سر سفر الازوج دون زوجات.....موضوع للنقاش

[ام قلبها]

ذكرتوني بقصه رفيجتي سافر زوجها لاحدى الدول العربيه لمده 4ايام فقط على الرغم انه ملتزم لاكن بعد مارجع قلبت عليه زوجته وسوت الهوايل تقول انت متزوج عليه و24ساعه وهي جالسه تبكي وجاتها خالتها ام زوجها ب مويه مقري فيها تحسبها تعبانه او فيها عين

 

[ام قلبها]

ذكرتوني بقصه رفيجتي سافر زوجها لاحدى الدول العربيه لمده 4ايام فقط على الرغم انه ملتزم لاكن بعد مارجع قلبت عليه زوجته وسوت الهوايل تقول انت متزوج عليه و24ساعه وهي جالسه تبكي وجاتها خالتها ام زوجها ب مويه مقري فيها تحسبها تعبانه او فيها عين

 

[حلاة العين]

الا هذي كأني ادخل عرين الاسد:santa_1: لمااقول ليش لازم تسافر مع ربعك..وعذره ان التكاليف اقل ولازم يوسع صدره..واذا مل من تزعلي ومناقشتي:icon1366: قال بكيفي حلالي وحر فيه:busted_red:...
بس بالدعاء( وبعض نصايح ناعمتنا الله يخليها لنا ولا يحرمنا منها) قدرت الغي اغلب سفراته حتى آخر سفره انلغت 5 مرات:blow:...
طبعا بعد ما عوضني عن هالسفره اللي انلغت بمبلغ وقدره كتعويض:icon31اخذته قبل تلغى السفره:thumbdown<<<< توي اصحى:cupidarrow:


ولازالت الفكره برااااااااااسه:detective2:....ولازلت بالدعاااااااء

 

[فراشة القمر]

اممممممم
الموضوع اليه اكثر من وجه
يعني الرجل والمرأة بعض الاحيان محتاجين يبعدوا عن بعض حتى يشتاقوا
انا ماني ضد سفر الزوج مع اصدقاءه لكن مو يزودها
يعني سفرة وحدة في السنه لمدة كم يوم مارح تضر وبالعكس
في هالفترة احاول اعيش وياه فترة الخطوبة مرة ثانية
غير اعرف مع منو رايح .. انا ماارتاح ادا قال رايح مع عزابية
لكن احلفه بالله ينتبه على نفسه مو علشاني لا علشانه هو

وبعد الوحدة اذا حسست زوجها انها السجان راح يطق منها
لا اشترطي عليه من الخطوبه انك مارح تمنعيه لكن في حدود المعقول

الحمدلله زوجي مايحب اماكن الملاهي والخرابيط
وهم المادية ماتسمح يروح اماكن بعيدة او يطول
لكذا عاطيته الحرية


الله يسخر ازواجكم لكم

 

[ميساء احمد]

انا ضد سفر الازواج بدون زوجااتهم... خصوصا ادا سياحة لو شغل تهون شوي بصراحة كل الي تركو ازواجهم يسافرو لحالهم ندمو لان ازواجهم تمادو واادمنو على السفر لوحدهم والسبب معروف طبعا ..والشيطان شاطر

 

[مو اي شيخه]

اذا حقيقه الرجل نضيف اقول الله بهنيك ومع السلامه
بالنسبه لي سفر زوجي لي عيد واكبر فسحه لي ليه
استغل الفرصه ادلع نفسي افسح عمري ما اجلس ابكي
على غيابه ةهذي نصيحه للي تحب النكد

 

[أجوااااان]

تدرون انا صار له شهر يسافر يومين ويرد وعلى ذا الحال بس كله شغل وكل اليل يكلمني بس انا بعد مليت

 

[ربيعه]

اذا هو فبلده ماشي سيده لا يروح يمين ولا شمال ماعلية يسافر بس كل 3سنوات مره تكفى والباقي معه:::::::::

 

[همس الامواج]

زوجي حارمني من السفر وانا بموت ع السفر وقبل سنه كلموه اصحابه على السفر وانا رفضت سفرته وقلته مدام حارمني انت بعد محروم ..........
وبصراحه لاأويد سفر الزوج مع العزابيه والمتزوجين الخربنين اخاف يوثرون عليه وخاصه انهم يجيبوا شغالات وهذا يخوف يكفينا الله شرهم ويعمي زوجي عن السفر الا معي ​

 

[أكسجينة]

الحقيقة أن الابتعاد عن جو المنزل لفترة زمنية بسيطة يعني بالكثير أسبوع .. يعد فرصة ممتازة لتجديد الأجواء العائلية والخاصة بين الزوجين وخاصة لو زوجك هو الي سافر .. كنت اتضايق جدا من سفر زوجي رغم أن أطول سفره سافرها كانت خمس أيام .. ولكن كانت كأنها خمس أشهر كان يعود متجدد النفسية ليجدني مكتئبة وماده البوز ولا حتى أبغي أطالع وجهه .. .. لكنه لم يكترث بل زاد في عناده .. وأخذ يزيد عدد مرات سفره في السنة مع أصدقائه .. ومع التكرار ولأني شاطره فكرت زين بيني وبين نفسي وسألت نفسي هذي الأسئلة ..

إنتي واثقة فيه ؟؟؟ نعم .
واثقة في حبه ؟؟؟ بالتأكيد .
يجيك متغير وإلا ملهوف ؟؟؟ ملهوف .
يتذكرك بالهدايا ؟؟؟ أكثر وحدة وبالذات قمصان النوم ..
يتصل فيك باستمرار ؟؟؟ نعم .

وبعد هذه النقاش الذاتي عرفت إن الي أسويه لعب عيال وماله داعي .. وقمت ابحث عن الأشياء الي تجدد حياتي ونفسيتي وما أخلي في خاطري شي إلا وأسوية وكنت مثلا:

اجدد عهدي الديني بيني وبين ربي ..وهذا أهم شي ..
استغل وقت سفرة في إعادة نظارة وجهي وجسمي بالاشتراك في صالون متخصص ..
استغلال الوقت بجرد المنزل وغرفة النوم ودولاب ملابس النوم واشتري الجديد ..
اجلس فترة أكبر على النت وابحث عن آخر صيحات الموضة وأفكار الجنس الحلال ..
اجلس عند أهلي وقت أطول ولو حبيت أبيت عندهم ما في مانع ..
وقبل ما يجي اتجهز بالحنا والذي منه ..

بصراحة قمت أحس إني في كل سفرة من سفراته أرجع عروووس وهو يأكد لي هذا الشي ..
وكنت أجاوبه عن أسئلته إنتِ وين أنا في الصالون
كنت أعمل حمام مغربي أو كنت في غرفة المساج
أو في محل نعومي يعني المهم مو في البيت ..

والنتيجه الأجمل إن سفراته قلت من خوفه لا أتعود على غيابه .. وتعجبني الهياته.. هههههه ..

شكرا على الموضوع الرائع
​

 

[مغتربه حزينه]

ربي اشرح لي صدري واهدي زوجي وحببه في وفي السفر معي ياحي ياقيوم اللهم ارحم حالنا انا واخواتي المهتمات

 

[الواوا]

اصلا مايقهرهم الا اذا عرفو ا انك مبسوطه و طالعه و داخله
لسى وحده من صديقاتي زوجها الغى سفره مع انه متعود كل شهرين يسافر،لانه سافرت آخر مرة لما سافر الأخ وبسطت عمرها مع اهلها.

 

[أم ريم 22]

أخواتي الفاضلات الموضوع رائع فعلا وأنا بعد من الناس اللي تعاني من كثر سفرات ريلها
بس واللة الريال لو يبغي يسوي شي حتي لو في البيت محد يقدر يردة غير ربة وأدعولهم بالهداية
أنا ريلي أول ما يحصل إجازة يفكر بيسافر ويا ربعة علشان يرفة عن نفسة من المسئولية والتعب .هذا واللة أعلم
ويوم كنت أزعل كان يكذب عيل ويسافر بحجة الدورات والشغل الريال يعرف كيف يكذب صح .....
بس انا ها السنة إن شاء اللة واعدني بالسفر .........وهنية انا قررت إذا ما راح يوديني راح أسافرويا أخوي ..........واخذ عيالي وهو برايرة رضى ولا ما رضى يروح معانا............








وإذا ما