ساعديني يا دكتورة ناعمة

احصائياتى
الردود
16
المشاهدات
2K

Sun_Shine

New member
معلومات Sun_Shine
إنضم
30 أكتوبر 2006
المشاركات
84
مستوى التفاعل
0
النقاط
0
ساعديني يا دكتورة ناعمة


السلام عليكم ورحمة الله وبركاته ،،،

انا عندي مشكلة وماني عارفة شلون اتعامل معاها .. حاولت باكثر من طريقة واستشرت ناس وايد متخصصين ومعارف اصحاب خبرة بالحياة بس احس للحين ما لقيت احد يفهم معاناتي .. ابي ارتاح واحس اني اتصرف صح ومو غلطانة او مقصرة بحق احد.. ارجوك يا اخت ناعمة تساعديني باسرع وقت

انا عمري 31 سنة ومتزوجة من 11 سنة وعندي بنت عمرها 10 سنين وولد عمره 8 سنين والحين حامل الحمدلله ..

في بداية زواجي عشت 3 سنين حياة زوجية طبيعية فيها الحلو وفيها المر .. زوجي طبعه قليل كلام وما يعرف يعبر عن مشاعره بس كان يحاول ويتفاهم معاي وكنت مرتاحة معاه ..وكان يصرف على البيت

عقبها دخل مجال الاسهم والبورصة وتغيرت احواله .. طول الوقت تفكيره ووقته واهتمامه فيها ولا يحس فيني ولا في عياله ... كنت اتحمل واتغاضى ومرات انفجر لانه قام ما يهمه ازعل ارضى ارتاح اتضايق .. بس كنت متحملة وحتى ساعدته ماليا بقروض لتسديد ديونه .. علما انه من دخل هالبورصة ما قام يصرف علينا ولا اشوف أي ارباح من شغله فيها .. كله خساير وديون ...

من اكثر من 3 سنين انصبوا عليه بقضية شيك بدون رصيد وانحكم 5 سنين .. بس هو سافر برا قبل صدور الحكم .. اول شهرين راح هناك كان يدق علينا ويتواصل وكنت ابعث له فلوس لانه ما عنده .. اهله كانوا مو راضين عليه ولكني تدخلت واجبرتهم يتحملون مسؤلية القضية ومعيشته هناك .. وكنت احاول اضغط عليه انه يرجع وينفذ الحكم ولكنه رفض وقاطعني وصار بيننا قطيعة .. وكنت بين كل فترة اكلمه عشان يرجع بس كان يرفض ويقطع عنا ..

بعدين سعيت انه نستأنف الحكم ونحاول نظهر البراءة وكنت انا اللي اتابع القضية مع المحامي واهله وهو ولا يهمه اذا ما كنت ادق واقوله الاخبار ما يسأل .. وللحين القضية ما انتهت ...

هذا مختصر الوضع .. بس انا اللي مضايقني انه مو مستعد يتحمل مسؤلية اللي سواه .. تخيلي صار لي اكثر من 3 سنين عايشة بروحي مع عيالي بالكويت وهو برا متحملة كل شي على راسي.. وهو لا يدق ولا يسأل واذا دقيت عليه ما يرد او ما يبي اكلمه او اعاتبه على قلة سؤاله او اهماله .. انا ما انكر اني مرات اقول له كلام جارح واتنرفز بس من حر ما في قلبي والله .. تدرين انه ما نشوفه الا مرة بالسنة لمدة اسبوعين لا واحنا اللي نروح ونحرص مو هو .. ومن نرجع من السفر يرد على المقاطعة .. انا تعبانه وايد .. ابي احس اني متزوجة حالي حال الناس .. اوكي زوجي مسافر بس في طرق وايد الواحد يقدر يتواصل فيها .. بس هو لا يبي يتواصل ولا يرد علي ...
ودي اعرف ليش يعاملني هالمعاملة ؟؟ انا ماسكة بيته وعياله وقضيته ... وكل شي متحملته في سبيل انه يحس ويفهم .. انا مو من حقي اعاتب او ازعل من هالمقاطعة ؟؟ ياربي انا ماني حاسة ان امراءة متزوجة .. وللحين ماحنا عارفين متى تخلص القضية وهو بيقعد على الحال .. انا خلاص ماني قادرة اصبر .. جدام الناس انا متزوجة ومستانسة والله يعلم اللي فيني .. ماحد يدري من الناس بالقضية لاني متسترة عليها واحاول اتظاهر ان حياتنا عادية وماكو شي صاير ...

ارجوك دكتورة ناعمة ساعديني .. ادري في تفاصيل وايد ما ذكرتها .. بس مادري شاقول شاخلي

اذا في مجال احصل استشارة هاتفية او عالموقع بس تشرحيلي الطريقة

وجزاك الله خير والله يفرجها علينا وعالمسلمين
 

مرحة : )

New member
معلومات مرحة : )
إنضم
3 أكتوبر 2006
المشاركات
151
مستوى التفاعل
0
النقاط
0
رد : ساعديني يا دكتورة ناعمة

الله ياجرج ويفرجلج
والله اتوقع ان مشكلتج مو سهلة والحل عند رب العالمين ثم دكتورتنا
عسى الله ان ينفعك بها ويوفقك يارب
ماشالله عليج صبرتي وتحملتي مو شوي عسى الله لا يضيع التعب
احنا الحريم نعطي من قلللللللب واهما :harhar1: ولا بالبال ولا تقدير ولا يحزنون
الله كريم
 
معلومات القلب الكبير
إنضم
13 سبتمبر 2006
المشاركات
2,309
مستوى التفاعل
1
النقاط
0
الإقامة
في عالمي .. عالم الأنثى
الموقع الالكتروني
www.oonthaa.com
رد : ساعديني يا دكتورة ناعمة

وااي بعد عمري والله .. كل هذا متحملته !! .. الله يعينج انشالله و يصبرج :no:

حبيبتي والله انا عندي شك ابموضوع زوجج .. ما ودي ازيد همج

خلينا ننتظر و انشوف د الدكتورة احسن

قلبي معاج يالغاليه :in_love:
 

some1

New member
معلومات some1
إنضم
28 سبتمبر 2006
المشاركات
7,559
مستوى التفاعل
2
النقاط
0
الإقامة
Abu dhabi
رد : ساعديني يا دكتورة ناعمة

الله يصبرك حبيبتي وأحس انه عندك الأمل ما دمتي استخدمت هذا الإسم لك " سن شاين " ، يعني الأمل موجود باذن الله و لكني أستغرب منك ، متضايقة منه و متذمرة و حملت منه ؟؟

آخ منا نحن الحريـم ، طيبين و عطوفين والرجال آخر همهم و أنانيتهم كبيرة ،،،،

أتمنى أن تجدي القوة والجواب لدى الخبيرة الرائعة الإستشارية " ناعمة الهاشمــــي "

طمنينا عليكي ،،،



:no: :no: :no: :no: :no: :no: :no: :no: :no: :no: :no: :no: :no: :no: :no: :no: :no: :no: :no: :no: :no: :no: :no:
 

Sun_Shine

New member
معلومات Sun_Shine
إنضم
30 أكتوبر 2006
المشاركات
84
مستوى التفاعل
0
النقاط
0
اخواتي الحبيبات
(noori)
(القلب الكبير)
(some1)​

السلام عليكم ورحمة الله وبركاته ،،،

جزاكم الله خير على دعواتكم الحلوة واحساسكم المرهف ،، :a194:

ادري والله ماكو احد مرتاح بهالدنيا كل من عنده همومه وشقاه وبلاءه ،،، :tears: :tears:
انا ما يأست ولا راح أيأس من رحمة ربي الغفور الرحيم وادري ان شاء الله كل هذا تكفير ذنوب واجر وثواب ،،
بس ربي قال بعد خذوا بالاسباب اذا في علاج او حل لراحة نفسيتي وبالي ليش ما اسعى له ،،

كافي والله كلامكم الطيب حسيت جنه نسمة بارده على قلبي ووصل لداخله مع اني اول مرة اشترك بالمنتدى ،،

تسألين شلون حملت منه ؟؟ قلت لكم اذا سافرنا له يكون احسن شوي معانا ، وبعدين صراحة انا كان خاطري بياهل ،،
منه من غيره مو مشكلة :msn-wink: ،،، استغفر الله ربي يسامحني ،،، وكنت ادعي من زمان حتى من قبل لا يسافر لكن ربي ما كتب الا الحين ،،،

انا ناطرة رد الدكتورة على احر من الجمر والله كريم ،،،

الله كريم الله كريم يهون الجرح الاليم ،،، مادري ليش خطرت على بالي هالاغنية ،،

نسمع عنكم الاخبار الطيبة ان شاء الله ،،، ولا تنسوني من صالح دعائكم ،،،
:icon31:
 

some1

New member
معلومات some1
إنضم
28 سبتمبر 2006
المشاركات
7,559
مستوى التفاعل
2
النقاط
0
الإقامة
Abu dhabi
رد : ساعديني يا دكتورة ناعمة

والله حبيتبي إني أدعي لك من اعماق قلبي ، و آسفة ما كان قصدي شيء من سؤالي عن الحمل ولكنه كان مجرد استفســـار عن السبب ،،،

ربنا يعطيكي الذرية الصالحة حبيبتي ،،،،،
:icon30: :icon30: :icon30: :icon30: :icon30: :icon30: :icon30: :icon30:
 

Sun_Shine

New member
معلومات Sun_Shine
إنضم
30 أكتوبر 2006
المشاركات
84
مستوى التفاعل
0
النقاط
0
وينج يا دكتورة ؟؟؟؟؟ :e052:

انا ناطرتج من زمان وللحين ما رديتي علي !!!!!! :e076:

والله انا تعبانة ومحتاجة لاستشارتج ورايج :icon1366:

حبيبتي ارجوج ردي علي باسرع وقت .. انا حامل وتعبانة نفسيا وجسمانيا

سلامي وقبلاتي :a194: لك يا دكتورتنا الغالية
 

Sun_Shine

New member
معلومات Sun_Shine
إنضم
30 أكتوبر 2006
المشاركات
84
مستوى التفاعل
0
النقاط
0
وينج يا دكتورة ؟؟؟؟؟

انا ناطرتج من زمان وللحين ما رديتي علي !!!!!!

والله انا تعبانة ومحتاجة لاستشارتج ورايج

حبيبتي ارجوج ردي علي باسرع وقت .. انا حامل وتعبانة نفسيا وجسمانيا :icon1366: :icon1366: :icon1366:

سلامي وقبلاتي :icon26: لك يا دكتورتنا الغالية
 

Sun_Shine

New member
معلومات Sun_Shine
إنضم
30 أكتوبر 2006
المشاركات
84
مستوى التفاعل
0
النقاط
0
حبيبتي دكتورة ناعمة

توني شفتج تردين على وحدة من الخوات بالمنتدى

الله يعافيج شوفي مشكلتي

وانا ودي اتصل وآخذ استشارة هاتفية عن قريب ان شا الله

بس ابي ردج المبدئي على مشكلتي

الله يعافيج
 

Sun_Shine

New member
معلومات Sun_Shine
إنضم
30 أكتوبر 2006
المشاركات
84
مستوى التفاعل
0
النقاط
0
السلام عليكم

شخباركم يا بنات يا حلوين ؟؟

انا تعبت من الانتظار ... شسوي عشان اخلي الدكتورة تشوف موضوعي !!!!!
 

Sun_Shine

New member
معلومات Sun_Shine
إنضم
30 أكتوبر 2006
المشاركات
84
مستوى التفاعل
0
النقاط
0
مساء الورد والنوير :a200:

على احلى دكتورة

ناطرة ردج على احر من الجمر :frown:

الله يفرجها علينا وعلى المسلمين
 

Sun_Shine

New member
معلومات Sun_Shine
إنضم
30 أكتوبر 2006
المشاركات
84
مستوى التفاعل
0
النقاط
0
[grade="00008B FF1493 008000 800080"]مساء الورد والفل

على الدكتورة الغالية

وينج يا دكتورتنا ؟؟؟؟؟ ناطرة ردج على احر من الجمر

اللهم فرجا من عندك قريب[/grade]
 

Sun_Shine

New member
معلومات Sun_Shine
إنضم
30 أكتوبر 2006
المشاركات
84
مستوى التفاعل
0
النقاط
0
اخواتي الحبيبات :a194:

اي وحدة فيكم تقرأ مشكلتي ودي تعطيني رايها ومشورتها حسب خبرتها في الحياة

انا حابة اعرف شنو الناس ممكن تتصرف اذا كانت في مثل حالتي

لا تبخلون علي بكلماتكم الحلوة :c018:

اختكم سن شاين
 

مكس

New member
معلومات مكس
إنضم
31 مايو 2011
المشاركات
135
مستوى التفاعل
0
النقاط
0
ياحياتي لله معيك ربك كريم الله يوسعلك
 

رازيا

~◦ღ( مميزة في قسم الإستشارات الزوجية )ღ◦
معلومات رازيا
إنضم
5 أغسطس 2010
المشاركات
11,180
مستوى التفاعل
18
النقاط
38
ليش رافعين الموضوع من 2006
 

من نحن ؟؟

موقع نسوة : هي شبكه عربيه تهتم بكل ما يخص المرآه وحياتها اليوميه يعمل منذ سنوات لمساعدة والمساهمه في انجاح كافة الامور الحياتيه للمرآه العربيه