سفر الأزواج..وتستمر معاناة الزوجة إلى مالا نهاية....................

[طموح الروح]

يسافر..ويخليج بروحج مع عيالج..بمناسبة شنو هالحركة هذي تصير؟؟؟

مو انتي طول السنة محبوسة في البيت نفسه.. ومضغوطة تلبين رغباته هو وعياله؟

شنو المناسبة اللي تخليه يسافر وانتي تتمين في البيت؟

اي محامي بيدافع عنه قولوا لي....

و مو بس جذي.. انا الصراحة مو شاكه فيه 100% يعني 70% تقريبا نسبة شكي فيه..لأن ربعه اللي يروح وياهم يزعم اوك...والله اعلم لأنه ياما تحت السواهي دواهي...

شاسوي؟ مشكلة عويصه الصراحة.. مانقدر نيودهم واللي براسهم يسوونه..

وانا من النوع اللي زوجي كأنه صديقي يعني عادي نتكلم في كلشي.. حتى في سالفة التعدد والزواج الثاني..وكنت اقوله من ضمن الكلام إن الواحد يتزوج 4 ولا يروح يخون زوجته ويجيب لها الأمراض....

يبي يسافر في إجازة العيد هذي..مع ربعه.. شاسوي شيروا علي...لا تقولون لي روحي شاركي في دورة التعامل مع الزوج الخائن.. لأني من البحرين ومادري بسالفة التحويل وماادري اي بنك وماعندنه بنك الراجحي...ووووووووووووووووووووو

تصدقون حتى لو مافي باله السفر ربعه يحدونه..الله يرد كيدهم في نحرهم..

الصراحه أخر مره يه في بالي اقوله يا انا يا السفر... ومااظن الخيار في صالحي ولا ذي الحركة..
ابي اسوي شي صج..يعني اقوله مثلا خلاص تبي تسافر سافر طول السنة..بس لاتجيني ولا تسكن معانه في البيت وخلني بروحي اربي عيالي وباغسل يدي منك..لأني اهو شي عندي نفسي وانا أخاف على نفسي من الأمراض..وانا ماادري شنو تسوي في السفر ومن هالكلام....

حتى مره سألته سؤال.. وانا ادري إنه سؤال غبي ..اقوله ليش الزواج يحبون يسافرون بروحهم؟ علشان يلعبون وإلا شنو؟

إلا يقولي اريح بدونكم ونصير خفاف ومن هالكلام ..إلا اقوله معليه تبي سفره خفيفة خلني اسافر معك بدون اليهال بتكون السفره خفيفه...

لوعوا جبدنه هالرياييل من سالفة لي سالفة.. خلصوا أعمارنه وهم ماخلصوا سوالفهم البطاليه العطاليه...

الله يبعد عنهم عيال الحرام من بنات وشباب.. ويصبرنه على البلوه


في إنتظار تجاربكم.. ولمحاتكم من إستراتيجيات التعامل مع الزوج كثير الأسفاااااااااار

 

[الله يعين الروح]

حبيبتي

الرجال اذا حط في راسه سالفة السفر راح يسافر سواء انت راضيه عن السفره والا غير راضيه يعني في كلا الحالتين المرأه هي اللي تتعب نفسها وتعيش الضغط النفسي بسبب هذا الموضوع

لكن ما في غير حل واحد اجزم انه راح يجيب نتيجه

انك توكلي امرك لله وتخلصي في الدعاء وتلحي على الله انه يصرف نظر زوجك عن هذه السفريات وان لا يسخرها له

وصدقيني مع الوقت راح تلاقي نتيجه باذن الله بس اهم شي لا تستعجلي بالنتيجه وتقولي من زمان ادعي ولا تغير شي

الا ما يكون هناك نتيجه ترضيك ان شاء الله


اللهم سخر لنا ازواجنا وابعدهم عن الحرام يا كريم يا رحمن

 

[طموح الروح]

هلا بيج هلا... اي صاجه حبيبتي الدعاء يسوي الهوايل.. اهم شي إخلاص النيه والتوكل على رب الأرباب

مشكورة على المداخله.. في إنتظار أراء البقية...

 

[bebeya2008]

انا ريلى يموت على شى اسمو سفر فى كل المناسبات يسافر ويخلينا

 

[ناعمه الشمرى]

عاد انا رجلى غير رجالكم من عشاق المغرب العربى وبجداره الله يجعل حيلهم بينهم ويشتت جمعتهم ويورينى فيهم عجيب قدرته

 

[ادعولي بالزواج]

ياحرام ...
بس انا مومتزوجة بس اعرف وحدة من صاحبتي زوجها على قد حاله ويجمع راتبه وبعدين يسافرفي الصيف لي اندونسيامع الشباب وهي مسكينة تكسرالخاطر الله يكون في عونها
والله يرزقني بالزوج اللي يستاهلني قول امين

 

[جورية 99]

اذا جاء مسافر.....خليكي مكشخة...واقراي في يدك المعوذات (وانتي في نيتك شياطين الانس والجن)

وامسحي علية...وقولي لة استودعتك الله الذي لا تضيع ودائعه....وعيشي حياتك لان الله معاك..

 

[مايصحش هالحتسي]

الي براسه شي بيسويه
لاتعبين عمرك ياختى وسوي الي تقدرين عليه قوليله عيالك محتاجينك نحن ابدا من ربعك عساهم الماحي ولاروحي انتى وياه من دون عيالكم
عيشي لنفسك والحي بدعاء والله يرده لك ويبعده عن السفريات

 

[غير حياتك]

انا زوجي من هذي النوعية الي ليس لها ولاء اللبيت والحياة المهم نفسي وبس واللةكلامك صح انة اكثر من فكرة في بالي مرة اتطلق مرة ارمي عيالة في وجه وروح بيت اهلي طول الايام وانا افكر بس ما سويت حاجة عيالي احبهم وما اقدار افرقهم وزاد الطين بالة السهر في الايام العادية وديم مشغول وديم ما عندي فتحتي موضوع مرررررررررررة مضايقني وكثرات الكلام من قهري

 

[كلي احلام]

الله يكون بعونك

 

[رنا بلقيس]

انا زوجي بعد يحب السفر واي واحد من اصدقاءة يقله خاويني يفرح ويخاويه :tears: بس الحمد لله انا واثقة منه 100% ما عنده خرابيط بس يوسع صدره مع ربعه وبعد الحمد لله لانهم ملتزمين ويخافون الحرام ...

 

[زايد2009]

انا اقولك دخلي ابوك واخوانك بالموضوع وهم يسنعونه انا زوجي من عشاق مصر اخدت بنتي وجلست 5 شهور عند اهلي وجاني زي الكلب وكنت دايم اقوله مجرد ماتسافر كل واحد ينام ع الجنب الي يريحه يموووووووتووووووون من ها الكلام الرجال الله يهديهم بس

 

[صمت الجرح]

الله يعينك مافيه شي يمنعهم عن السفر اذا بغوه
تعبونا هالرجال بس وصلت لحل وبتبعه اني اطنش واعيش حياتي مثل ماهو مطنش وعايش لاني لو بموت نفسي مابيزعل عشاني وبيسافر بيسافر
قلت انبسط ليه اجيب لنفسي الامراض والضغط العمر مره وحده

 

[صدفه جمعتنا]

جبتيها على الجرح المشكله مافي شي يمنعه اني اروح معه مافي الا انا وهو وولد واحد
انا كرهت حياتي مليت من تزوجت وهو يقولي بروح مصر بروح مصر قسم بالله كرهتها
والحين مقرر يروح واسمعه يتواعد هو واخوياه ولا كاني موجوده
وش اسوي شورو علي مابيه يسافر ويخليني
احس اني مخنوقه متضايقه وهو مو حاس فيني