سر جمال شعر الفلبينيات هو hair rebonding

[التفاحة الصغيرة]

:40:اصلا شعر الفلبينيات مب حلو مثل ما احنا نعتقد عندهم سر اسمة :clap:
hair rebonding
ايخلي الششششششعر سايح جنة مسشوووووووووور

 

[عواشه 2012]

شو يعني هذااا وكيف

 

[التفاحة الصغيرة]

اكتبي في قوق hair rebonding. او في اليوتيوب عقب []بجوفين[/ كشط الفلبينيات قبل hair rebonding

 

[التفاحة الصغيرة]

قصدي كشش الفلبنيات قبل العلاج

 

[حنونه ومجنونه]

يصير ليش لا

 

[هتاف العتيبى]

بس هم اشعورهم ناعمه من يوم هم صغار

 

[سنفوره عسل]

مرحبا بنات حبيت اشارككم بها التجربه
​

فعلا انا جربت الدوا هذا واللي دلتني عليه وحده فليبينيه تشتغل بصالون وانا زبونتهم من زمان وهي حبت تساعدني وفعلا سويته ووايد ارتحت وماصارلي اي اضرار بالعكس شعري طول بسرعه مع ان نموه كان بطئ يعني هو علاجي و بنفس الوقت يخلي الشعر يلمع ويبين ان هو صحي بس اهم شي لما تسوينه ماتكونين حاطه صبغه او حنا

واللي عندها استفسار انا مستعده اساعدها

 

[ام لمار2010]

معليش تقولين لينا هو عباره عن ايش كريم او شامبو او ايش ومن فين اشتريتيه وبكم
وجزاك الله الف خير ياقلبي

 

[مللت الإنتظار]

مين جربته يابنات ؟

 

[R&S]

من جد اتحمست اللي تعرف تقولنا

 

[روح الطفولهa]

يعطيك العوافي خيتي

 

[الووووو a]

تكفون قولولي هوا كريم ولا زيت ولا ايش بضبط

 

[دعج الاعيان]

اللي فهمته انه علاج مثل الكيراتين والسيراميك بس صحي اكثر والله اعلم

 

[owl city]

لاحبيبتي ماعندهم سر ولاشي الدول الاسيويه (الصين -الفلبين-اندوسيا-كوريا-اليابان-تايلاند)
العرق المغول طاغي عليهم عشان هم كيذا شعورهم ناعمه
وانا دارسه الاصول والاعراق

 

[سوسواه]

ما اعتقد انه هذا اهوا السر ؟؟!!!!!

اهما شعرهم جذي .. بس يمكن اذا حاله شاذه وحده شعرها مجعد فتقوم تسوي الريبوندنغ .. عشان ما يطلع شكلها غير عنهم .. هههههههههه

بس آنا جربته الى بنتي .. و ماشالله على شعرها طول اكثر و صار يلمع ...
سويته لها لانها ما تهتم او ما تعرف شلون تسرح شعرها .. و مستانسه عليه ..
و كنت قبلها مسويه لها الكيراتين .. بس مب نفس الريبوندنغ مع انه الكيراتين اغلى ...

على فكره .. الريبوندنغ ما يسوونه كل الصالونات مب لانه ما متوفر .. لانه مملل.. يطوول وايد .. يمكن اقلها ساعتين اذا مب 3 ساعات ...

و في بعض الأحيان من 6 الى 8 ساعات على حسب نوع و طول الشعر ...
الطريقه انهم يحطون الكريم عالشعر اللي مغسول بشامبو بس بدون بلسم ..
يجففون الشعر و يحطون الكريم و بعدها لما الشعره تسيح و تصير سيده (يمكن عقب نص ساعه او ساعه ) و يقومون يغسلونه .. و يجففونه و يردون يحطون الكريم نص ساعه .. و يغسلونه و يجففونه .. و مره ثالثه ثلث ساعه .. و يغسلونه و يجففونه .. و يكون الشعر حزتها روووعه .. لامع .. و بس بالهوا مال السشوار يصير سايح ...

خااااطررري اسويه ... بس شعري مصبوغ .. لازم انتظر 3 اشهر .. بس ما اقدر .. لاني كل شهرين اصبغ الجذور مال شعري ..

اتمنى اكون افتدكم ..

 

[جبيليه]

مشكوره غاليتي

 

[shiery]

يعطيك العافية اختي
بس كم سعره وين يوجد بالسعودية؟

 

[التفاحة الصغيرة]

سو عنه بحث في قوقل بتغيرن. رايكم. 180 درجة بتنصعقون. تري هو ايناسب الي شعرها مموج او مجعد. او حتي العادي ما عدا الشعر السايح

 

[التفاحة الصغيرة]

يتواجد في كارفور او في محلات الفلبينين وسعره 45 درهم

 

[الحمدلله فرجت]

يعني شعري ما ينفع