بسمة رجى
New member
- إنضم
- 2009/06/19
- المشاركات
- 180
السلام عليكم حبيباتي ان شاء اللله بخير وتمام العافية ورجالكم عساهم مهديين معاكم معني أشك إلا من رحم الله ................. ما علينا المهم أنا مشكلتي كالعادة وبختصار ويمكن اللي إطلع عليها يعرفها وهي إني زوجة ثانية ولكن بموت من القهر من زوجي اللي ما عنده هم الا كيف يرضي زوجته الأولى وما يزعلها ولو هي زعلت تعالوا شوفوا أنواع الإكتآب واهم والغم المهم هذا شي راجعله وبيني وبينه الله لأنه مو عادل من ناحية المشاعر زوجي العزيز متشارك هو وزوجته في عمارة وطبعاً عطاه النص وأكثر طبعاً فهي ساكنه في دور كامل وحوش وسطح وملحق سواق وملحق فوق السطح وتاخذ أجار شقة كاملة وأنا مسكني في شقة بدون حوش ولا من حقي أطلع الحوش ولا السطح وبرضه ما علينا رضيت وسكت وهنا المشكلة هي فضلت تزن على دماغة خرجها من العمارة أنا حيل متضايقة ومقهورة وما أباها في العمارة وسأل زوجي على وجودي في العمارة قله دامك حاطها في نصيبك ماعندك مشكلة المهم هي زنت لحدت ما خرجتني من العمارة وبرضه ماعندي مشكلة وصابرة وسكني في شقة بعيده عنه وبرضي صابرة وساكته ما أبغى أخسرة ودحين زوجي قاعد يبني عمارة ثالنية وعرض عليها تشاركه في البناء ووافقت بشرط ما يسكني بالعمارة الجديدة مع أنها عمارة سكن وكبيرة وعبارة عن شقق يعني استثمار ولما أفاتحه بالموضوع يقلي وين المشكلة خليك ب ألأجار وأنا نفسي أسكن ملك وأرتاح حتى من باب أنه أولادي ما يحسه بالنقص أنه أخوانهم في بيت ملك وهم في بيت أجار ولكن لا حياة لمن تنادي كل همه يسوي الشي اللي يرضيها ويش يقلي الأخ ما أحب أحس اني ظالمها هي موظفة وراتبها عالي وهذا فضل من الله الله يرزقها وإياها ولكن سبحان الله هو إذا عطاني مية ريال يقولي لازم أعطيها مية مثلك مثله أقوله زيدني شوي وهي ماهي بحاجة ميتك يقولي ما معي أزيدها ما أقدر أزيدك ويخليني بفقري وانا ما عندي دخل غير الله ثم هو والمصيبة أنه هناك أسمع يجيب السمك والحاجات واللحم والله أشوف بعيني وما يجيب ولما أقوله يقلي لا تحاسبيني ولا تطفشيني ولا ترى أطلقك وأفتك منك وبعدين ما أحد يلزمني أعدل العدل بالمبيت هذا عدل الشرع ولما يجيب شي عندي يفضل يقلي ذكريني أجيب لللأولاد زي ما جبتلكم ولما أعاتبه أقله طيب ليش كذا يقلي مدري إنت حظك مو قوي هي حظها قوي وبعدين هي يمكن تتدعي علي وش يضمني والله تعبت من التفكير وتعبتكم معي بس الله المستعان
