ساعوني ؟؟؟؟

[الماضي الجميل]

السلام عليكم يابلقيسيات ساعدوني تكفوووووووون ماادري عندي مشاكل لليل لكن هذي غير وترتني واشغلت بالي
المشكلة ومافيها زوجي كان مسافر ومغلق جواله وكنت قلقانه عليه مره لدرجة اني وسوست انه يمكن صار له شي المهم واثناء ماأنا قاعدة اتصل ع زوجي الا ويدق علي رقم غريب انا على طول رديت على بالي زوجي متصل من جوال اخوياه الا ورجال يقول ام فلان طبعا خلاص قلت هذا جايبلي خبر من زوجي قمت اصحح الغلط انا زوجته قام عرف بنفسه وقال انا زوج زميلتك فلانه طبعا انا مازلت ماني مستوعبه خوف وتوتر ومدري هذا وش يقول الا ويبكي ويطلب مني اني احل مشكلته مع زوجته الي هي زميلتي في العمل ويقول انصحيها هي راحت عند اهلها تبغي تتطلق انا ماتتخيلوا كيف كان وضعي قلقانه على زوجي واول مره في حياتي اتكلم مع رجل اجنبي حمواني ماقد رديت عليهم السلام من شدة الحياء المهم قلتله يسير خير وقفلت وقام ارسل يعتذر ان لجا ليه بس مضطر على قولته
الحين انا مرة خايفة اقول زوجي والا كيف اتصرف اخاف يورطني لانه يقول رد مني مجنون والله لو يموت ماكلمه ولا ارد عليه خايفة من ردت فعل زوجي تكفووووون انا خايفه وماودي زوجي يشك فيني يوم من الايام .....

 

[الماضي الجميل]

وييييييييييين البلقيسيات ؟؟؟؟

 

[اميره بكبريائي]

لا تقولين له ووحاولي تغيرين رقمك واذا دق عليك لاتردين عليه
كيف رجال زميلتك يدق عليك ويطلبك تحلين المشكله ليش ماعندها اهل احس انه ناوي شي كبير والله اعلم

 

[hadifa]

مو ضروري تخبرين زوجك كويس أنك قفلت الخط مع هذا الشخص

الحل غيري الرقم ​

 

[كان الحب لك]

لاتحذفين رقمك ---اشتركي في خدمة جوال كنترول واحذفي رقمه نهائي حتلى رسايله ماراح تجيك

 

[لمن يجرؤ]

مالك دخل ولا تجيبين المشاكل لنفسك وتخبرين زوجك


وياريت لو اتصل تستقوين اشوي وتقوليله انا بحاول اكلمها بس رجاءا اخوي لا تتصل على جوالي لان زوجي راح يسوي مشكله

بس

 

[صاحبة الليل]

لاتغيري رقمك
وخلك قويه معاه بردك
والبنات ماشاء الله ماقصرو

 

[نســـرين]

البنات ماقصروا لا تجيبين سيرة لزوجك نهااائي وهو سفههه لا تردين عليه ......

 

[cuteSusu]

والله أختي الغالية انتي أدرى بزوجك
البنات كلهم نصحوكي بعد اخبار زوجك
بس انا لو مكانك رح أقول لزوجي
بس طبعا هذا رأيي الشخصي
لأني أعرف شخصيتي وشخصية زوجي
أنا صريحة مع زوجي لأبعد الحدود
وهو يثق فيا ثقة عمياء بسبب صراحتي
وبصراحة انا احب اقول لزوجي عشان اذا صار شيء في المستقبل
وسمع من فلان ان مدري مين كلم زوجتك
يكون زوجي على علم من البداية
وابدا ما يشك فيا لأن تخبية الموضوع يدل على انك غلطانة
وانتي بصراحة ما غلطتي أبدا
بالعكس تصرفك طبيعي وعلى نياتك
انا قولتلك رأيي من وجهة نظري
بس انتي أدرى بزوجك اذا كان من النوع الشكاك او الصعب
ما عليكي الا انك تخبي الموضوع وتعملي حظر على رقم الرجال
او انك تحاولي تكلمي صديقتك وقوليلها
انك اسفة ما تقدري تتدخلي وتصلحي
الله يوفقك ويكتبلك الخير​

 

[دلوعةزوجي]

رايي تقولين لزوجك وتقولين كل السالفه لانك واثقه بنفسك وغير كذا حرام تخبين على زوجك
واعملي للرقم كنترول
تقبلي ردي وودي

 

[اموت في حبه]

اول شي عزيزتي تاكدي من الموضووع هل زميلتك زعلانه عند اهلها فعلا او لا ؟؟

وثانيا هو كيف جاب رقمك؟؟

واشوووف انك ادرى بزوجك وشخصيته والافضل انك تخبرين زوجك لانك راح ترتاحين لما يعرف بالموضووع وما تعيشي في قلق حتى لو حاول يتصل مرره ثانيه تديه زوجك يرد عليه ويكلمه

والله يوفقك

 

[تؤام روحي وقلبي]

حبيبتي لازم تقولين لزوجك

 

[الخط الفاصل]

تخبريه أو لا ...حسب شخصية زوجك

 

[perfume]

لا تخبرين زوجج بموضوع الاتصال هو خايف من صوب وانتي خايفة
خلاص السالفة مافيها شي ولا تشيلي هم ولا انتي كنتي مصدر الاتصال هو اللي اتصل فيج
حاولي تحلي المشاكل بينه وبين زوجته بس لاتخبرين زوجج

 

[زوجة تـــوتـــو]

والله البنات كبروها خاصه اللي يقولون خبري زوجك انا من رأيي سواء طيب او سيء لاتقولين له

ابد واتصلي على صديقتك وشوفي هو صادق لالا واعيد وازيد لا تقولين لزوجك ولا عاد تردين

على هذا المتصل سوي له حظر والله يوفقك

 

[حساير]

وانا رايي انه تخبرين زوجك وفهميه الموضوع من البداية وانك مارديتي الا مضطرة احسن شي الصراحة بين الزوجين والثقة المتبادلة بينكما واذا شفت رقمه مرة ثانية لاتردين عليه وخبري زوجك بكل جديد لانه في مواضيع تدسينها عن زوجك تكتشفين انه يعرفها من اي مصدر وراح يعصب عليك ويفقد الثقة فيك اذا اكتشف انه لك علم فيها ولم تخبريه

 

[سكون النجوم]

اختي انتي ماغلطتي

الافضل تقولين لزوجج كل شي

بس باالاول تعاتبينه .. وتقولين له كنت خايفه علييك موووت ... ذبحتني ذاك اليوم وانه افكر

ليش سويت هلون ... والله بغيت امووت

وبعدين يزعم لين يراضيج ويقرب منج ... قولي له ... حتى ذاك اليوم وانه ادق عليك ... اتصل علي رقم غريب ... وتم يتكلم وانه عبالي انه واحد من خوياك بيبلغنى بخبر مفج ... والله بغيت اموت .. والا في الاخير طلع زوج رفيجتي ويبيني اصلح بينهم

وعقب بيني انج مستائه من تصرف هالزوج .. وقولي لزوجج ... الحمدالله فديت زوجي الي يفهم مب هالانسان التافهه .. جايني انه .. وش اقرب له ... الله يعين زوجته عليه

يعني خلي السالفه كلها سوالف في سوالف ... وتحملي تخشين عليه شي

لأنه الاسرار مصيرها تطلع فيوم من الايام .. وبعدين صورتج صج بتتشوه جدام زوجج

 

[الماضي الجميل]

اشكر كل من تفاعل معي وأشكركن على ردودكن الرائعة
انا ارتحت للي قالوا ماأخبر زوجي فعلا احس انه ماينفع أخبره
وهذا الله يعينه على نفسه ارسلي يخبرني ان زوجته رجعتله ويتشكرني وانا والله العظيم ماأدخلت الا بالعكس من الخوف كرهت اني اكلم زميلتي
أنا كنت بين ناريين والحمدالله حذفت مكالمته ورسايله وباأشترك في الخدمه الي قلتوا عليه
مشكورييييييييين حبيباتي ماتقصروا