس وقت السفر ينسانا :dunno:

 

[الحلوة فيهم]

ماراح ينفع معك شي مثل تحنين قلبه عليك وعلى عياله
مثلا قولي العيال يسألون عليك كل شوي اذا قامو من النوم واذا جو ينامون يكسرون الخاطر
وهو مسافر ممكن تقولي أنا اكتشفت اني مااقدر استغني عنك ولا لحظة انت صرت مثل الهوا اللي اتنفسه
ممكن تمثلي المرض بعد سفرة وتقولي أحس جسمي يتعب اذا ابعدت انت (والكذب يجوز عالزوج)
المهم اشتغلي على ترقيق قلبه عليكم وانكم تستانسون واجد اذا سافرتو معه وطعم السفرة معه غير مع اي احد غيرة وانك تعدين الايام اللي تسافرين فيها
واذا كان عيالك كبار ممكن تقولي اليوم سمعت بنتك تتكلم مع بنت عمها وقالت اننا بنروح مع بابا المكان الفلاني وبنتك نزل من عينها دمعتين وسوت نفسها شي دخل بعينها وانا يوم شفت هالشي خنقتني العبرة ومن هالكلام لحد مايلصق بكم

 

[lavender94]

فتحتي جروحي يا شمالية شرقية
زوجي مسافر من 10 ايام و راجع بكرة
من سافر و انا ما اتصل فيه
لنا 14 سنة متزوجين .. و هو دايماً سفر مع الربع
منتهى الأنانية و البخل
الله المستعان
و أكثر شي قاهرني أن ربعه كلهم سفروا زوجاتهم أو بيسافرون معاهم بعد ما يرجعون
لكن أنا ما فكر فيني .. و لا حس بالقهر اللي في قلبي
حسبي الله و نعم الوكيل

 

[برلنت]

الله يعينكم
ما اعرف بشو انصحك بس الصراحة شي يقهر

 

[الحب الوحيد]

واللة ماتقدري تردية حتى لوسويتي الي يبغاه
لاكن انصحكي تلجائي للي خلقكي وادعي ان اللة يحنن قلبة عليكم ويعطية القناعة واللة يوفقك ياقلبي ويرده اليك عاجل غير اجل واللةيسعدك تدعيلي ان اللة يهدي زوجي ويسخرة لي ويفرج همنا

 

[lat242]

حني عليه يسفركم قولي مثل ماستانست وسافرت انا من حقي اسافر مع عيالك ولا حاولي تحسسينه بالمسؤلية
وقولي له عطني المصروف علشان اسفرهم مع محرم اخ ولا ابو المهم يحس ان انتوا تبون تغيرون جو مثله جربي ومب خسرانة وبيتفشل انه يخلي هله مسؤلين من غيره

 

[نظــ جديدة ــرة]

هلا أختي..والله يعينك على ما بلاك..
أنا من راي إذا اتصلت عليه أو أهو اتصل ..انصحك ثم نصحك لاااااااااااتعاتبيه..تكلمي معاه بهدوء وخلي كلمك جذاب بهمس قوليه مثل أنا ولحانه عليك يعني أنت أخبر..من هالكلام.الحلوووووووو:a194:...يعني جربي معاه الاتصال اللفضي....كلام حب وغرام..والله أني مجربة:a084:...ونفع
وإذا جاء خليك راااااايقة...:c007:.
وشكرااااااااااا.

 

[نارمين]

نظرة جديده . والحلووه قالو وكفوو ولله احسن حل

انا جديده في الزواج وزوجي يجس نبضي من ناحية السفر لحاله وانا خااايفه انه ياخذ عليه

 

[كوين فيكتوريا]

لا تزعلين نفسج
خليج عاقلة وونسي نفسج ولا تهتمين
بيحس انه مقصرمعاج
ولا تخافين عليه مب طاير ولو سوا شي غلط هاذا بينه وبين ربه هو بيحاسبه
انتي مب مسئولة عنه ولا تحرين نفسج

 

[شمالية شرقية]

الله يكون بالعون


بس الاستاذه ناعمه تقول
لا تودعين الزوج وداع حلو وليله رومنسيه ولا تستقبلينه بعد رجعته بليله رومنسيه وكلام حب وشوق
وقالت بعد لاتحطين رسايل غرام بين ملابسه
عشان هالتصرفات تشجعه على السفر كل سنه
والمفروض يوقف مو يستمر
لانه رب اسره ومسئول عنها


منو سبق وقرت او سمعت نصايح من الاستاذه ناعمه
ياليت احد يرد

 

[جمانه القلوب]

حاسه فيك والله انا والله قلتله قبل ماتزوجك سافرت وشبعت الحين خلاص وراك عيال ولاتخرب بيتك بيدك اختار يانا او السفر انا ماقدر اتحمل طبعا ماصدق اني اقول هذا الكلام وزعلنا شهر وسافرت معه بس نكد علي في السفر بس بكيفه لا يروح لحاله ونصيحه اذا سافر لاتبينيله انك مشتاقه ولاتكلمينه خليه اهو الي كلم ولا تردين على طول وبين له انك مشغوله ودايم طالعه ومبسوطه ولا تعلمينه وين رحتي وين جيتي خليه ينقهر

 

[رداء القمر]

نا زوجي مسافر الان وبيرجع بكره كيف استقبله وكيف يكون تصرفي

 

[امار]

تكفين انتي دستي على الجرح وانا احاول انسي نفسي
وعن نصيحه ناعمه الهاشمي الي انتي كاتبتها انا كنت
ومازلت اطبقها والحمدلله انها طلعت صح مع انه اجتهاد
شخصي ولاسف اهو ماشي عقب بكره ويارب
الهمني الصبر وكل الي يعانون
نفسي:icon28:​

 

[مصباح]

شوف يا اخواتي على حسب سفر زوجك ان كان راعي دين ويبغى يغير جوا معليش عطيه فرصه بس مع الدعاء له ان يعصمه عن مايغضب الله ويكون علاقتك معه وسط في سفره من اتصال وسؤال واستقبال.

اما ان كان زوجك من نوع آخر الازم يكون لك وقفه معه على حسب شخصية زوجك والدعاء له في ظهر الغيب وأسال الله ان يعصم ازواجنا من كل شر .

 

[madam M]

شفيهم الرياجيل استخفو و قعدو
كل واحد على باله مراهق
ضاااااااايق خلقي :icon28:
زهقااااااااااااااااااااااان:no:
طفشاااااااااااااااااااااااااااااااااان:flex:
و الحل :idea:
بسااااااافر و أهج عن وجيهكم
صج أنانية منهم ،، يعني احنا يالحريم اللي قاعدين نربي عيالنا و شايلين مسؤوليات أكثر منهم
بعد ليش احنا يالحريم مانسافر و نهج عن وجيهم:icon30:
صج تنرفزت


أختي إذا تبين نصايح الأستاذة ناعمة عن سفر الأزواج
بتلقينها في قصة بائعة الايدز
في ((قصص و حكايات ))​

 

[رداء القمر]

الاخت مصباح ردك مقنع ويريح والله يلهمنا الدعاء لهم

 

[حبيسة دموعي]

الله يعينك

 

[البحر غدار]

انا متعودة على سفر زوجى كل شهر شهرين رايح على شرم الشيخ رايح على تركيا رايح علىدبى الافندى بيمل من الشغل وبدو يتسلى بس بصراحة برتاح كتير لما بيسافر وباخد راحتى عالاخر من مشوار لمشوار بحط ولادى بالسيارة وعلى زيارات ومطاعم والله معه

 

[**دنياالوله**]

الله يعيننا واياك يارب...

 

[الورد والريحان]

يعانون من هذه المشكله

افيدونا يالخبيرات

الله يردهم لنا ويحنن قلوبهم علينا