سفري وام زوجي

[سنتوبة]

:8:يابنات شورو علية انا ان شاءاللة ابسافر للشرقية في العطله لي سنتان من تزوجت ماطلعت لا ان الصيفية الي راحت كنت باالنفاس ولا رحت طلع امة وخواتة عمرة وبعد مشقة ووعود كاذبة وافق نطلع بس المشكلة انة ماعمري رحت للمكان الا اهلة معي وامة تقول اذا سافرتم ابروح معكم انا ماعمري اخذت راحتي مع زوجي بس معاناوقول لزوجي يقول هذي امي مقدر اقول شي امة علا العين وراس بس الواحد ياخذ راحتة وش اسوي اختي تقول قولي لبنتها بس باسلوب انك ماعمرك طلعتي ومن ها الكلام وش رايكم واللة اني ضايقة

 

[الخد الوردي]

كلمي زوجك بانه مره كذا ومره كذا وقوليله قبلها انه يمشي امه حتى ولو في نفس المنطقه ياخذها ويمشيها
وبعدها تقدرو تقولو احنا مسافرين ومن زمان ما رحنا مع بعض وما بنطول واذا عندك اطفال قليلها تمسكلك اياهم
وفهمي زوجك كل الرجال عندهم ام مو بس هو وانهم يطلعو زوجاتهم من غير امهم وقوليله ما عندي مشكلها طلعها لحالها وانا لحالي عشان ابغى اخذ راحتي وانه لو طلعتمعاكم شخص اخر انه بيسير الجو رسمي واحنا نبغى ننبسط ومو مشكله نطلع سوى بس مو دايما كذا وكذا ....
وان شاء الله يقتنع .......

 

[قمر بعيونه]

حبيبتي نصيحة اخت لك اعتبريها مثل امك واقري قصة موضي وام زوجها في الزوج والزواج شوفي تحلمت اللي ما ينطاق ما شاء الله عليها ورزقها ربي من اوسع ابوابه

 

[سنتوبة]

بس واللة صعبة هي بس تنقل الكلام لبناتها وانا ودي اخذ راحتي

 

[ياربي انصرني]

اولا هذي امه وان طلبت السفر معكم مستحيل زوجك بيرد امه 000
لازم تبرمجين نفسك على ذلك حتى لاتدفعين زوجك الى

للدخول في مشاكل وضغط نفسي بينك وبين امه

لازم تصفين نيتك ولاتعلمين يمكن اذا وقت السفر تغير رأيها وماترافقكم في السفر

اسئلي الله الخيره في ذلك000 وبالنسبه الى مشورة اخختك

اخشى ان تفهم قصدك خطأ وبالتالي تشعر ام زوجك انها غير مرغوبه وتتصادم معك او تزعل

الحي على الله بالدعاء ان ييسر سفرك مع زوجك من غير شر يصيب ام زوجك00 والله المستعان

 

[رازيا]

يا بنت الحلال خليها تروح معكم صدقيني بكرة الله راح يعوضك بسبب صبرك
وبعدين اتفقي مع زوجك السفرة الجاية لا تخبروا حد روحي بدون حد يدري
هونيها وتهون الحياة قصيرة يا عزيزتي

 

[القوية]

من حقك ان تتمتعي بسفرتك مع زوجك.......بس صعبة أنه يزعل أمه مشان يرضي زوجته........وانت ماترضيها.........وانشاء الله المرة القادمة تفاهمي مع زوجك على أن تكون سفرتكم مع بعض وأن لا يخبر أحد بها..........ربنا يسعدكم ويوفقكم

 

[تشكرات]

لا تقــولي لأختــه ولا لأيّ أحـــد ..صدّقيني راح تفهمك غلط....

ويمكن تكبر المشكله ....

قـــولي لزوجك فقط لا غير ....نروح مع أمك كم يوم ننبسط

وهي تغيّر جــو ..وأنت تكسب برّهـــا ....وباقي الاجازه تقضوهــا

سوا ...وهذا من حقّك ....صدّقيني ..زوجك ما راح يمانع طالما

فسّح أمّــه وأخذ برّهــا ....وأنتي أغريــه بالكلام الحلو ..وأوعديه

باجازه رومانسيّه ,,حتى تأخذوا راحتكم ...أعتقد هذه ما فيها زعل

بحول الله .....وربي يوفقك ...

 

[كببرتني ياهم]

الله يعين ويفرج همك احمدي ربك انتي بس امه انا الام والاخوات في كل سفره معنا مافي ولامرا نسافر بروحنا واذا سافرنا بروحنا يزعلون الله يعين بس ويفرج همنا

 

[الماسة الحب]

الله المستعان

 

[اللهم ازل همي]

اصبري واتحملي واتخيلي نفسك مكانها وان زوجة ولدك ماودها تروحين معاهم ويش يكون احساسك

وترى اللي في بيتهم واحد كبير في السن ربي بييسرله اموره ويببارك في اولاده وماله وصحته

وكما تدين تداااان

 

[دموعي شي معتاده]

ياشين اللقافه
تطلع معهم ماقلنا شي
بس مو كل طلعه ترز نفسها عيييييييييييب

كلمي زوجك وقولي له نفسي اكون معك لوحدنا مامره
رحنا لحالنا

 

[الأستاذه حكمت]

لو انا مكانك ماأسافر لاني مستحيل بستانس مع امه...طيب عندي فكره حلوه!!!!!!!!!!

خليه ياخذ امه وخواته ويمشيهم بالشرقيه كم يوم واذا رجعوا تروحين انتي وياه وبس

وكذا هم انبسطو وانتي خذتي راحتك ومحد بيزعل..

 

[ناصرة المظلوم]

من حقك ان تتمتعي بسفرتك مع زوجك.......بس صعبة أنه يزعل أمه مشان يرضي زوجته........وانت ماترضيها.........وانشاء الله المرة القادمة تفاهمي مع زوجك على أن تكون سفرتكم مع بعض وأن لا يخبر أحد بها..........ربنا يسعدكم ويوفقكم

كلامها صحيح وانا معها ومؤيدة لرأيها

 

[أحلى لولي]

قولي له باسلوب حلو انك تبينه لوحده وتبين تفلونها بدون قيود واقترحي له انه يقول لأمه ان سفرته انتداب ويبي ياخذك معه تونسينه وان ضروفه الماديه زفت واحتمال حتى ما ياخذك على حسب الظروف عشان ما تفكر تضغطه ماديا وفاجأوهم ساعتها وودعوهم وكمان تسهلينها عليه بهاذا الأقتراح عشان مشاعر امه وهو بيفهم ان مشاعر عمتك تهمك

 

[قطـــــريه]

يعني يقول لامه لا ! نصيحة انتي اطلبي منه ان امه تروح معاكم كل مره وحني على راسها تروح معاكم .. الله يهدي بعض الحريم