فديت الي يفدآني
New member
- إنضم
- 2010/02/16
- المشاركات
- 275
سأقولها لك باللهجة العامية >>>> الله عليك ياللغة العربية ... هع
السؤال الغبي الأول... أنتي الحين بغرفتك منسدحه بفراشك ... ومطفيه النور ... فجأه يدخل عليك أخوك أو أختك ... ويفتح الباب ويقول لك بتنامين ..؟
(لا برقص - أكيد بنااام..!!) ههههه
السؤال الغبي الثاني ... أنتي لابسه وكاشخه وقاعده تمشين بالبيت متجها للباب ... فجأه يشوفك واحد من أهلك ...ويصرخ عليك ويقول بصوت عالٍ (هاااا بتطلعين ..!!)
لا بجرب الباب زين ولاّ لا ... خخخخ
السؤال الغبي الثالث ... الصراحه سؤال خطير..!! أنتي قاعده بغرفتك وماسكه الكتاب قاعده تدرسين ... يدخل عليك واحد من أهلك يقول لك ...(هاااا قاعده تدرسين ..!!)
لا أفرش أسناني..!! هع ... يعني ماسكه الكتاب بالله عليك وش أسوي..؟ أكيد أدرس..
السؤال الغبي الرابع... لا وتعالوا شوفوا قنواتنا العجيبه وأسئلتهم الغبية ...
مثلاً "بعيد الفطر المبارك" ... يقابلون واحد من الناس شوفوا الحوار:
المذيع: مرحباً عرفنا على أسمك..؟
المواطن: فلان الفلاني.
المذيع: شنو تقول لأهلك بالعيد..؟!!
المواطن: أقول لهم كل عام وأنتم بخير.
(لا بيقول لهم: منك المال ومنها العيال) ... هع
يعني السؤال تحفه ... والمذيع ومعد البرنامج أتحف على هالسؤال.
السؤال الغبي الخامس ... والأسخف من هالبديهيات اللي تضيع وقتنا ... إذا قابلوا الأطفال.
يقول المذيع للطفل: أنت تحب ماما وبابا..!!
(لا أحبك أنت ووجهك) ... خخخخخ
سؤال بصراحة غبي..!!
السؤال الغبي السادس ... برنامج مسابقات على الهواء:
المتصل: الووو ... السلام عليكم.
المذيع: وعليكم السلام ... هلا وغلا.
المتصل: ممكن أشارك..؟
(يعني أنت داق علشان تشارك ... ليش تستأذن يالغبي !!) ... من زود الأتكيت يعني ... ههههه
يعني أسئله غبيه مثل هالأسئله ماشفت ...يالله في أمان الله
لحظة نسيت أسألكم : أنتوا قاعدين تقروأ الرسالة الحين..؟ ... هع
ج: لا قاعدين نخيط..!!
تقبلوا خالص ... ودي ... وتقديري ... واحترامي ... وحبي ... وتحياتي ... لكم
و ابي اشوف ردووودكم>> شوفوا المصلحه بس خخخخخ
